27/10/2026
Ary ny sensibilisation ny olona mba tsy hampijaly sy hampitondra faisana ny alika sy ny biby, mba efa nojerena sy noraisinareo fepetra ihany koa ve, ry Kaominina?
Matoa misy alika manaikitra, dia mety misy antony mahatonga izany ihany koa. Mety ho noho ny tahotra, ny fiarovan-tena na ny fampijaliana mihatra aminy izany. Tsy midika akory anefa izany fa azo ekena ny fanaikiny, fa tokony hojerena ihany koa ny antony mahatonga azy.
Olon'Andriamanitra ianareo, ary sarobidy ny aina rehetra. Koa mangataka aminareo aho mba handinika tsara ny vahaolana raisina. Tsy tokony ho ny famonoana alika faobe no vahaolana voalohany, fa tokony homena lanja ny sensibilisation, ny vaccination faobe ary ny stérilisation faobe.
Eto Alasora dia misy fikambanana (associations) miezaka miaro ny biby, indrindra ireo alika mirenireny eny amoron-dalana, mba hisorohana ny toe-javatra mety hiafara amin'ny famonoana azy ireo. Koa manentana anareo aho mba handinika lalina ny lafy tsara entin'ny alika eto amin'ny fiarahamonina, fa tsy hijery azy ireo ho olana fotsiny.
Raha ny olombelona aza, mbola maro no tsy manan-kialofana sy sahirana mitady izay hivelomana, koa nahoana no ny alika mirenireny indray no hirosoana amin'ny famonoana faobe, nefa mbola misy vahaolana hafa azo dinihina sy ampiharina?
Averiko indray: olon'Andriamanitra ianareo, ary sarobidy ny aina. Tsy ny famonoana no tokony hatao vahaolana mora indrindra. Misy fomba hafa azo atao, ary mino aho fa mbola azo atao ny mitady vahaolana mifanaraka amin'ny fiarovana ny olona sy ny fiarovana ny biby.
Koa mangataka amim-panajana aminareo, ry Kaominina, mba handinika indray ity raharaha ity, hihaino ireo fikambanana miaro ny biby, ary hijery vahaolana maharitra sy maha-olona. Aoka tsy ho ny famonoana no ho safidy voalohany, fa ny fikarakarana, ny fisorohana ary ny fiaraha-mientana🙏
Chen Razakantsoa
⚠️ 𝗞𝗔𝗜𝗞𝗜𝗧𝗥𝗔 𝗔𝗟𝗜𝗞𝗔 : 𝗔𝗥𝗢𝗩𝗬 𝗡𝗬 𝗔𝗡𝗞𝗜𝗭𝗬, 𝗔𝗥𝗔𝗛𝗢 𝗠𝗔𝗦𝗢 𝗡𝗬 𝗔𝗟𝗜𝗞𝗔𝗡𝗔𝗥𝗘𝗢
Ankizy iray no voakaikitry ny alika tao 𝗔𝗺𝗯𝗼𝗱𝗶𝘃𝗼𝗻𝗱𝗮𝘃𝗮, ary nalefa haingana tany amin’ny Institut Pasteur Avaradoha rehefa avy noraisina tao amin’ny CSB2 Alasora.
Tao 𝗠𝗶𝗮𝗱𝗮𝗻𝗮, ankizy iray voakaikitry ny alika ihany koa no nodimandry tatỳ aoriana. 𝗡𝗲́𝗴𝗮𝘁𝗶𝗳 𝗻𝘆 𝗳𝗶𝘁𝗶𝗹𝗶𝗮𝗻𝗮 𝗵𝗮𝗿𝗼𝗺𝗼𝘁𝗮𝗻𝗮 nataon’ny Institut Pasteur taminy. Miara-miory amin’ny fianakaviany izahay.
📢 Entanina ny tompon’alika mba 𝗵𝗮𝗻𝗮𝗿𝗮-𝗺𝗮𝘀𝗼 𝗻𝘆 𝗮𝗹𝗶𝗸𝗮𝗻𝘆, 𝗵𝗮𝗻𝗮𝗼 𝘃𝗮𝗸𝘀𝗶𝗻𝘆 𝗮𝘇𝘆 𝗶𝗿𝗲𝗼 ary 𝘁𝘀𝘆 𝗵𝗮𝗺𝗲𝗹𝗮 𝗮𝘇𝘆 𝗵𝗶𝗿𝗲𝗻𝗶𝗿𝗲𝗻𝘆.
Handray fepetra momba ny alika mirenireny tsy misy mpiahy ny Kaominina, ka hampahafantarina mialoha ny antsipiriany.
Mirary fahasitranana haingana ho an’ilay zaza ao Ambodivondava.