Why Vegetarian?

Why Vegetarian? शाकाहारी नै किन? स्वस्थ तन, मन धन सिर्जित गर्न ।

तपाईको लागि केहि शब्द०००००० जन्मसिद्ध शाकाहारी हुने कमै मात्र हुन्छन् । प्राय: सानैदेखि मासुजन्य भोजनले हुर्कदै आएका हामीहरु, यहि मासुको कारण विभिन्न रोगले ग्रस्त भएर कति रोगी जीवन गुजार्दै छन् भने कति समय नपुग्दै जीवन गुमाउँदै पनि छन् । मासुजन्य पदार्थ कति हानीकारक छन् र यसले के कस्तो मानव शरीरलाई हानी गर्दैछन् भने कुरा बेला बेलामा शोधकर्ता डाक्टरहरुले मासुको हानीबारेमा आफ्नो प्रतिवेदन मार्फत् प्रस्तुत गरिरहेका छन् । हामी हाम्रो स्वास्थलाई सहि तन्दुरुन्त गर्नका लागि शाकाहारी जीवनयापन गर्न सके अति उत्तम हुनेमा कुनै शंका छैन । हामी यस पेज मार्फत शाकाहारी हुनुको फाइदाबारे जानकारी दिनेछौं । तपाइँहरुसँग पनि जानकारी भएमा हामीलाई पठाउनुहोस् । धन्यवाद ।

07/11/2019

बलिउडमा शाकाहारीको लहर
-----------------------------
मानिसको खानेकुरामा कसैले विवाद गर्नु हुँदैन भनिन्छ, तैपनि त्यस्तो विवाद भैरहन्छ । यस्तो विवाद प्राय: गरेर शाकाहारी वा मांसाहारी कुनचाहिं खाना राम्रो हो भन्ने कुरामा हुन्छ । कतिपय मानिस जन्मजात शाकाहारी हुन्छन् भने कतिपय समयसँगै मांसाहार त्यागेर शाकाहारी बन्छन् । यसरी शाकाहारी बन्नेमा नाम चलेका अभिनेता–अभिनेत्रीहरू पनि छन् । कुरा बलिउडको हो ।

बलिउडका अधिकांश कलाकार मांसाहारी नै हुन् । तैपनि बलिउडका केही ठूला नाम भने शाकाहारी छन् । यस्तो नाममा सबैभन्दा अगाडि आउँछन्– अमिताभ बच्चन । अमिताभलाई फलो गर्ने शाकाहारी अभिनेतामा आमिर खान, शाहिद कपुर, आर माधवन, विद्युत जामवाल तथा जोन अब्राहम अग्रपंक्तिमा पर्छन् । यीमध्ये पनि विद्युत जन्मजातै शाकाहारी हुन् भने अरू कलाकार पछि शाकाहारी भएका हुन् ।

शाकाहारी हुने अभिनेत्री पनि कम छैनन् । यस्ता शाकाहारी अभिनेत्रीलाई करिना कपुरले नेतृत्व गरिरहेकी छिन् । करिनालाई पछ्याउने अभिनेत्रीहरूमा कंगना रनौत, सोनम कपुर, ज्याकलिन, सोनाक्षी सिन्हा, अनुष्का शर्मा, आलिया भट्ट तथा विद्या वालन छन् । यीमध्ये ज्याकलिन फर्नान्डिज जन्मजात शाकाहारी हुन् भने आलिया रणवीर कपुरको संगतमा आएपछि उनकी दिदी करिना कपुरबाट प्रभावित भएर शाकाहारी भएकी हुन् । शाकाहारी बन्ने पछिल्लो अभिनेत्री हुन्— अनुष्का शर्मा । उनी विराट कोहलीसँग विवाह गरेपछि मात्र शाकाहारी भएकी हुन् ।

साभारः साप्ताहिक

शाकाहारी भोजन खाने महिला बुढेसकालमा पनि स्वस...
04/11/2019

शाकाहारी भोजन खाने महिला बुढेसकालमा पनि स्वस्थ
-------------------------------------------
एजेन्सी। महिलाले जवानीमा धेरै मात्रामा फलफूल, सब्जी वा शाकाहारी खाना खाएमा उनी बुढि हुदा पनि स्वस्थ रहने एक अध्ययनले देखाएको छ।अध्ययनले भनेको छ फलफूल, सब्जी वा शाकाहारी खानाले महिलाको स्वास्थ्यमा विशेष प्रभाव राख्दछ तर पुरुषमा भने यसले खासै महत्व राख्दैन। यस बिषयलाई लिएर वैज्ञानिकहरु चिन्तित देखिएका छन्।

अमेरिकाको कोरोनरी आर्टिलरी रिस्क डेभ्लोप्मेन्टको रिसर्चका अनुसार महिलाले युवा अवस्थामा फलफूल, सब्जी अवथा शाकाहारी खाना खानाले उनीहरुको मुटु २० बर्ष पछि पनि त्यति नै स्वास्थ्य रहने जनाएको छ।महिलाहरुको मुटु तथा नाडीसँग सम्बन्धित रोगहरुबाट पनि बच्न सकिन्छ।तर अचम्म लाग्दो कुराचाहिँ पुरुषमा भने सो अनुरुप फलफूल तथा सब्जी खाएर पनि यस्तो प्रभाव नदेखिएको उक्त सोधको प्रतिवेदनमा उल्लेख छ।

१९८० को दशकबाट शुरु गरीएको उक्त अध्ययनमा १८ देखि ३० सम्मका दुई हजार पाँच सय ८ जना युवा तथा युवतीको खान पिनलाई अधार मानेर गरीएको अनसन्धान थियो। दुई तिन दशक पछि जब खान पिनको हिसाबले उनहरुको मुटु परीक्षण गरियो तब थाहा भयो कि मांसाकारी खाने महिलाहरु भन्दा शाकाहारी खाने महिलाहरुमा ज्यादा स्वस्थ रेहेको पाइएको छ।जुन महिलाले २० देखि २५ बर्ष सम्म धेरै फलफूल र तरकारी खाएर अरु महिलाको तुलनामा स्वस्थ्य देखिए।

अनुसन्धानकर्ता मिशेल मिडेमाका अनुसार, "अनुसन्धानले यो पुष्टि गर्छ कि रोगहरुको विकास जीवन भर चल्ने प्रक्रिया हो। यसलाई जवानीमा स्वस्थ खानेकुरा खाएर कम गर्न सकिन्छ। अनुसन्धानलाई हेरेर हामि भन्न सक्छौ हामि कस्तो खानेकुरा खाएर स्वास्थ्य रहन सक्छौ भनेर।"

तर अनुसन्धानमा लिएका ३७ प्रतिशत पुरुषहरमा फलफूल, सब्जी वा शाकाहारी खाना खाए पनि महिला जस्तो सकारात्मक प्रभाग नपरेको उक्त प्रतिवेदनको ठम्याइ छ।अनुसन्धाकर्ता टोलीकी एक सदस्य मिडेमा बताउछिन," ज्यादा डाइट पुरुषहरुका लागि कम रक्षत्मक हुने तथ्य अरु धेरै अध्ययनबाट पनि पुष्टि भइसकेको छ।तर आज सम्म पनि जीव विज्ञानको यो लिला बुझ्न सकिएको छैन की पुरुषहरुमा कमी किन हुन्छ भनेर?"

वैज्ञानिक पुष्टि भएका मांसाहारका हानिहरू--------...
22/09/2019

वैज्ञानिक पुष्टि भएका मांसाहारका हानिहरू
----------------------------------------------
मांसाहार गर्नाले हृदयाघात हुने खतरा २३ गुणा अधिक हुन्छ ।
मांसाहारले कोलेस्ट्रोलको स्तरलाई बढाएर खतराको सीमासम्म पु¥याउँछ ।
क्यान्सरका ८०% रोगीहरू मांसाहारी हुने गर्दछन् ।
मांसाहारले क्रोध बढाउने हार्मोनको द्रूत गतिमा वृद्धि गर्दछ ।
मांसाहारले सबै किसिमका रोगव्याधिहरूको खतरा बढाउँदछ ।
मांसाहारले हिंस्रक, स्वार्थी र भोगवादी विचार बढाउँछ ।
मनुष्यको पेट, आन्द्रा र कलेजोको कार्यप्रणाली पूर्णतः शाकाहारी जीवजन्तुको जस्तो हुन्छ । मांसाहारीले शाकाहारीको भन्दा १००० गुणा अधिक पानी खर्च गर्दछन् ।

शाकाहारीको उदाहरणीय इतिहास
-----------------------------------
इतिहासका ९० प्रतिशत मुगल बादशाहहरू शाकाहारी थिए ।
आजसम्म जति पनि वैज्ञानिकहरू भए, तीमध्ये ९५ प्रतिशत शाकाहारी थिए ।
संसारका ९८ प्रतिशत समाजसेवीहरू शाकाहारी छन् ।
अमेरिकामा हरेक वर्ष २० प्रतिशतका दरले मानिसहरू शाकाहारी हुँदै छन् ।
अमेरिकी समाजमा क्याम्पस पढ्दै गरेका करिब १८ प्रतिशत विद्यार्थीहरू शाकाहारी छन् ।
हरेक वर्ष भोकमरीले विश्वभरिमा जति मानिसहरू मरिरहेका छन्, यदि शाकाहारी जीवनशैली सिकाउने हो भने तीमध्ये ३५,००० मानिसको ज्यान बचाउन सकिन्छ ।
जीवनमा उच्च सफलता हासिल गरी प्रसिद्धि कमाएका विगतदेखि वर्तमानसम्मका सफल व्यक्तिहरूमध्ये ८० प्रतिशत व्यक्तिहरू शाकाहारी छन् ।
विश्वको कूल शाकाहारी जनसङ्ख्यामध्ये छिमेकी राष्ट्र भारतमा मात्रै ७० प्रतिशत शाकाहारीहरू बसोवास गर्दछन् ।
एक पाउन्ड (४५३ ग्राम) मासु उत्पादन गर्नलाई १६ पाउन्ड अन्नपात उब्जाउन पुग्ने मल, जल र शक्ति खपत हुन्छ ।

रेशाशुन्य आहार
------------------
हाम्रो पेट र आन्द्राले जति रेसादार खानेकुरा पायो, त्यति सजिलो पाचन कार्य गर्न सक्षम हुन्छ । मांसाहार रेसाहीन खाद्य हो । मनुष्यको बनावट मांसाहार अनुकूल हुँदैन । तसर्थ, मांसाहार सेवन गर्नाले त्यो आन्द्रामा गएर सड्नकुहिन थाल्दछ, जसबाट करोडौं सङ्ख्यामा प्याथोजेनिक कीटाणुहरू उत्पन्न हुन्छन् । ती कीटाणु रक्तसञ्चार प्रणालीमा प्रवेश गर्छन् र रगतलाई प्रदूषित गरी उपयोगी कोषिकाहरूलाई हानि पु¥याउँछन् । त्यसैले, मांसाहारी व्यक्तिको रगत सँधै प्रदूषित हुन्छ । जसका कारणले अर्ष, हर्निया, अतिसार , एपेन्डिसाइटिस तथा कतिपयमा गर्भाशय, डिम्बग्रन्थी , आमाशय , आन्द्राको क्यान्सरसमेत उत्पन्न हुन्छ ।
अक्सफोर्ड विश्वविद्यालयका क्यान्सर रिसर्च बेलायतको इपिडिमियोलोजी युनिटमा आवद्ध डाक्टर टिमकाई एवम् सहयोगीहरूले ६१,००० व्यक्तिमाथि १२ वर्षको लामो अवधिसम्म शोधकार्य गरे । उक्त महत्त्पूर्ण शोधको नतिजाअनुसार जुन व्यक्ति शाकाहारी हो, उसलाई मांसाहारीको तुलनामा रगतसम्बन्धी रोग ल्युकेमिया हुने आशङ्का ४५ प्रतिशत कम हुन्छ । साथै, क्यान्सरको डर १२ प्रतिशत कम हुन्छ ।
प्रस्तुतिः त्रिचन्द्र प्रतीक्षा

25/01/2019
बबनपुरका गोठालाहरु - हेर्ने कथा अंक १३ - Babanpurka Gothalaharu - Herne Katha Episode 13

पुरै गाउँ शाकाहारी००००
बर्दियाको बाँसगढी नगरपालिकाको बबनपुर । यादब गाउँ । पुरै गाउँ शाकाहारी । माछामासु खाने त परको कुरा गाउँमा हाँस कुखुरा र बाख्रा समेत कसैले पाल्दैनन् । सबैका गोठमा गाई भैंसी मात्र छन् । गाई भैंसी पाल्नु नै यो गाउँको पुर्ख्यौली पेशा हो ।
https://www.youtube.com/watch?v=HX6puwP3VEA

Support Herne Katha on Patreon: https://bit.ly/2BrQzlQ बर्दियाको बाँसगढी नगरपालिकाको बबनपुर । यादब गाउँ । पुरै गाउँ शाकाहारी ।माछामासु खाने त परको...

01/01/2019
शाकाहारी भोजनले बनाउँछ मानिसलाई बुद्धिमान ----...
10/12/2018

शाकाहारी भोजनले बनाउँछ मानिसलाई बुद्धिमान
-------------------------
काठमाडाैं । मासुमा पाइने तत्वका कारण मासु चाँडै पच्दैन । जबकि शाकाहारी खाना चाँडै पच्छ । शाकाहारी भोजनमा रोगसंग लड्ने क्षमता हुन्छ । साथै यसले मानिसलाई बुद्धिमान बनाउँछ ।

तरकारीमा भिटामिन, एन्टिअक्सिडेन्ट, एमिनो एसिडजस्ता अति आवश्यक तत्व पाइन्छन् । शाकाहारी भोजनमा प्रोटिन, कार्बोहाइड्रेटजस्ता तत्व पाइन्छन्, जो स्वास्थ्यका लागि लाभदायी मानिन्छन् । यस्तै, फाइबर, क्यालोरी, भिटामिन पाइन्छन्, जसले विभिन्न रोगबाट मानिसलाई बचाउँछ । शुद्ध शाकाहारी भोजन गर्ने व्यक्तिलाई मुटु रोग, पेट तथा फोक्सोको क्यान्सर हुने सम्भावना कम हुन्छ । अनुसन्धानबाट शाकाहारीलाई स्तन क्यान्सरको खतरा पनि कम हुने देखाएको छ । मिर्गौलाको समस्या भएकालाई पनि शाकाहारी भोजन लाभदायी हुन्छ । यसले मानिसको आयु लम्ब्याईदिन्छ ।

मासु खाँदा प्राप्त हुने तत्व वनस्पतीबाट पनि पाइन्छ । उदाहरणका लागि माछा, मासु र अण्डाबाट प्राप्त प्रोटीन वनस्पतीबाट पनि पाइन्छ । शाकाहारीमा मुटुमा रगत प्रवाह गर्ने धमनीसंग संबन्धित समस्या हुने सम्भावना कम हुन्छ । उनीहरुमा कुल तरल कोलेस्टेरोल तथा कम घनत्ववाला लिपोप्रोटीन कोलेस्टेरोलको मात्रा कम पाइन्छ । तर, उच्च घनत्ववाला लिपोप्रोटिन कोलेस्टेरोलको मात्रा भने तपार्इं कस्तो खालको शाकाहारी भोजन ग्रहण गर्नुहुन्छ भन्नेमा भर पर्छ । यस्तै, यस्ता व्यक्तिमा उच्च रक्तचाप हुने सम्भावना

मांसाहारीको तुलनामा कम हुन्छ । उच्च रक्तचाप तौल र नुन सेवनमा निर्भर गर्दैन । शाकाहारीलाई मिर्गौलाको समस्या कम हुने सम्भावना हुन्छ । पिसाबद्वारा प्रोटीन निस्कनु, कोशिकाद्वारा रगत छान्ने गति, रक्तसञ्चार तथा मिर्गौलासंग संबन्धित विकार मांसाहारीको तुलनामा शाकाहारीमा कम पाइन्छ ।

अमेरीकन मेडिकल एसोसिएसनको इन्टरनल मेडिसिन जर्नलमा ७० हजार मानिसमाथि गरिएको अनुसन्धानको निष्कर्ष भनिएको छ– ‘मृत्युदर घटाउन शाकाहरी भोजनले बढी सहयोग पु¥याएको देखिन्छ । अनुसन्धानकर्ताका अनुसार शाकाहारी भोजनले मेटाबोलिन सिन्ड्रोम, उच्च रक्तचाप, इसेमिक हर्ट डिजिज, मधुमेहलगायतका कैयौं दीर्घ रोगको सम्भावना कम हुन्छ ।
साभारः न्यूज२४नेपाल

Address

Newroad
Kathmandu
44601

Alerts

Be the first to know and let us send you an email when Why Vegetarian? posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Why Vegetarian?:

Videos

Category

Nearby pet stores & pet services


Other Veterinarians in Kathmandu

Show All