Nerdy Vet Nurse

Nerdy Vet Nurse Contact information, map and directions, contact form, opening hours, services, ratings, photos, videos and announcements from Nerdy Vet Nurse, Veterinarian, Hong Kong.

31/05/2026

❓❓點解要切藥？點樣切？有咩要注意？💊

#香港獸醫姑娘 #動物護理教育 #獸醫 #寵物護理 寵物醫療 寵物日常

好似人一樣，汪汪同喵喵都都可以患上牙周病，呢個係漸進性嘅口腔健康問題。我哋今日會同大家介紹吓牙周病嘅四個階段，講吓定期牙齒護理對我哋寵物嘅重要性。階段 1：牙齦炎（Gingivitis）牙周病嘅第一階段就係牙齦炎。起因係牙菌斑（Plaque...
29/05/2026

好似人一樣，汪汪同喵喵都都可以患上牙周病，呢個係漸進性嘅口腔健康問題。我哋今日會同大家介紹吓牙周病嘅四個階段，講吓定期牙齒護理對我哋寵物嘅重要性。

階段 1：牙齦炎（Gingivitis）
牙周病嘅第一階段就係牙齦炎。起因係牙菌斑（Plaque）：一種黏黏嘅細菌膜積聚喺牙齒表面同牙齦線。牙菌斑入面嘅細菌會釋放出毒素，刺激牙齦發炎同變紅。常見嘅徵狀包括口臭、牙齦血腫，同埋刷牙或咬嘢嗰陣輕微出血。主人可能會見到牙齦最貼牙嘅地方有條紅線。

階段 2：早期牙周炎 （Early Periodontitis）
如果唔去護理牙齒（刷牙）同減少牙菌斑，牙齦炎就會惡化成為早期牙周炎。呢個階段，發炎會擴散到牙齦下面，形成牙周袋（Periodontal Pockets），仲會造成骨頭同軟組織流失，原本佢哋係固定牙齒嘅結構，牙齒就會變得鬆動。呢啲牙周袋會困住更多嘅細菌同食物殘渣，加劇情況惡化。感染惡化時，牙齦紅腫會更加嚴重，寵物會感受到輕微至中度嘅痛楚。主人可能會留意到寵物食嘢唔舒服，或者個口好敏感，拒絕刷牙。

階段 3：中度牙周炎（Moderate Periodontitis）
中度牙周炎係牙周病嘅下一階段，特徵係個感染愈嚟愈嚴重，同埋支持牙齒嘅組織損壞。啲牙周袋變得愈嚟愈深，細菌會到達牙根同周圍嘅骨頭。咁樣導致牙齒同支持結構會嚴重分離，牙齒鬆動，某啲情況可能會形成膿瘡（Tooth root abscess）。主人一定會留意到更明顯嘅徵狀，包括嚴重口臭、出血牙齦、甩牙，同埋有時唔想食嘢或咬玩具。

階段 4：晚期牙周炎 （Advanced Periodontitis）
晚期牙周炎係牙周病最後同最嚴重階段。去到呢個地步，支持牙齒嘅組織、韌帶同骨頭已經被大規模破壞。好多嘅牙齒都鬆脫甚至已經甩咗，口腔會留下痛性潰瘍同感染。慢性痛、食嘢困難、體重減輕係好常見。嚴重嘅情況下，口腔嘅細菌可以進入血管，影響埋其他器官，引起全身健康問題。

好多汪汪同喵喵就算牙周病好嚴重，可能都冇明顯好痛嘅徵狀。主要係同佢哋嘅本能同天性有關——野外如果汪汪同喵喵顯弱，可能會俾群體遺棄或被捕獵者盯上。所以好多動物就算嚴重牙周炎，都只係輕微或無痛嘅徵狀，好少會因為牙痛而完全停食，但咁樣唔代表無問題或者真係唔痛！都真係痛㗎！

預防同治療：

牙周病絕對係可以預防同控制，只要適當護理！：

1. 定期牙齒檢查：每次見獸醫都順便進行牙齒檢查，獸醫評估口腔健康，及早發現牙周病徵狀同學習正確做護理

2. 家居牙齒護理：為寵物建立日常家居牙齒護理嘅習慣。可以用動物專用嘅牙刷同牙膏每日刷牙，如果可以直接用手指抹牙齒表面就更好（可以直接清除牙菌斑），將牙菌斑大大減低就可以預防牙齦炎。另外，有牙齒零食同水添加劑都可以幫手維持口腔衛生。

3. 全面口腔健康評估同治療（COHAT）：呢個係麻醉下進行評估，前後進行牙科 X光檢查，同埋完整口腔檢查，包括專業清潔同刮除牙菌斑同牙石、剝咗有問題嘅牙齒、拋光平滑牙面防止牙菌斑積聚。只要主人可以堅持而且寵物配合每日刷牙，大多數汪汪同喵喵應該成世人唔使做好多次 COHAT，實際視乎個別情況而定。

🧑🏻‍⚕️ Want to be a VET? 👩🏻‍⚕️ for Form 3 to Form 6 Students老老實實，你哋細個有無諗過讀獸醫、做獸醫？以前獸醫無咁普及，幾乎你帶狗仔貓仔去睇醫生見到嘅都係外國人獸醫，香港人獸醫只係佔...
18/05/2026

🧑🏻‍⚕️ Want to be a VET? 👩🏻‍⚕️ for Form 3 to Form 6 Students

老老實實，你哋細個有無諗過讀獸醫、做獸醫？

以前獸醫無咁普及，幾乎你帶狗仔貓仔去睇醫生見到嘅都係外國人獸醫，香港人獸醫只係佔好少數。因為以往香港本地並無獸醫學位，要讀就要飛出香港，而且學費仲要唔平……對好多家庭嚟講都係一種負擔。

但隨著呢個行業愈來愈蓬勃，養寵物嘅人愈來愈多，受教育知道寵物病咗要睇醫生嘅人愈來愈多，診所愈開愈多……對於獸醫嘅需求同質素便愈黎愈高。加上通訊、資訊嘅發達，去外國讀獸醫都好似唔係咁遙不可及……甚至乎香港都已經開辦香港嘅獸醫教育。所以，而家想成為獸醫已經不是夢喇！

而家更加幸福嘅係，當年飛出國際既人類而家都學有所成返返嚟喇！有時同佢哋傾開計，佢哋都有個不謀而合嘅感慨，就係：「其實由當年好想讀獸醫，到讀完，到出黎做嘢，先發現原來同想像有啲唔同……」嗰種唔同係好？定係壞？人人都有唔同嘅感覺。如果你哋係中三至中六學生、或者鄰居個仔，或者你地哋識嘅小朋友係好想讀同做獸醫，不妨試下聽聽一啲過來人嘅分享：例如唔同國家嘅獸醫課程如何？學習方式如何？各國工作文化有何不同？獸醫搵幾多錢？ 工作面對咩困難？有咩開心？有咩唔開心？有咩壓力？等等……

今次Nerdy Vet Nurse 同HKMA 又再攜手合作，為想成為獸醫嘅年青人解惑。我哋請咗Dr. Joanna Lee (Royal Veterinary College) , Dr. Damien Cho (University of Sydney) , Dr Sharon Ku (University of Cambridge) 同埋 Dr. Felix Yau (City University) 為我哋講解下佢哋成為獸醫嘅心路歷程。除咗分享之外，我哋仲預備咗好多唔同嘅活動俾大家㗎！例如檢查動物、急救、手術縫合、辯論大會等等。

記住，有一利必有一弊，呢個世界唔會有一份工係淨係開心，快樂，準時收工無壓力又搵到錢，尤其呢啲一讀就可能要commit 一世嘅職業……所以知道多啲一定係一件好事！ 快啲click入去HKMA了解多啲詳程同報名啦！
—————————————————————————————
日期：2026年7月27日至2026年7月31日
時間：10am - 1pm
地點：HKMA （香港管理專業協會）香港中環紅棉路8 號東昌大廈14 字樓

Vet Intro:
🧑🏻‍⚕️Dr. Damien Cho,
Bachelor of Veterinary Biology and Veterinary Medicine
🎓From: University of Sydney

👩🏻‍⚕️Dr. Joanna Lee
BVetMed, CertVetAcu, MANZCVS (Surgery) CertAVP, MRCVS, RCVS Advanced practitioner in small animal surgery
Co-founder of Westland Animal Hospital
🎓From: Royal Veterinary College, University of London

🧑🏻‍⚕️Dr. Felix Yau
Bachelor of Veterinary Medicine
🎓From: City University

👩🏻‍⚕️Dr. Sharon Ku
Master of Arts (Zoology)
Bachelor of Veterinary Medicine (VetMB)
🎓From: University of Cambridge

-—————————————————
HKMA x Nerdy Vet Nure - Want to be a Vet: Taster Programme for Vet Study
👇👇課程詳情及報名link👇👇
https://linktr.ee/nerdyvetnurse

點解要種菌？喺好多情況吓我哋都會做種菌，咁咩係種菌？種菌又叫做「細菌培養 + 藥敏測試」（Culture & Susceptibility/ Sensitivity），以下簡稱 C&S。C&S 係當我哋面對細菌感染時會做嘅一種化驗，亦係最穩...
15/05/2026

點解要種菌？

喺好多情況吓我哋都會做種菌，咁咩係種菌？種菌又叫做「細菌培養 + 藥敏測試」（Culture & Susceptibility/ Sensitivity），以下簡稱 C&S。C&S 係當我哋面對細菌感染時會做嘅一種化驗，亦係最穩陣嘅方法，先知汪汪同喵喵到底係俾邊種菌感染，最重要嘅係邊隻抗生素真係可以有效地處理呢種菌。

抗藥性

將細菌想像為一堆小怪獸，而一隻汪汪嘅傷口就已經可能有幾億隻細菌，呢啲細菌雖然可能係同一個品種，但其實每個細菌就個體之間嘅基因都會有一啲微小差異（叫「自然變異」）。

由抗生素啱啱面世時，原本全部菌都怕藥，抗生素一打落去 → 99.999% 細菌即刻死晒。然而，總有極少數（亂噏例如 100 萬隻入面有 1–2 隻）因為基因變異，天生對呢隻抗生素有少少抵抗力 → 佢哋死唔晒。當用完藥之後，個環境就淨低嗰 1–2 隻「變種」。
佢哋好似中咗六合彩咁，開始瘋狂繁殖，幾日之內又變返幾億隻，而且全部都遺傳咗「我唔怕呢隻藥」嘅基因。由於仲未好返，所以唯有換第二隻抗生素落去 → 又再殺死 99.999%，但又可能有 1–2 隻剛好對第二隻藥又有抵抗力 → 佢哋又變大佬。經過幾輪「藥物大屠殺」之後，終於出現一隻細菌，佢乜抗生素都唔驚，即係我哋養咗超強勁嘅超級惡菌出嚟。

細菌繁殖嘅速度係好快，佢哋除咗可以以分裂法繁殖之外，仲識得「交換基因」——一隻抗藥菌可以好似 airdrop 咁，將抗藥基因直接過畀隔離隻菌（質體轉移）。而我哋用藥越多，篩選壓力越大，細菌嘅演化就越快。抗藥性唔係因為細菌「變聰明」，而係我哋用藥方式畀佢「達爾文自然篩選」嘅機會。

所以抗生素用得越亂、越廣譜、越唔食晒個療程，個篩選情序就越快，超級菌出世就越早。呢個唔係淨係喺動物身上發生，而係全球生物嘅問題同危機，屬於 Public Health。以前簡單搞得掂嘅小傷口、尿道炎、皮膚感染，而家甚至將來可能會變成無藥可醫。

所以要 C&S

基於以上原因，啱藥、啱劑量、啱間隔，令藥喺感染位置夠濃度先可以剷除感染。唔跟呢個原則，就等於幫細菌練功，鍛鍊出抗藥性＋醫唔好。

如果肯定有感染，好多時獸醫喺報告出嚟之前就開藥，呢個時候就會揀「最有機會啱」嘅藥嘗試先控制感染，而拎到 C&S 報告之後根據報告結果有可能需要換藥或者延長療程。而由於抗生素抗藥性日益嚴重，有啲個別個案甚至停藥之後要再做 C&S，確保已經完全剷除感染。

而因為要用到抗生素，都會影響我哋拎 Sample 嘅方式或者有冇咩因素會影響報告嘅可信度。

1. 例如 Sample 嘅部位係咪有好多正常菌叢或污染物 → 做嚟都冇意思，例如大便

2. 某啲菌好嬌貴，唔係咁易養得大（厭氧菌、結核菌等）

3. Sample 受到污染，例如病人自行痾出嚟嘅小便可能接觸到皮膚、環境，受污染 Sample 種出嚟嘅報告就有機會唔準而開唔到正確嘅藥；所以醫生會 Prefer 小便種菌係直接由膀胱中抽（Cystocentesis）

最基礎嘅 C&S 報告會先話俾我哋知有無種到細菌、量有幾重，一張 List of 抗生素，當中會有「S / I / R」，S 係 Susceptible（敏感） / I 係 Intermediate（中度） / R係 Resistant（耐藥）。而根據 S / I / R，獸醫就會跟報告先選用副作用最少嘅抗生素，唔會一下子用到「好勁」嘅藥。

然而，如果張 List 得 I/R，咁就係壞消息喇，我哋只能退而求其次用 I 嘅藥，即係可能可以有效，呢類型嘅 Case 病人係需要定時覆診同再 C&S，直至感染清除。但好多時 I/R，或 R 居多嘅 Case，都需要再 Top up 化驗，化驗所都可能會作出建議，例如做 MIC- Minimum Inhibitory Concentration（最低抑菌濃度）；化驗所會使用唔同濃度嘅抗生素，睇到幾多濃度嘅抗生素先完全唔生菌 → 得出 MIC 值（最低抑菌濃度）。做 MIC 當然係會貴啲，所以有原因的。

唔好睇少小感染，亂用藥係可以造成超級細菌。以前抗生素可以好簡單喺藥房都可以買到，但由於牽涉到 Public Health，所以法例都管得愈來愈嚴，唔可以咁易買到，喺唔需要嘅 Case 都唔會亂用抗生素。而獸醫都唔可以亂配含有抗生素成份嘅藥物出去。好耐以前講過，有好多時診所堅持要睇醫生、持續跟進先可以出藥係有原因嘅。

姑娘班 - 《急診護理核心課程》 EM Combo急症其實非常廣泛，每一個 Case 都好 individual（個別化），而且可以變化得超快、非常 Dynamic。短短幾堂根本唔可能講晒所有急症狀況。所以今次我哋特別挑選咗幾個最核心、最基...
13/05/2026

姑娘班 - 《急診護理核心課程》 EM Combo

急症其實非常廣泛，每一個 Case 都好 individual（個別化），而且可以變化得超快、非常 Dynamic。短短幾堂根本唔可能講晒所有急症狀況。

所以今次我哋特別挑選咗幾個最核心、最基礎嘅題材。

希望透過呢幾堂，俾大家先掌握急症處理嘅重要理念同基本原則。至少當你喺臨床上遇到唔同急症時，至少可以做到「先穩住、唔慌張」，之後將來再喺學習其他急症時亦會更容易理解同上手。

無論你已經係做急症姑娘，定想加強自己急症能力，都非常歡迎參加！

我哋唔只教理論，更會結合工作例子，等你上完堂後真正「用得上」。

🔴A/ 2026年7月9日 1-4pm
🟠B/ 2026年7月15日 1-4pm
🟡C/ 2026年8月5日 1-4pm
🟢D/ 2026年8月12日 10am-5pm

❇️ 4堂全報package優惠價： $3500
❇️ 報2堂或以上discount：A-C: $800/堂 ；D: $1300/堂
❇️ 單堂報名：A-C: $900/堂 ；D: $1500/堂 （Early Bird* : A-C $850/堂；D $1350/堂）（2人同行：A-C $800/堂，D $1300/堂）

*Early bird限於開課日期14天或之前遞交之報名

Link in bio🔗
https://linktr.ee/nerdyvetnurse

Concept of Safe Anaesthesia (最實用，上一次終身受用既課程之一)麻醉係一個複雜嘅程序，涉及好多過程，包括對病人嘅評估、藥物同設備嘅準備、設備檢查以及團隊成員之間嘅多次溝通。至於觀察麻醉，偏偏呢一樣嘢就冇人好有系統...
11/05/2026

Concept of Safe Anaesthesia (最實用，上一次終身受用既課程之一)

麻醉係一個複雜嘅程序，涉及好多過程，包括對病人嘅評估、藥物同設備嘅準備、設備檢查以及團隊成員之間嘅多次溝通。至於觀察麻醉，偏偏呢一樣嘢就冇人好有系統咁樣去教導， 有時如果麻醉唔穩定真係會好緊張。 最常聽到黎上過麻醉堂嘅同學仔都會講：「原來係咁」、「 唔怪得知啦」…… 係呀， 其實控制一個安全穩定嘅麻醉，背後真係牽涉好多理論同埋知識，識少一樣都唔得架！ 如果你覺得自己對麻醉無太大認識，叫你跟麻醉你會好鬼緊張， 咁你絕對要黎上堂學習一下啦！

程度： 只開放予在職獸醫護士
日期： 2026年6月16日
時間： 下午1時至下午6時
講師： Jan Wan
語言： 粵語教學，英文筆記
課程費用： $1,600
課堂人數：5人

課程費用：＄1600（Early Bird* $1500；2人同行 每人減$30）
*Early bird限於開課日期前14天遞交之報名

課程內容
🩺麻醉原理（麻醉目的，麻醉的不同階段，麻醉藥物）
🩺麻醉設備（麻醉機、麻醉迴路）
🩺麻醉監測（麻醉監測設備、中樞神經系統監測、心血管系統監測、肺循環系統監測）
🩺麻醉問題、不穩定性和故障排除
🩺病人由麻醉回復

如果您有任何進一步的疑問，請隨時與我們聯繫。
Whatsapp: 5487 5297 Email: [email protected]
所有網上註冊將會有專人跟進。由於每班學生人數有限，您將會通過 WhatsApp收到確認信息有關付款和課程安排。

Link in bio🔗

機會嚟喇飛雲！🐶🐱成日都有主人問我哋幾時會開急救班，如果有上過我哋 Pet Emergencies 嘅同學仔就會知道點解我哋一直都冇開。但今次 HKMA 邀請咗我哋舉辦「寵物護理及急救基礎證書課程」，就會涉獵到寵物急救，有示範、教學同練習，...
03/05/2026

機會嚟喇飛雲！🐶🐱

成日都有主人問我哋幾時會開急救班，如果有上過我哋 Pet Emergencies 嘅同學仔就會知道點解我哋一直都冇開。但今次 HKMA 邀請咗我哋舉辦「寵物護理及急救基礎證書課程」，就會涉獵到寵物急救，有示範、教學同練習，等大家可以學習同體驗 CPR 心肺復甦係如何進行。

但當然，秉承 Nerdy Vet Nurse 嘅理念，齋學急救係無用的，預防寵物發生致命狀況同保持身體健康先係最緊要，所以今次嘅 Workshop 係會以 2 日嘅形式同大家一齊去深入了解一下「寵物護理同健康」嘅課題，例如行為學、營養學、日常護理同檢查、常見疾病等等，學識多啲，咁就萬無一失喇！ 無論你係新手定係經驗豐富嘅寵物主人，都可以喺呢2日嘅 Workshop 獲得可靠實用嘅飼養同急救知識㗎！

單元 1: 狗隻和貓隻的肢體語言及基本捕捉與控制技巧
- 狗隻的行為發展和肢體語言
- 正確接近狗隻的方式，控制狗隻的工具和使用方式
- 貓隻的行為發展和肢體語言
- 控制貓隻的工具和使用方式

單元 2: 狗隻和貓隻的健康護理
- 專業醫療保健建議(體內外寄生蟲的預防、疫苗及絕育)
- 寵物日常護理知識(餵藥、耳朵清潔及口腔護理)
- 動物生理及營養學

單元 3: 寵物基本健康與體徵檢
- 基本健康
（動物神態舉止/ 姿勢和步態/ 眼睛/ 耳朵/ 鼻子/ 口腔/ 腹部/ 爪子/ 尾巴/ 皮膚和皮毛）
- 體徵檢查
（黏膜/ 微絲血管填充時間/ 呼吸/ 心/ 水分/ 體溫）
- 常見寵物疾病，初步評估及治療

單元 4: 常見的緊急情況及緊急處理
- 猫狗基礎身體結構介紹，及常見寵物意外
- 緊急處理方法及如何使用急救包
- 嚴重出血及傷口處理 / 呼吸困難 / 尿道閉塞 / 攝取
- 毒物/癲癎/中暑/胃反轉
- 家居護理技巧及寵物安全原則

單元 5:基本生命支援 ( 基本急救 )
- 及早發現心肺驟停
- 施展胸外按壓，課堂練習為狗做心外壓急救 (CPR)
- 提供通氣，氣道管理

講者
Jan Wan
QVN (Cert IV), RVN (AVNAT VNCA), CertVNECC, ISFM DipFN,
FFCP (Veterinary), BLS/ ALS Certified Rescuer

報名詳情
日期： 2026年6月6日及6月13日 （星期六）
時間： 早上 10 時至下午1 時，下午2時至5時
形式： 香港管理專業協會（HKMA)，中環紅棉路8號東昌大廈14字樓
語言： 粵語教學，中文Notes
課程費用：HKMA 會員: HK$2,900；非會員: HK$3,400
( 早鳥優惠：2026年5月28日前申請可減 HK$400 )
（團體報讀優惠 * : 二人同時報讀可享團體優惠，每人可減 $200）

✴️✴️✴️✴️✴️✴️✴️✴️✴️✴️✴️

免費1小時講座 : 寵物急救知多少？
日期： 2026年5月23日
時間： 早上11時至下午12時
形式： 香港管理專業協會（HKMA)，中環紅棉路8號東昌大廈14字樓
語言： 粵語教學，中文Notes
費用：全免！

Pet Emergencies and What to Do?有啲寵物嘅緊急情況需要主人們立即做出反應，例如當你嘅汪汪或喵喵大量流血嘅時候，當然，喺依啲情況下，你會即刻聯絡獸醫。但係，其他問題呢？有啲情況係咪需要匆匆忙忙趕去醫院，例如輕微...
01/05/2026

Pet Emergencies and What to Do?

有啲寵物嘅緊急情況需要主人們立即做出反應，例如當你嘅汪汪或喵喵大量流血嘅時候，當然，喺依啲情況下，你會即刻聯絡獸醫。但係，其他問題呢？有啲情況係咪需要匆匆忙忙趕去醫院，例如輕微跛行或突然出疹？大多數緊急情況其實都需要獸醫護理，但有時作為主人都需要知道點樣喺到達獸醫診所前先穩定寵物嘅情況。重要嘅係要記住，即使你嘅寵物可能已經喺屋企接受咗初步嘅急救護理，但始終必須迅速由獸醫接手。喺期間，你嘅知識可能會幫助挽救你寵物嘅生命，直至到達獸醫診所。

日期：2026年6月20日（星期六）

時間： 上午10時至下午1時30 分
形式： 面授
講師： Jan Wan
語言： 粵語教學，英文筆記
課程費用： $ 900（2026年5月20日前報名 Early Bird $870）（2人同行 $850）
✴️同時報讀【寵物急症及如何處理】課程組合優惠價 $1550 （2人同行$1500）
課堂人數: 10人

課程優惠
👉 以優惠價$100換購Pet First-aid Kit (原價$120)
👉 報堂即可獲贈 Pet Health Record Card 一張

👩‍⚕️講師：Jan Wan
QVN (Cert IV), RVN (AVNAT VNCA), CertVNECC, ISFM DipFN,
FFCP (Veterinary), BLS/ ALS Certified Rescuer

課程內容
👉 嚴重出血 Severe Bleeding
👉 呼吸困難 Breathing Difficulties
👉 咽硬 Choking
👉 尿道阻塞 Urethral Obstruction
👉 毒物攝入 Poison Ingestion
👉 眼睛受傷 Eye Injury
👉 跛足和骨折 Lameness and Fracture
👉 嚴重嘔吐和腹瀉 Severe Vomiting and Diarrhoea
👉 蛇咬 Snake Bite
👉 癲癇發作 Seizures
👉 中暑 Heat Stroke
👉 胃擴張和扭轉 GDV－ Gastric Dilatation and Volvulus
👉 無意識 Unconsciousness

如果您有任何進一步的疑問，請隨時與我們聯繫。Whatsapp: 54875297 Email: [email protected]所有網上註冊將會有專人跟進。由於每班學生人數有限，您將會通過 WhatsApp收到確認信息有關付款和課程安排。

Link in bio
https://linktr.ee/nerdyvetnurse

一旦汪汪同喵喵被診斷出患有疾病就意味著需要治療，尤其一啲慢性疾病往往會令到主人不知所措。糖尿病、心臟病、慢性腎病同關節疼痛等疾病喺邊護理上都具有一定嘅挑戰性；而當主人喺家中為寵物進行治療時，見到寵物因疾病同治療時露出不適嘅表情時，更令佢哋嘅...
01/05/2026



一旦汪汪同喵喵被診斷出患有疾病就意味著需要治療，尤其一啲慢性疾病往往會令到主人不知所措。糖尿病、心臟病、慢性腎病同關節疼痛等疾病喺邊護理上都具有一定嘅挑戰性；而當主人喺家中為寵物進行治療時，見到寵物因疾病同治療時露出不適嘅表情時，更令佢哋嘅心情同壓力百上加斤。

其實，好多慢性病都可以通過特殊嘅飲食配方、處方藥物同居家護理嚟控制，但成功嘅關鍵係您點樣可有效地配合獸醫設定計劃同控制因照顧患有慢性病嘅寵物而產生嘅情緒壓力。呢個課程會教授有關唔同嘅慢性疾病護理嘅竅門，等你更輕鬆為您嘅寵物提供最好嘅護理！

日期：2026年6月13日（星期六）
時間： 上午10時至下午1時30 分
形式： 面授
講師： Navy Leung
語言： 粵語教學，中文筆記
課程費用： $ 720（2026年5月20日前報名 Early Bird $670）（2人同行 $650）
課堂人數: 6人

家居治療 Treatment and Home Caring

第一節：如何有效地餵藥，不同餵藥方法及示範
第二節：皮下注射（示範及練習）
第三節：皮下水注射 （示範及練習）
第四節：血糖監測與記錄
第五節：呼吸監測與記錄

如果您有任何進一步的疑問，請隨時與我們聯繫。
Whatsapp: 54875297 Email: [email protected]
所有網上註冊將會有專人跟進。由於每班學生人數有限，您將會通過 WhatsApp收到確認信息有關付款和課程安排。

Link in bio
https://linktr.ee/nerdyvetnurse

留言：「🙌🏻」 寵物急症及如何處理課程開班時將資料send俾你！寵物急症：5 大救命步驟香港人忙忙碌碌，好多時寵物急症室通常係三更半夜，因為放工返到屋企可能先發現寵物奇奇怪怪，好似有啲唔妥當。如果作為主人對急症唔認識或者無準備，寵物急症真係...
28/04/2026

留言：「🙌🏻」 寵物急症及如何處理課程開班時將資料send俾你！

寵物急症：5 大救命步驟

香港人忙忙碌碌，好多時寵物急症室通常係三更半夜，因為放工返到屋企可能先發現寵物奇奇怪怪，好似有啲唔妥當。如果作為主人對急症唔認識或者無準備，寵物急症真係會嚇死主人。但凡事有計劃到真正發生時就唔使咁慌亂，今日會同大家講講主人面對急症要注意嘅地方。

🚨乜嘢先算急症？
寵物唔識講唔舒服同痛，仲有保留野生觸覺嘅佢哋（尤其喵喵），仲會死頂唔出聲。所以首先如果觀察到寵物有一啲怪異行為其實就要留神：
🚨成日縮喺角落、精神差差地、活動量同平時比起差咗
🚨唔食嘢、胃口差咗、對平時鍾意嘅食物提唔起勁
🚨飲水 Pattern 改變：飲少咗/飲多咗好多
🚨流血、抽筋、暈低、狂喘氣、去唔到小便、突然腹漲等
以上呢啲都係急症紅燈，應該即刻出發搵獸醫！

出事要做啲咩？5 個關鍵步驟

1. 冷靜！

寵物出事主人會好慌張，但你一亂，幫唔到寵物之餘都會令寵物更驚。倒如寵物呼困難，全個家庭衝過去包圍佢只會令佢更加抖唔到氣。例如寵物正處於癲癇狀態，主人緊抱寵物、撫摸佢個頭，可能會被咬。

2. 即刻打電話！

如果急症發生喺日頭，你可以盡快聯絡你平時獸醫，睇吓可唔可以盡快治療，或者取得進一步嘅指引。但如果發生喺晚上，你就需要了解屋企附近有咩 24 小時嘅診所。而呢個工作唔應該係寵物出事時先去 Google，而係應該平時就要了解清楚，可以Research 吓 24 小時診所嘅地址、交通、服務、資訊等等；你最好亦都有張 List 係 24 小時診所嘅資料。

3. 安全出行

了解交通狀況同咩方式運輸都好緊要。市面上亦都開始有唔同嘅寵物救護車服務（Again 如果你想 Call 救護車你需要喺日常做多啲了解）。留意一下急症事件嘅性質，如果係有流血、有傷口、同眼睛相關等，你要先幫寵物戴返頭罩（Cone 型），以避免對周圍嘅人同寵物自己造成進一步創傷。

喵喵最好放入飛機籠同貓袋（千其唔好用求其一個袋或者環保袋）。成日有狀況係主人捉唔到喵喵入 Carrier，所以呢個都係需要平時同喵喵喺屋企練習㗎。之前都有講過，可以側開同開上蓋嘅飛機籠係最好嘅 Carrier。主人都可以鋪一條有主人氣味嘅毛巾會更好。

至於如果汪汪係可以自己行走，就要著好 Harness＋短繩，驚就用大毛巾包住佢同放佢入 Carrier。

至於受傷同痛嘅動物，你必須了解吓佢邊到痛，喺抱佢嘅時候特別小心唔好刺激到佢受傷嘅部位。另外最好 Limit 寵物嘅活動，唔好再俾佢走嚟走去，再一步創傷個受傷位置。如果係大型汪汪仲要行唔到，就要搵人幫手搬運，同早啲聯絡診所，到步後聯絡診所員工出嚟幫手搬運。

4. 帶齊資料

如果你寵物本身係有咩特殊嘅醫療情況、長期疾病、食緊咩長期藥物等等。你日常係應該好好咁記錄你寵物嘅病情、將有關嘅報告等整理好歸類好、如果要衝急症你應該要執定好晒佢食緊咩藥物（藥物本身、幾點食、食咗幾多等），帶齊晒去睇醫生。

另外如果寵物係中毒，你最好帶晒所有有關毒物嘅資料去診所，ingredient 係好好重要。或者視乎返事件性質，將相關嘅東西同資料都帶俾獸醫。

5. 千祈唔好自己亂俾藥！

動物鍾意亂食嘢，可能會誤食異物、有毒物質等等。網上同坊間有好多教主人屋企進行催吐嘅方法。但其實咁做係好危險，唔係樣樣嘢、個個 Condition 都可以催吐，唔合適嘅情況下催吐可能引至更嚴重嘅Complications。都係聯絡咗獸醫先，除非獸醫叫你做，亂嚟後果可以好嚴重。

幾時即刻要去急症？
（見圖13）

如果有興趣了解多啲呢啲急症，同即時處理方法，可以報讀我哋嘅 課程喇！

準備好緊要
你會發現我哋一路都想帶出一個訊息，就係準備實係好緊要，意外呢啲嘢話唔埋，發生起上嚟都可以好緊急，所以平時一定要了解吓啲相關資訊。而且唔淨係你自己，與寵物同住嘅屋企人都應該要識。仲有，要有心理準備，急症獸醫一定係會比日常貴，所以關於寵物嘅醫療費用、健康基金等平時都要諗諗。

最後，話明急症，即係「急」。控制呢啲醫療狀況係分秒必爭，去獸醫去得太遲係好影響治療嘅成功、Outcome 同醫療費用。如果對寵物健康有任何懷疑都應該盡快睇醫生，免得後悔。

Address

Hong Kong

Telephone

+85259357325

Website

Alerts

Be the first to know and let us send you an email when Nerdy Vet Nurse posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nerdy Vet Nurse:

Shortcuts

Share

Category