Dyrevenner Bak Hekken

Dyrevenner Bak Hekken Eg arbeider for auka velferd for kaninar, og forsørger kaninar som ikkje har hatt ein god start i livet. Vil du adoptere kanin? Meir informasjon om oss i bilder.

Du støtter oss ved å følgje, eller legge oss inn som grasrotmottakar.

23/06/2026

Drikkeflaske eller vannskål?

Vatn er heilt avgjerande for helsa til kaninar, og dei må alltid ha tilgang. Fordøyingssystemet er avhengig av eit jamt tilsig av mat og væske for å halde tarminnhaldet i rørsle. Det er også nødvendig for normal nyrefunksjon og for å halde urinen fortynna, noko som reduserer risikoen for urinstein og urinvegsproblem, noko kaninar generelt har høg risiko for. Men kva er best? Drikkeflaske eller skål?

Fordeler med vannskål:
🐰Kaninen drikker meir.
🐰Det gir ein meir naturleg drikkestilling .
🐰Skåla er lett å vaske.

Ulemper med vannskål:
🐰Vatnet kan bli fortare ureina.
🐰Skåla kan velte og vatnet renn då ut.

Fordeler med drikkeflaske
🐰Vatnet held seg reinare, dersom flaska er rein.

Ulemper med drikkeflaske
🐰 Kaninar som berre har tilgang til drikkeflaske kan bli frustrerte fordi vatnet kjem ut for seint.
🐰Kaninane drikker mindre.
🐰Unaturleg drikkestilling og stress for nakken.
🐰Flaska er vanskeleg å vaske.

Då er det ikkje tvil.
Skål er best. Ei tung og stødig skål veltar ikkje.

Men som med alt anna finst det unntak. Når eg får ny kanin pleier eg å henge opp ei flaske, for det er ofte det dei er vande med, men også vannskål sjølvsagt. Nokre bruker tid på å lære at vannskål er betre også fasar vi sakte ut drikkeflaska.

Eg har mange vannskåler rundt omkring, men eg har også drikkeflaske.
Det er ingen krise å ha så lenge kaninane veit det er eit alternativ. Eg hadde eigentleg ikkje trengt det no, fordi behovet har endra seg, så eg tar det nok vekk. Men ei stund var det heilt nødvendig for Max. Han måtte ha drikkeflaske i vinter, og føretrakk flaske framfor skål. Han var den einaste som brukte dei, og det gjekk ikkje utover dei andre at dei hang der.

Utekaninar trong ikkje vatn. Isolerte hus var unødvendige. Poteter og saltstein var heilt greitt å gi kaninar.Det høyres...
21/06/2026

Utekaninar trong ikkje vatn. Isolerte hus var unødvendige. Poteter og saltstein var heilt greitt å gi kaninar.

Det høyrest jo heilt vilt ut. Dette var faktisk råd som stod i kaninbøker frå forrige årtusen.
Eg meiner ikkje å henge ut forfattarane. Mange av råda som vart gitt den gongen bygde på den kunnskapen og praksisen som fanst då. Mykje av litteraturen var prega av erfaringar frå landbruk og tradisjonar, og det fanst langt mindre forsking på kaninar som familiedyr enn det gjer i dag. Den gang var ikkje målet å gi kanina lang levetid, men å kome til slaktevekt.

Sidan den tid har både forsking og forståinga av kaninars behov utvikla seg mykje. I dag veit vi langt meir. Derfor er fleire av råda som vart gitt den gongen ikkje lenger anbefalte.
Likevel har gammal kunnskap ein tendens til å henge igjen. Råd som ein gong vart rekna som riktige blir ofte vidareførte frå bok til bok, eller frå person til person, sjølv etter at forsking har vist noko anna. Derfor kan gamle mytar og tradisjonar leve vidare i mange år.

Og eg har eigentleg litt forståing for det. Det er ikkje alltid så lett å oppsøke ny informasjon når ein ikkje ein gong veit at ho finst. Ein lærer det ein lærer, utan grunn til å stille spørsmål ved det, fordi det er naturleg i den tida ein lever. Slik det var før årtusenskiftet. Men om ein blir presentert andre fakta, så må ein tenke mindre på gamle vanar, effektivitet og økonomi, og meir på god dyrevelferd. Kaninane skal ikkje berre overleve. Dei skal leve.

Urter til kanin 🐰🌿Høy skal alltid vere hovuddelen av kosthaldet til kanin, men friske urter er eit svært fint og naturle...
20/06/2026

Urter til kanin 🐰🌿
Høy skal alltid vere hovuddelen av kosthaldet til kanin, men friske urter er eit svært fint og naturleg supplement. Dei bidreg med viktige vitamin og mineral, og gir samtidig variasjon i både smak, lukt og tekstur.

Når kaninen får urter som persille, dill, sitronmelisse og mynte i tillegg til høy, får den eit meir variert og spennande kosthald. Persille inneheld mykje kalsium, så det er lurt å vere litt forsiktig med mengda over tid. Basilikum og sitronmelisse er dei mildaste og beste, synest eg. Her bak hekken er ikkje mynte så populært, men dei andre urtene er klare favorittar.

Urter kan òg vere eit nyttig verktøy når ein kanin er kresen eller ikkje er heilt i form. Mange kaninar blir meir interesserte i mat når det blir tilbydd noko ekstra aromatisk og freistande, og då kan urter hjelpe til med å få i gang matlysta igjen.

Plant gjerne urter tidleg på sommaren. Då har du enkel tilgang gjennom sesongen, og kan plukke ferskt etter behov.
Eg planta basilikum i mai, og no er det berre å hente inn når det trengst. Følg meg gjerne for hagetips! Som du kan sjå er det eit skjult talent eg har.

19/06/2026

Benken er herved utkonkurrert som favorittplass. Å ha noko å ligge under er trygt og godt å ha når ein er ein liten, eller stor, kanin. 🐰💚

18/06/2026

Når to kaninar sit med hovudet mot kvarandre, er det ikkje tilfeldig.
Begge ber om å bli stelt. Pelsstell er ein viktig del av dei sosiale banda mellom kaninar, og hovudet er eit område dei ikkje klarer å stelle så godt sjølv. Difor kan dei sitje slik og vente på at den andre skal byrje. Det er som ein stille sosial duell.

Vi menneske kan òg bli ein del av dette sosiale språket når vi stryk kaninen på hovudet og rundt øyra, og mange kaninar byrjar å knyte band til oss gjennom akkurat dette. Når ein kanin sleiker oss tilbake, er det ei stor tillitserklæring frå kaninen. Det er ein måte dei viser aksept, tilhøyrsle og sosialt band på.

Eg får jamleg spørsmål om å ta inn kaniner, men slik det er no må eg dessverre seie nei. Det skjærer meg i hjartet å ikk...
17/06/2026

Eg får jamleg spørsmål om å ta inn kaniner, men slik det er no må eg dessverre seie nei. Det skjærer meg i hjartet å ikkje vite kvar desse kaninane eg må seie nei til endar opp.

Eg skulle gjerne ha hjelpt fleire kaniner, men økonomien set grenser, også for akutte tilfelle. Allereie no går eg i minus på grunn av veterinærutgifter knytt til kaninane eg har tatt inn. Difor må eg ha inntaksstopp fram til eg har spart opp nok midlar til å ha ein økonomisk buffer igjen.

I tillegg treng eg å bygge ein trygg utegard til det nye kaninhuset, slik at framtidige kaniner får gode og sikre forhold.

Så dersom du tippar i Lotto og ikkje har valt grasrotmottakar, hadde eg blitt utruleg glad om du ville lagt inn Dyrevenner Bak Hekken. Kanskje du også har vener og familie som du kan tipse om. Det kostar deg ikkje ei einaste krone ekstra, men betyr veldig mykje for kaninane vi hjelper. Kvar einaste grasrotgivar gjer det litt lettare å gi fleire kaniner ein ny sjanse.

16/06/2026

No er eg veldig glad for at eg alltid har høy på fleire plassar! Det er viktig om du har fleire kaniner. (Som eg håpar du har, sidan kaniner er sosiale dyr som treng selskap i andre kaniner)

Fleire høyplassar oppmuntrar til meir høyeting, som er avgjerande for både fordøying og tannhelse. Som ein bonus får kaninane meir å utforske og bevege seg mellom, noko som gir meir aktivitet og stimulering i kvardagen.

Men den viktigaste grunnen er at fleire høyplassar gir dei eit alternativ dersom nokon blir jaga vekk frå maten. Ein tenkjer kanskje at kaningruppa er bestevenner og at det alltid kjem til å vere slik. Men dynamikken i ei gruppe kan endre seg raskt, spesielt ved sjukdom, skade eller alderdom.

Eg opplever faktisk noko liknande no. Benjamin er minst åtte/ni år gammal, kanskje endå eldre, og eg begynner å lure på om han blir litt utstøytt av dei andre, så eg må prøve å rebonde dei. Eg er veldig glad for at dei alltid har fleire plassar med høy, så han har eit alternativ, men han har faktisk gått litt ned i vekt likevel. Eg har ikkje hatt ein så gammal kanin før, så om nokon har erfaring rundt det knytt til gruppedynamikken så høyrer eg gjerne på. I ville kaningrupper er det ikkje uvanleg at eldre og/eller svake kaniner blir litt skvisa ut av gruppa, men er bandet sterkt så skal det jo vare livet ut for oss som har tamkaniner med god gruppedynamikk. Om dette vedvarer, må han nok til veterinær for ein sjekk.

På filmen kan de sjå høystasjonane. Dei er ikkje så kreative, men fungerer veldig godt. Eg har tre høystasjonar inne til kaninane, og to av dei har luker som gjer at eg enkelt kan legge inn høy fleire gonger for dagen.

🐰 Heim søkjast til Ludde 🐰Førde, Sunnfjord 📍Dyrevenner bak hekken har ein kanin til adopsjon.Ludde er ein kastrert hannk...
15/06/2026

🐰 Heim søkjast til Ludde 🐰

Førde, Sunnfjord 📍

Dyrevenner bak hekken har ein kanin til adopsjon.
Ludde er ein kastrert hannkanin fødd cirka i september 2025. Han er ein veldig snill kanin som toler handtering ok. Han er litt skvetten av seg, men vi håpar han vil bli meir trygg når han får ein god kaninvenn ved si side. ❤️
Eit av dei mest spesielle trekka hans er at han har eitt brunt og eitt blått auge.
Ludde må adopterast til ein heim der han får ein kastrert eller sterilisert kaninvenn. Kaninar er sosiale dyr og skal ikkje leve åleine.

Vi stiller også krav om at Ludde får:
🐰 Eit oppvarma og isolert kaninhus
🐰 Ei rovdyrsikker uteavdeling
🐰 God plass til å springe, grave og hoppe
🐰 Ein heim som følgjer prinsippa i «Den store kaninboka»

Adopsjonsgebyret er 2000 kroner. Dette dekkjer delar av utgiftene vi har hatt, og det er billigare for deg enn å kjøpe ein kanin og deretter kastrere sjølv.

Kunne du tenkje deg å gi Ludde ein trygg og god heim? Send ei melding!

Om du ikkje er ein aktuell kandidat sjølv, så del gjerne innlegget så det kan nå ut til nokon andre som kanskje kan vere interessert.

Og støtt gjerne Dyrevenner bak hekken ved å leggje oss til som grasrotmottakar i Norsk Tipping! Då kan vi hjelpe fleire kaniner!

15/06/2026

Dei fleste tenkjer mest på kaninkos når dei skaffer seg kaniner. Men ikkje gløym reingjering og rydding, veterinærbesøk, påfyll av høy. Ein må trivast med heile pakka, ellers blir det berre travelt.

Adresse

Sandbrekka 40
Fords
6813

Nettsted

Varslinger

Vær den første som vet og la oss sende deg en e-post når Dyrevenner Bak Hekken legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Snarveier

Del

Type