Polynorth

11/06/2026

Bændablaði er klárlega best lesna blað Íslands og enginn fer í gegnum það án þess að lúslega smáauglýsingar

Sökkulkerfi undir allar tegundir húsa Stuttur afhendingartími Íslensk framleiðsla Einfalt, fljótlegt og ódýrt Heyrðu í okkur og saman finnum við bestu lausnina fyrir þig [email protected]

05/06/2026

Það er alltaf jafn skemtilegt þegar fólk sendir okkur myndir af verkstað og viljum við endilega fá fleiri myndir á [email protected]
Hér koma nokkrar.
Sumarið fer glimrandi vel af stað og erum við nú þegar búnir að keyra kubba á Stykkishólm, Akranes, Blönduós, Egilsstaði og nokkrar ferðir í Grímsnesið.
Bendum öllum á að senda okkur póst sem fyrst til að tryggja sér kubba áður en allt fer á yfirsnúning hjá okkur 😎

03/05/2026

Árið 2018 keyptu tveir stórhuga menn stóran hluta jarðarinnar Syðri Varðgjá og deiliskipulögðu þar 26 lóðir sem seldust strax eins og heitar lummur. Þetta varð til þess að beina sjónum manna að því að byggja sér hús í Vaðlaheiði og fljótlega seldust upp allar lóðir sem í boði voru og eftirspurnin er enn til staðar.
Þeir sem búa á austurbakkanum hafa gjarnan á orði að það eina sem þeir sem búa á vesturbakkanum hafa framyfir austurbakkan er aðeins betra útsýni 😁
Hér má sjá enn eitt húsið í Vaðlaheiði sem er að fara að rísa ofan á sökkul frá Polynorth.

28/04/2026

Við fórum austur fyrir Selfoss með fullan bíl af húskubbum og á leiðinni heim tókum við hús á tveimur viðskiptavinum. Annað húsið stendur á milli Hveragerðis og Selfoss og þar vantaði viðkomandi að byggja við en fór óhefðbundnar leiðir og byggði ekki við hliðina á húsinu heldur reif bara þakið af, byggði auka hæð (úr húskubbum) og setti þakið á aftur. Alveg hreint mögnuð útfærsla.
Hitt húsið stendur undir Akrafjalli og er kominn nokkuð góð mynd á þessa miklu höll sem þetta á eftir að verða.
Það er aveg ótrúlega gaman hvað húskubbarnir okkar eru komnir víða um landið, og við erum rétt að byrja 💪💪💪

16/04/2026

Sumarið fer vel af stað og Polynorth bíllinn bókaður með húskubba um landið þvert og endilangt.
Það eru forréttindi að fá að keyra um þetta fallega land sem við eigum.

15/04/2026

Þá er nýja Hirsch vélin okkar komin í gang og úrvals húskubbar byrjaðir að flæða út.
Nú er rétti tíminn að hafa samband og leggja línurnar fyrir sumarið, pantanir flæða inn nú þegar og mikil ánægja meðal viðskiptavina hvað afgreiðslutíminn er stuttur.
Allir kubbar framleiddir á Akureyri og lager á sama stað.
Keyrum kubbum hvert á land sem er ef óskað er eftir því.
Minnum á reiknivélina okkar góðu á www.polynorth.is
Hlökkum til að heyra i þér.

19/02/2026

Vorum að fá stóra sendingu frá vinum okkar í Redder.
Límfrauð, lágþenjandi frauð, glugga og hurða frauð, jarðvegs sprey og fleira og fleira.
Allt sem þarf þegar maður er að byggja kubbahús 😎
Frábær verð og úrvals vörur.

13/02/2026

Glæsilegt nýtt hverfi rís nú hratt á Akureyri sem er kallað Móahverfi.
Alls er gert ráð fyrir að byggðar verði um 1.100 íbúðir í hverfinu á næstu árum og að þar muni um 2.400 manns búa.
Árið 2024 seldum við sökkulkerfi í eitt parhús í hverfið.
Árið 2025 seldum við sökkulkerfi í fimm hús í viðbót og fyrsti sökkull ársins 2026 er strax farinn og fleiri að fara að stökkva á vagninn í nýja hverfinu.
Það er alltaf jafn ánægjulegt þegar kemur til okkar fólk sem segir "ég sá þennan vera að gera sökkul úr kubbum frá ykkur og leist vel á og ætla að gera svona líka".
Svo eins og allir vita þá er alltaf gott veður á Akureyri og sólin skín, þá er gott að kubba 😎

12/02/2026

Bendum viðskiptavinum á að hafa hraðar hendur núna. Erum með heilsíðu í besta blaði landsins í dag svo við reiknum með að allt seljist upp á næstu dögum hjá okkur 😄

02/02/2026

Verðum með tóman bíl frá Reykjavík til Akureyrar, miðvikudaginn 4 feb. ef einhverjum vantar flutning á sanngjörnu verði.