04/11/2026
𝐓𝐲𝐝 𝐯𝐢𝐫 ‘𝐧 𝐠𝐨𝐞𝐝𝐯𝐨𝐞𝐥-𝐬𝐭𝐨𝐫𝐢𝐞
Ons het jare terug op ‘n verlore, beseerde blesboklam afgekom op ons plaas. Hy is gevolglik huis toe gevat en Bernard gedoop.
Ons het terselfde tyd ‘n boerbokooi, Irene, as pasiënt by ons gehad aangesien sy ‘n skyndragtigheid gehad het - en gevolglik ook melk.
Ons het aanvanklik vir Irene vasgehou sodat Bernard kon suip. Naderhands het Irene vir Bernard aangeneem en was hierdie twee onafskeidbaar.
Bernard het stelselmatig by die ander blesbokke op die plaas aangesluit en is vandag die hoof-boerblesbok van die trop!
