Schweizer Dierekliniek

27/05/2026

20/05/2026

FeLV in katte🐈

14/05/2026

🩸 Bloed word dringend benodig 🩸

11/05/2026

Naelinfeksie by Kalwers (Omfalitis)

Naelinfeksie is ’n algemene maar ernstige infeksie wat by pasgebore kalwers voorkom. Dit gebeur wanneer bakterieë deur die naelstring die kalf se liggaam binnedring kort ná geboorte. Hierdie toestand kan ernstige siekte veroorsaak indien dit nie vroeg behandel word nie.

Hoe ontstaan naelinfeksie?
By geboorte is die naelstring nog vogtig en oop vir etlike ure. Dit skep ’n maklike toegangspunt vir bakterieë vanaf:
• Vuil beddegoed of kalfhokke
• Misbesoedeling
• Modderige krale of kampe
• Swak higiëne tydens of ná kalwing
• Wanneer die nael nie behoorlik opdroog nie

Algemene bakterieë wat betrokke is sluit in:
• E. coli
• Trueperella pyogenes
• Streptococcus-spesies
• Staphylococcus-spesies

Wanneer bakterieë die naelstring binnedring, vermeerder hulle en veroorsaak infeksie .

Wat gebeur nadat die infeksie begin?
Aanvanklik mag die kalf slegs die volgende tekens toon:
• ’n Geswelde of vergrote nael
• Pyn wanneer die nael aangeraak word
• Vogtige afskeiding of etter vanuit die nael
• Koors
• Lusteloosheid

Die infeksie kan egter intern versprei deur die naelbloedvate en in die bloedstroom beland. Sodra dit gebeur, kan bakterieë na ander organe en weefsels deur die liggaam versprei.

Komplikasies van naelinfeksie
Die infeksie kan versprei en die volgende veroorsaak:
• Lewerabsesse
• Blaasinfeksies
• Septisemie (bloedvergiftiging)
• Gewrigsinfeksies (“joint ill”) wat geswelde, pynlike gewrigte en mankheid veroorsaak
• Longontsteking
• Absesvorming

Hierdie kalwers kan ernstig siek, swak, mank of selfs vrek indien behandeling vertraag word.

Behandeling
Vroeë behandeling is baie belangrik.
Behandeling :
• Breëspektrum antibiotika
• Anti-inflammatoriese medikasie
• Dreinering en spoeling van absesse.
• Ondersteunende behandeling soos vloeistowwe en intensiewe versorging
In ernstige, chroniese gevalle mag chirurgie soms nodig wees om besmette naelstrukture te verwyder.

Voorkoming
Voorkoming is baie beter as behandeling.
Belangrike voorkomingsmaatreëls sluit in:
✔ Sorg vir skoon kalwingsareas
✔ Verskaf droë beddegoed vir pasgebore kalwers
✔ Doop die nael onmiddellik ná geboorte met jodium- of chloorheksidienoplossing indien moontlik.
✔ Herhaal die naeldoop 12–24 uur later indien nodig
✔ Maak seker kalwers ontvang voldoende goeie kwaliteit biesmelk binne die eerste paar uur ná geboorte
✔ Verminder oorbevolking en modderige toestande
✔ Monitor kalwers noukeurig gedurende die eerste week van lewe
—————————
Belangrike Boodskap
’n Geswelde of besmette nael moet nooit geïgnoreer word nie. Vroeë behandeling kan lewensgevaarlike komplikasies soos gewrigsinfeksies, lewerabsesse en septisemie voorkom.
Indien u swelling, afskeiding, koors, mankheid of swakheid by ’n kalf opmerk, kontak u veearts so gou as moontlik.

07/05/2026

Die winter is hier❄️

Maak seker jy kom kry nou jou hond / kat bedjie en kombers vir die koue🐶🐱

01/05/2026

28/04/2026

Waarom dragtigheids ondersoeke doen:

1. Goeie beplanning rondom weidingsbestuur kan toegepas word
2. ⁠Dekseisoen sukses kan vroeg gemeet word
3. ⁠Vroegtydige beplanning van kalweroes wat inkom
4. ⁠Identifiseer en oplos van moontlike probleme vroeg in seisoen en voor volgende dekseisoen
5. ⁠Vroeë identifisering van onproduktiewe koeie
6. ⁠Veearts op plaas om probleme te identifiseer, te bespreek en te help voorkom

Skakel die kantoor gerus om jou dragtighede te boek

Groete
Schweizer Dierekliniek

13/04/2026

Periodontitis in troeteldiere 🦷🪥

Algemene tekens:
•Vuil tande
•Stink asem
• Kwyl by mond
•Skuur/krap van mond

Waarom is dit belangrik om na om te sien ?
1. Bakterie wat die bloedstroom ingaan vanaf periodontitis kan lei na of reeds bestaande probleme van die hart, niere en lewer vereger.
2. Dit veroorsaak algemene immuunonderdrukking.
3. Tandwortelabsesse kan vorm met infeksie na die kakebeen.
4. Dit verbeter u troeteldier se welstand: periodontitis en geïnfekteerde tandwortels is seer.

Wat kan u doen om u troeteldier se tandgesondheid te verseker:

Tuis:
1. Troeteldiere se tande daagliks te borsel en sodoende aanpaksels meganies te verwyder en verdere aanpaksels te voorkom.
2. Gesonde gebalensseerde dieëet te volg.
3. Die kou van harde groot hondepille, “dental chews” of kou van speelgoed kan meganies help om tande skoon te hou (‼️maak seker dis n veilige produk en dat u dier nie hieraan verstik of groot dele insluk nie).

By die veearts
1. Tandgesondheid kan jaarliks ge-evalueer word tydens “checkups”. Hier kan daar besluit word of verdere stappe geneem moet word.
2. Tande word onder narkose getrek (wanneer nodig),geskaleer en gepolleer. Hierdie is die mees effektiefste metode vir reeds geaffekteerde monde.

Vir verdere navrae skakel ons gerus
📞053 004 0124

🦷🦷🦷🦷🦷🦷🦷🦷🦷🦷🦷🦷🦷🦷🦷

Periodontitis in pets

Common signs:
•Dirty teeth
•Bad breath
•Drooling
•Signs of pain

Why is it Important?
1. Bacteria that enter the bloodstream from periodontitis can lead to or worsen existing problems of the heart, kidneys and liver.
2. It causes general immunosuppression.
3. Tooth root abscesses can form with infection of the jaw.
4. It improves your pet's well-being: periodontitis and infected tooth roots are painful.

What you can do to ensure your pet's dental health:

At Home:
1. Brush your pet's teeth daily to mechanically remove plaque and prevent further plaque.
2. Follow a healthy balanced diet.
3. Chewing hard large dog food, dental chews or chew toys can mechanically help keep teeth clean (‼️make sure it is a safe product and that your animal does not choke on it or swallow large parts).

At the vet
1. Dental health can be evaluated annually during checkups.
2. Teeth are extracted (when necessary), scaled and polished under anesthesia. This is the most effective method for already affected teeth.

For further enquiries:
📞 053 004 0124

07/04/2026

Embrioniese verlies

(dit kan wissel van vroeë resorpsie tot latere aborsie)

ń Groot probleem wat die winsgewendheid van ń boerdery beïnvloed.
Dit beteken die koei of vers word dragtig, maar verloor die embrio nog voor mens geweet het sy is dragtig.

Hierdie toestand manifesteer in verlengde interkalf periodes, ń kleiner kalfoes, baarmoederontstekings en ten einde verlaagde wins.
Dikwels met min visuele tekens te sien by die dier.

Oorsake van embrioniese verliese is onder andere:
•Tritrichomonas foetus (Trich)
•Campylobacter Foetus (Vibrio)
•BVD (Beesvirusdiarree siekte)
•Besmetlike misgeboorte (BM)
•Enige ander koors reaksie

Voorkoming en identifikasie:
•Toets van geslagsiektes (Trich en Vibrio) in bulle voor die dekseisoen.
•Goeie entingsprogram
•Toets van BM in kudde
•Dragtigheidsondersoeke:
1. Baie vroeë identifikasie van lae dragtigheid in kudde in die seisoen (geleentheid vir regstellings voor ń hele seisoen se kalweroes gemis word)
2.Baarmoederontstekings op te tel en ń probleem in die kudde te identifiseer.

☎️Skakel gerus een van ons veeartse vir meer inligting

01/04/2026

🩸BLOEDSKENK HONDE DRINGEND BENODIG🩸

☎️Kontak ons by 0530040124 indien JOU hond n lewe kan red