19/11/2024
عندي نونو وخايف من كلبي يأذيه فهل ممكن الكلب يصاحبه ويحبه ولا ياكله ؟
قبل ما نقول اي اللي ممكن يحصل خلينا نشوف شوية حاجات مع بعض
الكلب اللي حضرتك بتتكلم عنه دا معاك بقاله قد ايه ؟
هل الكلب دا عايش معاك في سلام اصلا وعلاقتك معاه بكل حب ولا فيها نوع من الزعيق أو التعنيف ( حتي لو بسيط ) ؟
هل الكلب حضر زوجة حضرتك وهي حامل ؟ اه ي فندم ليه علاقة الكلب بيحس بالجنين وبيعرف عادي جدا ومن غير ما اتفرع في موضوع تاني في تدريب للكلاب انها تكتشف بعض الأمراض اللي بتصيب الإنسان
نرجع لموضوعنا
هل الكلب عايش وعارف حدوده وفي قانون ونظام ماشي عليه ولا حضرتك بتأكله من اكلك ( ع سبيل المثال) ؟
هل صدر من الكلب أنه اعترض ع غريب قبل كدا ؟
هل صدر منه أنه هاجم طفل ؟
لو كل الاسئلة دي الإجابة فيها أنه اه تمام مفيش اي سلبيات فكلب حضرتك هيهتم بالنونو الجديد ويحبه ويخاف عليه اكتر ما هيخاف عليك ، ممكن بس في البداية نبدأ نعترض علي تصرف يصدر منه وهيكون في شكل أنه لاعبه بالطريقة اللي بيلعب معاك بيها فهنعترض ووحدة واحدة من عياط الطفل هيبدأ ياخد حذره
أما لو كانت الإجابات في نوع من اللألأة ساعتها وقف وأبدأ كون حذر من الكلب وحاول هندله وفهمه أنه دا لا مينفعش ونرسمله حدود ولو عنده مشاكل سلوكية هنحتاج نعدلها ونخليه كلب أفضل
لو مريت بنفس التجربة دي او دي قولنا في الكومنتات
Alpha Academy Safe zone for your dog⭐✨
