Kroonstad Dierehospitaal / Animal Hospital

28/08/2026

💛 Dankie vir 10 besondere jare, Annelie! 💛

Ná 10 jaar se lojale diens neem ons met dankbare harte afskeid van Annelie.

Baie dankie vir jou harde werk, toewyding en die waardevolle bydrae wat jy oor die jare tot Kroonstad Dierehospitaal gelewer het. Jou vriendelikheid, hulpvaardigheid en liefde vir ons kliënte en hulle diere sal opreg gemis word. 🐾

Annelie, ons wens jou alle voorspoed en geluk toe met die nuwe hoofstuk wat voorlê. Mag die pad vorentoe vir jou net mooi dinge inhou!

Jy sal baie gemis word. 💐

28/08/2026

🎉 Vandag vier een van ons besondere pasiënte sy verjaarsdag!

Baie geluk met jou verjaarsdag. Ons wens jou goeie gesondheid en nog baie gelukkige jare saam met jou mense toe.

Vandag se beste geskenk is die goeie nuus dat jy uiteindelik huis toe kan gaan. Ons is dankbaar vir jou mooi herstel en wens jou ’n rustige, vreugdevolle verjaardag tuis toe. 🐾💛

Met beste wense van die hele span by Kroonstad Dierehospitaal.

26/08/2026

🐾 PARVO: Beskerm jou hondjie en jou beursie 🐾

Augustus en September bring gewoonlik baie droë, winderige dae. Parvovirus (katgriep) is uiters bestand in die omgewing. Besmette ontlasting en klein besmette deeltjies kan aan stof, skoene, bande en hondepote versprei. Droë, sterk winde kan besmette stof oor kort afstande verskuif. Honde in nabygeleë erwe kan dus blootgestel word, selfs sonder direkte kontak met ’n siek hond.

Parvo kom veral by jong honde, gewoonlik jonger as een jaar, voor.

⚠️ KLINIESE TEKENS

🐶 Lusteloosheid en swakheid
🐶 Verlies aan eetlus
🐶 Braking
🐶 Erge, soms bloederige, diarree
🐶 Ontwater
🐶 Sterftes

💉 INENTINGS IS NOODSAAKLIK

🐕‍🦺Hondjies behoort op 6 weke, 9 weke en 12 weke ingeënt te word.
’n Volledige inentingsprogram is die enigste manier om die siekte te voorkom.

💊Ernstige parvogevalle benodig intensiewe behandeling tydens hospitalisasie, insluitend vloeistowwe, medikasie en voedingsondersteuning.

💔 Ongelukkig kan parvo dodelik wees, selfs met intensiewe behandeling.

💰 Behandeling kan ook duur wees, aangesien siek hondjies 3-10 dae intensiewe sorg benodig. Voorkoming deur inenting is baie beter as 'n platsak.

🌬️ Augustus en September is nie die tyd om jou hondjie se entings uit te stel nie.

🩺 Besoek jou veearts indien jou hondjie siek voorkom of indien sy/haar inentings nie op datum is nie.

22/08/2026

🦎 Ons het hierdie week ’n baie interessante besoeker by Kroonstad Dierehospitaal gehad – ’n verkleurmannetjie!

Het jy geweet?

🦎 Die meeste verkleurmannetjies kan hul velkleur verander om hulself te kamoefleer of om hul gemoedstoestand aan ander verkleurmannetjies te wys.

👀 Hulle het ’n 360°-gesigsveld en hul oë kan onafhanklik van mekaar beweeg.

🥚 Die meeste spesies lê eiers wat in die grond begrawe word en eers ná ongeveer 8 tot 9 maande uitbroei.

Belangrik: Verkleurmannetjies is beskermde diere. Jy mag nie een sonder ’n spesiale aanhoudingspermit aanhou nie. Dit is ook onwettig om verkleurmannetjies langs die pad of by ’n informele handelaar te koop.

Bewonder hulle eerder in hul natuurlike habitat en help ons om hierdie besonderse diertjies te beskerm! 💚

21/08/2026

🐾 Warm, stylvol en ’n baie tevrede kliënt! 🐶🧥

Fritz se eienaar het vir hom ’n nuwe jassie by Kroonstad Dierehospitaal kom uitsoek. Ons hoop jy geniet jou nuwe jassie baie, Fritz, en dat dit jou heerlik warm hou gedurende die koue dae. Jy lyk sommer baie spoggerig! 💙💛

Hondejassies is beskikbaar by Kroonstad Dierehospitaal. Kom loer gerus in en vind die perfekte jassie vir jou viervoetige vriend!

📍 Truterstraat 5, Kroonstad
📞 056 212 6842

19/08/2026

🐾💛 Welkom by ons span, Alida! 💙

Ons is baie opgewonde om Alida by die Kroonstad Dierehospitaal-familie te verwelkom!

Alida sal jou vriendelik en professioneel by Rekeninge & Ontvangs bystaan. Met haar warm glimlag en behulpsame geaardheid is sy gereed om jou te verwelkom en te help waar sy kan.

Kom loer gerus in en sê hallo! Ons sien uit na die waardevolle bydrae wat Alida tot ons span gaan lewer. 🌟

📍 Tuterstraat 5, Kroonstad
📞 056 212 6842

14/08/2026

10/08/2026

🥶🐾 ’n Koue nag lê voor!

Wanneer jy koud kry, kry jou troeteldiere ook koud. Laat hulle asseblief binnenshuis slaap of maak seker dat hulle ’n warm, droë en beskutte slaapplek vir die nag het.

Voorsien genoeg warm beddegoed en vars drinkwater. Onthou: ekstra sorg maak ’n groot verskil gedurende koue weersomstandighede. 💙💛

📍 Truterstraat 5, Kroonstad
📞 056 212 6842

10/08/2026

🌸 VROUEMAAND | DIE DRYFKRAG AGTER KROONSTAD DIEREHOSPITAAL 🌸

Hierdie Vrouemaand vier ons die merkwaardige vroue wat elke dag met deernis, toewyding en ’n groot liefde vir diere die wiele van Kroonstad Dierehospitaal laat draai. 🐾

Hulle is die vriendelike gesigte wat jou verwelkom, die sagte hande wat troos en die sterk span wat agter die skerms seker maak dat elke dier en eienaar met sorg en respek behandel word.

Aan elke vrou in ons praktyk: dankie vir julle harde werk, geduld en die verskil wat julle daagliks maak. Julle is waarlik die dryfkrag agter die stuur! 💗

Gelukkige Vrouemaand aan al die ongelooflike vroue in ons gemeenskap! 🌷