17/07/2021
جانوروں کے چھوٹے بچوں میں 60 فیصد تک اموات کی وجہ ڈائیریا پیچس ہے
ایک اہم بات سمجھنے کی کہ ڈائیریا پیچس موک بھی بخار، آنکھوں سے پانی آنا، کھانسی، کھانا پینا چھوڑ دینا کی طرح بیماری نہیں ہے بلکہ کسی بیماری کی علامت ہے
بیماری اور بیماری کی علامت میں فرق ہے
بیماری کی تشخیص بہت ضروری ہے
جب تک کسی ڈاکٹر سے رابطہ نہ ہو تو پیچس کی صورت میں ORS پلانا ضرور شروع کر دیں، اگر جانور تین یا تین سے زیادہ بار پیچس کردے تو فوراً ORS ضرور شروع کروا دینا چاہیے۔ORS دن میں 4-5 دفعہ پلائیں
45 کلو گرام کے بچے کو 2 لیٹر ORS ضرور پلانا چاہیے 24 گھنٹوں میں، یہ مقدار دودھ کے علاوہ ہے، دودھ بچے کے جسمانی وزن کے %10 کے حساب سے پلاتے ہیں، یعنی 45 کلو کا بچہ تو 24 گھنٹوں میں ساڑھے چار کلو دودھ
45 کلوگرام کے بچے کو 24 گھنٹے میں 2 لیٹر ORS اس صورت میں کہ بچہ پیچس کر رہا ہے لیکن دکھنے میں چاک و چوبند اور الرٹ ہے، ہر وقت بیٹھا یا لیٹا ہوا نہیں ہے۔ ایسی صورت میں بچے کو %4 تک پانی اور نمکیات کی کمی ہوتی ہے
لیکن اگر بچے کو پیچس ہیں اور بچہ کمزور ہوگیا ہے، آنکھیں دھنسی ہوئی ہیں اور جلد کھینچنے سے فوراً واپس اپنی حالت میں نہیں آتی تو ORS کی مقدار بڑھا دیں۔ اگر بچہ کو پانی کی کمی %10 سے زیادہ ہوجائے تو اکثر بچے کو بوتل ڈرپس لگانی پڑتی ہیں اور اس کے علاوہ جانور ٹھیک نہیں ہوتا۔ اس لیے جیسے ہی پیچس لگیں تو فوراً ORS شروع کروا دیں تاکہ بچے میں پانی اور نمکیات کی کمی نہ ہو۔ اگر ایسی صورت حال تو فوراً علاقہ کے مستند ڈاکٹر سے رجوع کریں، یہ صورت حال تشویش ناک ہے۔
چاہے انسان کے بچے ہوں یا جانور کے
پیچس میں جسم سے نمکیات نکل جاتے ہیں
اور موت کی وجہ اکثر hypokalemia بنتی ہے, پوٹاشیم کی کمی، جس سے دل کی دھڑکن بند ہوجاتی ہے، ORS میں سوڈیم کے علاوہ پوٹاشیم اور سٹریٹ ہوتا ہے جو کہ بہت ضروری ہے۔
ہر گھر میں ORS ضرور ہونا چاہیے، انسانوں اور جانوروں کے بچوں کے لیے
تین بار پیچس لگ جائیں تو فوراً ORS شروع کریں
اور اگر پیچس کو 3-4 دن سے زیادہ ہو جائیں تو
zinc sulfate
میڈیکل سٹور سے zincat OD سیرپ ملتا ہے۔ وہ بھی دیں۔
جب بھی کسی ڈاکٹر سے مشورہ یا پیچس کا علاج پوچھیں تو یہ باتیں ضرور بتائیں تاکہ بیماری کی تشخیص میں آسانی ہو۔ پیچس کی مختلف وجوہات ہیں اسی لیے علاج بھی مختلف ہے
یہ بہت ضروری بات ہے
