Ali Cattle Farm

07/07/2024

21/03/2024

اسلام علیکم و رحمتہ اللہ۔۔۔۔
10 رمضان المبارک یومِ وصال ام المؤمنین حضرت سیدہ خدیجہ رضی اللّٰہ عنہا کی نسبت سے آپ کی شان۔

اردو ترجمہ
ہشام سے روایت ہے فرماتے ہیں کہ مجھے میرے والد نے خبر دی، وہ فرماتے ہیں کہ میں نے عبداللہ بن جعفر سے سنا، وہ فرماتے ہیں کہ میں نے حضرت علی رضی اللہ عنہ سے سنا، آپ فرما رہے تھے کہ میں نے نبی کریم صلی اللہ علیہ وآلہ وسلم سے سنا، آپ صلی اللہ علیہ وآلہ وسلم فرما رہے تھے کہ مریم بنت عمران (اپنے زمانہ میں)سب سے بہترین خاتون تھیں اور اس امت کی سب سے بہترین خاتون خدیجہ ہیں(رضی اللہ عنہا)۔
صحیح البخاری حدیث نمبر 3432 کتاب الانبیاء

20/03/2024

اسلام علیکم و رحمتہ اللہ۔۔۔۔.
ان دو آیات کو ترجمہ سمیت یاد کر لیں۔
جب بھی اذان ہو انہیں ذہین میں لے آیا کریں انشاءاللّٰہ نماز کے عادی ہو جائیں گے۔💞

مَا سَلَكَكُمْ فِي سَقَرَ (41)
تمہیں کیا چیز دوزخ میں لے گئی؟

قَالُوا لَمْ نَكُ مِنَ الْمُصَلِّينَ (43)
وہ کہیں گے ہم نماز پڑھنے والوں میں سے نا تھے۔

اللھم اجرنا من النار🤲

17/03/2024

اسلام علیکم و رحمتہ اللہ۔۔۔۔
روزے کے باجود جھوٹ بولنے اور دغا بازی کرنے والے کےلیے اللّٰہ کے رسول صلٰی اللّٰہ علیہ وآلہ وسلَّم کا فرمان۔
*اردو ترجمہ*
حضرت ابوہریرہ رضی اللہ عنہ سے روایت ہے فرماتے ہیں کہ رسول اللہ صلی اللہ علیہ وآلہ وسلم نے فرمایا، اگر کوئی شخص جھوٹ بولنا اور دغا بازی کرنا ( روزے رکھ کر بھی ) نہ چھوڑے تو اللہ تعالیٰ کو اس کی کوئی ضرورت نہیں کہ وہ اپنا کھانا پینا چھوڑ دے۔
صحیح البخاری حدیث نمبر 1903 کتاب الصوم

16/03/2024

اسلام علیکم و رحمتہ اللہ۔۔۔۔۔۔
جنت کا ایک دروازہ رَیَّان ہے، جو صرف روزہ داروں کے لیے خاص ہے۔
*اردو ترجمہ
حضرت سہل بن سعد ساعدی رضی اللہ عنہ نے بیان کیا کہ رسول اللہ صلی اللہ علیہ وآلہ وسلم نے فرمایا، جنت کا ایک دروازہ ہے جسے ریان کہتے ہیں قیامت کے دن اس دروازہ سے صرف روزہ دار ہی جنت میں داخل ہوں گے، ان کے سوا اور کوئی اس میں سے نہیں داخل ہو گا، پکارا جائے گا کہ روزہ دار کہاں ہے؟ وہ کھڑے ہو جائیں گے ان کے سوا اس سے اور کوئی نہیں اندر جانے پائے گا اور جب یہ لوگ اندر چلے جائیں گے تو یہ دروازہ بند کر دیا جائے گا پھر اس سے کوئی اندر نہ جا سکے گا۔
*صحیح البخاری حدیث نمبر 1896 کتاب الصوم*

15/03/2024

*روزہ ڈھال ہے، اور روزہ دار کےمنہ کی بو کستوری سے بھی اعلیٰ ہے، نیز روزہ کی جزاء اللّٰہ پاک خود دے گا۔
*اردو ترجمہ*
حضرت ابوہریرہ رضی اللہ عنہ سے روایت ہے فرماتے ہیں کہ رسول اللہ صلی اللہ علیہ وآلہ وسلم نے فرمایا روزہ دوزخ سے بچنے کے لیے ایک ڈھال ہے اس لیے ( روزہ دار ) نہ فحش باتیں کرے اور نہ جہالت کی باتیں اور اگر کوئی شخص اس سے لڑے یا اسے گالی دے تو اس کا جواب صرف یہ ہونا چاہئے کہ میں روزہ دار ہوں، ( یہ الفاظ ) دو مرتبہ ( کہہ دے ) اس ذات کی قسم! جس کے ہاتھ میں میری جان ہے روزہ دار کے منہ کی بو اللہ کے نزدیک کستوری کی خوشبو سے بھی زیادہ پسندیدہ اور پاکیزہ ہے، ( اللہ تعالیٰ فرماتا ہے ) بندہ اپنا کھانا پینا اور اپنی شہوت میرے لیے چھوڑ دیتا ہے، روزہ میرے لیے ہے اور میں ہی اس کا بدلہ دوں گا اور ( دوسری ) نیکیوں کا ثواب بھی اصل نیکی کے دس گنا ہوتا ہے۔
*صحیح البخاری حدیث نمبر 1894 کتاب الصوم*

14/03/2024

اسلام علیکم و رحمتہ اللہ۔۔۔۔
*03 رمضان المبارک یومِ وصال سیدۂ کائنات، سیدہ فاطمۃ الزہراء سلام اللہ علیہا کثیرا کثیرا کی نسبت سے آپ کی شان۔*

*اردو ترجمہ*
حضرت مسور بن مخرمہ رضی اللہ عنہ سے روایت ہے فرماتے ہیں کہ رسول اللہ صلی اللہ علیہ وآلہ وسلم نے فرمایا کہ فاطمہ میرے جسم کا ایک ٹکڑا ہے جس نے اسے ناراض کیا اس نے مجھے ناراض کیا۔

*صحیح البخاری حدیث نمبر 3767 کتاب اصحاب النبی صلی اللہ علیہ وآلہ وسلَّم*