02/04/2021
موسم گرما کی احتیاطی تدابیر
اف گرمی بہت ہے۔۔۔۔ کیا آپ کے پرندے ہانپ رہے ہیں؟
پرندوں کا گرمی سے ہانپنا ان کے لیے انتہائی نقصاندہ بھی ہو سکتا ہے۔۔ یہاں تک کہ وہ اس وجہ سے کھانا پینا چھوڑ دیتے ہیں۔ بچوں کو کھلانا چھوڑ دیتے ہیں۔ مادی انڈے نہیں سہہ پاتی اور کبھی کبھی مستقل ہانپنے سے پرندے کمزور ہو کر مر بھی جاتے ہیں
ایسے میں پرندوں کو الیکٹرو لائیٹس کی ضرورت ہوتی ہے۔۔۔ بالکل اسی طرح جیسے ہمیں ضرورت ہوتی ہے اور ہم گرمی کی شدت کو کم کرنے کیلیے گنے کا رس، ستو، تھادل، لسی وغیرہ پیتے ہیں۔۔ ان مشروبات سے ہمیں الیکٹرو لائیٹس ملتے ہیں اور ہم گرمی کو برداشت کر لیتے ہیں جبکہ اگر گرمی کی وجہ سے ہمارا بلڈ پریشر کم ہو جاتا ہے تو ہم نمک چینی کا پانی، لیموں پانی پیتے ہیں یا پھر گرمی سے دست لگ جائیں تو او آر ایس یا نمکول یا کیل سی پیتے ہیں۔۔۔
بالکل اسی طرح جانور اور پرندوں کو بھی الیکٹرو لائیٹس کی ضرورت ہوتی ہے۔۔۔ الیکٹرو لائیٹس اجزاء گرمی کے پھلوں اور سبزیوں میں موجود ہوتے ہیں
یہاں ہم ان غذاؤں کی لسٹ دے رہے ہیں جو گرمی میں کھلانے پلانے سے پرندے 45 ڈگری تک کی گرمی برداشت کر سکتے ہیں۔۔۔
ہرا دھنیا
کھیرا
تربوز
خربوزہ
گنا
گنے کا رس (ایک لیٹر پانی میں ایک کھانے کا چمچہ)
پالک (ہفتے میں 3 سے 4 بار)
جو اور چنے کا ستو
لاہوری نمک وغیرہ
یہ چند غذائیں وہ ہیں جو گرمی میں ضرور دیں۔۔۔ خاص طور پر ہر نسل کے طوطوں کیلیے یہ غذائیں نہایت مفید ثابت ہوں گی۔۔۔
استعمال کرائیں اور کمنٹس میں اپنے تجربے سے ہمیں آگاہ ضرور کریں
