07/04/2024
سستے سولر کی اندرونی کہانی / ,حاجی سیف اللہ
پاکستان میں سولر پینلز کی قیمتوں میں اچانک بڑی کمی واقع ہوئی ہے اور 70 ہزار والے سولر پینل کی قیمت 30 ہزار تک گرگئی ہے۔ ویسے تو ملک میں سول پینلر سستے ہونے کی وجہ ڈیوٹی کا عائد نہ ہونا بتایا جارہا ہے، لیکن حقیقت کچھ اور ہے۔
دراصل سولر سیل اور فوٹو وولٹک (پی وی) ماڈیول یا عرف عام میں سولر پینلز کی مینوفیکچرنگ میں چینی اجارہ داری کے باعث توڑنے کیلئے امریکا اور یورپ میں گیگا واٹ کی سطح پر پی وی سیل اور ماڈیول پروڈکشن کی فیسیلٹیز کے منصوبے بنائے گئے تھے جو اب تاخیر کا شکار ہو چکے ہیں یا انہیں مکمل طور پر ختم کر دیا گیا ہے۔
چونکہ مغرب میں سولر پینلز کی بڑے پیمانے پر خریداری متوقع تھی۔اس لیے ایک جانب چینی سرمایہ کاروں نے بڑے پیمانے پر سولر پینل کا اسٹاک جمع کرلیا تو دوسری جانب مغربی سرمایہ کاروں نے بڑے پیمانے پر سولر پینل خرید کر جمع کر رکھے ہیں۔ اب یہ ذخیرہ شدہ مزید نقصان کا شکار ہیں۔
طلب سے زیادہ رسد کے باعث ہمیشہ قیمتیں کم ہوتی ہیں لیکن سولر پینل سستے ہونے کا ایک اور سبب ان میں استعمال ہونے والا میٹریل بھی ہے۔
سولر پینلز اتنے سستے کیسے ہو گئے؟
شمسی توانائی سب سے سستی اور تیز بجلی پیدا کرنے والی ٹیکنالوجی بن گئی ہے۔ ہر کمپنی مارکیٹ کے مختلف عوامل اور مصنوعات میں بہتری کی وجہ سے اس کی قیمتیں انتہائی مسابقتی رہی ہیں۔
دوسرے لفظوں میں ہر دوسری کمپنی اسی کاروبار میں آنا چاہتی ہے۔ ایک جانب جہاں مسابقت نے قیمتیں کم کیں تو دوسری جانب سولر پینلز کی تیاری کی لاگت بھی کم ہوئی۔
لاگت میں کمی کا سبب پینلز میں فوٹو وولٹک سیل کی بہتر پیکنگ، کم چاندی کا استعمال، پتلا شیشہ، پتلے فریم اوربڑے ماڈیول شامل ہیں۔
سستے ڈی سینٹرلائزڈ سولر روف ٹاپ پی وی سسٹمز یا یوٹیلیٹی اسکیل انسٹالیشن ٹیکنالوجیز خریدنے والے صارفین نے اس کا فائدہ اٹھایا ہے۔
ایک دہائی کے دوران، سولز پینلز کا سائز دگنا ہوا جب کہ صلاحیت کئی گنا بڑھی ہے۔ اب پتلے فریموں اور پتلے شیشے کے ساتھ پینلز سائز میں تقریباً دوگنے ہو چکے ہیں۔
ہاف کٹ سیل ماڈیولز میں اب عام طور پر پچھلے شیشے میں تین سوراخ ہوتے ہیں جس سے وہ چھوٹے سائز کے ساتھ زیادہ بجلی پیدا کرتے ہیں۔
یہ تبدیلی 2017 میں اس وقت ہوئی جب 2 ملی میٹر موٹا گلاس سولر پینل متعارف ہوا جو اس سے پہلے کے معیار یعنی گولڈ اسٹینڈرڈ کے 3.2 ملی میٹر سے کم تھا۔ اسی دوران سولر پاور پلانٹس نے بنیادی طور پر دو طرفہ، ڈبل گلاس استعمال کرنا شروع کر دیا جس سے سولر پینلز کی بجلی بنانے کی صلاحیت بڑھ گئی۔
آج کل تقریباً تمام بڑے سولر پلانٹس سامنے اور عقب میں 2 ملی میٹر موٹے شیشے کے ساتھ بائی فیشل، ڈبل گلاس پینلز استعمال کرتے ہیں۔
اب صورت حال یہ ہے کہ ایک جانب تو سولر پینلز لاگت کم ہونے کے باعث سستے ہوئے ہیں تو دوسری جانب بڑے پیمانے پر کمپنیاں مارکیٹ میں آنے کے سبب مسابقت بڑھی ہے اور اس نے بھی قیمتیں نیچے دھکیل دی ہیں۔
مغرب میں سولر پینلز کی تیاری کے امکانات بھی قیمتوں میں کمی کے سبب بنتے ہیں اور ایک افواہ یہ بھی ہے کہ سولر پلیٹ میں جدت آرہی ہے ، یہ فولڈ ایبل اور ٹرانسپیرنٹ ٹائپ ہوگی تو تیار شدہ سٹاک نکالنا ہے ۔
حقیقت اللہ ہے جانے
منقول
