Al Buqrat Vets and pets clinic

22/04/2025

فارم پر ویٹرنری ڈاکٹر کی اہمیت اور مکمل رہنمائی

اگر آپ کے ڈیری فارم پر 30 یا اس سے زیادہ جانور موجود ہیں تو ایک ویٹرنری ڈاکٹر کا مستقل یا کم از کم باقاعدہ وزٹ کرنا انتہائی ضروری ہے۔ ایک ڈاکٹر نہ صرف جانوروں کو بیماریوں سے بچاتا ہے بلکہ آپ کے فارم کے منافع اور ترقی میں بھی بنیادی کردار ادا کرتا ہے۔

1. بیماری کی بروقت شناخت (Early Diagnosis)

ایک ماہر ویٹ ڈاکٹر جانور کو دیکھ کر ہی پہچان لیتا ہے کہ وہ بیمار ہونے جا رہا ہے یا نہیں۔ بیماری کی پہلی سٹیج پر ہی علاج شروع ہو جائے تو:
• دودھ کی کمی سے بچا جا سکتا ہے
• جانور کی جان بچائی جا سکتی ہے
• دوسری گائیوں تک بیماری نہ پھیلنے دی جا سکتی ہے

مثلاً: اگر کوئی جانور کھانا کم کھا رہا ہے، بیٹھنے کا انداز بدلا ہے، یا دودھ اچانک کم ہو گیا ہے تو ویٹ فوراً بیماری پکڑ سکتا ہے۔

⸻

2. بریڈنگ اور تولیدی نظام (Reproduction & Breeding Management)

ایک ویٹ ڈاکٹر فارم کے بریڈنگ سسٹم کو منظم رکھتا ہے:
• وقت پر ہیٹ پکڑنا
• صحیح دن پر اے آئی کرنا
• حمل چیک کرنا (Pregnancy diagnosis)
• بار بار heat آنے والے جانوروں کا علاج

اس سے جانور وقت پر حاملہ ہوتے ہیں، calving کا وقت بہتر ہوتا ہے اور پیداوار بڑھتی ہے۔

⸻

3. ہنگامی صورتحال سے فوری نمٹنا (Emergency Handling)

کئی بار فارم پر ایسی ایمرجنسی آتی ہے جو اگر فوراً کنٹرول نہ ہو تو جانور مر بھی سکتا ہے:
• دودھ کی بیماری (Mastitis)
• پیٹ پھول جانا (Bloat)
• بچے کی پیدائش میں مسئلہ (Dystocia)
• دودھ کی کمی (Milk Fever)
• پریگننسی کے بعد بچہ دانی یا جِلد اندر رہ جانا

ایسی صورت میں فوری موجود ویٹ ڈاکٹر جانور کو بچا سکتا ہے۔

⸻

4. ویکسین اور کیڑے مار دوائیں (Vaccination & Deworming)

ویٹ ڈاکٹر جانوروں کی بروقت ویکسینیشن اور کیڑوں کی دوا (Deworming) کا مکمل شیڈول بناتا ہے، جس سے:
• جانور بیماریوں سے محفوظ رہتے ہیں
• دودھ کی پیداوار پر اثر نہیں آتا
• پوری ہَرد صحت مند رہتی ہے

⸻

5. خوراک کا توازن اور رہنمائی (Feed & Nutrition Management)

اگر جانور دودھ کم دے رہا ہو یا موٹا نہ ہو رہا ہو، تو ویٹ فوراً چیک کرتا ہے:
• خوراک میں توانائی کی کمی ہے؟
• پروٹین یا معدنیات کی کمی ہے؟
• TMR یا ration میں توازن ہے یا نہیں؟

یہ سب چیزیں پیداوار کو بہتر بنانے میں مدد دیتی ہیں۔

⸻

6. ریکارڈ رکھنے اور کارکردگی مانیٹر کرنے میں مدد (Record Keeping)

ایک ویٹ ڈاکٹر:
• ہر جانور کی صحت
• پیدائش کی تاریخ
• دودھ کی مقدار
• اے آئی کی تاریخ
• پریگننسی کی معلومات

یہ سب کچھ فارم کے رجسٹر یا سسٹم میں درج رکھتا ہے، جو بعد میں بہتر فیصلے کرنے میں مدد دیتا ہے۔

⸻

ویٹرنری ڈاکٹر رکھنے کے اصول (Vet Hiring SOPs)

اگر آپ ویٹ رکھنا چاہتے ہیں تو نیچے دی گئی ہدایات کو فالو کریں:

1. تعلیم اور تجربہ دیکھیں
• DVM (Doctor of Veterinary Medicine) کی ڈگری ہونا لازمی ہے
• کم از کم 2 سال کا تجربہ ہو
• بڑے جانور (گائے، بھینس) کا علاج جانتا ہو

2. چوبیس گھنٹے رسائی (Availability)
• ویٹ ڈاکٹر روزانہ فارمز پر وزٹ کرے یا
• اگر مستقل نہیں تو ہفتہ میں کم از کم 2 بار وزٹ کرے
• ہنگامی کال پر فوری پہنچنے کی صلاحیت رکھتا ہو

3. فارمنگ سے دلچسپی اور جذبہ
• صرف دوائی لکھنے والا نہ ہو، بلکہ جانور کی مکمل حالت دیکھے
• فارم منیجمنٹ میں مشورہ دے، جیسے خوراک، صفائی، شیڈ ڈیزائن، ہیٹ کنٹرول وغیرہ

4. سروس کا معاوضہ
• اگر مستقل رکھ رہے ہیں تو مناسب تنخواہ طے کریں (مثلاً ماہانہ)
• اگر part-time یا visit based رکھ رہے ہیں تو فی وزٹ فیس طے کریں

5. پروفیشنل اخلاقیات
• خود سے دوائیاں تجویز کرے، صرف medical stores پر انحصار نہ کرے
• جعلی یا غیر معیاری دوائی سے گریز کرے
• ریکارڈ خود maintain کرے

⸻

نتیجہ (خلاصہ)

اگر آپ نے لاکھوں روپے لگا کر فارم بنایا ہے اور اچھی نسل کے جانور رکھے ہیں، تو ایک قابل اور تجربہ کار ویٹ ڈاکٹر کا ہونا آپ کی اس انویسٹمنٹ کا تحفظ ہے۔ جانوروں کی صحت ہی آپ کے دودھ کی پیداوار، منافع اور کامیابی کی بنیاد ہے۔

فارم کو نقصان سے بچانے کے لیے یہ چھوٹا سا قدم آپ کو بڑے نقصان سے بچا سکتا ہے۔

02/03/2025

Disbuding by Electrical method.

13/02/2025

Suture application on site of teat laceration

19/01/2025

Recovery of Proptosis(bulging) of eye due to suspected attack of Theileria
خو ن میں جر اثیم ھو نے کی وجہ سے، انکھوں کا اپنی اصل جگہ سے با ھر نکل انا ، اور اس کا مکمل علا ج

07/01/2025

C-section performed in sheep 🐑: Removal of dead fetus
بچہ دانی کا منہ نہ کھلنے کی وجہ سے بھیر میں کا میا ب بڈا اپر یشن

25/12/2024

#جانور کا #گھبن نہ ہونا ،بار بار پھر جانا::-
#(causes):
مختلف وجوہات کی وجہ سے جانور میں حمل نھیں ٹھہرتا ہے
1۔جانور کا پیچھا مارنے سے بچہ دانی میں انفیکشن سے
2۔ابارشن مطلب ٹائم سے پہلے جانور کا بچہ گرا دینے سے
3۔سیمن کا خراب ھونا ،صحت مند نہ ہونا
4۔بچہ دانی کا کمزور ہونا
5۔پیٹ کے کیڑے اور جلد پر چیچڑ
6۔نمکیات کی کمی جیسا کہ کوبالٹ،زنک وغیرہ
7۔ڈسٹوکیا مطلب بچہ کا ہاتھ سے نکالنے سے بچہ دانی کا انفیکشن
8۔جیر کو ہاتھوں سے نکالنے سے بچہ دانی کا انفیکشن ہو جاتا ہے
9۔لیکوریا جانور کا مسلسل پانی کی طرح پتلا مواد نکالنا
10۔گندی پرانی شیتھ کا استعمال سے بچہ دانی کا انفیکشن ہو جاتا ہے
11۔جانور کو صیح وقت پر انسیمینیشن یا ٹیکہ نہ رکھنا
12۔جانور کا ہیٹ میں نہ ہونے سے ٹیکہ رکھ دینا
13۔فولیکل سسٹ کا بن جانا بچہ دانی پر
14۔بچہ دانی سے پیپ کا نکلنا

علاج اور احتیاطی تدابیر:۔
1۔ٹیکہ صحت مند سانڈ کا اور اچھی کمپنی کا ہونا لازمی ہے ۔
2۔جو جانور پیچھا مارتا ہے اس کا مناسب علاج کریں تاکہ بچہ دانی کا انفیکشن نہ ہو ۔
3۔جو جانور وقت سے پہلے بچہ گرا دیتے ہیں ان کی بچہ دانی میں انفیکشن مطلب جراثیم ہوتے ہیں اس کا مناسب علاج کریں ۔
4۔جن جانوروں کی بچہ دانی کمزور ہو اور جو جانور زیادہ کمزور ہوں وہ گھبن نہیں ہوتے۔
5۔جن جانوروں کو پیٹ میں ملپ ہوں اور جلد پر چیچڑ ہوں وہ جانور بھی بہت کم گھبن ہوتے ہیں ۔
6۔ہاتھ سے بچہ نکالنے کے بعد بچہ دانی کو واش کرنا چاہیے
7۔جو جانور دیر سے جیر پھینکتے ہیں یا پھر ہاتھ سے نکالتے ہیں تو پھر بچہ دانی کو واش کرنا چاہیے ۔
8۔لیکوریا والے جانور بھی گھبن نہیں ہوتے اس کے لیے جانور کو LS minerals اور ad3e injection لگانا چاہیےاور tab gyno plus sepiaاستعممال کرنا چاہیے۔
9۔جانور کو سیمن ٹائم پر رکھنا چاہیے۔نھیں تو اس کا کوئی فائیدہ نھیں ہو گا ۔
10۔جو جانور 20 دن سے پہلے 15 یا 10 دن بعد ہیٹ میں آ تے ہیں یا زیادہ ہیٹ رکھتے ہیں ان مادہ جانور کو ٹیکہ رکھنے سے دو گھنٹے پہلے injection dalmaraline 5ml لگانا چاہیے اس سے جانور گھبن ہو جائے گا۔
11۔جن مادہ جانوروں کے بچہ دانی میں انفیکشن ہو ان کو
بچہ دانی میں دوائی رکھوانی چاہیے۔

21/11/2024

Suturing Application on site of deep sharp blunt wound

09/11/2024

21/10/2024

جانوروں کو دوائی پلانے کی احتیاطی تدابیر!

جانور کو سامنے والے دانتوں کی طرف سے دوائی نہ پلائیں ہمیشہ منہ کی ایک طرف سے جبڑوں کے پاس سے دوائی پلائیں۔
دوائی ایک دم نہ پلا دیں، جانور کو موقع دیں کہ وہ دوائی کو نگل یا پی لے

جس جانور کو نال یا دوائی کی عادت نہ ہو اسکا بہت خیال رکھیں کیونکہ ڈر یا جانور کی مزاحمت کی وجہ سے سانس کی نالی میں دوائی جا سکتی ہے. دوائی یا نال دیتے وقت کبھی بھی جانور کی زبان نہ پکڑیں
جانور کا منہ بہت اونچا کر کے نہ پلائیں
جانور کی زبان ہرگز ہرگز نہ پکڑیں
دوائی کی مقدار بہت زیادہ نہ ہو کہ جانور کا منہ بھر جائے اور وہ اس کو ایک گھونٹ میں پی نہ سکے
نال یا دوائی دیتے وقت جانور ہانپ نہ رہا ہو یا سانس نہ چڑھا ہوا ہو
جانور بے حال, نیم مدہوش نہ ہو جیسے سوتک کے بخار میں یا کیلشیم کی کمی کی وجہ سے
جانور کے ساتھ زبردستی بلکل نہ کریں، اگر وہ ڈرتا ہے یا مزاحمت زیادہ کرتا ہے تو کوئی اور طریقہ استعمال کریں

مرض کی شدت اس بات پر منحصر ہے کہ

1- جانور کے پھیپھڑوں میں کیا چیز گئی ہے،
2- کتنی مقدار میں گئی ہے اور اس چیز سے جانور کے کتنے فیصد پھیپھڑے متاثر ہوئے ہیں
3- کتنی جلدی اس مسئلہ کو سمجھا گیا اور علاج شروع کیا گیا

مرض کی پشین گوئی Prognosis:

سچی بات تو یہ ہے کہ شدید مرض میں جانور کا بچنا بہت مشکل ہے، اگر تھوڑی مقدار میں کوئی چیز پھپھڑوں میں گئی ہے اور علاج جلدی شروع کیا تو جانور ٹھیک ہوسکتا۔ اگر علاج دیر سے شروع کیا اور جانور کے پھیپھڑے زیادہ متاثر ہوئے ہیں تو نہ ٹوٹکوں نے کام کرنا ہے اور نہ ہی علاج نے۔
یہ بات واضح کردوں کہ ترقی یافتہ ممالک میں بھی اس کا علاج مشکل ہے، لہذا، تیل ، گڑ، بھنے ہوئے چنے اخبار میں لپیٹ کر وغیرہ پر مت جائیں، جتنی جلدی ہو مستند ڈاکٹر سے رجوع کریں۔

خدانخواستہ اگر آپ سے ایسی کوئی غلطی ہو جائے تو فوراً مستند ڈاکٹر سے رجوع کریں اور نمونیا ہونے یا مرض کے بگڑنے کا انتظار نہ کریں۔ ایسی صورت حال میں کثیر مقدار میں اینٹی بائیوٹک، سوزشِ کم کرنے والی ادوایات کا استعمال ہوتا ہے اور جانور کو بوتل یا ڈرپ بھی لگ سکتی ہے

اس مسئلے کو انتہائی سنجیدہ لیں اور وقت کا ضیاع نہ کریں

اگر جانور کے پھیپھڑوں میں دوائی چلی جائے تو یہ نشانیاں علامات ہوتی ہیں

سانس لینے میں دشواری، منہ کھول کر سانس لینا، منہ سے جھاگ، تیز تیز سانس لینا، جانور کا تکلیف میں ہونا، کھانا پینا اور دودھ بلکل کم کردینا۔ جانور کی سانس کی نالی میں دوائی چلے جانے کی علامت گل گھوٹو سے ملتی جلتی ہیں لیکن آپ کو پتہ ہوگا کہ میں نے کچھ دن پہلے منہ سے دوائی پلائی ہے کہ نہیں

پیج کو Follow اور Like ضرور کریں
مزید معلومات كے لئے WhatsApp نمبر پر رابطہ کریں شکریہ