Dr.Muhammad Awais Sidhu

24/08/2026

24/08/2026

🐄 بار بار اپھارہ؟ پیٹ بار بار پھول جاتا ہے؟

اگر گائے، بھینس یا بکری کو بار بار اپھارہ (Recurrent Bloat / Tympany) ہوتا ہے، جانور کمزور ہو رہا ہے، کھانا پینا کم کر دیا ہے اور علاج سے صرف کچھ وقت کے لیے آرام آتا ہے، تو اس مسئلے کو نظر انداز نہ کریں۔

کچھ جانور پائیکا (Pica) کی وجہ سے مٹی، کپڑا، رسی، شاپر، پلاسٹک یا دوسری غیر خوراکی چیزیں کھانا شروع کر دیتے ہیں۔ ایسی صورت میں اوجھڑی کے اندر یہ چیزیں جمع ہو سکتی ہیں۔

اگر لوہے کی چیز موجود ہو تو بعض صورتوں میں میگنیٹ فائدہ دے سکتا ہے، لیکن اگر اوجھڑی میں رسی، کپڑا، شاپر، پلاسٹک یا دوسری چیزیں موجود ہوں تو میگنیٹ ان کو نہیں نکال سکتا۔

ایسے جانور میں اگر بار بار اپھارہ ہو، جانور کمزور ہو رہا ہو اور دوائی سے صرف وقتی فرق پڑ رہا ہو تو اوجھڑی کا معائنہ اور ضرورت پڑنے پر آپریشن (Rumenotomy) کروانا بہتر ہوتا ہے۔

یہ ایک عام ویٹرنری سرجری ہے، اور صحیح تشخیص، مناسب طریقے اور اچھی دیکھ بھال کے ساتھ جانور کو دوبارہ صحت مند حالت میں لایا جا سکتا ہے۔

⚠️ بار بار اپھارہ کو معمولی مسئلہ نہ سمجھیں۔
وجہ معلوم کریں اور بروقت علاج کروائیں۔

👨‍⚕️ ڈاکٹر محمد اویس سدھو
DVM, RVMP