17/04/2018
TODAY’S GOSPEL REFLECTIONS on DCF: “Tiwala sa DIyos”
Abril 17, 2018. Ika-3 Linggo ng Pasko ng Pagkabuhay
Ebanghelyo: Juan 6:30-35
“Ano pong himala ang maipapakita ninyo upang sumampalataya kami sa inyo? Ano po ang inyong gagawin? Ang aming mga ninuno ay kumain ng manna sa ilang; ayon sa nasusulat, ‘Sila'y binigyan ni Moises ng tinapay na galing sa langit,’” sabi nila.
Sumagot si Jesus, “Pakatandaan ninyo: hindi si Moises ang nagbigay sa inyo ng tinapay na galing sa langit. Ang aking Ama ang nagbibigay sa inyo ng tinapay na galing sa langit. Dahil ang tinapay na galing sa Diyos ang bumabâ mula sa langit at nagbibigay-buhay sa sangkatauhan.”
Sumagot sila, “Ginoo, bigyan po ninyo kaming lagi ng tinapay na ito.”
Sinabi ni Jesus, “Ako ang tinapay na nagbibigay-buhay. Ang lumalapit sa akin ay hindi na magugutom kailanman, at ang sumasampalataya sa akin ay hindi na mauuhaw kailanman.
Pagninilay:
Marami sa atin ngayon ang walang pinagkaiba sa mga tao na nagtanong kay Jesus sa ebanghelyo ngayong araw. Lagi tayong naghahanap ng ebidensiya at himala sa buhay. Gusto ng “instant” at “magic”. Ngunit kung madali nating makukuha ang lahat ay paano tayo matututo ng karunungan sa buhay?
Sa ating buhay pananampalataya, tinatawag tayo ng Panginoon upang maniwala muna, kahit hindi pa natin nakikita nang ganap ang mga bagay sa ating buhay. Mas mahirap itong gawin para sa karamihan na nasanay nang dumepende lamang sa kanilang sarili. Sa kabila nito ay inaanyayahan tayo ng Panginoong Jesus na hindi tumingin sa panglabas lamang na nakikita ng mata kundi sa Kanya mismo na ating Diyos na may dulot nang lahat sa atin. Dahil dito ay kailangan nating magtiwala sa Diyos na kadalasan ay hindi sigurado ang kahihinatnan at kung anu man ang kanyang tugon ukol sa ating mga panalangin.
Ngunit ang Diyos ay ating Butihing Ama higit na mapagmahal at higit na mas Mabuti sa kahit sino pang ama sa lupa. Tayo ay mga Anak niya kaya’t gusto niyang tayo’y mapabuti at maging ka-isa niya sa puso. Para maranasan natin ito ay kailangang bumitaw tayo sa sarili nating pag-iisip at pinanghahawakan dahil higit na mas makapangyarihan at ang may alam ng lahat ng bagay kahit pa ang pinakatatago natin sa kaibuturan ng ating puso. Buksan sana natin ang puso at lahat ng nilalaman nito sa Panginoon at sasagutin niya tayo.
Sa mga mahihirap na bagay, doon tayo pinakanatututo. Subukan nating magtiwala sa Diyos. Lahat ng pananampalataya at pagtitiwala ay may kaukulang di-kasiguraduhan subalit ating tandaan na walang sinuman ang nagtiwala sa Diyos nang buong puso ang nabigo. Nililigtas ng Diyos ang sinumang tumalima sa kanya kahit gaano pa kaimposible ito sa mata ng tao at kahit mga sarili natin. Gayon din naman tayo bilang kanyang mga anak. Tiyak sa pagpapaubaya natin ng bawat aspeto ng ating buhay ay hindi na tayo mangangamba o mauubusan ng kahit ano pa. Diyos mismo ang magpupuno ng ating pangangailangan kung mamahalin natin siya nang buong puso hindi lamang dahil may nakukuha tayo sa Panginoon at napagbibigyan tayo sa ating mga kagustuhan sa buhay.
Hindi lang materyal na panganailangan ang mahalaga ngunit higit sa lahat ay ang mga bagay na hindi nabibili ng pera - ang pagmamahal at kapayapaan sa gitna ng puso na siyang ipinamamahagi ng Diyos sa mga lubos na umiibig at nagtitiwala sa kanya.
Tanungin ang sarili, “Ano ang aking kailangang bitawan upang makapagtiwala sa aking Mapagmahal na Diyos?”
Panalangin: Panginoon, patawarin mo ako sa hindi ko lubos na pagbibigay sa iyo ng aking puso. Tanggalin mo sana ang anumang balakid na naghihiwalay sa akin at sa iyo at nawa’y buuin mo ang aking kakarampot na pananampalataya upang ikaw ang aking maging lakas, ngayon at magpakailanman. Amen. +
Pagpalain nawa tayo ng mapagpala at makapangyarihang Diyos ngayon at magpakailanman!
Amen. +
Maraming Salamat sa Inyong Pagsubaybay!
Tulungan ninyo kaming ipamahagi ang Salita ng Diyos sa pamamagitan ng pag-CLICK at SHARE nito. I-TAG na rin ang inyong mga kaibigan sa post na ito!
Copyright Reflections Written By:
Admin. Francesca Maria Margarita
Photo: Bible Blender
Image may contain: one or more people and outdoor
TODAY’S GOSPEL REFLECTIONS on DCF: “Tiwala sa DIyos”
Abril 17, 2018. Ika-3 Linggo ng Pasko ng Pagkabuhay
Ebanghelyo: Juan 6:30-35
“Ano pong himala ang maipapakita ninyo upang sumampalataya kami sa inyo? Ano po ang inyong gagawin? Ang aming mga ninuno ay kumain ng manna sa ilang; ayon sa nasusulat, ‘Sila'y binigyan ni Moises ng tinapay na galing sa langit,’” sabi nila.
Sumagot si Jesus, “Pakatandaan ninyo: hindi si Moises ang nagbigay sa inyo ng tinapay na galing sa langit. Ang aking Ama ang nagbibigay sa inyo ng tinapay na galing sa langit. Dahil ang tinapay na galing sa Diyos ang bumabâ mula sa langit at nagbibigay-buhay sa sangkatauhan.”
Sumagot sila, “Ginoo, bigyan po ninyo kaming lagi ng tinapay na ito.”
Sinabi ni Jesus, “Ako ang tinapay na nagbibigay-buhay. Ang lumalapit sa akin ay hindi na magugutom kailanman, at ang sumasampalataya sa akin ay hindi na mauuhaw kailanman.
Pagninilay:
Marami sa atin ngayon ang walang pinagkaiba sa mga tao na nagtanong kay Jesus sa ebanghelyo ngayong araw. Lagi tayong naghahanap ng ebidensiya at himala sa buhay. Gusto ng “instant” at “magic”. Ngunit kung madali nating makukuha ang lahat ay paano tayo matututo ng karunungan sa buhay?
Sa ating buhay pananampalataya, tinatawag tayo ng Panginoon upang maniwala muna, kahit hindi pa natin nakikita nang ganap ang mga bagay sa ating buhay. Mas mahirap itong gawin para sa karamihan na nasanay nang dumepende lamang sa kanilang sarili. Sa kabila nito ay inaanyayahan tayo ng Panginoong Jesus na hindi tumingin sa panglabas lamang na nakikita ng mata kundi sa Kanya mismo na ating Diyos na may dulot nang lahat sa atin. Dahil dito ay kailangan nating magtiwala sa Diyos na kadalasan ay hindi sigurado ang kahihinatnan at kung anu man ang kanyang tugon ukol sa ating mga panalangin.
Ngunit ang Diyos ay ating Butihing Ama higit na mapagmahal at higit na mas Mabuti sa kahit sino pang ama sa lupa. Tayo ay mga Anak niya kaya’t gusto niyang tayo’y mapabuti at maging ka-isa niya sa puso. Para maranasan natin ito ay kailangang bumitaw tayo sa sarili nating pag-iisip at pinanghahawakan dahil higit na mas makapangyarihan at ang may alam ng lahat ng bagay kahit pa ang pinakatatago natin sa kaibuturan ng ating puso. Buksan sana natin ang puso at lahat ng nilalaman nito sa Panginoon at sasagutin niya tayo.
Sa mga mahihirap na bagay, doon tayo pinakanatututo. Subukan nating magtiwala sa Diyos. Lahat ng pananampalataya at pagtitiwala ay may kaukulang di-kasiguraduhan subalit ating tandaan na walang sinuman ang nagtiwala sa Diyos nang buong puso ang nabigo. Nililigtas ng Diyos ang sinumang tumalima sa kanya kahit gaano pa kaimposible ito sa mata ng tao at kahit mga sarili natin. Gayon din naman tayo bilang kanyang mga anak. Tiyak sa pagpapaubaya natin ng bawat aspeto ng ating buhay ay hindi na tayo mangangamba o mauubusan ng kahit ano pa. Diyos mismo ang magpupuno ng ating pangangailangan kung mamahalin natin siya nang buong puso hindi lamang dahil may nakukuha tayo sa Panginoon at napagbibigyan tayo sa ating mga kagustuhan sa buhay.
Hindi lang materyal na panganailangan ang mahalaga ngunit higit sa lahat ay ang mga bagay na hindi nabibili ng pera - ang pagmamahal at kapayapaan sa gitna ng puso na siyang ipinamamahagi ng Diyos sa mga lubos na umiibig at nagtitiwala sa kanya.
Tanungin ang sarili, “Ano ang aking kailangang bitawan upang makapagtiwala sa aking Mapagmahal na Diyos?”
Panalangin: Panginoon, patawarin mo ako sa hindi ko lubos na pagbibigay sa iyo ng aking puso. Tanggalin mo sana ang anumang balakid na naghihiwalay sa akin at sa iyo at nawa’y buuin mo ang aking kakarampot na pananampalataya upang ikaw ang aking maging lakas, ngayon at magpakailanman. Amen. +
Pagpalain nawa tayo ng mapagpala at makapangyarihang Diyos ngayon at magpakailanman!
Amen. +
Maraming Salamat sa Inyong Pagsubaybay!
Tulungan ninyo kaming ipamahagi ang Salita ng Diyos sa pamamagitan ng pag-CLICK at SHARE nito. I-TAG na rin ang inyong mga kaibigan sa post na ito!
Copyright Reflections Written By:
Admin. Francesca Maria Margarita
Photo: Bible Blender
