सफल एग्रिटेक एण्ड फिड सप्लायर्स-Safal Agritech And Feed Suppliers

16/10/2025

16/06/2024

अत्याधिक गर्मीको कारण तपाइको पोखरीमा पनि माछा मर्न सक्छन्। गर्मीमा माछा कसरी बचाउने त?
===================
बिहानको समयमा माछा माथी आएर प्याक प्याक गर्छन, माछाहरु मरिरहेका छन् भनेर धेरै किसानहरुले अहिले मत्स्य प्राबिधिकहरुलाइ सम्पर्क गर्नु भएको छ। अत्याधिक गर्मी रहदासम्म माछापालन गर्ने किसानले ध्यान दिनुपर्ने केही कुराहरू:
- प्राबिधिक सँग सम्पर्क गरि कारण पत्ता लगाइ समाधानको उपाय खोज्ने
- पानीको गहिराई सकेसम्म १.५ मिटर कायम राख्ने
- अत्याधिक गर्मीको मौसम रहदासम्म प्रत्येक दिन पोखरीको पिधको पानी हटाइ ताजा पानी थपिदिने
- बिहान ४-६ बजेसम्म एरिएटरको प्रयोग गर्ने (आवश्यकता अनुसार अरु समयमा पनि चलाउनु पर्ने हुनसक्छ)
- एरिएटर नभएको अवस्थामा मोटरको प्रयोग गरेर पोखरीको पिधको पानी निकालेर फोहोरा बनाइ पोखरीमै खसाउने
- मलिलो पोखरीमा चुनाको प्रयोग नगर्ने
- मलखादको प्रयोग न्यून गर्ने
- आवश्यकता भन्दा बढी दाना नदिने
- माछालाइ तनाब हुने कुनै क्रियाकलाप सकेसम्म नगर्नुहोला
- प्रत्येक दिन बिहान सबेरै उठेर आफ्नो पोखरीको अनुगमन गर्नुहोला

(सबै माछापालन गर्ने किसान सामु पुर्याउनको लागि Share गर्नुहोला)

01/06/2024

Happy World Milk Day

13/04/2024

नव बर्ष २०८१ सालको सम्पूर्णमा देश तथा बिदेशमा रहनुहुने हम्रा सम्पुर्ण किसान तथा दाजुभाई तथा दिदी बहिनीहरु, पशु चिकित्सक ,पशु प्रेमी पशु पशु प्राविधिक , शुभचिन्तक, आफन्तजन हरुमा सुख,शान्ति,समृद्धि,सु स्वास्थ्य दिर्घायु तथा उत्तरोउत्तर प्रगतिको कामना सहित हार्दिक मंगलमय शुभकामना व्यक्त गर्दछु ।

19/09/2023

शुभकामना

12/09/2023

यो मकैको जात भन्न सक्नु हुन्छ कसैले? 😉

Photo: Gobinda Sharma, Hasera

30/08/2023

धानको फेद डढुवा रोग :
कमल गाउँपालिका का विभिन्न वडाहरुमा फेद डढुवा रोग देखा परेको हुदा बेलैमा सचेत रहनुहुन जानकारी गराइन्छ।

♦ लक्षण
पातको फेदमा अण्डाकार खैरा थोप्लाहरू भए पछि आकारमा बृद्धि हुदैजान्छ र ढूसीको कालो गिर्खाहरू देखापर्दछ । बोटको माथिल्लो भागमा समेत पुग्छ र सुकेर डढेको जस्तो देखिन्छ । बाली उत्पादनमा १५ देखि ५० प्रतिशत सम्म ह्रास आउँछ ।
♦ व्यवस्थापन
शुरूवाती अवस्थामा कन्चन कमल झोल मल (१ किलो ताजा गोबर ३ लिटर पानीमा मिलाएर ४ घन्टा सम्म छोड्ने त्यस पछी पुर्ण रुपमा गोबर थिगृएपछी माथिल्लो सतहमा भएको पानीलाइ १ टंकी सफा पानीमा मिलाएर बोट भिज्नेगरी स्प्रे गरिदिने । )

क) नाइट्रोजन मल सिफारिस मात्रामा भन्दा बढी प्रयोग नगर्ने ।
ख) उन्नत जातको धान रोप्दा बोटदेखि बोटको दूरी बढाउने ।
ग) Validamycin 3%L (Sheathmar, Valigan, Ozoro) ३ ग्राम प्रति लिटर वा Pencycuron 22.9 SC (Monceren 250) १.५ मि.लि. प्रति लिटर पानीमा वा कार्वेन्डाजिम ५० प्रतिशत डव्लुपी (वेभिष्टिन वा डेरोसाल) ढूसीनाशक विषादी १.५ ग्राम प्रतिलिटर पानीको दरले मिसाई १०–१२ दिनको फरकमा २ पटक छर्ने ।

19/08/2023

कुरीलो खेति :
अंग्रेजीमा यसलाई Asparagus भनिन्छ । केहि किसानहरुले जङ्गली कुरीलोको ठोसा टिपेर बजारमा लगेर विक्रि गर्छन् । यो अलि तितो हुन्छ । तर उन्नत जातको कुरीलोको ठोसा ज्यादै स्वादिलो र मोटो हुन्छ । यसलाई पकाएर तरकारी र सुपको रुपमा खाइन्छ । यसबाट भिटामिन ए, वि, सि र प्रोटिन धेरै पाइन्छ ।
कुरिलो ज्यादै महङ्गो तरकारी बाली हो । यसको ठोसा जति कमलो, सेतो र मोटो भयो त्यति नै भाउ राम्रो पाइन्छ
कुरीलो खेति को लागि हिउदको चिसो मौसम र वसन्त तथा गृष्मको न्यानो मौसम उपयुक्त मानिन्छ । हिउदको जाडोमा कुरीलोको झाङ पहेलो भएर सुकेर जान्छ तर जमिन भित्रको भाग सुरक्षित रहन्छ । त्यसैले हिउँदमा सुकेको भाग काटेर फाल्नु पर्छ र तर माटो भित्रको भाग बचाएर राख्नु पर्छ । अलिकति न्यानो मैसम सुरु हुनासाथ नया ठोसा पलाउन सुरु गर्छ । यति बेलानै फेदको वरीपरी खनेर झारपात हटाउने र राम्रो पाकेको गोवर मल राखेर माटोमा मिलाइदिनु पर्छ । विरुवा सार्नुभन्दा पहिले यो बाली एक वर्षको लागि होइन, २०–२२ बर्षको लागि हो भन्ने विचार गर्नुपर्छ ।बेर्नाहरु सरिसकेपछि ठोसाहरु पलाउन सुरु गर्छन तर यतिबेलाकुुा ठोसाहरु मसिना हुन्छन् जुन टिप्न मिल्दैन बरु बचाएर राख्नु पर्छ । तीन चार महिनापछि ठोसाहरु बल्ल मोटामोटा भएर निस्कनछन् । त्यसपछि ठोसा टिप्न सुरु गर्नुपर्छ । ठोसाहरु उखेल्ने होइन । फेदको दाँयाबाँयाको माटो हटाएर लाग्ने कैँचीले काट्ने र फेरी त्यो माटो फेदको वरीपरी राखिदिने । हिउँदको २–३ महिना झाल पहेँलो भएर सुक्छ । बाँकी समयमा ठोसा आइरहन्छ र टिपिरहन पाइन्छ । एकरोपनी बारीमा कुरीलो खेती गर्दा एक सिजनमा ५५० केजिसम्म अथवा ५० देखि ८० हजार सम्मको आम्दानी लिन सकिन्छ ।