04/02/2025
« Det er jo berre ein katt «
Nei, det er det så absolutt ikkje!
Dette er Pondus Bjørkum Øvstetun og Pus Guttormsen, to små familiemedlemmar for dei som eig dei. Pondus og Pus vart begge påkjørt i fjor. Dei overlevde, fekk behandling og har det no bra. Da Pondus og Pus vart påkjørt vart dette varsla; dei vart leita etter og funne i tide pga det.
Så er det andre det dessverre ikkje gjekk bra med, der eigaren ikkje fekk beskjed før tilfeldige forbipassarenda fann dei døde, nokon samme dag, nokon etter lang tid og mykje leiting.
Etter ein periode med mange påkjørte kattar, med som nevnt ulikt utfall, vil eg så gjerne setta fokus på følgjande, for både pus og eigar sitt beste:
1. Køyrer du på ein katt, eller ser ein katt bli påkjørt, sei i fra! Ulykker skjer, slik er det dessverre, men sei i fra. Dette kan vera forskjellen mellom liv og død, kva prognose katten har til behandling, at katten ikkje blir liggande skada og lir, eller i det minste at eigaren får beskjed om at katten er død.
2. Id-merk katten din. Det gjer at me som dyrleger får kontakta eigaren på kortast mulig tid ang viktige avgjersler ved skadar, får gitt beskjed dersom katten er død eller at ein bortkommen katt blir gjenforent med eigaren sin.
Veterinærforeningen jobbar fortsatt for obligatorisk id-merking på katt.
3. Om du ikkje blir spurt om «kva meinar du eller kva hadde du gjort i denne situasjonen» , så tenk det du vil men hold det for deg sjølv og spar ein eigar som allerede har nok å tenka på for kommentarar som:
- det er jo berre ein katt, tenk å bruka så mykje peng på det
- tenk å utsette katten for så mykje, hadde vel vore best å la den få sleppa, dyreplageri å driva på sånn
Me som dyrleger skal ivareta dyret sitt beste, men me må og ivareta eigaren for å kunne gjera nettopp det. Å behandla eit dyr er eit samarbeid mellom dyrlegen, eigaren og dyret. Det krev mykje av ein eigar med alt som skal følgast opp heime. Når ein behandling blir satt i gang er ofte både plan A, B og C diskutert med eigaren, og dyrevelferden er selvfølgelig øverst!
Ja, eg har måtte trøsta og snakka med mange eigarar pga ein slengkommentar på gata, på butikken osv, og det er det siste dei treng i tillegg i ein slik situasjon. Eg trur ikkje alle som seier slike ting meinar det vondt, men at det er litt «tankeløysa» .Det er dyrlegen sin jobb og ansvar å sei fra om det i det heile tatt er aktuelt med behandling, og i såfall etter det kva som er alternativa, og så legga ein plan i lag med dyreeigar for oppfølging.
Ein «vanlig og planlagt» operasjon på ein hund kan ha like lang rekonvalesens tid og opplegg for smertelindring som ein skada katt, men det er generelt færre som kommenterer det på samme måten som når det gjeld « berre ein katt» .
All ære til dei samvittighetsfulle dyreeigarane rundt om, for det er jammen mange!
Men om det er hund, katt, kanin, marsvin, hamster eller slange dyreeigaren brukar peng på, mistar nattesøvnen over eller sørgar over, så la no det vera dyreeigaren sin sak.
Til sist, å varsla påkjørsler og skada dyr gjeld selfølgelig uansett kva dyr.
Håpar mange vel å gjere dette framover, uansett om du er dyreeigar, bileigar eller ingen av delene.
Innlegget er fritt fram å dela
Dyrlege Liv ❤️ 🐱🐶🐰🐹🐷🐮🐔🐢+++❤️
