Heart to Heart

09/03/2025

Minoxidil ကို ဘယ်သူတွေ
အဓိက အသုံးများကြလဲဆိုရင်

💯 FTM transgender တွေ
✅ဆံပင်ပါး ထိပ်ပြောင်တဲ့သူတွေ
✅ဆံပင်ထူချင်တဲ့သူတွေ အသုံးများကြပါတယ်

❗Minoxidil ဆိုတဲ့ လူသုံးဆံပင်ပေါက်ဆေး အမွှေးပေါက်ဆေးကိုသိတယ်ဆိုရင် ❗

🤢 Minoxidil ဟာ တိလေးတွေဖြစ်တဲ့ ခွေးကြောင်တွေအတွက် အရမ်းကိုမှ အဆိပ်အတောက်ဖြစ်စေတယ်ဆိုတာရော သိကြပါသလား

❗ Minoxidil ဆိုတဲ့ ဆံပင်ပေါက်ဆေးကို ခေါင်းလျှော်ရည်တွေထဲ ထည့်သုံးကြတဲ့အပြင် သောက်ဆေးတွေရော လိမ်းဆေးတွေပါ လိမ်းကြသုံးကြပါတယ်

သောက်ဆေးကတော့ သူတို့ မမြိုချမိအောင် ကာကွယ်လို့လွယ်ပေမယ့်
လိမ်းဆေးဟာ အရမ်း effective ပြီး ခွေးကြောင်လေးတွေအတွက်လည်း အရမ်း Toxic ဖြစ်ပါတယ်

အကောင်သေးရင်သေးသလို အချိန်တိုအတွင်း လက္ခဏာပြတတ်ပြီးတော့
🚫Minoxidil သုံးတဲ့လူရဲ့ မျက်နှာကို လျက်မိတာ
🚫Minoxidil သုံးပြီး အိပ်ထားတဲ့ ခေါင်းအုံးတွေကို လျက်မိတာကစလို့
🚫Minoxidil နဲ့ ထိတွေ့ထားတဲ့ အရာမှန်သမျှဟာ ခွေးလေးတွေ အထူးသဖြင့် ကြောင်ကလေးတွေကို အချိန်တိုအတွင်း သေစေနိုင်တဲ့အထိ ဖြစ်နိုင်ပါတယ်တဲ့

ပထမဆုံး လက္ခဏာတွေကတော့
🐾အော့အန်ခြင်း
🐾သွားရည်ယိုခြင်း
🐾နုန်းချိခြင်း
🐾သွေးပေါင်ကျဆင်းခြင်း
🐾အသက်ရှူကျပ်ခြင်း
🐾နှလုံးခုန်မြန်လာခြင်းကနေစလို့

⚠️ကိုမာဝင်တာ၊ တက်တာကနေ သေဆုံးစေနိုင်သည်အထိဖြစ်စေနိုင်ပါတယ်

ပြီးတော့ ဒီလိုလက္ခဏာတွေက တခြား အကြောင်းအရာတွေကြောင့်လည်း အများကြီးဖြစ်နိုင်တာကြောင့်ရယ် သတိမထားမိတတ်ကြတဲ့အတွက်ရယ် အကြောင်းအရင်းကို ရှာဖွေ မသိရဘဲ အချိန်မှီ ကယ်ဆယ်နိုင်ဖို့ နောက်ကျတတ်ပါတယ်

😉ဒါကြောင့် ဆံပင်ပြန်ပေါက်စေတဲ့ Product တွေဖြစ်တဲ့ Shampoo တွေ ၊ လိမ်းဆေး(Foam/ Liquid/ Cream) တွေ သောက်ဆေးတွေကို သုံးနေတဲ့ ဟူးမန်းတွေအနေနဲ့ မိမိသုံးနေတဲ့ Product မှာ Minoxidil ပါဝင်ခြင်းရှိမရှိ စစ်ဆေးထားပြီး သတိထားသုံးစွဲ သိမ်းဆည်း ဆေးကြောဖို့ကို တိုက်တွန်းလိုက်ရပါတယ် 😉

မေတ္တာဖြင့် JustforPet🍀💯



Disclaimer: we don't own this picture or photograph. All credits go to the rightful owner. No copyright infringement intended. It's for awareness and knowledge sharing purposes.

02/03/2025

😥 ☀️ Heat stroke မဖြစ်အောင် ဘယ်လိုထားရမယ်
Heat Stroke ဖြစ်လာရင် ဘယ်လို Sign တွေ ပြလဲဆိုတာကို ရေးပြီးပြီဆိုတော့

တကယ့်တကယ့် Heat Stroke ဖြစ်လာတဲ့အခါ ဆေးခန်းကိုသွားနေစဉ်လမ်းမှာ ဘာလုပ်လို့ရလဲဆိုတာကိုပြောပြပေးချင်ပါတယ်

⚠️ ပထမဆုံးအချက်အနေနဲ့ Heat Stroke ရနေပြီလို့ သံသယ ရှိပါက စအိုကနေ ကိုယ်ပူချိန်တိုင်းရပါမယ်
103°F- 106°F ကြားဆိုရင် ကိုယ်ပူနေတာ ဖျားနေတာဖြစ်ပြီး 106°F နှင့်အထက်ဆိုရင် Heat Stroke ရနေပြီလို့ သတ်မှတ်လို့ရပါတယ်

အဲ့လိုအခြေအနေမှာ အတတ်နိုင်ဆုံး အမြန်ဆုံး ဆေးခန်းမရောက်ခင်ချိန် စပ်ကြားမှာကိုတောင် ကိုယ်ပူကျအောင်လုပ်ပေးသင့်ပါတယ်

🚫 ရေစိုအဝတ်နဲ့ အုပ်ထားတာမျိုး မလုပ်ရပါဘူး
ရေစိုအဝတ်ကြီးနဲ့အုပ်ထားတဲ့အခါ ကိုယ်တွင်းအပူတွေက အပြင်ကို မထွက်နိုင်တော့ဘဲ လှောင်သလိုဖြစ်သွားတဲ့အတွက် ကိုယ်ပူပိုတက်စေနိုင်ပါတယ်

🚫 ရေခဲရေ တိုက်ခြင်းနဲ့ အရေပြားပေါ်တိုက်ရိုက် ရေခဲကပ်ခြင်းကို ရှောင်ကြဉ်ရပါမယ်

✅ ရေခဲစိမ်အဝတ်နဲ့ ခြေဖဝါးကြားတွေ နားရွက်နဲ့ မျက်နှာတွေ ဗိုက်တွေကို တောက်လျှောက်သုတ်ပေးနေလို့ရပါတယ်

✅ ခြေဖဝါးကြားတွေထဲ အရက်ပျံစွတ်ထားတဲ့ ဂွမ်းနဲ့ သုတ်ပေးနေလို့ရပါတယ်

✅ ပုံမှန် အခန်းအပူချိန်မှာရှိတဲ့ ရေကို ကိုယ်ပေါ်လောင်းချပေးတာ (ရေအေးတွေ ရေခဲရေတွေနဲ့ မလောင်းရပါ)

✅ ဒါမှမဟုတ် ဆေးခန်းသွားနေတဲ့ လမ်းမှာ အမွှေးကို ရေအနည်းငယ်စိုအောင်လုပ်ပြီးတော့ ပန်ကာလေလေးနဲ့ အအေးခံသွားစေတာကလည်း Safe ဖြစ်ပါတယ်

ဖော်ပြပါ ဆောင်ရန် ရှောင်ရန်ဆိုတာလေးတွေက ဆေးခန်းမရောက်ခင်အချိန်လေးတွင်းမှာ လိုက်နာ လုပ်ဆောင်ရမှာဖြစ်ပါတယ်

❗သတိပြုရန်မှာ Heat Stroke က ဆရာဝန်နဲ့ ဆေးဝါးအကူအညီလိုအပ်တဲ့ အခြေအနေဖြစ်ပြီး အိမ်တင်ပြုစုလိုက်လို့ကောင်းသွားနိုင်တဲ့အခြေအနေ မဟုတ်ပါဘူး

❗ ဆေးရုံတင်ထားပြီး ရက်ပိုင်း ဒါမှမဟုတ် အနည်းဆုံး ၁၂ နာရီလောက် စောင့်ကြည့်သင့်တဲ့ထိ ကိုယ်တွင်းအင်္ဂါ ထိခိုက်ပျက်စီးစေနိုင်ချေရှိတာကြောင့် ဆေးခန်းမရောက်ခင် အချိန်တိုင်း မိနစ်တိုင်းဟာ အရေးကြီးတယ်ဆိုတာကို အထူးသတိထားဖို့ မမေ့ပါနဲ့နော်

Comment မှာ အရင်က ရေးဖူးတဲ့ Heat Stroke ဖြစ်နိုင်ချေရှိတဲ့ ခွေးကြောင်တွေရယ် Heat Stroke ရပြီဆိုတာနဲ့ တွေ့ရမယ့် လက္ခဏာတွေရယ်ကို အသေးစိပ်ဖတ်နိုင်ပါတယ်

မေတ္တာဖြင့် BuKuJu 😇

Disclaimer: we don't own this picture or photograph. All credits go to the rightful owner. No copyright infringement intended. It's for awareness and knowledge sharing purposes.

28/11/2024

Kidneys 🫘

🫘 ပျက်သွားပြီးရင် ပြန်ပြီး မကောင်းနိုင်တော့တဲ့
တိတို့ရဲ့ ကျောက်ကပ် 🫘

ကျောက်ကပ်ဟာ
1. သွေးထဲက အဆိပ်အတောက်တွေကို စစ်ထုတ်ပြီး ဆီးထဲ Waste Products အဖြစ် စွန့်ပစ်ကာ
2. ခန္ဓာကိုယ်ထဲလိုအပ်တဲ့ ရေနဲ့ ဓာတ်ဆားတွေကို normal ဖြစ်အောင်ထိမ်းသိမ်းပေးတဲ့အတွက် အရေးကြီးတဲ့ အင်္ဂါတခုဖြစ်ပါတယ်

❗ ကျောက်ကပ်ဆဲလ်တွေက အသည်းလို ပြန်ကောင်းလာနိုင်တာမျိုးမဟုတ်ဘဲ ပိုမိုပျက်စီးမသွားအောင်ဘဲ ထိမ်းသိမ်းလို့ရတာဖြစ်ပြီး

❗ ကျောက်ကပ်ရဲ့ ၃ ပုံ ၂ ပုံလောက်ပျက်စီးမှသာ ကျောက်ကပ်ပျက်စီးခြင်း လက္ခဏာတွေပြလာတာဖြစ်လို့ အသိနောက်မကျရလေအောင် ပုံမှန် အမြဲစစ်ဆေးနေသင့်ပါတယ်တဲ့

🐾 ခွေးသေးနဲ့ ကြောင်လေးတွေဆို ပျမ်းမျှ အသက် ၁၂-၁၄ နှစ်လောက်ကစလို့ ကျောက်ကပ်ပျက်စီးခြင်း လက္ခဏာတွေကို စတင်တွေ့ရတတ်ပြီး
🐾 ခွေးကြီးတွေမှာတော့ အသက် ၇ နှစ်ဆိုတာနဲ့ စတွေ့နေရပါပြီ

ကျောက်ကပ်ပျက်စီးခြင်း ၂ မျိုးကတော့
1. Chronic Kidney Disease (CKD)
နှစ်ရှည်လများကြာမှ ပေါ်ပေါက်လာတဲ့ ကျောက်ကပ်ပျက်စီးခြင်းဖြစ်ပြီး ပုံမှန်စစ်ဆေးခြင်းဖြင့် ပိုဆိုးမသွားအောင် ထိမ်းသိမ်းလို့ရပါတယ်

2. Acute Kidney Disease (AKD) ကတော့
ရက်ပိုင်းအတွင်း ဖြစ်ပေါ်လာတာဖြစ်ပြီး ချက်ချင်းအရေးပေါ်ကုသရပါတယ်

AKD ရော CKD ရောဟာ ဖြစ်လာတဲ့အခါ ပြသတဲ့ လက္ခဏာတူပြီး အချိန်ဘယ်လောက်အတွင်းမှာဖြစ်ပေါ်လာလဲဆိုတာကိုသာ ကြည့်ရတာကြောင့် ပုံမှန် Check up လုပ်ခြင်းက အရေးကြီးတာဖြစ်ပါတယ်

😔 ကျောက်ကပ်ပျက်စီးတဲ့အခါ

❌ ရေဓာတ်ဆုံးရှုံးတာ၊ နုန်းချိတာ၊ ရေငတ်လွန်း ဆီးသွားလွန်းတာ၊ အစာစားချင်စိတ်လျော့နည်းတာ၊ မူးဝေ အော့အန် ဝမ်းပျက်တာ၊ ဝိတ်ကျမြန်တာ၊ ဆီးထဲသွေးပါတာ၊ ခန္ဓာကိုယ် အပူချိန် လျော့ကျတာ၊ သွေးအားနည်းပြီး သွားဖုံးတွေ ဖျော့တာ၊ သွေးတိုးတာ၊ ခံတွင်းနဲ့ အစာခြေလမ်းကြောင်းတလျောက် အနာပေါက်တာ၊ အတက်ရောဂါဖြစ်တာတွေ ဖြစ်တတ်ပါတယ်

🫘 Kidney ပြသနာဖြစ်ပေါ်စေရခြင်း
အကြောင်းအရင်းတွေကတော့

🔷 Toxin : အဆိပ်အတောက်ဖြစ်စေတဲ့အကောင်နဲ့ အစားအစာတွေကို မြိုချမိရာမှဖြစ်တယ်
(ဖားကိုစားမိတာ/ မြွေကိုက်ခံရတာ/ ချောကလက်နဲ့ စပျစ်သီး စားမိတာ/ Vitamin D overdose ဖြစ်တာ/ အင်းဆက်ပိုးမွှားနှိမ်နှင်းဆေးတွေ စားမိတာ/ NSAIDs တွေ သောက်သုံးရတာ)

🔶 Trauma : ကျောက်ကပ်ရှိတဲ့နေရာတဝိုက် (ခါးအောက်ပိုင်း) ကို အပြင်းအထန်ထိခိုက်မိရာက ကျောက်ကပ်သွေးခြေဥခြင်း/ သွေးယိုစိမ့်ခြင်းဖြစ်ပြီး ခန္ဓာကိုယ်ထဲက Toxin တွေကို မစစ်ထုတ်နိုင်တော့ဘဲ ကိုယ်တွင်းရေဓာတ် ကမောက်ကမဖြစ်စေနိုင်ပါတယ်
AKD ထဲပါဝင်ပြီး နာရီပိုင်းအတွင်း ရက်ပိုင်းအတွင်းကို အသက်သေဆုံးနိုင်သည်ထိ ဖြစ်နိုင်ပါတယ်

🔷 Infection : ပြင်းထန်တဲ့ဆီးပိုးဝင်ခြင်းက ဆီးလမ်းကြောင်းကတဆင့် ဆီးအိမ်၊ ဆီးအိမ်ကတဆင့် ကျောက်ကပ်ပေါ်ထိတက်သွားပြီး ကျောက်ကပ်ပျက်စီးစေနိုင်ပါတယ်

အဲ့လိုဖြစ်တဲ့အခါ ကျောက်ကပ်နဲ့ ဆီးအိမ်ကို Ultrasound ရိုက်ပြီး စစ်ကြည့်တာ၊ ဆီးပိုးမွေးပြီးတော့ လိုအပ်တဲ့ ပိုးသတ်ဆေးပေးတာမျိုးလုပ်ရပါတယ်
FIP, FIV, သွေးကင်ဆာဖြစ်တဲ့ ကြောင်လေးတွေမှာလည်း ကျောက်ကပ်ပျက်စီးမှုကိုဖြစ်စေနိုင်ပြီး တခြားကင်ဆာနဲ့ သွေးတိုးရောဂါ၊ မွှားကြောင့်ဖြစ်တဲ့ Lyme Disease ဖြစ်တဲ့ ခွေးလေးတွေမှာဆိုရင်လည်း ကျောက်ကပ်ပျက်စီးနိုင်ပါတယ်

🔶 ကျောက်တည်ခြင်း : ကျောက်ကပ်ကျောက်တည်ခြင်းက မျိုးရိုးလိုက်တတ်ပြီး ပိုးဝင်ခြင်းနဲ့ တခြား ရောဂါတွေကြောင့်လည်း ဖြစ်တတ်ပါတယ်

ကျောက်ကပ်ထဲရှိတဲ့ကျောက်အများစုက Oxalate Stones ဖြစ်ကြပြီး ခွေးကြောင်တွေကို သိပ်ဒုက္ခမပေးတတ်ပေမယ့် အဲ့ဒီကျောက်က ကျောက်ကပ်ကနေ ဆီးအိမ်ကို သွားတဲ့ပြွန်မှာ ပိတ်မိသွားတဲ့အခါ အပြင်းအထန်နာကျင်မှုကိုဖြစ်စေကာ ဆီးမသွားနိုင်ဘဲ ကိုယ်တွင်းအဆိပ်အတောက်တွေ စုပြုံလာလို့ကျောက်ကပ်ယောင်ခြင်း ပျက်စီးခြင်းကို ဖြစ်စေနိုင်ပါတယ်

🔷 မျိုးရိုးလိုက်ခြင်း : ကြောင်လေးတွေမှာ ပိုပြီး အဖြစ်များပါတယ်

🔶 ဆီးရွှင်ဆေးအသုံးပြုခြင်း : ဆီးရွှင်ဆေးကို အလွန်အကျွံ ဒါမှမဟုတ် ကြာရှည် အသုံးပြုနေရတဲ့ ခွေးကြောင်လေးတွေဟာ ကျောက်ကပ်ကို အမြဲစစ်ဆေးပေးနေသင့်ပါတယ်

🐾🍀 တိလေးတွေဟာလည်း လူလိုပဲ ကျောက်ကပ်တလုံးပဲကျန်ရင်တောင် အသက်ဆက်ရှင်နိုင်ကြတာဖြစ်ပြီး ပျက်ဆီးသွားတဲ့ ဆဲလ်တွေက ပြန်မကောင်းနိုင်ပေမယ့် နေရထိုင်ရ အစဉ်ပြေအောင် နေ့စဉ်သွားလာလှုပ်ရှားနိုင်အောင် ပြုစုကုသထိမ်းသိမ်းလို့ရပါတယ် 🍀🐾

🙏 ဒါကြောင့် ကျောက်ကပ်ပျက်စီးတာ၊ ကျောက်ကပ်ရောဂါဖြစ်တာတွေကို အချိန်မှီ သိရှိပြီး လိုအပ်တာတွေကို ရှောင်ရ၊ ဆောင်ရမယ့်အပိုင်းတွေအတွက် အရေးအကြီးဆုံးဖြစ်တဲ့ ပုံမှန် Check Up လုပ်ဖို့ကို မမေ့ပါနဲ့နော် 🙏

တိလေးတိုင်း သက်ရှည်ကျန်းမာပြီး
အနာရောဂါဝေဒနာကင်းစေပါကြောင်း
ဆုတောင်းရင်း ချစ်ခင်ခြင်းများစွာဖြင့်

🐶BuKuJu & Just for Pet🐱

Photo_Credit to the rightful owner.
Photo Credit to the rightful owner.

28/11/2024

🤯Heatstrokes နဲ့ ကိုယ်တွေ့ရင်တုန်ပန်းတုန်

တိလေးတွေက လူတွေလို အပူထုတ် ချွေးထွက်တဲ့ gland က ခန္ဓာကိုယ်အနှံ့ရှိနေတာမဟုတ်ဘဲ ခြေဖဝါးလေးတွေနဲ့ နှာခေါင်းနားမှာသာ ပါရှိလို့ ပူတယ်အိုက်တယ်ဆို အပူတွေကို အဓိက ဟောဟဲလုပ်ရင်းနဲ့ မှုတ်ထုတ်ကြပါတယ်

🚫တော်ရုံပူတာကို အရိပ်ရပြီး လေအဝင်အထွက်ရှိနေရင်ခံနိုင်ပေမယ့် အလုံပိတ်နေရာမျိုးတွေမှာ ပူနေရင် (ဥပမာ... နွေရာသီ အဲကွန်းမဖွင့်ထားတဲ့ ကားပေါ်မှာ ပြတင်းတံခါးတွေမဖွင့်ဘဲထားရင် ၅မိနစ်၊ အကုန်ဖွင့်ထားပေမယ့်လည်း ၁၀ မိနစ်ကြာခန့် ထားခဲ့မိရင်)
🚫အဝလွန်နေရင်
🚫စိတ်လှုပ်ရှားလွန်းရင်
🚫နှာတိုပြီး လေပြွန်ကျဉ်းရောဂါရှိနေရင်
🚫သောက်ရေအလုံအလောက်မရှိရင်
🚫အရမ်းလှုပ်ရှားကစားလွန်းရင်
🚫အသက်အရွယ်ကြီးလွန်းရင်
🚫အမွှေးထူလွန်း၊ ရှည်လွန်းရင်
🚫တခြားရောဂါအခံတွေရှိရင်
🚫ရေအေးနဲ့ ရေချိုးပြီး လူသုံးလေပူထွက် dryer နဲ့ အချိန်ကြာမြင့်စွာမှုတ်ပေးရင်

heatstrokes ရနိုင်ခြေများပြီး တနာရီအတွင်းပဲ သေဆုံးနိုင်တာကြောင့် အမြန်ဆုံး ကုသမှုလိုအပ်တယ်
အသက်မသေခဲ့ရင်တောင် ကိုယ်ပူချိန် အရမ်းမြင့်တက်လာတာကြောင့် ကိုယ်တွင်းကလီစာပျက်စီးမှုနဲ့ ကာလအပိုင်းအခြားတခုမှာ သေဆုံးနိုင်ပါတယ်

—~— 🐾 —~— 🐾 —~— 🐾 —~—

Heatstrokes ရပြီဆိုရင်
​⚠️ဟောဟဲဖြစ်မယ်
⚠️နှလုံးခုန်မြန်မယ်
⚠️အော့အန်မယ်
⚠️ယိုင်တိုင် ယိုင်တိုင်ဖြစ်မယ်
⚠️သွားရည် ပြစ်ပြစ်တွေကျလာမယ်
⚠️လျှာနဲ့ သွားဖုံးတွေ နီရာမှတဆင့် ခရမ်းရင့်ရောင်ဖြစ်လာမယ်
⚠️အသက်ရှူရခက်ခဲလာမယ်
⚠️သတိလွတ်လာမယ်
⚠️မူးလဲမယ်

ဒါတွေဖြစ်လာပြီဆိုရင် စအိုကနေ Temperature တိုင်းကြည့်ပြီး 106 F နဲ့အထက်ဆိုရင် Heatstrokes ရနေပြီလို့ သတ်မှတ်ရမှာဖြစ်ပြီး ချက်ချင်း အရေးပေါ်ကုသမှုတွေ လိုအပ်ပါတယ်

—~— 🐾 —~— 🐾 —~— 🐾 —~—

အရေးပေါ်အိမ်တွင်းပြုစုနည်းတွေကတော့
✅အရိပ်ရပြီး လေဝင်လေထွက်ရှိတဲ့ အဲကွန်းခန်းလိုနေရာကို ချက်ချင်းရွှေ့ရမယ်
✅ပန်ကာတွေဖွင့်ပေးရမယ်
✅ဗိုက်၊ ခြေဖဝါး၊ ချိုင်းကြား၊ ပေါင်ကြား၊ နားရွက်၊ ခေါင်း စတာတွေကို ရေအေးစိမ်ထားတဲ့ ပိတ်စတွေနဲ့ အဆက်မပြတ် သုတ်ပေးရမယ် (အုပ်ထား/ပတ်ထားတာမျိုးမလုပ်ရပါ)
✅ခြေဖဝါးတွေကနေ အပူထွက်နိုင်အောင် အရက်ပျံစွတ်ထားတဲ့ ဂွမ်းနဲ့ မကြာခဏ သုတ်ပေးရမယ်
✅ခန္ဓာကိုယ်အပေါ်ပိုင်းတွေကို ရေခဲကပ်ပေးရမယ် (ရေခဲရေနဲ့ လောင်းချ/ချိုးချတာမျိုးမလုပ်ရပါ)
✅လှောင်အိမ်နဲ့ထားတဲ့ ငှက်၊ယုန်၊ပူး၊ကြွက် စာတာလေးတွေဆိုရင် သူတို့လေးတွေခန္ဓာကိုယ်အနီး လှောင်အိမ်ထဲမှာ ရေခဲဘူးတွေထည့်ပေးထားရမယ်။ အရိပ်ရ လေဝင်ထွက်ကောင်းတဲ့အခန်းထဲ လှောင်အိမ်ကို ထည့်ပြီး ရေစိုဝတ်တွေနဲ့ လွှားထား အုပ်ထားပေးရမယ်
✅နီးစပ်ရာ ဆေးခန်းကို အမြန်ဆုံးခေါ်ဆောင်သွားရပါမယ်

ဆေးခန်းရောက်တဲ့အခါ
✔️စိတ်ငြိမ်ဆေး
✔️Oxygen
✔️လေပြွန်ကျယ်ဆေး
✔️ကိုယ်ပူကျ စအိုထဲထည့် ဒုံးကျည် (Diclo-Denk)
✔️မူးဝေအော့အန်သက်သာဆေး
✔️ပိုးသတ်ဆေးနဲ့
✔️အရေဓာတ်သွင်းခြင်းအပြင်
တခြားလိုအပ်တဲ့ ဆေးဝါးတွေနဲ့ပါ ချက်ချင်း ကုသပေးရပါတယ်

🚨Temperature 103 F အောက်ပြန်ရောက်မှ heatstrokes ကြောင့် ရက်ပိုင်းအတွင်း သေဆုံးမှုကို ကာကွယ်နိုင်မှာဖြစ်ပါတယ်

ဒါကြောင့် ခုလို ဆေးခန်းအချိန်မရွေး သွားရမလွယ်ကူတဲ့ကာလမှာ အဝလွန်တဲ့၊ နှာတိုတဲ့၊ လေပြွန်ကျဉ်းရောဂါရှိတဲ့ ကောင်တွေအနေနဲ့
❗စိတ်လှုပ်ရှားမှုဖြစ်စေမယ့် တခြားကောင်အသစ်တွေနဲ့ ဆော့ကစားတာမျိုး
❗နေလည်နေ့ခင်း ကားစီးတာမျိုးတွေကို အတတ်နိုင်ဆုံး ရှောင်ရှားကြဖို့နဲ့
❗လေအဝင်အထွက်မရှိလှောင်ပိတ်နေတဲ့ နေရာမျိုးတွေမှာနေတာမျိုးမရှိစေဖို့
❗ရေခဲရေမဟုတ်တဲ့ ရေအေးသောက်သုံးရေအလုံအလောက်အမြဲရှိနေစေဖို့ သတိပြုရပါမယ်

😵အဝလွန်နေပေမယ့် အကောင်းကြီးကနေ ညနေ ၆ နာရီလောက်မှာ ဘူးဒီတို့နဲ့ ၅ မိနစ်ခန့် ဆော့ကစားလိုက်ပြီး Heatstroke ရသွား၊ ဆေးခန်းကို curfew နဲ့ ည ၇ နာရီကျော်ကြီး ပြေးရ၊ အိမ်ပြန်ရောက်နေတဲ့ 7one Veterinary Clinic က ဆရာမလေး Dr.Hnin Pwint Hlaing ကို ဆေးခန်းကိုမရမကတွေ ပြန်ခေါ်ပြီး ဆေးရုံတင်လိုက်ရတာကို ကိုယ်တွေ့ကြုံလိုက်ရပြီးနောက် တိပိုင်ရှင်များ သတိပြုမိစေရန် ရည်ရွယ်ရင်းဖြင့်

🙏စိတ်ကြိုက် Share နိုင်ပါတယ်
တဆင့်ပြန်လည် ကူးယူဖော်ပြခြင်းမပြုဖို့ မေတ္တာရပ်ခံပါတယ်

Just for Pet

28/11/2024

😮‍💨ကြီးကြီးမားမား များများစားစား လှူဖို့ရာမစွမ်းသာသေးတော့ Knowledge sharing လေးလုပ်ရင်းပဲ တခြားဝုလေးတွေ ပိုကျန်းမာလာတယ်ဆိုတဲ့ ကျန်းမာရေးကုသိုလ်လေးပဲ အမောင်ဂျူလေးမွေးနေ့မှာရဖို့ ဒီ Post လေးတင်ပါရစေ

❗အမှားကနေ နောင်တ
နောင်တကနေ သင်ခန်းစာဆိုတဲ့အတိုင်း

ယခု Post လေးဟာ ဒီ (၃) ကောင်ကို အနီးကပ်မွေးရာကနေ ရခဲ့တဲ့ အမှားတွေ နောင်တတွေ သင်ခန်းစာတွေပေါ်မူတည်ပါတယ်

1. ကိုယ်မွေးချင်တဲ့ Breed ဟာ ကိုယ်နဲ့ အပ်စပ်မှုရှိမရှိ အရင်ဆုံး လေ့လာမိခဲ့သင့်ပါတယ်
Pomeranian မှ Pomeranian အတော်ကိုဖြစ်ခဲ့တာမို့ ကျန်းမာရေးအရ နုနယ်ချူချာပြီး မျိုးရိုးလိုက်ရောဂါများပြားလွန်းတဲ့ ဒီ Pom လေးတွေကြောင့် Trauma တွေ အတော်ရှိလာခဲ့ပါတယ်
ကလေးတွေကို အပြစ်တင်ခြင်းမဟုတ်ပါဘူး
စိတ်ပူတတ်လွန်းတဲ့သူ စိတ်မဖြောင့်နိုင်ဖြစ်တတ်တဲ့သူ နောင်တတွေနဲ့ ပူလောင်တတ်တဲ့သူတွေဟာ ကျန်းမာရေးပိုပြီးကောင်းတဲ့ Breed လေးတွေကိုသာ ရွေးချယ်သင့်ပါတယ်

2. ငယ်စဉ်ကတည်းက ကိုယ့်ရဲ့ Routine ကိုနေထိုင်တတ်အောင် သင်ပေးခဲ့ရမှာပါ
ကိုယ်ကခရီးသွားရတာဝါသနာပါတယ် ခေါ်သွားချင်ပေမယ့် မိကြူးလေးက ရောက်ကတည်းက တလကျော် အသက်လုရတာနဲ့ အမောင်ဂျူက Covid နှစ်တွင်းကြီးမွေးလာတာကြောင့် အပြင်ကိုသိပ်မခေါ်ဖြစ်ရာက ကားစီးရင် Anxiety အရမ်းတက်လွန်းလို့ ဒုက္ခများပါတယ် တနှစ်တခါ ခရီးလေးခေါ်သွားဖို့ကို အတော်စဉ်းစားရပါတယ်
အပြင်ထွက်လမ်းလျှောက်ဘာညာလည်း ပတ်ဝန်းကျင်အနှောက်အယှက်ဖြစ်စေလို့ သိပ်မခေါ်သွားနိုင်တော့ပါဘူး

3. အလိုလိုက်ခဲ့မိတာကိုနောင်တရရပါတယ်
ဘူးဒီလေးဆိုလည်း အဝလွန်စေခဲ့မိပါတယ်
ဝိတ်ပဲလေ ပြန်ချရင်ကျတယ်ဆိုပေမယ့် ဝတဲ့ခဏဟာ မျိုးရိုးလိုက် Joint Problem/ လေပြွန်ကျဉ်း ရှိတဲ့ကောင်အတွက်က Permanent Damage အတော်ထိပါတယ်
မိကြူးလေးဆိုလည်း ရောက်ကတည်းက ဖျတ်ဖျတ်လူးသဟဆိုပြီး တရက်ကို ၁၅ မိနစ် ၆ ကြိမ်ထပ်ပိုပြီး တနာရီကြာ လှောင်အိမ်ပြင်မှာ ပေးအိပ်ရာကနေ နေရာအရွှေ့အပြောင်းကြောင့် ကိုယ်ခံအားကျနေတော့ အဆုတ် Infection ဝင်လို့ သေပြီတောင် ထင်ခဲ့ရတဲ့ထိ အသက်ကယ်ခဲ့ရပါတယ် လေပြွန်လည်းအခြေအနေတော်တော်ဆိုးဆိုးဖြစ်ကျန်ခဲ့ပါတယ်

4. အစာအာဟာရအကြောင်းကို စောစီးစွာ သိနားလည်ခဲ့သင့်တာပါ
ဆန်/ဂျုံ/ပြောင်း/ပဲဟာ သူတို့ခန္ဓာအတွက် ဘာကောင်းကျိုးမှ မရှိစေဘဲ ဆိုးကျိုးကိုသာပိုစေတယ်ဆိုတာတွေ... အသား/အသည်း/ကလီစာ/ အသီးအရွက် မျှတအောင် စောစောကျွေးနိုင်လေ ပိုကျန်းမာလေဆိုတာတွေကို တတ်သိနားလည်ခဲ့ဖို့ကောင်းပါတယ်
BuKuJu (၃) ကောင်မှာ အကျန်းမာဆုံး အသွက်လက်ဆုံးက အမေနို့တစက်မှမရခဲ့တဲ့ အမောင်ဂျူဖြစ်ပြီး ငယ်စဉ် နို့လွတ်ကတည်းက နေမကောင်းလို့ ဆေးခန်းပြရတယ်ဆိုတာ ခု ၄ နှစ်သားထိ လက် ၅ ချောင်းမပြည့်ခဲ့ပါဘူး... ဒါဟာ ငယ်ရွယ်စဉ်ကတည်းက စုံလင်အောင်ကျွေးမွေးခဲ့တဲ့အစာအဟာရရဲ့ အစွမ်းလို့ကို ယုံကြည်ပါတယ်

5. နှလုံးသန်ကာကွယ်ဆေးနဲ့ပတ်သက်ပါတယ်
ဒါက ကျွန်တော်တို့ သူငယ်တန်းအရွယ်ကတည်းက ခုချိန်ထိ ခြံထဲမှာမွေးတဲ့ခွေးလေးတွေ ခြင်တွေ အကိုက်ခံရပေမယ့် အသက် ၁၂-၁၃ ထိ နှလုံးသန်မရှိကြတာကြောင့် ကူကြူးနဲ့ ဂျူနျာဟာ နှလုံးသန်ဆေး လုံးဝမသောက်ခဲ့ရပါဘူး
အမောင်ဘူးဒီကိုတော့ တိုက်ခဲ့ပါတယ်... ငယ်စဉ်ကတည်းက အကြောဆွဲတတ်တဲ့ အမောင်ဘူးဒီဟာ မိကြူးရောက်လာပြီးနောက်ပိုင်း သူ့အသက် ၂ နှစ်ကျော်မှာ နှလုံးသန်ဆေးကိုလုံးဝဖြတ်ပြီးတဲ့နောက်မှာ အကြောမဆွဲတော့ပါဘူး
ဒါပေမယ့် တိုက်ရမယ် ပျက်ကွက်ခဲ့မိပြီဆိုပြီး ပြန်တိုက်တဲ့အခါ ပြန် အကြောဆွဲလာတာကြောင့် ဖြတ်ခဲ့ပြီးနောက်ပိုင်း ခုအသက် ၇ နှစ်ခွဲထိ တခါလားပဲဖြစ်ပါတော့တယ် ... ဒီမှာဝင်နေတဲ့ နှလုံးသန်ကာကွယ်ဆေး Endex က ယိုးဒယားမှာ လူကသောက်မိပြီး သေသွားတဲ့အဖြစ်ရှိတာလည်း ပါလို့ USA က HeartGuard ကိုတိုက်တာလည်း သူမခံနိုင်ခဲ့တော့ နောက်ပိုင်း ဆေးမတိုက်ဘဲ တနှစ်တခါတော့ သွေးစစ်ဖြစ်ပါတယ်
ဆိုတော့ ဒီအချက်နဲ့ပတ်သက်ပြီး
တခုခုကိုဆုံးဖြတ်မယ်လို့ကြံဆတယ်ဆိုရင်
ကျန်းမာတဲ့ကလေး မကျန်းမာတဲ့ကလေး
ကိုယ်နေရတဲ့ ပတ်ဝန်းကျင် စတာတွေပေါ် အများကြီးချိန်ညှိတတ်ဖို့လိုပါတယ်

6. ဘယ်အရာကို ဘယ်အချိန်မှာ ဘယ်လောက်လုပ်ရမလဲဆိုတာသိခဲ့သင့်တာပါ
ဘူးဒီဆိုရင် ငယ်ငယ်က အမာတွေ Rawhide တွေပေးဝါးတော့ သွားပြသနာမရှိပေမယ့် အစာအိမ်ပြသနာဖြစ်ခဲ့ပါတယ်
ကူကြူးအလှည့်မှာတော့ အမာကိုဖြတ်လိုက်တာကြောင့် ငယ်သွားတွေဟာကျိုးသင့်တဲ့ချိန်မကျိုးခဲ့ဘဲ ကလေးမွေးမှ အစွယ်သွား ၃ ချောင်းနှုတ်ခဲ့ရပါတယ်
အဲ့သွားနှုတ်လိုက်လို့ နာတာရော ဗိုက်ခွဲတာရောကြောင့် နို့တစက်မှမထွက်ပါဘူး
ပြီးတော့ ငယ်သွားထပ်တဲ့သွားအသစ်တွေမှာ သွားကျောက်တွေတည်ပြီး မိကြူးဟာ ၃ ကောင်ထဲမှာ ခံတွင်းနံ့အဆိုးဆုံးကလေး ဖြစ်နေပါတယ်

ဆိုတော့ ကျွန်တော်တို့ ညံ့ဖျင်းခဲ့သမျှကို
ချစ်ရတဲ့ Customer တို့ စိတ်ချမ်းသာကာ
ကလေးတွေ သက်ရှည်ကျန်းမာဖို့
သင်ခန်းစာလေးတွေ မျှဝေပါတယ်

ဒီ Post ကနေ တခုခု အကျိုးပြုလို့
ကောင်းမှုကုသိုလ်ရတဲ့အခါ
BuKuJu (3) ကောင်ကျန်းမာကာ ဝေဒနာကင်းဖို့ အထောက်အပံ့သာဖြစ်ရပါစေ 🙏

28/11/2024

🐶🐱ဝုမြှောင်ပိစိဝယ်လာပြီဆိုရင် များသောအားဖြင့် အရင် owner က အစာခြောက်ကျွေးလာကြတာများပါတယ်

အဲ့ဒီအစာခြောက်ကိုပဲ အိမ်ရောက်ပြီး ၂ ပတ်ခန့်က အပြောင်းအလဲမရှိ သူတို့စားခဲ့တဲ့တံဆိပ်အတိုင်း စားခဲ့တဲ့ ပမာဏအတိုင်း စားခဲ့တဲ့အကြိမ်ရေအတိုင်းကျွေးရပါမယ်

သတိထားရမယ့်အရာက
❗အစာခြောက်ဟာ ရေမစိမ်ဘဲကျွေးရင် အစာမကြေဖြစ်တတ်ပြီး
❗ရေစိမ်တာများပြီး ကြာရင်လည်း ဝမ်းပျော့ပါတယ်

၂ ပတ်ကြာလို့ အိမ်မှာနေသားကျ ကျန်းမာရေးတစုံတရာ ပြသနာမရှိမှ အစာကို ပြောင်းကျွေးချင်ရင် စပြီးပြောင်းကျွေးလို့ရပါတယ်

ကျွေးတဲ့အခါမှာလည်း
✔️အစာဟောင်း 80% အသစ် 20% တပတ်ကြာကျွေးပါ ဝမ်းကောင်းမှ
✔️အစာဟောင်း 60% အသစ် 40 % တပတ်ကြာထပ်ကျွေးပါ
အဲ့လိုကနေ တဖြည်းဖြည်းကျင့်ရင်းပြောင်းလဲနိုင်ပါတယ်

❗လူကလေးငယ်တွေ ၆ လခန့်မှ ကိုယ်ပိုင် ကိုယ်ခံအားကောင်းကောင်းရကြသလိုပဲ သူတို့လေးတွေကလည်း အသက် ၃ လကျော် ၄ လခန့်မှ ကိုယ်ပိုင် ကိုယ်ခံအားစပြီး ကောင်းကောင်းရကြတာဖြစ်လို့

🔺အကောင်းဆုံးက ၃-၄ လအောက် ဝုမြှောင်တွေကို အိမ်ရောက်ပြီး ၂ ပတ်အတွင်း အထူးဂရုစိုက် စောင့်ရှောက် ပြုစု ကျွေးမွေးဖို့ မမေ့ပါနဲ့

အလိုမလိုက်ပါနဲ့ ... မသနားပါနဲ့
ဆော့ချိန်ကို တတ်နိုင်သမျှ နည်းအောင်ထားပါ
များများနဲ့ ကောင်းကောင်းအိပ်ပျော်အောင် ထားပါ
Training လေးတွေလည်း လုပ်ပါ
Sit တလုံးကတော့ ကောင်းကောင်း နားလည်ထားတာကောင်းပါတယ်

ဖြည့်စွက်အပို အနေနဲ့ဆို အားဆေးတွေတိုက်လို့ရပါတယ်
Multivitamin Gel တွေ Probiotic/Prebiotic တွေ ဓာတ်ဆားတွေ ရပါတယ်

🫠 တချို့ တအားနုတဲ့ ကလေးတွေဆိုရင် ဟိုဘက်အိမ် ဒီဘက်အိမ်အကူးမှာတင် Stress နဲ့ anxiety ကြောင့် ဝမ်းပျက်အော့အန်တာဖြစ်ကြသလို
အစာတောင်မကျွေးရသေးဘူး ရေလေးတိုက်တာနဲ့ ဝမ်းပျက်တာလည်း ကြုံဖူးပါတယ်

ဒါတွေက ခွေးလေးတွေ ဝယ်ရောင်း မွေးမြူတာကနေ ရရှိခဲ့တဲ့ အတွေ့အကြုံတွေကနေ တဆင့်ပြန် Sharing လုပ်ပေးတာသာဖြစ်ပါတယ်

မေတ္တာဖြင့် BuKuJu

28/11/2024

🐶ခန္ဓာကိုယ်မှာ အဓိက အရေးအကြီးဆုံးဖြစ်တဲ့ အသည်းအကြောင်းပြောရအောင်

Liver ဆိုတဲ့ အသည်းဟာ
✔️သွေးတွင်းမှာရှိတဲ့ မကောင်းတဲ့ အဆိပ်အတောက်တွေကို ဖယ်ရှားပြီး
✔️ခန္ဓာကိုယ်အတွက် လိုအပ်တဲ့ Energy source ဖြစ်တဲ့ Glucogen တွေသိမ်းပေးတဲ့အပြင်
✔️protein နဲ့ အဆီတွေကိုပါ ထုတ်လုပ်ပေးကာ
✔️အစာခြေဖို့အတွက် သည်းခြေရည်ကိုထုတ်ပေးပြီး
✔️Metabolic Functions ၅၀၀ ကျော်ကိုလုပ်ဆောင်ပေးတဲ့အတွက်

🔥ခန္ဓာကိုယ်တခုလုံးမှာ ရှိရှိသမျှ ကလီစာတွေထဲ အရေးအကြီးဆုံး အဖိုးအတန်ဆုံးလို့ သဘောထားပြီး ဂရုစိုက်ပေးရပါမယ်🔥

Liver က
အနီးအနား/ အတွင်းအပြင် ရှိရှိသမျှ အရာအားလုံးရဲ့ ကောင်းကျိုးဆိုးကျိုးကိုခံစားရပါတယ်

❗ပတ်ဝန်းကျင်မှာ ရှိနေတဲ့အဆိပ်အတောက်တွေဖြစ်တဲ့ လေထု ညစ်ညမ်းတာ၊ ဆေးလိပ်နဲ့ မီးခိုးငွေ့တွေ၊ Chemical များတဲ့ အသုံးအဆောင်တွေနဲ့
❗မြိုချလိုက်တဲ့ အစားအစားတွေ၊ ဆေးတွေ (သန်/နှလုံးသန်/ပိုးသတ်ဆေး)၊ ရေ၊ အဆိပ်ရှိ အပင်နဲ့ အကောင်တွေ
❗ခန္ဓာကိုယ်ပေါ်အသုံးပြုတဲ့ ဆေးတွေ၊ သန်းမွှားဂုတ်စက်ချဆေးတွေ၊ Chemical အပြင်းတွေသုံးထားတဲ့ Shampoo/Lotion/ရေမွှေးတွေ၊ ကာကွယ်ဆေးအမျိုးမျိုးကစလို့
❗Stress တွေ Boredom တွေကအဆုံး
❗Bacterial or Viral Infections ပါပါတာဆိုတော့
အရာရာအားလုံးနီးပါးက Liver အပေါ် effect ရှိတယ်လို့သာမှတ်ထားပါ

အသည်းမှာပြသနာတက်ရှိတဲ့ ဝုတွေဟာ
❌အစားမစားချင်တာ
❌ဝိတ်ကျတာ
❌အော့အန်ဝမ်းလျှောတာ
❌ရေအလွန်ငတ်ပြီး ဆီးအလွန်သွားတာ
❌အရေပြားနဲ့ အမွှေး ခြောက်သွေ့ ဗောက်ထတာ
❌နား Infection ခဏခဏဖြစ်တာ
❌အရွတ်နဲ့ အကြော အားနည်းတာ
❌အသားဝါတာ
❌အာရုံကြောပြသနာ
❌အတက်ရောဂါ
❌အသက်ရှူရ ခက်ခဲတာ
⚠️အသည်းကင်ဆာ စတဲ့ပြသနာတွေဖြစ်တတ်ပါတယ်

အသည်းအတွက် သွေးစစ်တဲ့အခါ
🍀 Hepatic Enzymes (4) မျိုးရှိတဲ့အထဲ
ဒီက GHP မှာတော့ ALT နဲ့ ALP/ALKP ဆိုတဲ့ (၂) မျိုးပဲစစ်လို့ရပြီး တခြားထည့်သွင်းစဉ်းစားရတဲ့ Results တွေဖြစ်တဲ့ Cholesterol, Albumin, Bilirubin, Globulin, Total Potein စတာတွေပါစစ်ဆေးကြပါတယ်

အဲ့ဒီကနေမှ အသည်းပြသနာလား၊ Gallbladder မှာပြသနာရှိနေသလား၊ Pancreas မှာ ပြသနာတက်နေသလား၊ Bile Duct ကဖြစ်တာလား၊ ကျောက်ကပ်ကြောင့်လား၊ အရိုးကပြသနာလား၊ ဆီးချိုကြောင့်လား စတာတွေကို တွက်ဆကြပါတယ်

ဒီ သွေးစစ်တဲ့ဟာနဲ့ ပတ်သက်ပြီး အသေးစိပ်ကိုတော့ မပြောပြတော့ဘဲနဲ့ အရေးကြီးတဲ့အချက်ကလေးတွေကိုပဲ ပြောပြရမယ်ဆိုရင်

❗❗❗အသည်းကို ပုံမှန် Detox and Support လုပ်ရပါမယ်❗❗❗

🔶 ဒီမှာ အဓိက Detox လုပ်တဲ့နည်းကတော့ Body Weight အလိုက် Milk Thistle ကို တိုက်ကျွေးခြင်းဖြစ်ပါတယ်
အဲ့ဒါကို ၆ လတကြိမ်လို့ အရင်ကပြောကြပေမယ့် နောက်ပိုင်း US က ဆရာဝန်တွေကတော့ အဆိပ်အတောက်နဲ့ မကောင်းတဲ့ဟာတွေကို ၆ လထိ စုပြုံလာတာကိုစောင့်တာထပ်စာရင် တလတကြိမ် တကြိမ်ကို တပတ်ကြာ Detox လုပ်ပေးတာက ပိုပြီးထိရောက်၊ ပိုပြီးလွယ်ကူတဲ့အပြင် နားပြသနာ ခဏခဏဖြစ်တဲ့ ဝုတွေမှာလည်း တိုးတက်မှုကို ပိုမြင်ရပါတယ်တဲ့

🔷 Support လုပ်ရမယ့်နည်းကတော့
1. အစားအစာ ဂရုစိုက်ရမယ်
အစာခြောက်လို အပူချိန်လွန်ကဲစွာအသုံးပြုထားပြီး အသည်းကို ဒုက္ခပေးနိုင်တဲ့ Mycotoxin လို့ခေါ်တဲ့ ပဲ၊ပြောင်းကဖြစ်တဲ့ မှိုတွေပါဝင်နိုင်တဲ့ အစားအစာတွေကို ရှောင်ရမယ်
(ပဲသယ်တဲ့ကားမှာ ပဲ တစေ့က ကားကြားထဲညှပ်ပြီး မှိုတက်နေရင် ကျန်တဲ့ ပဲတွေမှာကအစ အဲ့ဒီ မှိုဟာ အချိန်တခုရောက်တာနဲ့ ပေါ်ပေါက်လာနိုင်ပါတယ်တဲ့)

2. ပတ်ဝန်းကျင်မှာရှိတဲ့ အသုံးအဆောင်တွေကို သတိထားသုံးစွဲရမယ်

3. Supplement တွေအနေနဲ့
Milk Thislte, Vitamin E, Probiotic/Prebiotic and Digestive Enzymes, ဆနွင်း, Hawthorne Berry, Dandelion Root, ငါးအသေးကနေထုတ်တဲ့ ငါးကြီးဆီတွေ, SAM-e ပါဝင်တဲ့ ဆေးတွေက အသည်းကို အထောက်အကူဖြစ်စေပြီး
နံနံပင်၊ ကညွန့်၊ ပန်းပွင့်စိမ်း၊ Barley Grass ၊Fermented Food ပဲပင်ပေါက်ချဉ်တို့ မုန်ညှင်းချဉ်တို့၊ ငါးအသေးလေးများ၊ ဥအမျိုးမျိုး စတာလေးတွေက အသည်းအတွက် အထောက်အကူဖြစ်စေပါတယ်တဲ့

🔥 Chronic Medications လို့ခေါ်တဲ့ ရောဂါတမျိုးမျိုးအတွက် ဆေးတမျိုးတည်းကို ၆ လနဲ့အထက် အမြဲသုံးနေရတဲ့ ခွေးကြောင်လေးတွေဟာ အသည်း ပျက်ဆီးမှုကို ကာကွယ်နိုင်ဖို့အတွက် Liver Enzyme တွေကို (၃) လတခါ ဒါမှမဟုတ် အနည်းဆုံး (၆) လတခါ စစ်ဆေးနေသင့်ပါတယ် 🔥

Liver Cells လေးတွေက ပြန်ပြီး အသစ်အသစ်ဖြစ်ပေါ်လာနိုင်တဲ့အတွက်ကြောင့် ခွေးကြောင်လေးတွေက ကောင်းတဲ့ Liver 20% လောက်ပဲ ကျန်ရင်တောင် သက်ရှင်လည်ပတ်နိုင်ပေမယ့် တခုနဲ့တခု ဆက်စပ်နေတဲ့အတွက် တခြားနောက်ဆက်တွဲ ရောဂါတွေ များပြားမလာရလေအောင်
နောက်ပြီး အသည်းမှာ ပြသနာဖြစ်ရင် ဝေဒနာခံစားရတာကြောင့် ပြောမပြတတ်တဲ့ သူတို့လေးတွေမှာ ဝေဒနာတွေမဖြစ်ရလေအောင် သေချာ ဂရုစိုက်ပေးဖို့ လိုအပ်ပါတယ် 🙏

😇 အသက်အရွယ်ရလာတဲ့ BuKuJu (3) ကောင်အတွက် လိုအပ်လို့ လေ့လာနေရင်းကနေ Knowledge Sharing လုပ်ပေးတာသာဖြစ်ပြီး ဆရာဝန်မဟုတ်တဲ့အတွက် ဒီထပ်ပိုပြီး သိလိုသည်များကို မိမိရဲ့ တိကုဆရာဝန်များနှင့် ဆွေးနွေးတိုင်ပင်သင့်ပါတယ်ခဗျာ

Photo Credit to ZestyPaws.

21/10/2024

💯 လေပြွန်ကျဉ်းတဲ့ကလေးတွေဆိုတော့လည်း
နေ့လည်စာစားပြီးချိန်တိုင်း နေ့စဉ်မပျက် ဆေးတိုက်ရတယ်

🐾နေ့စဉ်တိုက်ရတာဖြစ်လို့ရယ်
🐾လေပြွန်ကျဉ်းတာကြောင့်ရယ်

🚫 ဆေးကို အာခေါင်ထဲထိ ထိုးထည့်ရတဲ့
သူရော ကိုယ်ပါ ပင်ပမ်းမယ့် ကိစ္စကို မလုပ်ချင်တာကြောင့်

🥰 Petme Gel လေးနဲ့ ခုလိုလေး လုံးကျွေးပါတယ်

1. ပထမဆုံးတော့ Gel ကို ဆန်စေ့စာလောက်ညှစ်ပြီး ပေးလျက်တယ်
စားရင် မုန့်ကျွေးတယ်
2. အဲ့ကနေ ဆေးကို ပိစိလေးထည့်တယ် အပေါ်ကနေပါ Gel လေးနဲ့ လုံးပြီး အုပ်ထားတယ်
စားရင် မုန့်ကျွေး ဆုချတယ်
3. အဲ့ကနေပြီးတော့ Gel ပေါ်ကို ဆေး ဒီတိုင်း တင်ပြီး ကျွေးလိုက်ရုံပဲဆိုတဲ့ အဆင့်ရောက်လာတယ်ပေါ့

😁 ၂-၃ လတခါ သန်ချရင်လည်း ခုလိုပဲဆိုတော့ မပင်ပမ်းဘဲ ဆေးတိုက်လို့ ရနေတာကတော့ ကံကောင်းတာပေါ့

❗ဒီနေ့ကတော့ Reverse Sneezing လည်း ဖြစ်ပြီး
❗ရပ်ကွက်ထဲ မီးတွေလည်း ရှို့နေကြလို့
Allergy သက်သာအောင် လေပြွန်ကျယ်ဆေးရော Cetrine ပါ ထည့်တိုက်ထားတာပါ 😎

ဒါကြောင့် Just for Pet မှာ
PetmeGel လည်း ရောင်းပါတယ်

#အမောင်ဘူးဒီ #ဘူးဒီ

19/10/2024

🚫 လေပြွန်ကျဉ်းတယ်ဆိုတာ မှတ်ချက်ချရတာမျိုးမဟုတ်ပါဘူး 🚫

❗XRay ရိုက်ရပါတယ်❗

လေပြွန် ဘယ်လောက်ကျဉ်းတယ်
ဒါမှမဟုတ် အဆုတ်ယောင်ရောဂါဆိုပြီး ၂ မျိုးက တပူးတွဲတွဲဖြစ်နေတတ်လို့ပါ

😔 လေပြွန်ကျဉ်းတာက တသက်လုံး ပြန်ကောင်းလာမယ့် ရောဂါမဟုတ်ဘဲ ပိုပိုကျဉ်းမသွားအောင်သာ ထိမ်းသိမ်းရမယ့် အနေအထားဖြစ်ပြီး

🐾 ရာသီကူးပြောင်းကြောင့် ပိုးဝင်ပြီး အဆုတ်ရောင်တာမျိုးကတော့ ပိုးသတ်ဆေး ၂ ပတ်ကနေ တလကြာလောက် သေချာတိုက်ကျွေးပေးရုံနဲ့တင် အရွယ်ရောက် နဂို ကျန်းမာတဲ့ ခွေးဆို ရောဂါပျောက်ကင်းသွားနိုင်ပါတယ်

❌နှာရည်တွေကျတာ ချောင်းဆိုးတာ Reverse Sneezing ဖြစ်တဲ့အကြိမ်ရေများတယ်ဆို

လေပြွန်ကျဉ်းမကျဉ်း XRay ရိုက်ထားသင့်ပြီး
လေပြွန်ကျဉ်း Collapsed Trachea ခေါ် CT ခွေးကလေးများက တခြားခွေးလေးတွေထပ်ပိုပြီး ဂရုစိုက်ရပါတယ်

❗အဝမလွန်စေဖို့
❗ရာသီကူးပြောင်းချိန် အဓိကထားမယ့် နေရာ
❗အနံ့ရှိသော ရေမွှေး၊ အိမ်သုံးသန့်ရှင်းရေးပစ္စည်း၊ ကြမ်းတိုက်ဆေး၊ အမွှေးခဲ၊ ပရုတ်လုံး၊ ခြင်ဆေး၊ အပင်ပိုးသတ်ဆေး
❗ရေငွေ့များလွန်း/ နည်းလွန်းတဲ့ အခန်း
❗သူတို့အတွက်သုံးတဲ့ ဆပ်ပြာ၊ ရေမွှေး၊ Lotion ကအစ
❗Spa သွားတဲ့အခါ သုံးတဲ့ လည်ပင်းကြိုး
❗အပြင်ထွက်လမ်းလျှောက်ချိန်သုံးတဲ့ ရင်သိုင်းကြိုး
❗ဖုန်နဲ့ ဝတ်မှုန်တွေ မီးခိုးတွေ
❗စိတ်လှုပ်ရှားပြီး Stress များလွန်းတဲ့ ပတ်ဝန်းကျင်
❗အစာအိမ်နဲ့ အူလမ်းကြောင်း
❗အစာစားတဲ့ ပန်းကန် အနေအထား အနိမ့်အမြင့်

CT ခွေးကလေးတွေက တခြားခွေးလေးတွေထပ်ပိုပြီး အဆုတ်ရောင်ဖြစ်နိုင်ခြေ ပိုပြီးများတတ်တာရယ် အမှားအယွင်း အတိမ်းအစောင်းမခံတာရယ်ကြောင့် မိမိရဲ့ ခွေးလေးမှာ CT တကယ်ရှိမရှိ XRay ရိုက်ထားပြီး လက္ခဏာများပုံမှန်ထပ် ပိုပြီးဆိုးနေတယ်ဆိုတာနဲ့ ဆရာဝန်လက်ဦးမှုလိုအပ်တတ်ပါတယ်

💯 CT ဖြစ်တဲ့ခွေးလေးတွေက နေ့စဉ်တိုက်ကျွေးဖို့ ဆေးတွေလိုအပ်တတ်ပြီး လေပြွန်အတွက်၊ အဆုတ်အတွက်၊ နှလုံးအတွက်၊ အစာအိမ် Acid အရမ်းမများဖို့အတွက်၊ ချောင်းဆိုးခြင်းကို သက်သာစေဖို့အတွက်၊ Allergy သက်သာစေဖို့အတွပ် Supplement တွေလည်း ဆောင်ထားဖို့ လိုအပ်ပါတယ်

👀 Natural Supplement တွေကို ရောဂါအခြေအနေပေါ်မူတည်ပြီး တရက် ၁-၂ မျိုးဒါမှမဟုတ် နေ့စဉ် တိုက်ကျွေးပေးခြင်းကလည်း လေပြွန်ကျဉ်းခွေးလေးတွေရဲ့ ကျန်းမာရေးအတွက် အထောက်အကူဖြစ်စေပါတယ်

ဒီအောက်ကလင့်ထဲမှာတော့ Just for Pet က Buddy, Ku Kyoo, Junior ၃ ကောင်ကို တိုက်ကျွေးနေတဲ့ဆေးတွေဖြစ်ပြီးတော့ ဒီရေးထားတဲ့ထဲမှာ Slippery Elm ဆိုတဲ့ Herb တမျိုးကတော့ မပါသေးပေမယ့် လက်တွေ့လိုအပ်သလို တိုက်ကျွေးနေတာ တော်တော် အစဉ်ပြေပါတယ်

https://m.facebook.com/story.php?story_fbid=3208520146065433&id=2105038133080312

မေတ္တာဖြင့် Just for Pet

13/07/2024

⚠️မတော်တဆ ခြေဖဝါးမှာဖြစ်ဖြစ်
⚠️တံတောင်ဆစ်မှာဖြစ်ဖြစ်

❗အနာတရဖြစ်လို့ ဆေးလိမ်းထားရမှာမို့
ခွေးက Collar လည်း တပ်ပေးလို့မရ ချွတ်ပစ်တယ်

😁 အနာကလည်း လျက်လေးဆိုးလေဆိုရင်
ဆေးလိမ်းပြီးရင် ဒီလို ခြေအိတ်အဟောင်းလေးကို ညှပ်ပြီး

✔️သူ့လက်မှာစွပ်
✔️တဖက်က ကိုယ်လုံးပေါ်က
✔️နောက်တဖက်က ကိုယ်လုံးအောက်က လျှိုပြီး
အစဉ်ပြေတဲ့နေရာ ချီလိုက်နော်

ဒီနည်းလမ်းက Just for Pet က Customer တွေကို Share ပေးပြီး အစဉ်ပြေခဲ့ကြတဲ့ နည်းလမ်းလေးဖြစ်ပေမယ့်
Photo ကတော့ Credit ပါ

❗အရေပြားအနာစိုစိုကြီးတွေကိုတော့
အချိန်ကြာကြီး ခုလိုပုံစံအုပ်ထားတာ မကောင်းပါဘူးနော် တခြားအနာလေးတွေတော့ ရပါတယ်❗

13/07/2024

😩 ခေတ်ကာလကအတော်မကောင်းတော့ Name Tag လေးတွေ လာအမေးများကြတယ်

😞 Admin တို့လည်း လမ်းခရီး အခြေအနေကမကောင်းတော့ ဘယ်လိုမှကို မှာပေးလို့မရဘူးဖြစ်နေတာ

အဲ့ဒါကြောင့် ခုနည်းလမ်းလေးကိုမျှဝေချင်ပါတယ်

⚠️ခေါ်သွားလို့ မရတာ
⚠️ခေါ်သွားတဲ့အခါ ဆူညံသံတွေကြောင့်ထိတ်လန့်ပြီး ထွက်ပြေးနိုင်တာ
⚠️မိုးကြီး ရေလျှံတာတွေရှိပြီး
❗ထွက်ပြေးနိုင်တဲ့
❗ ပိုင်ရှင်နဲ့ဝေးကွာသွားနိုင်တဲ့ ဘယ်လိုအခြေအနေမျိုးမှာမဆို ဒီနည်းလေးကို ကျိန်းသေပေါက် သုံးကြပါလို့

တိလေးရဲ့ ကိုယ်မှာ ရင်သိုင်းကြိုး ဒါမှမဟုတ် လည်ပတ်ကြိုး တခုခုတပ်ဆင်ပေးထားဖို့လိုပါတယ်

(ကြောင်လေးတွေကတော့ သတိထားပတ်ပါခဗျာ... လည်ပတ်ရင်သိုင်းအကုန် သူတို့အတွက်က ငြိလွယ် ချိတ်မိလွယ်တဲ့ အန္တရာယ်တော့ရှိပါတယ်)

နောက်ထပ် လိုအပ်တာက
❗တိပ် (အထူသားဆိုပိုကောင်း)
❗Permanent Marker (Store ဆိုင်တွေမှာမေးဝယ်လို့ရပါတယ်/ တော်ရုံရေစိုရုံနဲ့ မပြယ်သွားတဲ့ ဆော့ပင်ပါ/ White Board မှာရေးတဲ့ဟာတွေက ပျက်လွယ်ပါတယ်)

အဲ့ဒီတိပ်မှာ စာလုံးကြီးကြီးနဲ့
❤️ခွေးနာမည်
❤️ပိုင်ရှင် ဖုန်း နံပါတ် (၂) လုံး အနည်းဆုံးရေးပြီး
ရင်သိုင်းတို့ လည်ပတ်တို့မှာ ပုံပါအတိုင်း တွဲပြီး ကပ်ပေးလို့ရပါတယ်

တွေ့ရှိတဲ့သူက ချစ်ခင်သနားတတ်ပြီး ဖုန်းဆက်သွယ်ပေးနိုင်အောင်ပါ

တိလေးတွေရော ပြည်သူအပေါင်းတို့ရော
🙏ရန်သူမျိုး (၅) ပါး ကပ်ကြီး (၃) ပါးဘေးအန္တရာယ်ကို လွယ်ကူအောင်မြင်စွာ ကျော်လွှားနိုင်ပါစေ
🙏ထမင်းတလုပ် မပူမပင် အေးချမ်း လွယ်ကူစွာ စားသောက်နိုင်ကြပါစေ
🙏ဘေးရန်ကင်းကွာကာ စိတ်ရောကိုယ်ပါ ကျန်းမာချမ်းသာစွာရှိနေကြပါစေလို့ BuKuJu က နေ့စဉ် ဆုတောင်း မေတ္တာပို့သပေးနေပါတယ်

12/07/2024

19/06/2024

☺️ ဝုတို့မြှောင်တို့ ကျန်းမာဖို့ နေ့စဉ်လုပ်ကိုလုပ်ဆောင်ပေးရမယ့် အချက် (၃) ချက်ရှိပါတယ်

ပထမအချက်က
💯 ရေခွက်ကို နေ့စဉ် ဆေးကြောသန့်စင်ပေးပြီး သောက်ရေဟာ အမြဲသန့်ရှင်းနေရပါမယ်
ပန်းကန်ဆေးဆပ်ပြာမဟုတ်တဲ့ ဆပ်ပြာအပြင်းတွေ (ဥပမာ... အဝတ်လျှော်ဆပ်ပြာများ) ကို မသုံးပါနဲ့

ဒုတိယအချက်က
💯 အစာခွက်ကို အချိန်ကြာကြာချပြီး မကျွေးထားဖို့နဲ့ အစာခွက်ကို ကျွေးပြီး အခေါက်တိုင်းမှာ ဆေးကြောရပါမယ်
အစာခြောက်ကျွေးရင်လည်း တကြိမ်ပြီးတိုင်းမှာ ဆေးကြောရပါမယ်

တတိယအချက်က
💯 သွားနဲ့ခံတွင်းသန့်ရှင်းရေးကို ဂရုစိုက်လုပ်ဆောင်ပေးရပါမယ်
သွားနဲ့ ခံတွင်းကျန်းမာမှ ရောဂါအတော်များများကို ကာကွယ်နိုင်မယ်
စားသမျှ အာဟာရဖြစ်လို့ ကျန်းမာပါမယ်

ဒီ့အပြင်ကိုမှ ကျန်းမာရေးနဲ့ ညီညွတ်တဲ့ Treat လေးတွေပဲ ရွေးချယ်ကျွေးဖို့ဆို BuKuJu က မုန့်မုန့်လေးတွေကို ရွေးပါတဲ့ 😁

မေတ္တာဖြင့် BuKuJu

19/06/2024

⚠️ အဝကျဉ်းပြီး ဇောက်နက်တဲ့ ပန်းကန်များကို အသုံးပြုပြီး ဝုတို့မြှောင်တို့ကို အစာကျွေးနေမိသလား

🤔 ဝုတို့ မြှောင်တို့ရဲ့ နှုတ်ခမ်းမွှေးလေးတွေမှာ အာရုံကြောလေးတွေပါတဲ့အတွက် အဲ့ဒီ နှုတ်ခမ်းမွှေးခေါ် Whiskers လေးတွေက အလွန် Sensitive ဖြစ်ပါတယ်တဲ့

သာမာန် တခြားနေရာက အမွှေးတွေလိုမဟုတ်ဘဲ ထိမိတာ ပွတ်မိတာတွေကို သိကြတဲ့အတွက် Whiskers လေးတွေကို
❗စနောက်ပြီး ကိုင်တွယ်တာမျိုး
❗အလှအပရေးရာအတွက် ညှပ်ပစ်တာမျိုးတွေမလုပ်ကြဖို့ နားလည်တတ်ကျွမ်းသူများက တားမြစ်ကြပါတယ်

😩 ဒီလိုပါပဲ အစာစား ရေသောက်တဲ့အခါမှာလည်း ပန်းကန်နဲ့ ထိမိတိုက်မိနေတဲ့ Whiskers လေးတွေကြောင့် စိတ်ရှုပ်ရလို့လည်း သူတို့ဟာ တခါတလေ စိတ်မကြည် နေမကောင်းတဲ့ရက်မျိုးမှာ အစာစားဖို့ စိတ်ညစ်တတ်ကြပါသေးသတဲ့

🐱 ဒီလိုဖြစ်စဉ်ဟာ ခွေးလေးတွေထပ် ကြောင်လေးတွေမှာ ပိုအဖြစ်များတတ်ကြပါတယ်

ဒါကြောင့် အဝကျဉ်းတဲ့ ဇောက်နက်တဲ့ ပန်းကန်ထပ် အဝကျယ်ပြီး တိမ်တဲ့ ခွက်ကလေးတွေကို ရွေးချယ်အသုံးပြုသင့်ပါတယ်လို့ ဒီတပတ်အတွက် Knowledge Sharing လေးလုပ်ပါရစေနော်



မေတ္တာဖြင့် BuKuJu

19/05/2024

⚠️ တိရစ္ဆာန်လေးတွေ မွေးထားတာဖြစ်တဲ့အလျောက် ကျွန်တော်တို့ဟာ တိရစ္ဆာန်ဆေးခန်းကို အနည်းနဲ့အများရောက်ရှိသွားလာရပါတယ်

ကိုယ်မွေးထားတဲ့ တိလေး နေမကောင်းလို့ပဲဖြစ်ဖြစ် Medical Check up ကြောင့်ပဲဖြစ်ဖြစ် ဒါမှမဟုတ် ကာကွယ်ဆေးထိုးနှံတာကြောင့်ပဲဖြစ်ဖြစ် Operation ကိစ္စတွေကြောင့်ပဲဖြစ်ဖြစ်ပေါ့လေ

🔥အခုပြောပြချင်တာက တိရစ္ဆာန်ဆေးခန်းသွားရောက်တဲ့အခါမှာ လိုက်နာသင့်တဲ့အချက်လေးတွေပါ

❗ ခွေးကြောင်တွေကို အစာလျှောက်မကျွေးပါနဲ့
တချို့ခွေးကြောင်လေးတွေဟာ မတည့်တဲ့အစာရှိသလို တချို့ကောင်လေးတွေကတော့ ရောဂါအခြေအနေကြောင့် အစာရောရေပါဖြတ်ထားရတဲ့အနေအထားရှိတတ်ပါတယ်
ဒါကြောင့် အစာတွေ ရေတွေ လျှောက်ကျွေး လျှောက်တိုက် မလုပ်ပါနဲ့
တချို့တွေကျတော့ ဟယ်... ဘာမှလည်း မကျွေးဘူး ခမျာမှာဆာနေတယ်ဆိုပြီး ကိုယ့်မှာပါလာတဲ့ မုန့်တွေ အားဆေး Gel တွေ ထုတ်ကျွေးတတ်တာ မြင်ဖူးပါတယ်
အသက်ရှူလမ်းကြောင်းမကောင်းရတဲ့ထဲ Gel ကျွေးလိုက်ရာက သီးပြီး ဆုံးသွားတဲ့ ကြောင်လေးအကြောင်းလည်း ကြားဖူးပါတယ်

❗လျှောက်မထိ မကိုင်ပါနဲ့
နေမကောင်းကြတာဖြစ်တဲ့အလျှောက် လူလိုပဲ တိလေးတွေဟာလည်း စိတ်ရှုပ် စိတ်မကြည်တာ ရန်လိုတတ်တာမျိုးတွေဖြစ်တတ်ပါတယ်
ဒါကြောင့် တခြား ခွေးကြောင်တွေကို လိုက်ကိုင်တာ လိုက်ပွတ်တာမျိုး မလုပ်သင့်ပါဘူး
နောက်တခုက ကူးစက်နိုင်တဲ့ရောဂါတွေရှိတတ်ကြတဲ့ ဒီလိုဆေးခန်းလိုနေရာမှာ အပြင်ပိုင်းကြည့်ရင်ကောင်းနေပေမယ့် ကူးစက်တတ်တဲ့ အရေပြားရောဂါတွေ သွေးဝမ်းတွေ အသက်ရှူလမ်းကြောင်းရောဂါတွေ ကြောင်နာခေါ် Cat Flu တွေ ဖြစ်နေတတ်တာကြောင့် ကိုယ့်ခွေးကြောင်ကို ဆရာဝန်မဟုတ်တဲ့ သူများလာကိုင်ရင်လည်း လက်မခံပါနဲ့ ကိုယ်တိုင်ကလည်း တခြားခွေးကြောင်ကို ထိကိုင်ခြင်းမပြုပါနဲ့

❗လျှောက်မတင် လျှောက်မလွှတ်ထားပါနဲ့
ခွေးသေးနဲ့ ကြောင်တွေဆို ဆေးခန်းက စစ်ဆေးတဲ့ခုံပေါ်မတင်ခင် ဆရာဝန်တွေက ခုံကို ဆေးဖြန်းသန့်ရှင်းရေးလုပ်ပေးနေတာ မြင်ဖူးမှာပေါ့
ဆရာဝန်တွေလို နေ့စဉ် ရောဂါတွေအစုံနဲ့ ထိတွေ့နေရတဲ့သူတွေတောင် ဂရုစိုက်နေတဲ့အချိန်မှာ ကိုယ့်ခွေးကြောင်ကို လျှောက်တင်ထားတာ off leash လွှတ်ထားတာမျိုးတွေက မဖြစ်သင့်ပါဘူး
ကျွန်တော်တို့ဆို မလိုအပ်ရင် ခုံပေါ်တောင် မတင်ဘူး Temperature တိုင်းတာ ဆေးထိုးတာလောက်ဆို ကိုယ်တိုင်ချီထားပါတယ်
ပြီးတော့ ကိုယ့်ကောင်က ယဉ်ပေမယ့်တခြားနေမကောင်းစိတ်မကြည်တဲ့ကောင်က ထပြီး ရန်လိုနိုင်တယ်မဟုတ်လား

❗❗❗ သက်ကြီးရွယ်အိုတွေနဲ့ လူကလေးငယ်တွေကို ခေါ်မသွားပါနဲ့ ❗❗❗
ခွေးကြောင်တွေမှာဖြစ်တဲ့ရောဂါတွေမှာ တချို့ရောဂါတွေက လူကိုကူးစက်တတ်ပါတယ် (ဥပမာဆို ဝဲရောဂါ)
ပိုးသတ်ဆေးတွေနဲ့ ရောဂါပိုးမွှားစုံတဲ့ နေရာဖြစ်တဲ့ တိဆေးခန်းကို ကိုယ်ခံအားနည်းတဲ့ သက်ကြီးရွယ်အိုတွေနဲ့ ဒီလိုမျိုး မထိမကိုင်သင့်တာကို သိပ်မသိနားမလည်ဘဲ ထိကိုင်ချင်တတ်တဲ့ တိလေးတွေကိုချစ်တတ်တဲ့ ကလေးငယ်တွေဟာ တိရစ္ဆာန်ဆေးခန်းကို လိုက်ပါဖို့ မသင့်ပါဘူး

နောက်ပြီး တိဆေးခန်းဆိုတာပျော်လို့သွားတဲ့နေရာမဟုတ်တာကြောင့် ရင်တွင်းအပူအပင်တွေပိုများတဲ့ ဒီလိုနေရာမှာ ကလေးငယ်တွေပြေးလွှားဆော့ကစားအော်ဟစ်နေခြင်းကလည်း မဖြစ်သင့်ဘူးမဟုတ်လားလေ

#သတိပြုမိကြဖို့

မေတ္တာဖြင့် BuKuJu

စာများကူးယူဖော်ပြခြင်း ခွင့်မပြု

Photo credit to the rightful owner.

09/05/2024

🍌ဝုတို့နဲ့ သင့်လျော်တဲ့ ငှက်ပျောသီးကို ဘယ်လိုရွေးရမလဲ

🥰ငှက်ပျောသီးက ဝမ်းသွားတဲ့အခါကျွေးရင် ဝမ်းကျစ်စေပြီး အမျှင်ဓာတ်လည်းများတာကြောင့် ဝမ်းကိုလည်း မှန်စေပါတယ်
ဒါ့အပြင် Potassium, Magnesium, Vitamin B6, Vitamin C စတာတွေ ပါဝင်လို့ ငှက်ပျောသီးက ဝုတို့နဲ့လည်း တည့်ပြီးတော့ အာဟာရဖြစ်တဲ့ ဈေးသက်သာတဲ့ အစာဆိုလည်း မမှားပါဘူးနော်

❗ဒါပေမယ့် ငှက်ပျောသီးကိုကျွေးတဲ့အခါ
အမှည့်ထပ် အစိမ်းက ဝုတို့အတွက်ပိုကောင်းပါတယ်တဲ့

⚠️ ပထမအချက်က ငှက်ပျောသီးအမှည့်က ချိုပါတယ်
လူတွေလောက် သကြားဓာတ်မလိုအပ်တဲ့ ဝုတွေဟာ ငှက်ပျောသီးအမှည့်လို ချိုတဲ့အရာတွေကို ကျွေးတဲ့အခါ ပိုလျှံနေတဲ့ သကြားဓာတ်ကြောင့် ဆီးချိုတက် တတ်ပါတယ်

⚠️ နောက်ပြီး အူလမ်းကြောင်းထဲက ကောင်းမွန်တဲ့ ပိုးကောင် Probiotics လေးတွေရဲ့ အစာဖြစ်တဲ့
Prebiotic Rich ဟာ ငှက်ပျောသီးအစိမ်းဖြစ်နေတဲ့ အချိန်မှာပိုပြီး များပါတယ်

🐾 ငှက်ပျောသီးအစိမ်းဟာ အချိုဓာတ်အနည်းဆုံး၊ အမျှင်ဓာတ်အများဆုံး၊ Prebiotic Rich အဖြစ်ဆုံးနဲ့ Cancer ရောဂါကို 60% ကျော်ကာကွယ်နိုင်ပါတယ်
အစာအိမ်နဲ့ အူလမ်းကြောင်းမှာ Ulcer လို့ခေါ်တဲ့ အနာလေးတွေ မဖြစ်အောင် အူမကြီး ကင်ဆာမဖြစ်အောင်ကာကွယ်ပေးနိုင်ပါတယ်

ဝမ်းလျောနေလို့ ဝမ်းသွားနေလို့ ဆီးချိုကျနေလို့ဆိုရင်တော့ တခါတရံ အမှည့်ကျွေးလို့ ကောင်းပါတယ်
လုံးဝကျွေးလို့မရတာ တခါတလေလေးကျွေးပြီးတာနဲ့ ဆီးချိုဖြစ်တော့မယ်လို့ မဆိုလိုပါဘူးနော် 😅
အမှည့်လွန်ပြီး ချိုလွန်းတဲ့ဟာကိုတော့ မကျွေးပါနဲ့လို့

😍 ပုံမှန် Meal Time မှာ ဗိုက်ပြည့်နေလို့မစားတာ အစာချေးများချင်လို့ မစားတာတွေကို ကာကွယ်နိုင်ဖို့ ငှက်ပျောသီးကို

🐾ခွေးသေးဆိုရင် ငှက်ပျောသီးတလုံးရဲ့ ၄ ပုံတပုံ
🐾ခွေးကြီးဆိုရင် ငှက်ပျောသီး တလုံး
ထပ်ပိုမကျွေးနဲ့နော်

Rotation is the Key ဆိုတဲ့အတိုင်း ငှက်ပျောသီးချည်းမကျွေးဘဲ တခြား အရမ်းမချိုတဲ့ အသီးလေးတွေကိုလည်း လှည့်ပတ်ကျွေးပါ

❗ဒီမှာပေါများတဲ့အသီးတွေထဲ မတည့်တာ စပျစ်သီး၊ စောင်းလျားသီးလောက်ပဲရှိပါတယ် ❗

စာများကူးယူဖော်ပြခြင်း မပြုရ

မေတ္တာဖြင့် BuKuJu

Photo Credit to the rightful owner.