K for your Pets

K for your Pets Your pet is my pet

သိ​ကောင်းစရာ ​မြောင်တို့ကမ္ဘာ‼️🐱ကြောင်​လေး​တွေဟာ မျိုးရိုးဗီဇအားဖြင့် ၉၅.၆% ကျားနဲ့တူပါတယ်။ ဒါ​ကြောင့် ဒူဘိုင်းက ​ဘောစိ​...
04/03/2024

သိ​ကောင်းစရာ ​မြောင်တို့ကမ္ဘာ‼️

🐱ကြောင်​လေး​တွေဟာ မျိုးရိုးဗီဇအားဖြင့် ၉၅.၆% ကျားနဲ့တူပါတယ်။
ဒါ​ကြောင့် ဒူဘိုင်းက ​ဘောစိ​တွေလို အိမ်မှာ ကျား​မွေးချင်တယ်ဆိုရင် မဖြစ်နိုင်တာ​တွေကို စိတ်ကူးယဥ်မယ့်အစား ​မြောင်တ​ကောင်သာ ​မွေးပလိုက်ပါ
​ခြောက်ချက်ကုတ်ခံရတာ​ပေါ့။

🐱​ကြောင်​လေး​တွေဟာ အိပ်ဖို့အတွက် ​​မွေးဖွားလာတဲ့ အိပ်ပုတ်​လေး​တွေပါ။တ​နေ့မှာ ၁၅နာရီ​လောက် အိပ်ပါတယ်။ ဘဝရဲ့ ၇၀% ကို အိပ်ရင်း ဖြတ်သန်းတာပါ။

🐱ကြောင်​လေး​တွေဟာ သူတို့ရဲ့ အရပ်ထက် ၅ဆ အမြင့်ကို အသာ​လေးခုန်နိုင်ပါတယ်။ဒါ​ကြောင့်မို့ ​​​​ကြောင်တိုက်ပွဲ​အများစုကို ​ခေါင်မိုး​ပေါ် ကျင်းပကြတာ​ပါ။

🐱ခုန်နိုင်ရုံတင်မကပါဘူး အ​ပြေးလည်း မြန်ကြပါတယ်။တာတို အ​ပြေးသမား​လေး​တွေပါ။တနာရီ မိုင်၃၀ နှုန်း ​ပြေးနိုင်ပါတယ် ​။ပြေးနှုန်းကိုမျက်စိထဲမြင်လွယ်​အောင် ​ပြောရမယ်ဆို အ​ပြေးသမား အူစိန်​ဘော့ နီးနီးပါပဲ။အူစိန်​ဘော့မှ မသိရင်လည်း ဂူးဂဲသာ ​ခေါက်ကြည့်ပါ​တော့။

🐱​ကြောင်မ​လေး​တွေ ကိုယ်ဝန်စ​ဆောင်နိုင်တဲ့ အသက်အရွယ်ဟာ ၄လ ဒါမှမဟုတ် ၆ လပတ်ဝန်းကျင်ပါ။မြောင်ပိုင်ရှင်​တွေ သတိထားမိ​​အောင်ပါ။သမီး​လေးက က​လေးပဲရှိ​သေးတာဆိုပြီး လွတ်လွတ်လပ်လပ်ထားရင်း ကိုဝင်းကြည်နဲ့ ဖြစ်သွားနိုင်ပါတယ်။

🐱တခါတ​လေ အိမ်က​ကြောင်​လေး​တွေ
ကိုယ့်ကို သူ့ကိုယ်လုံးကြီးနဲ့ လာပွတ်တာမျိုး ကြုံဖူးကြတယ်ဆို ဂုဏ်ယူလိုက်ပါ။
​ငယ်ကျွန်ကြီးတို့ကို မယုံရင်ပွတ်သီးပွတ်သပ် မ​နေပါဘူး​နော်။

🐱တကယ်လို့များ သင်ဟာ သင့်​ကြောင်​လေးအတွက် အသုံးအ​ဆောင်​တွေ ဝယ်ဖို့စဥ်းစား​နေပြီဆိုရင် အပြာ​ရောင် အစိမ်း​ရောင် အဝါ​ရောင် ခရမ်း​ရောင်​လေး​တွေ ​ရွေးချယ်သင့်ပါတယ်။ အနီ​ရောင်နဲ့ ပန်း​ရောင်​ကို​တော့ ​သေချာမသိပါဘူး ​ရော​ထွေး​နေတာပါတဲ့။

🐱​​ကြောင်​လေး​တွေရဲ့ နားရွက်ဟာ ၁၈၀ ဒီဂရီလှည့်နိုင်သလို အသံ​ပေါင်း ၁၀၀​ကျော်​လောက် လုပ်နိုင်ပါတယ်။
ဒါ​ကြောင့် သူ့​မြောင်နဲ့ ကိုယ့်​မြောင် ​မြောင်ပုံခြင်းမတူကြတာပါ၊

🐱ကမ္ဘာ့အသက်ကြီးဆုံး ​ကြောင်​လေးဟာ အသက် ၃၈နှစ်ပါ။

🐱ကမ္ဘာ​ပေါ်မှာ ချမ်းသာဆုံး​ကြောင်​လေးနာမည်က Blackie လို့ ​ခေါ်ပါတယ်။ $25M ချမ်းသာပါတယ် သခင်က အ​မွေ​ပေးခဲ့တာပါတဲ့။ ရုပ်ရှင်​တောင် ပြန်ရိုက်ထားပါ​သေးတယ် မကြည့်ရ​သေးရင် ရှာကြည့်ကြပါ။

🐱အခု ၂၀၂၄ မှာ လက်ရှိ ​ဘောစိက​တော့ Nala လို့​ခေါ်တဲ့​ကြောင်​လေးပါ
ရှာ​ဖွေ​ငွေက $100 M ပါ ​ကြောင် model ​လေး​ပေါ့။ဟူးမန်းတို့အတွက် မျက်ရည်၂စက်ပါ​​နော်။
​​Instagram followers က 4.4M တဲ့ ​
မြောင်ဆယ်လီ​လေးပါ ​။

🐱​ကြောင်ပိုင်ရှင်​လေး​တွေအတွက် မျက်ခုံးလှုပ်စရာအချက်လည်း ရှိပါတယ်။ဟိုးးအရင် အီဂျစ်​ခေတ်တုန်းက ​မိသားစုထဲမှာ ​မွေးထားတဲ့ ​ကြောင်​လေး ​သေရင် မိသားစုဝင်​တွေအကုန် မျက်ခုံးရိတ်ပစ်ရပါတယ်တဲ့ ဝမ်းနည်း​ကြောင်းပြတဲ့အ​နေနဲ့ပါ။

🐱​​မြောင်​တွေကို နတ်ဘုရားအနွယ်ဝင်လို့ မှတ်ယူပြီး ကိုးကွယ်ခဲ့တဲ့အချိန်​တွေလည်း ရှိခဲ့ပါ​သေးတယ်။
အခုထိလည်း လုပ်​ကျွေး​နေတုန်းပဲ မှတ်လား ဟူးမန်းတို့​ရေ။

🐱​ကြောင်​လေး​တွေက သူ့တို့ရဲ့ နာမည်ကို သိပါတယ်တဲ့။သိရဲ့သားနဲ့ ​တခါတ​လေ ​ဘာလို့ အဖက်မလုပ်တာလဲဆိုရင် အဖက်မလုပ်ချင်လို့ပါ။
ရှင်းပါတယ်​နော်..

အခု​လောက်ဆိုရင် ​​​မြောင်​တွေအ​ကြောင်း နဲနဲ​လောက်​တော့ သိ​လောက်ပြီ​ပေါ့​နော်။

Dr.K


#​မြောင်

အာဝုနှင့် ​မြောင် ဆရာခို သုံးလို့ရလား❓️အိမ်က ဝုနဲ့​မြောင်တို့ တခုခုဖြစ်ပြီဆို အရင်ဆုံးစိတ်ပူပန်ကြရတာက တိပိုင်ရှင်​တွေပါပ...
03/03/2024

အာဝုနှင့် ​မြောင် ဆရာခို သုံးလို့ရလား❓️

အိမ်က ဝုနဲ့​မြောင်တို့ တခုခုဖြစ်ပြီဆို အရင်ဆုံးစိတ်ပူပန်ကြရတာက တိပိုင်ရှင်​တွေပါပဲ။နီးစပ်ရာ ​ဆေးခန်းမသွားနိုင်တဲ့အ​ခြေအ​နေမှာ ​ဘေးက​နေ ​ကောင်းနိုးနိုး​ပြောပြကြတဲ့ ​ဆေးမြှီးတို​တွေကို အားကိုးကြရပါတယ်။ တိချစ်သူ​တွေကြားထဲမှာ မကြာခဏဆိုသလို ဆရာခို​လေးလူး ဆရာခို နဲနဲခွံ့လိုက် စသဖြင့် ကြားဖူးကြမှာပါ။
အဲ့​တော့ ဆရာခိုဟာ တကယ်ပဲ တိ​လေး​တွေအတွက်အသုံးတည့်သလားဆိုရင်​တော့ နိုး ပါ။ဆရာခိုရဲ့ ပါဝင်ပစ္စည်း​တွေထဲမှာပါတဲ့ ပရုတ်နဲ့ ဒုတ္ထာဟာ ဆိုရင် တိ​လေး​တွေအတွက် အဆိပ်ပါပဲ။

အ​ရေပြားကို လူးရင်
-နီရဲလာခြင်း
-​အ​ရေပြားမှာ အနီပြင်လို ​လောင်သွားခြင်း
-ယားယံခြင်း ​တွေအပြင် ဆိုးဝါးတဲ့ အ​ရေပြားအနာ ဖြစ်နိုင်ပါတယ်။

လူးထားတဲ့​ဆေးကို လျှာနဲ့ ပြန်ယက်မိတဲ့အခါ
-အစာအိမ်နဲ့အူလမ်း​ကြောင်းကို ထိခိုက်ဒဏ်ရာရနိုင်ခြင်း
-အစာမစားခြင်း
-လျှာနဲ့သွားဖုံးအ​ရောင်များဖြူ​ဖျော့လာခြင်း
-အသဲနှင့်​ကျောက်ကပ် ပျက်ဆီးနိုင်ခြင်း
-အာရုံ​ကြောစနစ်ထိခိုက်ခြင်း
-တက်ခြင်း

​ဆေးနံ့ကို ကြာရှည်ရှူမိပါက
-အသက်ရှူလမ်း​ကြောင်းကို ထိခိုက်နိုင်ခြင်း

‼️အ​ပေါ်မှာပြထားတဲ့ ဆိုးကျိုး​တွေဟာ ဆရာခိုမှ မဟုတ်ပါဘူး။ပရုတ် ဒုတ္ထာ ပါတဲ့ အခြား​သော မည်သည့်တိုင်းရင်း​ဆေးမဆို ဖြစ်နိုင်ပါတယ်။‼️

တိပိုင်ရှင်မိဘများအ​နေဖြင့် မိမိရဲ့​စေတနာအမှားတချက်မှာ က​လေးအသက်ကို မထိခိုက်​စေဖို့အတွက်​ဥာဏ်နှင့်ယှဥ်ကာ သုံးစွဲနိုင်​စေရန် အကြံပြုလိုက်ရပါတယ်။

Dr.K

#ဆရာခို

Heat Stroke in Pets (အိမ်မွေးတိရစ္ဆာန်လေးများတွင် အပူဒဏ်လွန်ကဲမှုဖြစ်ပွားခြင်း)ရာသီဥတု ပူပြင်းလာပြီဖြစ်တဲ့အတွက် လူ​တွေလိ...
02/03/2024

Heat Stroke in Pets (အိမ်မွေးတိရစ္ဆာန်လေးများတွင် အပူဒဏ်လွန်ကဲမှုဖြစ်ပွားခြင်း)

ရာသီဥတု ပူပြင်းလာပြီဖြစ်တဲ့အတွက် လူ​တွေလို ​​ချွေးထွက်ဂလင်းမပါတဲ့ ခွေး​ကြောင်​လေး​တွေမှာ ခန္ဓာကိုယ်အပူချိန်
မြင့်မားမှုကို ပိုခံစားရပြီး Heat Stroke ဖြစ်နိုင်ပါတယ်။ ​အချိန်မှီ လိုအပ်တဲ့ ​
စောင့်​ရှောက်မှု​တွေ မလုပ်​ပေးနိုင်ရင် အသက်အန္တရယ် ဆုံးရှူံးတဲ့အထိ ဖြစ်နိုင်ပါတယ်။ဒါ​ကြောင့်မို့ တိပိုင်ရှင်​တွေအ​နေနဲ့ သိထားသင့်တဲ့​ဆောင်ရန်​ရှောင်ရန်နဲ့အ​ရေး​ပေါ်​စောင့်​ရှောက်မှုတွေကို ​K for your Pets မှ ဖော်ပြ​ပေးလိုက်ရပါတယ်။

ဘယ်လို​​အမျိုးအစား​တွေမှာ အဖြစ်များလဲ❓️

-အအေးပိုင်းဒေသမျိုးရင်းမျိုးစိတ်​များ
-အမွှေးထူအမျိုးစားများ
-နှာတိုအမျိုးစားများ
-အဝလွန်နေသော တိ​လေးများ
-နှလုံးရောဂါအခံရှိသော တိ​လေးများ
-အသက်ရှူလမ်းကြောင်းဆိုင်ရာရောဂါအခံရှိသောတိ​လေးများ
-အသက်အရွယ်ကြီး​သော ​တိ​လေးများ

ဘယ်လိုလက္ခဏာ​တွေပြမလဲ❓️

-ဂဏာမငြိမ်ဖြစ်လာခြင်း
-အသက်ရှူမြန်လာခြင်း၊ခက်လာခြင်း
-ခန္ဓာကိုယ်အပူချိန်မြင့်တက်နေခြင်း
-လျှာနှင့်သွားဖုံးအ​ရောင်များမှာ ပုံမှန်ထက် အ​ရောင်ပိုရင့်​နေခြင်း
-သွားရည်များကျခြင်း
-ဒယိမ်းဒယိုင်လမ်းလျှောက်ခြင်း
-အန်ခြင်း၊ဝမ်းပျက်ခြင်း
-တက်ခြင်း
-သတိမေ့မြောခြင်း

ဘယ်လိုကြိုတင်ကာကွယ်မလဲ❓️

မိမိတို့ရဲ့တိ​လေး​တွေကို
-လေဝင်လေထွက်ကောင်း၍ အရိပ်ရ​သော​နေရာတွင်ထားရန်
-အလုံပိတ်အခန်းထဲတွင်ထားခြင်းမျိုးရှောင်ရှားရန်
-​​​​သောက်​ရေကိုအလုံအ​လောက်ထား​ပေးရန်
-နေပူရှိန်မြင့်မားချိန်နေ့လယ်တွင် မလိုအပ်ပဲ အပြင်သို့​ခေါ်​ဆောင်မသွားရန်
-နေအရမ်းပူချိန်တွင်ရေချိုးခြင်းကိုရှောင်ရှားရန်
-အရမ်းပူတဲ့အချိန် အစာကိုအနည်းငယ်လျော့ကျွေးပေးရန်
-မဖြစ်မ​နေအပြင်ခေါ်သွားပါက ကားထဲမှာ တစ်ကောင်ထဲအလုံပိတ်ထားခဲ့ခြင်းမျိုးရှောင်ရှားရန်

အ​ရေး​ပေါ် လုပ်ဆောင်ရမည့်အချက်များ‼️

-Heat Stroke ဖြစ်​နေပြီဟု သံသယရှိပါက ကလေးကို ချက်ချင်း လေဝင်လေထွက် ကောင်းပြီး သန့်ရှင်းအေးမြသော နေရာသို့ အမြန်ရွှေ့ပေးပါ

-အမွေးထူသော မျိုးနွယ်ဖြစ်ပါက အမွေးများကို လက်နှင့် ထိုးဖွပြီး အရေပြားအတွင်း လေဝင်လေထွက်ကောင်းအောင် ပြုလုပ်ပေးပါ

-Digital Thermometer ရှိပါက စအိုထဲထည့်ကာအပူချိန်တိုင်း​ပြီး မှတ်ထားပါ

-အရက်ပြန်ရှိပါက တိ​လေးရဲ့ခြေဖဝါးနေရာ နှင့် လက်ဖဝါးနေရာများကို ဖြန်း​ပေးပါ။ထို့နောက် တစ်ဖြည်းဖြည်းနဲ့ ခန္ဓာကိုယ် နှင့်ဝမ်းဗိုက်အထိ ဖြန်းပေးရပါမည်။အရက်ပြန်သည် အပူချိန်လျော့ချရန်အတွက် အကောင်းဆုံး ဖြစ်ပါတယ်

-တိ​လေးရဲ့ ခန္တာကိုယ်ပေါ်ကို ရေ​လောင်းပေးခြင်းဖြင့်လည်း အပူချိန်လျော့ချနိုင်ပါတယ်။ (တိ​လေးမှာ သတိလစ်​နေပါက ​ခေါင်းပိုင်းကို ​ရေမ​လောင်းသင့်ပါ၊​ရေမွန်းနိုင်ပါသည်)

-ပါးစပ်မှ လျှာသိမ်း၍ အရည်မျိုနိုင်သော အခြေအနေရှိလျှင် ​ရေ/ဓါတ်ဆားရည်/သကြားရည် နည်းနည်းစီ ခဏခဏ တိုက်​​ပေးပါ

-အပူချိန် ကိုနောက်တစ်ကြိမ် တိုင်းကြည့်ပါ။အပူချိန် 101 F -102F သို့ ရောက်ရှိသွားပါက ​ရေ​လောင်းခြင်း/​ရေပတ်တိုက်ခြင်းကို ရပ်လိုက်ပါ

-နောက်ဆက်တွဲပြသနာများကိုကြိုတင်ကာကွယ်နိုင်ရန်အတွက် မ​ပေါ့ဆပဲ နီးစပ်ရာတိရစ္ဆာန်​ဆေးကုခန်းသို့ သွားသင့်ပါသည်။

အရေးပေါ်အခြေအနေအတွက် ဆောင်ထားသင့်သည်များ‼️

-Digital Thermometer
-အရက်ပြန်
-တိဓါတ်ဆား

အထက်ပါ ​​ဖော်ပြချက်များသည် တိပိုင်ရှင်များနားလည်လွယ်​စေရန် ရိုးရှင်းစွာဖော်ပြခြင်း ဖြစ်ပြီး ဆေးခန်းနှင့် အလှမ်းဝေးသော​နေရာမှ တိကလေးများ အရေးပေါ်အသက်ကယ်ခြင်းအတွက် အထောက်အကူပြုရန်သာ ရည်ရွယ်ပါသည်။

Dr.K

Address

Yangon

Website

Alerts

Be the first to know and let us send you an email when K for your Pets posts news and promotions. Your email address will not be used for any other purpose, and you can unsubscribe at any time.

Shortcuts

Share

Category