18/09/2025
#သန်းတစ်ကောင်ရဲ့ရာဇဝင်😁 သို့မဟုတ်
#သန်းပြသနာအဖြေရှာ
ဒီခေါင်းစဉ်ကိုသန်းတစ်ကောင်ရဲ့ရာဇဝင်လို့ဘာလို့ပေးထားရလဲဆိုတော့ သန်းတစ်ကောင်ကနေ ရာချီထောင်ချီပွားများနိုင်လို့ ပေးထားရခြင်းဖြစ်ပါတယ်😁
🦗 သန်း ဆိုတာ ခွေး၊ ကြောင် မွေးတဲ့ တိချစ်သူ တိဖေဖေ ၊ တိမေမေတို့ အတွက် မစိမ်းတော့တဲ့ ပြသနာတစ်ခုဖြစ်ပါတယ်။
🦗 သန်း ဆိုတာ ကပ်ပါးကောင် 🪱တစ်မျိုးဖြစ်ပြီး ကူးစက်ခံရတဲ့ ခွေးကြောင်လေးတွေရဲ့ သွေး 🩸 ကိုစုပ်ယူကာ သွေးအားနည်းခြင်း အပြင် သန်းကိုက်တာရဲ့ နောက်ဆက်တွဲ အနေနဲ့ သန်းကိုက်လို့ကုတ်ရာကတစ်ဆင့် အရည်ပြားယားနာပြသနာတွေကိုပါဖြစ်ပေါ်စေတတ်ပါတယ်။
မိမိတိကလေးမှာ သန်း 🦗 စွဲကပ်ပြီဆိုလျှင် အိမ်ထဲမှာလဲ ပျံနှံနေတတ်ပြီး လူကိုကိုက်တာမျိုးတွေ နဲ့ လူတွေကိုပါယားယံစေပြီး လူတွေမှာပါ အရည်ပြားပြသနာတွေဖြစ်ပေါ်စေတတ်ပါတယ် ။
ဒီတော့ မိမိမွေးမြူထားတဲ့ 🐕 🐈ခွေးကြောင်လေးတွေမှာ သန်းရောဂါစွဲကပ်ပြီ ဆိုလျှင် အမြန်ဖြေရှင်းသင့်ပါတယ် ။
______________________________________
မိမိတိကလေးမှာ သန်းစွဲကပ်တာကိုဖြေရှင်း ဖို့ဆိုလျှင်
သန်းရဲ့ ဘဝ သံသရာ စက်ဝန်း(Life Cycle ) နဲ့ ကူးစက်ပျံနှံပုံ ကိုသိထားဖို့ လိုအပ်ပါတယ် ။
သန်းရဲ့ ဘဝ သံသရာစက်ဝန်းမှာ အဆင့် (၄) ဆင့်ရှိပါတယ် ။
(၁) သားဉ (egg) 🥚
(၂) သားလောင်း (Larva) 🪱
(၃) ဘောက်ဖတ် (Pupa) 🐛
(၄) အရွယ်ရောက်ပြီးသန်းကောင် (Adult) 🦗
အဆင့်ဟူ၍ ၄ ဆင့်ရှိပါတယ်။
🥚သားဉ အဆင့်မှ အကောင်🪱ပေါက်ပြီး သားလောင်း အဆင့် ရောက်ဖို့ 🗓️ ၁-၁၂ ရက်အထိကြာတတ်ပါတယ်။
🪱 သားလောင်အဆင့်ရောက်တဲ့ သန်းသားလောင်းလေးတွေဟာ 🎃 အရည်ပြားရဲ့ ဆဲလ်အသေတွေရော အကောင်းတွေရောကိုစားသုံးပြီး 🪱သားလောင်းအဆင့်ကနေ ဘောက်ဖတ်🐛 အဆင့်ရောက်လာကြပါတယ် ဒီလိုဖြစ်စဉ်က ( ၆) ရက်ပဲကြာပါတယ် ။
🐛ဘောက်ဖတ် အဆင့်ကနေ အရွယ်ရောက်တဲ့ သန်းကောင်🦗 ဖြစ်ဖို့တော့ 🗓️ (၃) ရက်ကနေ🗓️ (၃) လ အထိ အခြေအနေပေါ်မူတည်ပြီးကြာတတ်ပါတယ်။
ဒီတော့ စုစုပေါင်းသန်းဉ 🥚 ကနေအကောင်🦗ဖြစ်ဖို့ ကြာချိန်က ပျမ်းမျှ🗓️ ၁၄ရက်ကနေ ၃ လ အထိ ဖြစ်ပါတယ်။
🥵ပူနွေးစိုစွတ်တဲ့ရာသီမှာဆို ၁၄ ရက်နဲ့ ဉကနေ သန်းကောင် ဖြစ်လာနိုင်ပါတယ်။
အရွယ်ရောက်ပြီး 🦗 သန်းမ တစ်ကောင်ဟာ သူရဲ့ ပထမဆုံးသွေးကို စားစုပ်ယူပြီးတာနဲ့ ၂ ရက်အတွင်း ဉ ပေါင်း (၅၀) ဉ 🥚 နိုင်ပါတယ်။
ဉပမာ - 🐕🐈မိမိခွေး/ကြောင်က အရွယ်ရောက်ပြီး သန်း တစ်ကောင်🦗 ကူးစက်ခံရတယ်ဆိုပါစို့ အဲ့သန်းမကြီးဟာ 🦗 ခန္ဓာကိုယ်ပေါ်က 🩸သွေးကိုစုပ်ယူပြီးတာနဲ့
🗓️ ၂ ရက်အတွင်း
ဉပေါင်း ၅၀ 🥚🥚 ခန္ဓာကိုယ်အနှံမှာ ဉပါမယ် ။
ပူနွေးစိုစွတ်တဲ့ရာသီဉတုမျိုးဖြစ်နေတယ်ဆိုရင် ၁၄ ရက်ကြာရင် 🪱🐛🦗 သန်း အကောင် ၅၀ ဖြစ်လာပါပြီ ။ ၃၀ ရက်ကြာတဲ့ အခါ သန်းဉနှင့် သန်း အကောင်ရေ ရာချီထောင်ချီ ပွားများပြီးနေပါပြီ ....
#ကူးစက်ပျံနှံပုံ
အရွယ်ရောက်ပြီး 🦗 သန်းမတစ်ကောင်ဟာ အမြင့် တစ်ပေမှ နှစ်ပေထိ ခုန် 🦘 ပျံကာသွားလာတတ်ပါတယ် ။ ထို့ကြောင့်
အလွယ်တစ်ကူ တိုက်ရိုက် သို့မဟုတ် သွယ်ဝိုက်ခြင်း အားဖြင့် ကူးစက်နိုင်ပါတယ် ။
တိုက်ရိုက်အားဖြင့် မိမိအိမ်နားကိုလာတဲ့ သန်းရှိနေတဲ့ လေလွင့်ကြောင်လေး 🐈 တွေ နဲ့ နီးနီးကပ်ကပ် နေမိမယ်ဆို မိမိခွေးကြောင်လေးတွေကို ကူးစက်ခံရမှာဖြစ်ပါတယ်
🐈🐕 လမ်းဘေးခွေးကြောင်လေးတွေ ကနေတစ်ဆင့် မိမိ ခန္ဓာကိုယ်ပေါ်ခုန်လာမယ် ထိုမှ တစ်ဆင့် မိမိ ခွေးကြောင်လေးတွေ ခနွာကိုယ်ပေါ်ရောက်ရှိပြီးပွှားများနိုင်ပါတယ်။
#သန်းကူးစက်ခံရရင်ဘာတွေဖြစ်မလဲ?
သန်းကူစက်ခံရရင် ကနဦးမှာတော့
(၁) ယားယံခြင်း 😣
(၂) ကုတ်ခြင်း 😖
(၃) အမွေးကျွတ်ခြင်း/ အကွက်လိုက်အမွေးကျွတ်ခြင်း 🤧
(၄) ယားယံ၍ ကုတ်ရာမှတစ်ဆင့် ကုတ်ခြင်းကြောင့် အရေပြားယားနာနှင့် ဘက်တီးရီးယားပိုးများဝင်ရောက် ခြင်း ၊ အရေပြားရောဂါများဖြစ်ခြင်း။ 🐛🪱🤧
(၅) 🩸သွေးစုပ်ယူခံရပြီး သွေးအားနည်းရောဂါများဖြစ်ခြင်း
(၆) မိမိတို့လူများကိုပါယားယံစေခြင်းနှင့် အရည်ပြားရောဂါများပါ ဖြစ်ပွားစေနိုင်ပါတယ်။ 🤷
#ခွေးကြောင်လေးတွေသန်းကူးစက်ခံရရင်ဘယ်လိုဖြေရှင်းကြမလဲ?
အကောင်းဆုံးကတော့ တိရစ္ဆာန်ဆေးကုဆရာဝန်နှင့်တိုင်ပင်ကုသတာပါ။👨⚕️👨⚕️
ဒါမှ မဟုတ်ကိုယ်တိုင်လုပ်ချင်တယ်ဆိုရင်တော့!
#ပထမအဆင့် အနေနဲ့
(၁) သန်းပျောက်တဲ့ ဆပ်ပြာနဲ့ရေချိုးပေးပါ။ 🛀🛀🚿
မိမိတိကလေးမှာသန်းတွေများနေပြီဆိုရင်တော့ ကနဦးအနေနဲ့ သန်းပျောက်တဲ့ ရေချိုးဆပ်ပြာလေးကိုသုံးပြီး ရေချိုးပေးပါ ။
(၂) သန်းဘီး ဖြင့် ဘီး ဖီးပေးပါ။ 🪮🪮
ရေချိုးပြီးပြီဆိုလျှင်နေ့စဉ်သန်း ဖီးဘီးဖြင့် နေစဉ် ဖီးပေးပြီးရှင်းလင်းပေးပါ။
(၃) သန်းပျောက်တဲ့ပေါင်ဒါလေးတွေထဲ့ပေးပါ။
ဘီးဖီးရင်နဲ့ သန်းပျောက်တဲ့ သန်းပေါင်ဒါလေးတွေ အသုံးပြုပေးပါ။
#ဒုတိယအဆင့်အနေနှင့် ပထမအဆင့်တွေလုပ်ပြီး မသက်သာတဲ့အခါ လုပ်ပေးရမှာဖြစ်ပါတယ် ...
(၁) သန်းမွှား အတွက် ဂုတ်အစက်ချဆေး အသုံးပြုပေးပါ ..
သန်းမွှားအတွက် ဂုတ်အစက်ချဆေးကို မိမိခွေးကြောင် ကိုယ်အလေးချိန်ပေါ်မူတည်ပြီ ခွေးစာကြောင်စာရောင်းသောဆိုင်နှင့် တိရစ္ဆာန်ဆေးကုခန်းများတွင် မေးဝယ်ပါ။
#ဂုတ်အစက်ချဆေးအသုံးပြုရာတွင်သတိထားရမည့်အချက်များအနေဖြင့်
(က) ကိုယ်အလေးချိန်ပေါ်မူတည်ပြီး ဘူးတစ်ဝက် ၊ သုံးပုံတစ်ပုံ တစ်ဘူး ၊ နှစ်ဘူး စသည်ဖြင့်။
(ခ) မိမိခွေးကြောင်လျှက်၍ မရသော ဂုတ် နေရာ (လက်ပြင်ထိပ့်ရိုးနှစ်ခုဆုံသည့်နေရာ) တွင်ချပေးရမှာဖြစ်ပါသည်။
(ဂ) ဆေးသုံးပြီး ဆေးသုံးထားသောနေရာကို မိမိလက်ဖြင့် ပွတ်ခြင်းများမပြုလုပ်ရပါ။
(ဃ) ဂုတ်အစက်ချဆေးသုံးပြီး (၃)ရက် ၇၂ နာရီအတွင်း ရေမချိုးပေးရပါ။
ပထမနှင့် အဆင့်နှင့် ဒုတိယအဆင့်ကိုလုပ်သော်လည်း မသက်သာပါက မဖြစ်မနေဆေးခန်းပြသ၍ တိရစ္ဆာန်ေဆးကုဆရာဝန်နှင့် တိုင်ပင် သင့်ပါသည်။ 👨⚕️👨⚕️👨⚕️🐈🐕🐈
Simparica တို့ကဲ့သို့သော သန်းဆေးမျိုး များကိုတော့ မိမိ အယူအဆဖြင့် မတိုက်သင့်ပဲ ဆရာဝန်ညွှန်ကြားချက်ဖြင့် သာအသုံးပြုသင့်ပါသည်။ 💊💊💊
#အိမ်မှာနဲ့ပတ်ဝန်းကျင်မှာပျံနှံနေတဲ့သန်းတွေရှိရင်ရောဘယ်လိုရှင်းလင်းရမလဲ? 🏘️🏚️🏠
(၁) ဖုန်မှုန်များရှိသောနေရာများကို ပထမဦးစွာရှင်းလင်းပါ။ 🥵
(၂) စောင်၊ အမွေးပွရုပ်၊ သတဘက်၊ ခြေသုတ်ခုံ စသည့်သန်းခိုအောင်း နိုင်ရန် နေရာလွတ်ရှိသည့်ပစ္စည်းများကို လျော်ဖွတ်သန့်စင်ပါ။ 🎎🧑🏫
(၃) အဝတ်ဗီဒိုများ အဝတ်စားထားရာနေရာများတွင် ပရုပ်လုံးအသုံးပြုပါ။
(၄) အိမ်သုံးပိုးသတ်ဆေးများနှင့် စပေရေးများကို အသုံးပြု၍ ကြမ်းကြိုကြမ်းကြားများကိုသန့်ရှင်းရေးလုပ်ပါ။ ( အိမ်သုံးပိုးသတ်ဆေးများအသုံးပြုမည်ဆိုပါက မိမိတိကလေးများ ကို ဝေးရာမှာပို့ပြီး မှ အသုံးပြုပါ ၊ Dettol ကဲ့သို့သော အိမ်သုံးပိုးသတ်ဆေးများသည် ခွေးကြောင်လေးများအတွက်ပြင်းထန်သော အဆိပ့်အတောက်ဖြစ်စေနိုင်ပါသည်) ။
(၅) တိကလေးများ၏ အိပ့်ယာနှင့် နေထိုင်ရာပတ်ဝန်းကျင်ကိုလဲ အမြဲပုံမှန်သန့်ရှင်းရေးလုပ်ပေးပါ ။😍😍
(၆) တစ်အိမ်လုံးမှတိများကို ကုသပါ ၊သန်းများတဲ့တစ်ကောင်ကိုပဲ ကွက်ပြီးကုတာမျိုးမလုပ်သင့်ပါ ၊ သန်းက ဖြစ်ပြီဆိုလျှင် တစ်အိမ်လုံးပျံနှံတတ်တဲ့သဘောရှိတာမလို့ပါ .. တစ်ကောင်ကိုပဲ ရှင်းလင်းပေးရင် ပြန်ပြန်ထတတ်ပါတယ် ခင်ဗျာ ..
အားလုံးပဲ သန်းအန္တရာယ်မှ ကင်းဝေးကြပါစေ ။😍😍
Dr.Saw Zayar Naing
Vet
