22/09/2025
ဖတ်ကြည့်ကြနော် ကာကာတို့
မေးမေးနေကြလို့ 😁
#ကြောင်လေးတွေမှာအစာခြောက်ကျွေးခြင်းကဆီးလမ်းကြောင်းနှင့်ကျောက်ကပ်ကိုတကယ်ပဲထိခိုက်စေတာလား?
မြောင်လေးတွေမွေးထားတဲ့ တိချစ်သူတို့ တိဖေဖေ တိမေမေတို့ကြား ရေပန်းစားနေတဲ့ စကားတစ်ခုရှိပါလိမ့်မယ် " အစာခြောက်တွေ မကျွေးနဲ့ ကျောက်ကပ်ထိခိုက် မယ်" ဆိုတာဖြစ်ပါတယ်။
အစာခြောက်ကျွေးတာက တကယ်ပဲ ကျောက်ကပ် ကိုထိခိုက်စေနိုင်တာလား ဆိုတာကို ကျွန်တော်တို့ လက်တွေ့ကျကျ အဖြေရှာရအောင်။
အစာခြောက်(Dry Food) ဆိုတာ ကြောင် မွေးမြူထားတဲ့ သူတွေ နဲ့ မစိမ်းတော့တဲ့ နေစဉ်ကျွေးနေကြအစာတစ်ခုဖြစ်ပါတယ်။
ကြောင်အများ စုကလဲ အစာခြောက်(Dry Food) တွေ ကိုနှစ်သက်စွာနဲ့ စားသုံးကြပါတယ်။
တိဖေဖေ တိမေမေတို့အနေနဲ့လည်း အချိန်ကုန်သက်သာပြီး အလုပ်ရှုပ်သက်သာပြီး အလွယ်တစ်ကူကျွေးမွေး နိုင်တာကြောင့် တော်တော်ကြီးကို အဆင်ပြေပါတယ်။
ကြောင်စာခြောက် Dry Food တွေဟာ ကြောင်ကလေး တွေအတွက် လိုအပ်တဲ့ အသားဓာတ်၊ ကာဘိုဟိုက်ဒရိတ်၊ အဆီဓာတ်များကို အချိုးကျကျ သမမျှတစွာဖော်စပ်ထားတဲ့ ပြီးပြည့်စုံတဲ့အစာ( complete Feed )
ဖြစ်ပါတယ်။
ဒါပေမယ့် ဈေးအရမ်းသက်သာပြီး အရမ်း Quality နိပ့်တဲ့ low Quality ဖြစ်တဲ့ ကြောင်အစာခြောက် တွေကတော့ အချိုးကျမှုအားနည်းတတ်ပါတယ်။ အခန့်မသင့်ရင် ကျန်းမာရေးထိခိုက်နိုင်ပါတယ်။
အသင့်တော်ဆုံး ကတော့ အလယ်အလတ်ဈေးရှိတဲ့ Medium Quality လောက်ရှိတဲ့ကြောင်စာေခြာက်(Dry Food) လေး တွေကတော့ ကြောင်ကျန်းမာရေးအတွက် ပိုမိုကောင်းမွန်စေပါတယ်။ ဒါကြောင် ဈေးအရမ်းပေါတာမျိုးတွေကိုမလိုက်မိဖို့လဲလိုပါသေးတယ်။
အကောင်းဆုံးကတော့ Premium Quality ရှိတဲ့ကြောင်စာတွေ ကတော့ အချိုးအစားပါဝင် ၊ ဖွဲစည်းမှု ၊ စနစ်အလွန်ကျပြီး ကျန်းမာရေးအတွက်သင့်တော်ပါတယ်။
ဉပမာ - Royal Cannin
နောက်ပြီးတော့ အစာခြောက်ဟာ ကြောင်ကလေးတွေရဲ့ ကျောက်ကပ်ကို ပျက်စီးစေတာ မဟုတ်ပါဘူး ။
အဓိက ကျောက်ကပ်ကို ထိခိုက်စေတဲ့ အမူအကျင့်ကတော့ ကြောင်ကလေး တွေမှာ ရေသောက်နည်းတဲ့ အမူအကျင့် ဗီဇ ကြောင့်ဖြစ်ပါတယ်။
စစ်တမ်းတွေအရ ကြောင် ၁၀ ကောင်မှာ ၃ ကောင်လောက်ကပဲ ရေကို နှစ်သက်စွာသောက်သုံးတတ်ကြပြီး ကျန်တဲ့ ၇ ကောင်ကတော့ နှစ်သက်စွာရေသောက်ဖို့ ပျင်းရိတတ်ကြပါတယ်။
ကြောင်ကလေးတွေရဲ့ ကျောက်ကပ်ကျန်းမာဖို့ တစ်ရက်ကိုရေ အရွယ်ရောက်ပြီးသားကြောင်တစ်ကောင်မှာ တစ်ရက် ၂၀၀-၂၅၀ ml သောက်ပေးဖို့လိုအပ်ပါတယ်။
အစာခြောက် (Dry Food) တွေမှာ ရေဓာတ်/ အစိုဓာတ် ပါဝင်မှုက ၅ ရာခိုင်နှုနိးသာရှိပါတယ် ရေဓာတ် မပါဝင်ပါဘူး လို့ကို ဆိုနိုင်မှာဖြစ်ပါတယ် ။ နဂိုထဲကရေသောက်နည်းတဲ့ ကြောင်ကလေးတွေဟာ အစာခြောက်စားပြီး ဝမ်းဝတယ်လို့ ခံစားရတဲ့အခါ အာစွတ်ရုံလောက်ပဲ သောက်ပြီး
တစ်နေ့တာလိုအပ်တဲ့ ပမာဏကို မသောက်ပဲနေလာကြပါတယ် ။
ဒီလိုနဲ့ အချိန်ကြာလာတာနဲ့ အမျှ ရေသောက်နည်းလာပြီး ကျောက်ကပ်နဲ့ ဆီးလမ်းကြောင်းကျန်းမာရေးထိခိုက်လာတတ်ပါတယ် ။
အစာစို (Wet Food ) တွေမှာတော့ ရေဓာတ်/ အစိုဓာတ်ဟာ 70% နှုန်းထိပါဝင်မို့ တော်တော်လေးကို ရေဓာတ်ပါဝင်တယ်လို့ ဆိုနိုင်မှာဖြစ်ပါတယ်။
အစာစိုစားတဲ့ခလေးတွေမှာတော့ ရေနည်းနည်းအာစွတ်ရုံပဲသောက်ရင်တောင် ရေဓာတ်လုံလောက်နိုင်ပါတယ်။
ဒါကြောင့်အနှစ်ချုပ်ရမယ်ဆိုရင် အစာခြောက်ကျွေးလို့ ကျောက်ကပ်ပျက်တာ မဟုတ်ပါဘူး ရေသောက်နည်းလို့သာလျှင် ကျောက်ကပ်ပျက်တာဖြစ်ပါတယ်။
#ဒါဆိုကြောင်ကလေးတွေရေသောက်များအောင်ဘယ်လိုလုပ်ရမလဲ ?
(၁) ရေခွက်များများထားပေးပါ။
ကြောင်လေးတွေ ဟာအပျင်းထူတတ်ပါတယ် ရေသောက်ဖို့ ရေဆာနေရင်တောင် ပေပြီးအိပ့်နေတတ်တာမျိုးရှိပါတယ်။ ဒါကြောင့် သူနေထိုင်တတ်တဲါနေရာတိုင်းမှာ ရေခွက်တွေ ထားထားပေးဖို့လိုပါတယ်။
ဉပမာ - အိမ် ရှေ့မှာတစ်ခွက် ၊ အိမ်အလည်မှာ တစ်ခွက်၊ အိမ်နောက်မှာ တစ်ခွက် ၊ သူအိပ့်ယာ နားမှာတစ်ခွက်စသည်ဖြင့် ထားပေးဖို့လိုပါတယ်။ ဒါမှ ရေဆာတဲါအခါ အလွယ်တစ်ကူသောက်နိုင်မှာဖြစ်ပါတယ်။
(၂) အမျိုးအစားမတူညီသောရေခွက်များထားပေးပါ။
ကြောင်လေးတွေဟာ ဇီဇာကြောင်တတ်ပါတယ်။ တစ်ချိုါကြောင်လေးတွေက စတီးရေခွက်ထဲကရေကိုပိုသောက်တာရှိပြီး ၊ တစ်ချို့ကြောင်လေးတွေက ကြွေခွက်ထဲကရေကိုပိုနှစ်သက်ကြပါတယ်၊ တစ်ချို့ကြောင်လေးတွေကတော့ မြေအိုးထဲကရေကိုပိုနှစ်သက်တတ်ပါတယ်။ ဒါကြောင်ခွက် အမျိုးအစား အမျိုးမျိုး အသုံးပြုသင့်ပါတယ်။
(၃) ရေအရှင်(စီးဆင်းနေသောရေ) ရနိုင်ရန်ဖန်တီးပေးပါ။
တစ်ချို့ကြောင်လေးတွေဟာ သန့်သန့်ပြန့်ပြန့် သားသားနားနား သောက်ရေခွက်ထဲကရေထက် ရေမြောင်းထဲကရေကို ပိုကြိုက်နေတတ်ပါတယ်။ ဒါကလဲ သူတိုလ ဗီဇအရ ရေအရှင်ကို နှစ်သက်တာမျိုးဖြစ်ပါတယ်။ ဒါမို့ရေအရှင် (စီးဆင်းနေသောရေ) ရနိုင်ရန်လုပ်ဆောင်ပေးနိုင်ရင် ပိုကောင်းပါတယ်။
ဉပမာ - Cat Water Fountain ⛲ ခွေး/ကြောင်အစာရောင်းတဲ့ pet shop တွေမှာရနိုင်ပါတယ်။
(၄) ရေခဲတုံးလေးတွေတစ်ခါတစ်လေးတွေလုပ်ပြီးရေတိုက်တာ။
တစ်ချို့ကြောင်လေးတွေဟာရေသောက်ရတာမနှစ်သက်ပေမယ့် ရေခဲတုံးလေးတွေ လျှက်ရတာ နှစ်သက်နေတတ်ပါတယ် ။ ရေသောက်နည်းတဲ့ မိတ်ဆွေရဲ့ကြောင်လေးအတွက် Ice Cube 🧊 လေးတွေနဲ့ လဲ ကြိုးစားကြည့်နိုင်ပါတယ်။
(၅) ရေသန့်သာတိုက်ပါ။
ရေခွက်တွေများများ ထားပေမယ့် ရေမသန့်ရင် ဆိုးကျိုးရှိနိုင်ပါတယ်။ အထူးသဖြင့် တွင်းရေ တွေ မှာ ထုံးဓာတ်များတာမို့ ဆီးကျောက်တည်တာမျိုးတွေဖြစ်နိုင်ပါတယ်။
ဒါကြောင့် ရေသန့် သာတိုက်ကျွေးစေချင်ပါတယ်။
(၆) တစ်ရက်တစ်ကြိမ်ရေခွက်တွေကိုသန့်ရှင်းရေးလုပ်ပေးပါ။ ရေလဲပေးပါ။
#ဘယ်လိုလုပ်လုပ်ရေသောက်နည်းနေသေးရင်ဘယ်လိုလုပ်ရမလဲ ?
(၁) အစာစိုပြောင်းကျွေးပါ ။ အစာစိုမှာရေဓာတ် ၇၀% အထိပါဝင်တာမို့ အဆင်ပြေသွားနိုင်ပါတယ်။
(၂) အစာကိုရေအနည်းငယ်ရောကျွေးပါ။ တစ်ချို့ကြောင်လေးတွေ ဟာရေချည်းမသောက်ပေမယ့် အစာနဲ့ရောထားရင်စားတဲ့ အခါရေသောက်ပြီးသွားဖြစ်သွားနိုင်ပါတယ်။
(၃) ရေထဲကို အနံထဲသွင်းပေးပါ ။
ဉပမာ -ကြောင်စာအစို အစို တူနာငါးအနံကိုကြောင်လေးတွေအများစုက နှစ်သက်ပါတယ်။ ဒါကြောင့်ရေထဲ အစာစိုအနည်းငယ်ထဲ့သွင်းပေးပါ။
(၄) တိရစ္ဆာန်ဆေးကု ဆရာဝန်နှင့်ပြသတိုင်ပင်ပါ။ တစ်ချို့သောရေသောက်နည်းတဲ့ကြောင်လေးတွေအတွက် နီးစပ်ရညတိရစ္ဆာန်ဆေးကုဆရာဝန်နှင့်တိုင်ပင်ဆွေးနွေးပါ။
Dr Saw Zayar Naing
B.V.Sc(Yzn)
