https://www.facebook.com/104732064875853/

Hein Aquarium, ayaraungmya Road new city 4 road, Singu (2025)

Q: What is the address?

Ayaraungmya Road New City 4 Road

29/09/2021

ဟိတ်.......တွမ်.....တွမ်

27/09/2021

အားလုံးပဲမင်္ဂလာပါဗျ။ Local Puffer တွေအကြောင်းလေ့လာနေတာနဲ့ Page ကိုသိပ်အချိန်မပေးဖြစ်တာကြောင့် ဒီရက်ပိုင်းမှာ Contant တွေမရေးဖြစ်လို့ အားလုံးကိုအရင်ဆုံးတောင်းပန်ပါရစေ။ ဒီနေ့ကျနော်ပြောပြပေးမှာကတော့ ကပ်ပါးသန်း (Flukes) တွေအကြောင်းဖြစ်ပီး Gyrodactylus spp: ကပ်ပါးတွေ ငါးရဲ့အရေပြားမှာကပ်တွယ်ကြတဲ့အကြောင်းပဲဖြစ်ပါတယ်။ တစ်ခါတစ်လေ ပါးဟက်တွေမှာလဲကပ်တွယ်တက်ကြပီး ဒိကောင်တွေကို ချိတ်သန်း (Hook worms) လို့လဲခေါ်ကြပါသေးတယ်။ ဒီကပ်ပါးကောင်တွေဟာ ငါးရဲ့အရေခွံကို ဖျက်ဆီးရုံသာမက သွေးကိုပါစုပ်ယူတက်ပီး ငါးတွေကိုဒဏ်ရာရစေကာ ထိုဒဏ်ရာတွေကနေတစ်ဆင့် မှိုရောဂါနဲ့ အခြားဘက်တီးရီးယားကြောင့် ဖြစ်တက်တဲ့ရောဂါတွေ ဖြစ်လာနိုင်ပါတယ်။
ငါးတွေဟာ Gyrodactylus သန်းကပ်ငြိခံရပီဆိုရင် ငါးကန်ထဲမှာ ရုတ်တရက် ကမူးရှူးတိုးကူးတာမျိုး၊ ကျောက်တုံးတွေ ကျောက်စရစ်ခဲတွေကို ခန္ဓာကိုယ်နဲ့ပွတ်တာမျိုး စတဲ့လက္ခဏာတွေ မြင်တွေ့ရမှာလဖြစ်ပါတယ်။
Gyrodactylus တွေကိုဖယ်ရှားဖို့ဆိုရင်တော့ ပိုတက်ဆီယမ်ပါမင်းဂနိတ် 100 mg ကို ရေ ၁၀ လီတာ မှာဖျော်ပီး ငါးကို ၃၀-၄၀ စက္ကန့်စိမ်ပေးရပါမယ်ဗျ။
နောက်တစ်ခုအနေနဲ့က Discus ငါးတွေမှာအများဆုံးဒုက္ခပေးတက်တဲ့ Dactylogyrus spp: ကပ်ပါးကောင်တွေပဲဖြစ်ပါတယ်။ သူတို့ဟာ များသောအားဖြင့် ငါးရဲ့ပါးဟက်ပိုင်းတွေမှာ ကပ်တွယ်ကြပီး Discus ငါးအကောင် ၂၀၀ လောက်ကို ၆ ပတ်အတွင်း သေအောင်တိုက်ခိုက်နိုင်ကြပါတယ်။
Dactylogyrus ကပ်ပါးသန်းအတွက် Masoten ကိုသုံးသင့်ပီး Masoten ကပိုးသတ်ဆေးဖြစ်တာ
ကြောင့် လူကိုအဆိပ်သင့်စေနိုင်လို့ ကျွမ်းကျင်သူတွေ၊ သုံးနေကျသူတွေသာသုံးဖို့အကြံပြုယပါတယ်ဗျ။ Masoten အစား ဖော်မလင် (Formalin) ကိုအသုံးပြုလို့ရပီး ရေတစ်ဂါလံမှာ Formalin အစက် ၂၀ နှုန်းထည့်ပီး Dactylogyrus ကပ်ပါးသန်းရှိတဲ့ငါးကို ငါးမိနစ်မှ ၁၀ မိနစ်အထိစိမ်ပေးပီး ကုသနိုင်ပါတယ်ဗျ။ အားလုံးအဆင်ပြေကြပါစေ။

19/09/2021

အားလုံးပဲမင်္ဂလာပါဗျ။ ကျနော်အခုပြောပြပေးမှာကတော့ ငါးစည်ဖောင်းရောဂါ (Swim bladder disease) အကြောင်းပါဖြစ်ပါတယ်။ Swim bladder disease ဟာ ငါးကြင်းမျိုးရင်းတွေမှာအဖြစ်များပီး ရောဂါခံစားနေရတဲ့ငါးတွေဟာ ပုံမှန်ရေမကူးနိုင်တာမျိုး၊ တစ်ခါတစ်ရံခေါင်းအောက်ဆိုက်ပီးဖင်ထောင်နေတာမျိုး၊ ဝမ်းဗိုက်အပေါ်ပိုင်းရောက်ပီး ပက်လက်အနေအထားနဲ့ရေထဲမှာယက်ကန်ယက်ကန်ဖြစ်နေတာမျိုးတွေဖြစ်နေမှာပါ။
တစ်ခါတစ်လေမှာ ရေမကူးနိုင်တော့ပဲ ရေကန်အောက်ခြေမှာတစ်မြုတ်နေတက်ပါတယ်။
Swim bladder disease ရောဂါဟာ ငါးတွေကိုရုတ်တရက်မသေဆုံးနိုင်သော်လည်း ပျောက်ဖို့ကခက်ခဲပါတယ်။ ရောဂါကုသဖို့အတွက် အနည်းငယ်နွေးတဲ့ရေမှာ ဆားထည့်ပီးကုသနိုင်သော်လည်း မူလအနေအထားတိုင်းပြန်ရဖို့က ခက်ခဲပါတယ်။အားလုံးအဆင်ပြေကြပါစေဗျ။

19/09/2021

အားလုံးပဲမင်္ဂလာပါဗျ။ ကျနော်အခုပြောပြပေးမယ့်အကြောင်းအရာလေးကတော့ မျက်ပြူးရောဂါ Pop eye (Exophthalimia) အကြောင်းပဲဖြစ်ပါတယ်။ ဒီရောဂါခံသားနေရတဲ့ငါးတွေရဲ့မျက်စိဟာ မျက်လုံးအိမ်မှကျွတ်ထွက်လုနီးပါးပြူးနေပီး ဆေးမကုပဲထားပါက မျက်လုံးပေါက်ထွက်ပီး မျက်စိကန်းသွားနိုင်ပါတယ်ဗျ။ တယ်လီစကုပ်မျိုးစပ်ငါးတွေမှာအဖြစ်များပီး ငါးကန်ရေသန့်စင်မှုမရှိခြင်းနဲ့ ဘတ်တီးရီးယားတွေကြောင့် ဒီရောဂါဖြစ်ရတာလဖြစ်ပါတယ်။
ရောဂါကုသဖို့အတွက် ငါးကန်ကိုရေအသစ်လဲခြင်း၊ ရေသန့်စင်အောင်ဖန်တီးပေးခြင်းတွေပြုလုပ်ရပါမယ်ဗျ။ ကလိုရိုဖီနီကော Chlorophinicol 250 mg
(တစ်တောင့်နှုန်း) ကို ရေ ၂၀ လီတာနဲ့ဖျော်ပီး ရောဂယဖြစ်နေတဲ့ငါးကိုစိမ်ပေးလို့လဲရပါတယ်။ ဒီရောဂါကိုနုစဥ်မှာစပီးကုသသင့်ပါတယ်ဗျ။ အားလုံးအဆင်ပြေကြပါစေ။

19/09/2021

အားလုံးပဲမင်္ဂလားပါဗျ။ ကျနော်ဒီနေ့ပြောပြချင်တဲ့အကြောင်းရာလေးကတော့ ဒရော့စီ (Dropsy) ရောဂါအကြောင်းပဲဖြစ်ပါတယ်။ ဒရော့စီဖြစ်တဲ့ငါးတွေဟာ ခန္ဓာကိုယ်တစ်ခုလုံးရောင်ကိုင်းလာပီး ကြေးခွံများပွနေကာ ဖြူတစ်ကောင်နဲ့တူနေပါတယ်။ ဒရော့စီဖြစ်ရတဲ့အကြောင်းရင်းအများကြီးရှိတဲ့အထဲက ဗိုင်းရပ်စ်ကြောင့်ဖြစ်နိုင်ခြေပိုများပီး ဆေးကုသဖို့ခက်ခဲပါကာ ရောဂါဖြစ်တဲ့ငါးကို သီးသန့်ခွဲထားဖို့လိုပါမယ်ဗျ။
SERA တံဆိပ် SERA BAKTOPUR DIRECT ဆေးကဒရော့စီရောဂါအတွက် အထိရောက်ဆုံးနဲ့ အကောင်းဆုံးဆေးဖြစ်ပီး ဖော်ပြပါဆေးမရရှိပါက ကလိုရိုဖီနီကော (Chlorophenical) ကို ရေတစ်လီတာမှာ 25 mg နှုန်းနဲ့ ရေ ၁၀ လီတာတစ်တောင့်နှုန်းထည့်ပီး ကုသနိုင်ပါတယ်ဗျ။ အားလုံးအဆင်ပြေကြပါစေဗျာ။

18/09/2021

အားလုံးပဲမင်္ဂလာပါဗျ။ ကျနော်အခုပြောပြပေးမှာကတော့ ရေချိုအလှမွေးငါးတွေမှာ ဖြစ်လေ့ရှိတက်တဲ့ ရေယက်၊ အမြီးတွေပုတ်ရတဲ့ရောဂါအကြောင်းနဲ့ ဘယ်လိုကုသရမလဲဆိုတာကို တိုတိုနဲ့ လိုရင်းလေးပြောပြပေးပါမယ်ဗျ။
ရေယက်နဲ့ အမြီးတွေပုတ်ရခြင်းအကြောင်းကတော့ ဘက်တီးရီးယားတွေကြောင့်ဖြစ်ပီး ရေယက်တွေကြည့်လင်ခြင်းမရှိပဲ အလင်းပိတ်နေတာမျိုး၊ ရေယက်တွေစုတ်ပြဲပီး သွေးစလေးတွေတွေ့နေရတာမျိုးဖြစ်ပါတယ်။ ငါးပေါင်လေးတွေမှာအဖြစ်များပီး တစ်ချို့ရောဂါလက္ခဏာတွေဟာတော့ ငါးကြီးတွေကိုက်တာကြောင့်လဲ ဖြစ်နိုင်ပါတယ်။
ဒီရောဂါကို အလျှင်မြန်ဆုံးနဲ့ အထိရောက်ဆုံးကုသဖို့ဆိုရင်တော့ SERA တံဆိပ် SERA BAKTOPUR ဆေးကို ဘူးပါအညွှန်းတိုင်းအသုံးပြုကုသနိုင်ပီး ယင်းဆေးဝယ်ယူရန်အခက်အခဲရှိပါက Mouth Fungus မှာလို Penicillin နဲ့လဲကုသနိုင်ပါတယ်ဗျ။ အားလုံးအဆင်ပြေကြပါစေ။

18/09/2021

အားလုံးပဲမင်္ဂလာပါဗျ။ ကျနော်ဒီနေ့ပြောပြပေးမယ့်အကြောင်းရာလေးကတော့ အပူပိုင်းရေချိုငါးတွေရဲ့ပါးစပ်မှာ အများဆုံးဖြစ်လေ့ရှိတဲ့ Mouth Fungus အကြောင်းပဲဖြစ်ပါတယ်ဗျ။ Chondrococus columnaris လို့ခေါ်တဲ့ ဘတ်တီးရီးယားတွေကြောင့် ငါးရဲ့ပါးစပ်မှာ မှိုစွဲတာဖြစ်ပီး အခြားခန္ဓာကိုယ်အစိတ်ပိုင်းတွေကိုတော့ ကူးစက်ခြင်းမရှိပဲ ပါးစပ်မှာသာဖြစ်တာကြောင့် Mouth Fungus လို့လဲခေါ်ကြတာဖြစ်ပါတယ်။ ကူးစက်လွယ်ရောဂါဖြစ်ပီး ငါးတစ်ကောင်မှ တစ်ကန်လုံးကို ကူးစက်ကာ ငါးရဲ့နှုတ်ခမ်းတစ်ဝိုက်မှာ အဖြူရောင်မျဥ်းကြောင်းလေးတွေမြင်ပီဆိုရင်တော့ အမြန်ဆုံးကုသပေးဖို့လိုပီး အချိန်မှီမကုသနိုင်ပါက ငါးတစ်ကန်လုံးပြုတ်သွားနိုင်ပါတယ်။
Mouth Fungus ကိုကုသရန်အတွက် ပင်နီစလင် (Penicillin) 10,000-25,000 unit ကို ရေတစ်လီတာနဲဖျော်ပီး ရောဂါပျောက်ကင်းသည်အထိ ငါးကိုစိမ်ထားပေးပီး ကုသနိုင်ကာ ၄ ရက်မှ ၅ ရက်အတွင်း ရောဂါပျောက်ကင်းနိုင်ပါတယ်ဗျ။ အားလုံးအဆင်ပြေကြပါစေ။

17/09/2021

အားလုံးပဲမင်္ဂလာပါဗျ။ ကျနော်အခုဆက်ပီးပြောပြပေးမှာကတော့ ရာသီအကူးပြောင်းတွေမှာနဲ့ heater ပေးရတဲ့ငါးတွေမှာအဖြစ်များတဲ့ မှို (Fungus) ရောဂါအကြောင်းပဲဖြစ်ပါတယ်ဗျ။ Saprolgnia နဲ့ Achyle တွေဟာ ငါးတွေရဲ့ပွန်းပဲ့နေတဲ့ဒဏ်ရာ သို့မဟုတ် ငါးတွေအားနည်းနေချိန်မှာ ကပ်တွယ်ပီး မှိုရောဂါကိုဖြစ်စေတာပါ။ ရောဂါလက္ခဏာအနေနဲ့ ငါးတွေမှိုစွဲခံရပီဆိုရင် ခန္ဓာကိုယ်မှာ ဝါဂွမ်းလေးကပ်နေသလိုဖြစ်နေပီး မှိုစွဲတဲ့နေရာမှ မှိုမျှင်လေးတွေထွက်နေတာကို သိသိသာသာမြင်ရမှာပါ။ မှိုရောဂါကိုမကုသပဲထားပါက ငါးတွေရဲ့ခန္ဓာကိုယ်အနှံ့ မှိုများပျံ့နှံ့ကာ ငါးတွေရဲ့တစ်သျှူးတွေကိုဖျက်ဆီးပီး ငါးများသေဆုံးသည်အထိဖြစ်နိုင်ပါတယ်။ မှိုရောဂါလက္ခဏာတွေတဲ့ငါးတစ်ကောင်ကို Hospital Tank မှာသပ်သပ်ခွဲပီး အောက်ပါနည်းများအတိုင်း ကုသနိုင်ပါတယ်ဗျ။
SERA တံဆိပ် SERA MYCOPUR TETRA မှထုတ်လုပ်သော Fungistop ကို ဆေးအညျွန်းတိုင်းအသုံးပြုကုသနိုင်သလို ဖော်ပြပါဆေးဝယ်ယူရန်အခက်အခဲရှိပါက ၂ပေ၁ပေကန်ကို ရေအပြည့်
ဖြည့်ကာ Malachite Green အပိတ်တစ်ဝက်ခန့်
ထည့်ကာ ရောဂါဖြစ်နေတဲ့ငါကို စက္ကန့် ၃၀ စိမ်ပေးချင်းဖြင့်ကုသနိုင်ပါတယ်။ တစ်ကြိမ်နှင့်မပျောက်လျှင် နောက်တစ်ကြိမ်ထပ်စိမ်ပီးကုသနိုက်ပါတယ်ဗျ။ အားလုံးအဆင်ပြေကြပါစေ။

17/09/2021

အားလုံးပဲမင်္ဂလာပါဗျ။ ကျနော်အခုဆက်ပီးပြောပြပေးမယ့်အကြောင်းအရာလေးကတော့ Oodinium Limneticum လို့ခေါ်တဲ့ ပရိုတိုဇိုရာကောင်လေးတွေကြောင့်ဖြစ်ရတဲ့ ကတ္တီပါရောဂါခေါ် (Vavet Disease) အကြောင်းဖြစ်ပီး Oodinium ရောဂါလို့လဲခေါ်လးကြပါသေးတယ်။ ငါးရဲ့အရေပြားပေါ်မှာ အဝါရောင် သို့မဟုတ် ရွှေရောင်အမှုန်လေးတွေဖြူးထားသလိုပုံစံမျိုးဖြစ်ပီး Oodinium ကပ်ပါးကောင်တွေဟာ ရေထဲမှာအမြဲရှိနေတက်တယ်လို့လဲသိရပါတယ်။ Oodinium တွေဟာ ငါးများကျန်းမာသန်စွမ်းနေချိန်မှာ ဒုက္ခမပေးနိုင်သော်လည်း ငါးကန်အပူချိန်ကျပီး ငါးတွေအအေးမိတဲ့အခါမျိုးတွေမှာ ခန္ဓာကိုယ်ကို တွယ်ငြိတက်ပီး ငါးကိုရောဂါရစေတာလဲဖြစ်ပါတယ်။ White Spot ကဲသ်ု့အစက်ပြောက်ရောဂါမျိုးဖြစ်ပီး Oodinium ဟာအဝါရောင်အပျောက်လေးများဖြစ်ကာ အနီးကပ်သေချာကြည့်လျှင် ရွှေ့လျားနေတာကိုတွေ့ရပါတယ်။ ငါးကြီးတွေကို ဒုက္ခမမေးနိုင်သော်လည်း ငါးသားပေါက်များတွင်အလွယ်တကူကူးစက်နိုင်ပီး သေဆုံးတဲ့အထိဖြစ်တက်ပါတယ်။ Oodinium ရောဂါဟာ ငါးကြင်းမျိုးရင်းများ (Cyprinids)၊ ရေမျက်နှာပြင်ပေါ်တက်အသက်ရှူသောငါးများ (Labyrinth) နဲ့ Killifish တွေမှာအဖြစ်များတက်ပါတယ်။
Oodinium ရောဂါကိုကုသဖိူ့အတွက် Sera Oodinopura ဆေးကအကောင်းဆုံးနဲ့အထိရောက်ဆုံးဖြစ်ပီး ဆေးဝယ်ယူဖိူ့မလွယ်ကူပါရ အခြားနည်းများကိုအသုံးပြုပီး ကုသနိုင်ပါတယ်။
Methylene Blue ကို White Spot မှာလို ရေတစ်လီတာမှာ 5% Methylene Blue ၅စက်နှုန်းထည့်ပီး ကုသနိုင်ပါတယ်။
နောက်တစ်နည်းအနေနဲ့ ၂ပေ၁ပေကန်ကို ရေအ
ပြည့်ထည့်ပီး 2% Acriflavine ၁၀ မီလီမီတာ နဲ့ အိမ်သုံးဆား နို့ဆီဘူးတစ်ဝက်ထည့်ကာ ရောဂါဖြစ်နေတဲ့ငါးကိုစိမ်ထားပေးနိုင်ပါတယ်။ ဆစ်ပတ်ခန့်စိမ်ပီးမပျောက်ပါက နောက်ရေအသစ်လဲဆေးဖျော်ကာ ထပ်စိမ်ပေးရပါမယ်ဗျ။ အားလုံးအဆင်ပြေကြပါစေ။

17/09/2021

🇲🇲🐡🙂

17/09/2021

အားလုံးပဲမင်္ဂလာပါဗျ။ နိုင်ငံရေးလိုလို၊ စီးပွားရေးလိုလို၊ စော်အကန့်လိုလိုနဲ့ ဗျာများနေလို့ ပို့တွေလဲသိပ်မတင်ဖြစ်တော့ဘူး😁 ဒီနေ့ပြောပြပေးမှာကတော့ အခုလိုမိုးတွင်းနဲ့ ဆောင်းဝင် နွေဦးပိုင်းတွေဟာ ငါးတွေအတော်များရောဂါဖြစ်လို့ကောင်းတဲ့ကာလလဲဖြစ်ပါတယ်။ ဒါကြောင့် စိတ်ကူးမိတာနဲ့ ငါးရောဂါနှင့် ကုသခြင်းဆိုပီး ရောဂါတွေအကြောင်းနဲ့ ဘယ်လိုကုသရမယ်ဆိုတဲ့ဆေးနည်းလေးတွေ ရေးတင်ပေးမှာပဲဖြစ်ပါတယ်။ အရင်ဆုံးပြောချင်တာကတော့ White Spot (Ichtyopthiriasis) အကြောင်းပဲဖြစ်ပါတယ်ဗျ။ အခြား Page တွေမှာလဲတင်ထားတာတွေ့ရပီး ဒါလေးကိုနဲနဲပြန်ကိုးကားပီး ရေးကြည့်ချင်ပါတယ်ဗျ။
White Spot က ရေချိုငါးတွေမှာအဖြစ်များပီး ရောဂါကူးစက်လွယ်ကာ ငါးကန်တစ်ခုတည်းမှအခြားငါးတွေကို ကူးစက်နိုင်တာကြောင့် ရောဂါမကျွမ်းခင်မှာ ကုသဖို့လိုပါတယ်။ ရောဂါကျွမ်းသွားရင်တော့ ငါးတွေသေတဲ့အထိဖြစ်နိုင်ပါတယ်တဲ့။ White Spot ဟာ Ichtyopthiriasis လို့ခေါ်တဲ့ ပရိုတိုဇိုယာ ကပ်ပါးကောင်တွေကြောင့်ဖြစ်ရတယ်လို့သိရပီး မိုက်ခရိုစကုပ်နှင့်ကြည့်မှမြင်နိုင်ကာ ထိတွေ့ရုံနှင့် ရောဂါကူးစက်နိုင်လို့ ရောဂါပျံ့နှံ့မှုလွယ်ကူတာလဲ ဖြစ်ပါတယ်။ ရောဂါလက္ခဏာတွေအနေနဲ့ကတော့ ရေယက်နဲ့ အမြီးတွေမှယအဖြူစက်တွေစတင်ပေါ်လာတာဖြစ်ပီး နောက်ပိုင်းမှာတစ်ကိုယ်လုံးပျံ့နှံ့လာကာ ဒုတိယအဆင့်အနေနဲ့ညဘက်တီးရီးယားတွေကြောင့် ရောဂါဖြစ်တာတွေရယ်၊ မှို Fungus ရောဂါတွေ ဆက်တိုက်ဖြစ်လာတက်ပါတယ်။ White Spot ကိုထိရောက်စွာကုသဖို့အတွက် ဂျာမဏီနိုင်ငံ SERA၊ TETRA အစရှိတဲ့
ကုမ္ပဏီတွေက SERA COSTAPUR နဲ့ CONTRA SPOT ဆိုတဲ့ဆေးတွေကို ဘူးပါအညွှန်းတိုင်းအသုံးပြုကုသနိုင်ပါတယ်။
ဖော်ပြပါဆေးများ မရှိပါက မယလခိုက်ဂရင်း (Malachite Green) နှစ်ရာခိုင်နှုန်ကို ရေ ၁၀ဂါလံတွင် အပိတ်တစ်ပိတ်ထည့်ပီး ရောဂါရှိတဲ့ငါးကို မိနစ် ၃၀ တိတိစိမ်ပေးကာကုသနိုင်ပါတယ်။ ဒါမှမဟုတ်ရင် ၂ပေ၁ပေ ကန်ရေအပြည့်ထည့်ကာ မာလခိုက်ဂရင်း အပိတ်တစ်ဝက်ခန့်ထည့်ပီး ရောဂါဖြစ်နေတဲ့ငါးကို မပျောက်မချင်းစိမ်ထားနိုင်ပါတယ်ဗျ။
Methylene blue 5% ဖျောရည်ကို ရေလေးလီတာမှာ အစက်ငါးစက်နှုန်းထည့်ပီး ရောဂါဖြစ်တဲ့ငါးကိုစိမ်ကာ မပျောက်ပါက ရေအသစ်လဲပီးထပ်စိမ်ထားနိုင်ပါသေးတယ်။
White Spot ရောဂါခံစားနေရတဲ့ငါးများကို ဒုတိယအဆင့်ဘတ်တီးဂီးယားမဝင်ရောက်နိုင်အောင် ကလိုရိုဖာနီကော ၂၅ မီလီဂရမ်ကို ရေ တစ်လီတာ
ထည့်ပီး စိမ်ပေးခြင်းဖြင့်လဲ ကာကွယ်နိုင်ပါသတဲ့ဗျာ။ အားလုံးအဆင်ပြေကြပါစေ။

16/09/2021

မင်မင်လဲချစ်လို့
သေရာပါတဲ့အထိခေါ်ခဲ့လိုက်ပီ
😊😊😊

09/09/2021

မင်မင် မအားလို့ ကွန်းတန့်တွေမရေးတော့ဘူး
ဘာလုပ်နေလို့မအားတာလဲ
လိပ်ကျောင်းနေလို့🙂

05/09/2021

အားလုံးပဲမင်္ဂလာပါဗျ။ ကျနော်နောက်တစ်ခုအနေနဲ့ပြောပြချင်တာကတော့ ငါးခဲတံပု (Dwarf Pencil Fish) Nannostomus marginatus
လေးတွေအကြောင်းပဲဖြစ်ပါတယ်ဗျ။
အမေဇုံမြစ်ဝှမ်း၊ ဂူရာနာအနောက်ပိုင်းတွေမှာတွေ့ရှိရပီး အရွယ်အားဖြင့် ၄ စင်တီမီတာအထိကြီးထွားကြပါတယ်။ အက်ဆစ်ကဲရေသွက်ကိုနှစ်သက်ပီး အပူချိန် ၂၂ မှ ၂၆ ဒီဂရီစင်တီဂရိတ်အတွင်းနေထိုင်ကြပါတယ်။ အထီးတွေရဲ့ဖင်မြီးဟာဝိုင်းဝန်းပီး အဖျားပိုင်းတွေမှာအနက်ရောင်ရှိကာ အမတွေရဲ့ဖင်မြီးဟာထောင့်ကျကျပုံစံရှိပီး အလွယ်တကူလိင်ခွဲခြားနိုင်ပါတယ်ဗျ။ အစာအနေနဲ့က အင်းဆက်ပိုးသားလောင်းတွေနဲ့ ရေတီ၊ ပိုးနီ၊ အစာခြောက်တွေကိုနှစ်ခြိုက်စွာ စားသောက်ကြပါတယ်။ အခြားငါးတွေကိုရန်လိုတင်ခြင်းမရှိတာကြောင့် ငါးစုံမွေးကန်တွေမှာ မွေးမြူလို့ရပါတယ်။
Dwarf တွေဟာ Pencil တွေထဲမှာအလှဆုံးဖြစ်ကောင်းဖြစ်နိုင်ပါတယ်။ ခန္ဓာကိုယ်ပေါ်ကအလျားလိုက်အစင်းသုံးခုရှိပါတယ်။ အောက်ဆုံးအစင်းတစ်ခုက ခန္ဓာကိုယ်အောက်ပိုင်းမှာရှိပီးတော့ အခြားအစင်းတွေလောက်မရှည်ပဲဖြစ်နေလို့ ရုတ်တရက်ကြည့်ရင် အစင်းနှစ်ခုပဲရှိတယ်လို့ထင်ရပါတယ်။ တစ်ကယ်တော့သုံးခုပါ။ Pencil တွေဟာလဲ တက်ထရာမျိုးရင်းတွေဖြစ်ပေမယ့်လို့ Adipose Fin မပါကြပါဘူး။ ဝါရင့်သဘာရင့်ကြီးတွေလောက်သာ သားဖောက်နိုင်တဲ့ငါးမျိုးဖြစ်ပါတယ်။(သူ့ဟာသူလိုက်၊ သူ့ဟာသူဥ၊ သူ့ဟာသူပေါက်တဲ့လူများမပါ😁) သားဖောက်မယ်ဆိုရင်တော့ နှစ်ပေတစ်ပေကန်(ရေ၁၀ဂါလံဆံ့) မှာအက်ဆစ်ကဲရေသွက်ထည့်ပီး ဥတွေကပ်နိုင်အောင် Nitella ပင်တွေကိုကန်တစ်ဖက်မှာ စုပီးစိုက်ထားပေးသင့်ပါတယ်။ အရောင်တောက်တောက်အထီးတစ်ကောင်နဲ့ ဥကပ်ပီးဗိုက်ဖောင်းနေတဲ့အမတစ်ကောင်ကိုသေချာရွေးချယ်ကာ ညနေပိုင်းမှာသားဖောက်ကန်ထဲထည့်ပေးရပါမယ်။ ငါးထီးနဲ့ငါးမဟာအပင်အုပ်ထဲမှာမိတ်လိုက်ဥချတက်ပီး အချို့ဥတွေဟာအပင်မှာကပ်နေကာ အချို့ဥတွေဟာတော့ရေမျက်နှာပြင်ပေါ်မှာပေါ်နေတက်ပါတယ်။ ငါးမဥချပီး ငါးထီးကအဖိုမျိုးရည်ဖျန်းကာ ဥချခြင်းလုပ်ငန်းပီးဆုံးပါက အထီးနဲ့အမကိုဖယ်ထုတ်ပေးရပါမယ်။ အပူချိန်၂၆ ဒီဂရီစင်တီဂရိတ်မှာ ဥတွေဟာ ၇၂ နာရီအတွင်းအကောင်ပေါက်ပါတယ်ဗျ။ Fry လေးတွေလွပ်လွပ်လပ်လပ်ရေကူး အစာရှာပီဆိုရင်တော့ Infusoria၊ ဆားပုစွန်ပေါက်တွေကျွေးပီး ပြုစုနိုင်ပါပီဗျ။ အားလုံးအဆင်ပြေကြပါစေ။

05/09/2021

အားလုံးပဲမင်္ဂလာပါဗျ။ Characins တွေအကြောင်းအပီးမှာ ကျနေယ်အခုပြာပြပေးချင်တာကတော့ အင်ကန်၊ ငါးစုံမွေးကန်နဲ့ ဖန်စီတွေကိုပဲအာသီသရှိတဲ့လူတွေအတွက် မြန်မာလိုတိုက်ရိုက်ဘာသာပြန်ရင်တော့ ရွှေရောင်ငါးခဲတံ (Golden Pencil Fish)
Nannostomus beckfordi
လေးတွေအကြောင်းပဲဖြစ်ပါတယ်ဗျ။ ဒါလေးတွေပီးရင်တော့ အမေးအများဆုံးအကြောင်းတွေကိုတစ်ခုချင်း ထပ်တင်ပေးပါ့မယ်ဗျ။
Golden pencil လေးတွေကိုတော့ တောင်အမေရိကမှာတွေ့ရှိရပီး အရွယ်အားဖြင့် ၅ စင်တီမီတာအထိ ကြီးထွားကြပါတယ်။ အက်စစ်ကဲရေသွက်ကိုနှစ်သက်ပီးတော့ အပူချိန် ၂၅ နဲ့ ၂၇ ဒီဂရီစင်တီဂရိတ်မှာ နေထိုင်ကြပါတယ်။ ငါးထီးတွေရဲ့ စအိုရေယက်နဲ့ အမြီးအဆူးတောင်အခြေတွေမှာ အနီရောင်ရှိကြပီး ဒီအချက်ကိုကြည့်ကာ ကျနော်တို့တွေ လိင်ခွဲခြားနိုင်ကြပါတယ်။ အစာအနေနဲ့ကတော့ ရေတီ၊ ပိုးနီ၊ ပိုးလောက်လန်း၊ ဆားပုစွန်နဲ့ အခြားအစာခြောက်တွေကြွေးလို့ရပါတယ်ဗျ။ ဖန်စီဖြစ်တာကြောင့် ငါးစုံမွေးကန် Commumity tank တွေမှာမွေးမြူလို့ သင့်တော်ပါတယ်။
ငါးကန်ထဲမှာ လျှင်မြန်စွာကူးခတ်နေထိုင်ကြပီး အထီးတွေဟာ အမတွေအနီးနားမှာဟန်ရေးပြနေတဲ့မြင်ကွင်း၊ အထီးအချင်းချင်းရန်လိုတဲ့တက်ပုံစံတွေဟာ အလွန်အင်မတန်မှ လှပပီး မြင်ရသူအဖို့ မှင်သတ်ဖွယ်ရသမျိုး ပေးစွမ်းနိုင်တဲ့ငါးမျိုးဆိုရင်လဲမမှားပါဘူး။ ခန္ဓာကိုယ်အပေါ် နှာဖျားမှအမြီးရင်းအထိ တစ်ခုတည်းသောနက်ပြာရောင်ရဲ့အပေါ်ပိုင်းတစ်လျှောက် တောက်ပတဲ့ရွှေရောင်ရှိတာကြောင့် ရွှေရောင်ခဲတံငါးလို့ ခေါ်ကြတာလဲဖြစ်ပါတယ်။
Golden pencli ကိုသားဖောက်လိုပါက သန့်စင်တဲ့မိုးရေကိုအသုံးပြုတာ အသင့်တော်ဆုံးဖြစ်ပါတယ်။ ဥချပီးအထီးနဲ့အမကို ကန်ထဲကဖယ်ထုတ်ဖို့လိုအပ်ကာ ဥမှအကောင်ပေါက်ပီး လွတ်လပ်စွာရေကူးအစာရှာတဲ့အခါ Rotifer ဒါမှမဟုတ် Infusoria ကိုတစ်ပါတ်အရင်ဆုံးကြွေးသင့်ပါတယ်။ နောက်ပိုင်းမှာမှ ဆားပုစွန်ကြွေးပီးဆက်လက်ပြုစုကာ အလွန်လှပတဲ့ Golden Pencil Fish လေးတွေကိုပိုင်ဆိုင်နိုင်ပီပဲဖြစ်ပါတယ်။ အားလုံးအဆင်ပြေကြပါစေဗျ။

05/09/2021

အားလုံးပဲမင်္ဂလာပါဗျ။ ကျနော်အခုပြောပြပေးမယ့်အကြောင်းအရာလေးကတော့ တက်ထရာတွေထဲကနောက်ဆုံးတစ်ခုဖြစ်တဲ့ ပင်ဂွမ်းတက်ထရာ (Penguin tetra) Thayeria bodhlkei
လေးတွေအကြောင်းပဲဖြစ်ပါတယ်။
ဘရာဇီးလ်မှာတွေ့ရှိရပီး အရွယ်အားဖြင့် ၇.၅ စင်တီမီတာအထိ ကြီးထွားကြပါတယ်။ ရေသွက်နဲ့ အနည်းငယ်စေးတဲ့ရေကိုနှစ်သက်ပီး အပူချိန် ၂၃ မှ ၂၇ ဒီဂရီစင်တီဂရိတ်အတွင်းမှာ နေထိုင်ကြပါတယ်။ အစာအနေနဲ့ ရေတီ၊ ပိုးနီ၊ ပိုးလောက်လန်း၊ ဆားပုစွန်၊ အင်းဆက်တွေနဲ့ အခြားအစာခြောက်တွေကိုစားသောက်ကြပါတယ်။ လိင်ခွဲခြားရာမှာကတော့ ဥကပ်နေနဲ့အမတွေရဲ့ဝမ်းဗိုက်ပိုင်းဟာ အထီးတွေထက်သိသိသာသာဖောင်းနေပီး အထီးတွေဟာခန္ဓာကိုယ်သွယ်ကြပါတယ်။ ဒီအချက်တွေကိုကြည့်ပီး လွယ်ကူစွာလိင်ခွဲခြားနိုင်မှာလဲဖြစ်ပါတယ်။ Penguin လေးတွေဟာရန်လိုတက်တယ်ဆိုပေမယ့်လဲ ငါးစုံမွေးကန်မှာမွေးမြူလို့ အဆင်ပြေပါတယ်ဗျ။
ပင်ဂွမ်းလို့ခေါ်ရတဲ့အကြောင်းရင်းကတော့ ဖြူစွတ်နေတဲ့ခန္ဓာကိုယ်နဲ့ အနက်ရောင်အစင်းကြောင်းက ပင်ဂွမ်းငှက်တွေနဲ့တူလို့ ခေါ်ကြတယ်ထင်ပါရဲ့။ ကျောဘက်မှာအညိုရောင်သန်းနေတဲ့ခပ်စိမ်းစိမ်းအရောင်ရှိပီးတော့မှ ဝမ်းဗိုက်ပိုင်းကအဖြူရောင်ပြောင်းသွားပါတယ်။ ပါးဟက်အောက်ပိုင်းကနေ အမြီးအောက်ဘက်အဆုံးထိ အနက်ရောင်အစင်းကြောင်းတစ်ခုကလဲ သိသာလွန်းစွာရှိနေတာကိုတွေ့ရပါသေးတယ်။ ပင်ဂွမ်းတွေဟာရေကူးရင် ခေါင်းကိုမော့ကာကူးခတ်လေ့ရှိပီး ပါးဟက်အနောက်နားမှာရွှေရောင်မျဥ်းကြောင်းလေးတစ်ခု ပါရှိပါသေးတယ်။
တစ်ခြား Characins တွေနည်းတူသားဖောက်နိုင်ပီး ဥမှာ ၄၈ နာရီအတွင်းအကောင်ပေါက်ပါတယ်။ ပင်ဂွမ်းသားပေါက်လေးတွေဟာ အခြား Fry တွေထက်အလွန်သေးငယ်ပါတယ်ဗျ။ သားပေါက်ပီး ၈ လအကြာမှအရွယ်ရောက်တယ်လို့လဲသိရပါတယ်။အားလုံးအပြေကြပါစေဗျာ။

04/09/2021

အားလုံးပဲမင်္ဂလာပါဗျ။ ကျနော်အခုပြောပြပေးမယ့်အကြောင်းအရာလေးကတော့ (X-ray tetra)
Pristella riddleri
လေးတွေအကြောင်းပဲဖြစ်ပါတယ်ဗျ။
အမေဇုံ၊ ဂူရာနားနဲ့ ဗင်နီဇွဲလားတို့မှာ တွေ့ရှိရပီး အရွယ်အားဖြင့် ၅.၅ စင်တီမီတာအထိ ကြီးထွားကြပါတယ်။ pH 7 ရှိရေသွက်မှာ မွေးမြူရန်နှင့် သားဖောက်ရန်လွယ်ကူပီး အပူချိန် ၂၃ မှ ၂၆ ဒီဂရီစင်တီဂရိတ်အတွင်းမှာ နေထိုင်ကြပါတယ်။ ရေတီ၊ ပိုးနီ၊ ဆားပုစွန်၊ ပိုးလောက်လန်နဲ့ အခြားအစာခြောက်တွေကို နှစ်ခြိုက်စွားစားသောက်ကြပါတယ်။ ရန်လိုတက်တဲ့မျိုးမဟုတ်လို့ ငါးစုံမွေးကန် Commumity tank မှာမွေးမြူလို့သင့်တော်ပါတယ်ဗျ။
ခန္ဓာကိုယ်တစ်ဝက်ကမှန်လိုကြည်နေပီး ကျောဘက်ပိုင်းမှာအစိမ်းရောင်ရှိကာ ဝမ်းဗိုက်ပိုင်းမှာတော့ ငွေရောင်ရှိပါတယ်။ ကျောဆူးတောင်နဲ့တင်ဆူးတောင်တွေဟာ အဖြူရောင်ဖြစ်ပီး ကျန်းမာနေတဲ့ငါးတစ်ကောင်ရဲ့အမြီးအရောင်တွေဟာ ပန်းရောင်တောက်ပနေပါတယ်။ ဒါကြောင့် X-ray တွေကိုမွေးမြူဖို့ ဝယ်ယူမယ်ဆိုရင်တော့ ပန်းရောင်အမြီးပိုင်ရှင်တွေကို သေချာရွေးချယ်ဝယ်ယူရမှာလဲဖြစ်ပါတယ်။ X-ray တွေက အုပ်လိုက်မွေးမြူဖို့အသင့်တော်ဆုံးမျိုးစိတ်တစ်ခုလဲဖြစ်ပါတယ်။ အရှေ့မှာပြောခဲ့သလိုပဲ အပင်သမားတွေရဲ့ခပ်မှိန်မှိန်မီးရောင်အောက်မှာ X-ray ရဲ့အလှဟာ ပြောပြလို့မရအောင် ရင်သပ်ရှုမောဖွယ်ရှိနေမှာလဲဖြစ်ပါတယ်။ ရေစေးမှာမွေးမြူလို့အဆင်ပြေပေမယ့်လဲ သားဖောက်ချင်တဲ့ဆရာများအနေနဲ့ pH7 ရေသွက်ဖန်တီးပေးဖို့လိုပါမယ်ဗျ။ သားဖောက်ပုံကတော့ အရှေ့က ခရာစင်း တွေလိုအလွယ်တကူသားဖောက်ရုံပါပဲ။ အားလုံးအဆင်ပြေကြပါစေဗျာ။

Hein Aquarium

29/09/2021

27/09/2021

19/09/2021

19/09/2021

19/09/2021

18/09/2021

18/09/2021

17/09/2021

17/09/2021

17/09/2021

17/09/2021

16/09/2021

09/09/2021

05/09/2021

05/09/2021

05/09/2021

04/09/2021

Address

Telephone

Website

Alerts

Contact The Business

Shortcuts

Share

Category