23/05/2026
အပူရှပ်ခြင်း (Heatstroke) ဆိုတာ
ခွေးနဲ့ကြောင်တွေ အပူချိန်မြင့်လွန်းတဲ့နေရာမှာကြာကြာနေခြင်းကြောင့် ခန္ဓာကိုယ်အပူမထိန်းနိုင်တော့ဘဲ အန္တရာယ်ရှိတဲ့အခြေအနေဖြစ်ပါတယ်။ အချိန်မီမကယ်နိုင်ရင် အသက်အန္တရာယ်ရှိနိုင်ပါတယ်။
🐶🐱 အပူလွန်တဲ့ လက္ခဏာများ
အသက်ရှူမြန်ခြင်း / လျှာပြားအကြီးကြီးဟပြီး အသက်ရှူခြင်း
လျှာနီရဲလာခြင်း
သွားရည်ကျများခြင်း
ခန္ဓာကိုယ်ပူလွန်းခြင်း
အားနည်းပြီး လမ်းမလျှောက်နိုင်ခြင်း
အန်ခြင်း / ဝမ်းလျှောခြင်း
မူးဝေခြင်း
တုန်ခြင်း / သတိလစ်ခြင်း
နှလုံးခုန်မြန်ခြင်း
ကြောင်တွေမှာ တိတ်တဆိတ်နေနိုင်တာကြောင့် သတိထားကြည့်ဖို့လိုပါတယ်။
🚑 အရေးပေါ် ကူညီနည်း
1. အေးတဲ့နေရာကို ချက်ချင်းရွှေ့ပါ
အရိပ်ရှိတဲ့နေရာ
ပန်ကာ / Aircon ရှိတဲ့နေရာ ကိုအမြန် ရွှေ့ပါ
2. ရေအေးမဟုတ်ဘဲ “မပူတဲ့” ရေနဲ့ ခန္ဓာကိုယ်ကို စိုစွတ်ပေးပါ
လည်ပင်း
ချိုင်း
ခြေဖဝါး
ဗိုက်အောက်ပိုင်း တို့ကို ရေလောင်း ပေးပါ
⚠️ ရေခဲရေ မသုံးပါနဲ့။ ခန္ဓာကိုယ် shock ဖြစ်နိုင်ပါတယ်။
3. ပန်ကာဖွင့် ပေးပါ
ရေစိုပြီး ပန်ကာဖွင့်ပေးထားရင် အပူကျမြန်ပါတယ်။
4. ရေသောက်နိုင်ရင် နည်းနည်းစီတိုက်ပါ
အတင်းမတိုက်ပါနဲ့။
5. အမြန်ဆုံး ဆေးခန်းပို့ပါ
အပူလွန်ခြင်းက အတွင်းအင်္ဂါတွေထိခိုက်နိုင်လို့ Vet ဆီသွားစစ်ဖို့အရေးကြီးပါတယ်။
❌ မလုပ်သင့်တာများ
ရေခဲထဲမစိမ်ပါနဲ့
နေပူထဲကားထဲမှာ မထားပါနဲ့
အတင်းရေမတိုက်ပါနဲ့
“ခဏနေရင်ကောင်းသွားမယ်” လို့မစောင့်ပါနဲ့
☀️ ကာကွယ်နည်း
နေပူချိန်မှာ လမ်းမလျှောက်ပါနဲ့
ရေသန့်အမြဲရှိပါစေ
လေဝင်လေထွက်ကောင်းတဲ့နေရာမှာထားပါ
အမွှေးထူတဲ့ခွေးတွေကို grooming လုပ်ပေးပါ
အထူးသဖြင့် Pug, Bulldog, Persian ကြောင်လို နှာခေါင်းတိုမျိုးတွေက အပူရှပ်လွယ်ပါတယ်。
