https://www.facebook.com/111240617722106/

Today Star Farm, Mandalay (2026)

15/04/2026

#ရောင်နီတွေသန်းလို့လာနေပါပြီ။🌈🦚❤️

✅တောကြက် တောငုံး တောင်ခါမှအစ ဒေါင်းငှက်အပါအဝင် ရစ်ငှက်အားလုံးဟာ ဆောင်းအကုန် နွေအကူး နွေဦးရာသီမှာ မိတ်လိုက်ကြပြီး အခုလို နွေရာသီ သင်္ကြန်ကာလ အခါသမယဆိုရင် တနှစ်မှာတခါသာ ဥအု သားပေါက်ကြပါတယ်။ သဘာဝအတိုင်း တောထဲမှာ သားပေါက်ရင် သဘာဝသားရဲအန္တရာယ်၊ ရာသီဥတုဘေး၊ ရောဂါဘယဘေးဒဏ်တွေကြောင့် သားပေါက်လေးတွေ အောင်အောင်မြင်မြင် အသက်ရှင် အဖတ်တင်ဖို့ဆိုတာ အင်မတန် ခက်ခဲလွန်းလို့ ရှားပါးငှက်မျိုးစာရင်းဝင် ဖြစ်နေကြတာပါ။

✅သဘာဝနဲ့ ရာသီဥတုတွေကပဲ ပြောင်းလဲလာလို့လား။ လူတွေရဲ့ဆန်းသစ်တီထွင်လိုတဲ့ စမ်းသပ်မှုတွေကြောင့်လား။ သဘာဝမှာ ပုံမှန်စားသောက်နေထိုင်ရပေမဲ့ လူတို့ရဲ့ကျွေးမွေးပြုစုမှုကြောင့် ပုံမှန်ထက်ပိုသော အစားအသောက်နှင့် ခေတ်မီသော အားဆေးများကြောင့်လားမသိနိုင်ပါ။ တနှစ်မှာတခါသာ ပုံမှန်မိတ်လိုက် ဥအု သားပေါက်လေ့ရှိကြတဲ့ ရစ်ငှက်အုပ်စုဝင် ဒေါင်းငှက်များပင်လျှင် တနှစ်လျှင်နှစ်သား ဆက်တိုက်သော်၄င်း၊ အချိန်အခါမဟုတ် ရာသီထက်စော၍ပင် မိတ်လိုက် ဥအု သားပေါက်ကြတာမျိုးလည်း ကိုယ်တွေ့ မြင်လာရပါတယ်။✌️❤️💙

✅ကျွန်တော်တို့ #တူဒေးကြယ်စင် ရစ်ငှက် ဒေါင်းငှက်များ မွေးမြူသားဖေါက်ရေးခြံမှာလည်း သစ်ပင်ဝါးပင်လေးများစိုက်ပေးကာ သဘာဝဆန်ဆန် တတ်နိုင်သမျှ ခြံကျယ်ကျယ် မြင့်မြင့်လေးဖြင့် လေဝင်လေထွက်ကောင်းအောင် ဆောက်လုပ်ပေးထားပါတယ်။ နေရောင်ခြည်ကိုလည်း ကောင်းမွန်စွာ ရရှိရန် စီစဉ်ဖန်တီး လုပ်ဆောင်ပေးထားသဖြင့် သူတို့နေထိုင်ရာ ခြံလေးမှာ မိခင်ဌာနေ တောလေးကဲ့သို့ပင် ထင်မှတ်နေပြီး စိတ်ဖိစီးမှု များ မရှိတော့ဘဲ လူလာလျှင် အစာလိုက်တောင်းကာ ရင်းနှီးကျွမ်းဝင် ချစ်ခင်လျက်ရှိကြပါတယ်။ 🦚❤️💯

✅ကျန်းမာရေးအတွက် မိသားစုသဖွယ် ကာကွယ်ကုသ ပြုစုစောက်ရှောက်ပေးထားသလို အဟာရပြည့်စုံသော စပါး ပြောင်းဆံ ကြက်စာတောင့်များနှင့် ကန်စွန်းရွက် ပြောင်ဖူးစေ့ကဲ့သို့သော အစာစိမ်းများကိုလည်း တနှစ်ပတ်လုံး ကျွေးမွေးပြုစု စောင့်ရှောက်ပေးထားပါတယ်။ အခုလို သားပေါက်ရာသီရောက်လာလျှင် မိခင်ဒေါင်းမ ရစ်မများကို အပင်ပန်းခံ မဝပ်ခိုင်းတော့ဘဲ ခေတ်မီသားဖေါက်နည်းပညာသုံး ဥဖေါက်စက်ဖြင့် သားဖေါက်ကာ သူ့မိခင်ကဲ့သို့ ကိုယ်တိုင်ကျွေးမွေးပြုစု စောင့်ရှောက်ပေးမှုကြောင့် နှစ်စဉ်အောင်မြင်မှု ရောင်နီတွေသန်းလို့ လာနေပြီဖြစ်ပါတယ်။🌹🌺❤️

Kyaw Tint
Today Star Farm

Today Star Farm

24/03/2026

#ရောင်စုံဒေါင်းအကျား

✅Spalding Pied Peafowl ( ရောင်စုံဒေါင်းအကျား )ဆိုတာ အဓိကအားဖြင့် Spalding ဟု အမည်ရသော မျိုးရိုးဖြတ်ပေါင်းစပ်ထားသော ဒေါင်းငှက်မျိုးကွဲတခုဖြစ်ပါတယ်။ ဒီမျိုးကွဲသစ် ဒေါင်းငှက်မှာ အဖြူ၊ အပြာ၊ အစိမ်း အရောင်သုံးမျိုးပါသဖြင့် ( #သုံးရောင်ချယ်ဒေါင်း )ဟု၄င်း၊ ခေတ်မီထူးခြားဆန်းသစ်တဲ့အရောင်ရှိလို့ ( #ဖန်စီကာလာဒေါင်း )ဟု၄င်း အမည်ပေး ခေါ်ဝေါ်ကြပါတယ်။

✅1950ခုနှစ် အမေရိကန်နိုင်ငံ ကယ်ရီဖိုးနီးယားပြည်နယ်မှ ငှက်မွေးမြူရေးဝါသနာရှင်တဦးဖြစ်သူ ဟာ မျိုးစိတ်မတူသော ဒေါင်းပြာနှင့် ဒေါင်းစိမ်းကို အောင်မြင်စွာ ပေါင်းစပ်သားဖေါက်နိုင်ခဲ့လို့ ရစ်ငှက်မျိုးစိတ်သစ် စတင်တွေ့ရှိသူတိုင်းက မိမိ၏အမည်နာမကို ထည့်သွင်းအမည်ပေးလေ့ရှိသည့်အတိုင်း ၄င်း စပ်မျိုး ဒေါင်းမျိုးကွဲသစ်ကို သူမ၏အမည် ဟု အမည်ပေးခဲ့ခြင်း ဖြစ်ပါတယ်။

✅သူမဖြတ်ပေါင်းစပ်ခဲ့သော ဒေါင်းမျိုးစိတ်နှစ်မျိုးက မူလအိန္ဒိယဒေါင်းပြာ ( )မှ ဆင်းသက်လာသော ပြန်ဆုပ်မျိုးရိုးဗီဇရှိသည့် ၄င်းဒေါင်းပြာမှ အရောင်ပြောင်းလဲမှုဖြစ်လာသော အတောင်ပံအမဲရောင် ဒေါင်းပြာမျိုးမှ ခန္ဓာကိုယ် ဝါညစ်ညစ် အဖြူရောင်ပေါ်မှာ အနက်ရောင် အစင်းအပြောက် အဆင်ပါသော ၄င်းဒေါင်းအမကို ဒေါင်းစိမ်း(၃)မျိုးထဲမှ အစိမ်းရောင် ရွှင်ရွှင် အရောင်တောက်ပဆုံးသော လည်တိုင်ဖက်ဖူးစိမ်းရောင်ရှိသည့် ( ) ဂျာဗားဒေါင်းစိမ်းအထီးနှင့် ပေါင်းစပ်သားဖေါက်ရာမှ ရရှိလာခဲ့သော စပ်မျိုးဒေါင်းမျိုးကွဲသစ် ဖြစ်လာပါတယ်။

✅ ဆိုသည်မှာ မြန်မာလို ခန္ဓာကိုယ်ပေါ်မှာ အရောင်အစင်းအပျောက်တွေ မမှန်မကန်ပျံ့နှံ့နေတဲ့ အဆင်ပုံစံ ( ) ကို ခေါ်ပါတယ်။ Spalding Pied ဆိုတာ Spalding အမည်ရသော အထက်ဖေါ်ပြပါ စပ်မျိုးဒေါင်းမျိုးကွဲသစ်၏ ခန္ဓာကိုယ်ပေါ်မှာ အရောင်အစင်းအပျောက် အဆင်ပုံစံ မမှန်မကန်ရှိနေခြင်း ( Pied ပုံစံ ) ကြောင့် Spalding Pied Peafowl လို့ ခေါ်ပါတယ်။

✅အစိမ်းရောင်တောက်ပပြီး အဖြူရောင် အစင်းအပြောက်တွေ ရောနှောပါရှိသော ဒေါင်းပြာစပ်မျိုး Spalding Pied Peafowl ဟာ အရောင်သုံးမျိုး စပ်ထားသဖြင့် ရွှင်ရွှင်ပြပြ အလွန်လှပလို့ လူကြိုက်များသလို မွေးမြူသူလည်း အလွန်များပြားလျက်ရှိပါတယ်။ ယခုအခါ အဲဒီ Spalding အမည်ရ Hybridဒေါင်းကို လူတွေက ထပ်မံပြီး အခြားအရောင်ပုံစံ ( White, Pied, Black shoulder, Purple, Cameo ) တို့ဖြင့် ထပ်မံဖြတ်ပေါင်းစပ်ကာ အရောင်အသွေးအဆင် စုံလင်သော Hybrid စပ်မျိုး ဒေါင်းမျိုးကွဲသစ်များအဖြစ် ပေါင်းစပ်သားဖေါက် မွေးမြူလျက် ရှိကြပါတယ်။🦚❤️💙

10/03/2026

#ရွှေရောင်ရစ်တို့တွန်ကြူးသံ❤️💯🌹🌺

✅ #ရွှေရစ် / ရွှေရောင်ရစ် ဟာ မူရင်းဒေသက တရုတ်ပြည်မို့ တရုတ်ရစ်ငှက် လို့ ခေါ်ပါတယ်။ အမွှေးအတောင်မှာ အရောင်စုံလွန်းလို့ သက်တန့်ရောင်စုံငှက် ၊ မီးလျှံငှက် ၊ ရွှေကြက် စသဖြင့် အမည်အမျိုးမျိုးနဲ့ တင်စားခေါ်ဝေါ်ကြရလောက်အောင် အမည်နဲ့လိုက်ဖက်တဲ့ ရစ်ငှက်တမျိုးဖြစ်ပါတယ်။

✅တနှစ်မှာတခါ အခုလို ဆောင်းအကုန် နွေအကူး အအေးပေါ့ပြီး အနွေးဓါတ်ဝင်လာတဲ့ နွေဦးကာလ အခါသမယမှာ စတင်မိတ်လိုက်ပြီး ဥအုကြပါတယ်။ သင်္ကြန်အပြီး နွေအလယ်လောက်မှာ သားပေါက်ကြပြီမို့ သူတို့ရဲ့သက်တမ်းကို နွေရောက်တိုင်း အသက်တနှစ်ရှိပြီလို့ အလွယ်တကူ မှတ်ယူနိုင်ပါတယ်။ သားပေါက်ပြီးတိုင်းလည်း သစ်ပင်များလို ရွက်ဟောင်းကြွေလို့ ရွက်သစ်ဝေသကဲ့သို့ အမွှေးသစ် အတောင်သစ်များ တနှစ်တခါ လဲလေ့ရှိပါတယ်။💯

✅အထီးအမမကွဲခင် ရွှေရစ်ငှက်ပေါက်လေးများဟာ မိခင်အရောင်အတိုင်း အညိုရောင် အစင်းအပျောက်များရှိပေမဲ့ သက်တမ်း၆လခန့်ရောက်လျှင် အထီးလေးများရဲ့ ဦးခေါင်းနဲ့ ကျောပြင်မှာ အနီရောင်အမွှေးများ စတင်ထွက်လာပါတယ်။ တနှစ်ပြည့်လျှင် လည်ဆံမွှေးများ စတင်ထွက်လာပြီး ဝါတွင်းကာလမှာ အရောင်စုံသော ကြီးမွှေးသစ်များလဲလေ့ရှိပါတယ်။ မိုးအကုန် ဆောင်းအကူး သီတင်းကျွတ်ကာလရောက်လျှင် အမွှေးအတောင်စုံပြီမို့ ကျန်းမာဝဖြိုး အလှတိုးကာ သစ်လွင်နုပျိုသော ရစ်ငှက်ဖိုတကောင်အဖြစ် အရောင်အသွေးစုံလင်စွာဖြင့် အလှပဆုံးအချိန်ဖြစ်ပါတယ်။ တဆောင်းတွင်းလုံး ရစ်ငှက်အမကို သူ့ရဲ့အလှကို လှစ်ဟပြသကာ မိတ်လိုက်ဖို့ ကပြမြှူဆွယ် ပျော်မြူးနေပါတော့တယ်။

✅တနှစ်မှာတခါသာ သားပေါက်လို့ ရှားပါးငှက်မျိုးစိတ်ဖြစ်ပေမဲ့ ခေတ်မီတိုးတက်သော မွေးမြူရေးနည်းပညာဖြင့် ပေါင်းစပ်ကာ စနစ်တကျ မွေးမြူလာကြသဖြင့် ကမ္ဘာအရပ်ရပ် နိုင်ငံအသီးသီးမှာ တောရိုင်းသဘာဝ တောရစ်ငှက်ဘဝမှ အိမ်မွေးတိရစ္ဆာန် အလှမွေးရစ်ငှက်အဖြစ်သို့ မှော်ဆန်ဆန် အောင်မြင်စွာ ကူးပြောင်းမွေးမြူနိုင်ကြပြီဖြစ်လို့ အလှမွေးကြက်ငှက်များနှင့် အိန္ဒိယဒေါင်းပြာငှက်များနည်းတူ မျိုးတုန်းပျောက်ကွယ်ဖို့ မဖြစ်နိုင်တော့ဘဲ ပေါပေါများများ ရှိနေကြပါပြီ။💯❤️💙

Kyaw Tint
Today Star Farm

https://m.facebook.com/story.php?story_fbid=230997575746409&id=100066742938873

02/03/2026

#အတောင်ပံအမဲရောင်ဒေါင်းပြာ

✅Black Shoulder Peafowl ပခုံးအမဲရောင်ဒေါင်းပြာဟာ သဘာဝအတိုင်းရှိတဲ့ မူလအိန္ဒိယဒေါင်းပြာ ( )ရဲ့ မျိုးဗီဇ ပြောင်းလဲမှု တစ်မျိုးပါ။ ဒါကို ပုံစံပြောင်းလဲမှု လို့ ခေါ်ပါတယ်။ တချို့ကတော့ #အတောင်ပံအမဲရောင်ဒေါင်းပြာ ( )လို့လည်း ခေါ်ကြပါတယ်။

✅ဘယ်လိုဖြစ်ပေါ်လာတာလဲဆိုရင်
မူလက အိန္ဒိယဒေါင်းပြာမှာ ပခုံး / အတောင်ပံ ( shoulders / wings )မှာ အညိုရောင်နဲ့အဖြူရောင် အစက်အပြောက်/အစင်း( )တွေ ရှိပါတယ်။ Black shoulder ဒေါင်းပြာမှာတော့ အဲဒီ အတောင်ပံအပိုင်းကို အဖြူအညို အစက်အစင်းလေးတွေ မရှိဘဲ အမဲရောင် solid black သို့မဟုတ် နက်ပြာရောင်၊ တောက်ပတဲ့ sheen ပါတဲ့ အမဲရောင် ဖြစ်သွားပါတယ်။ အဲဒီဒေါင်းအမ ( peahen )ဆိုရင် မူလဒေါင်းပြာမ လို လည်တိုင်မှာ အစိမ်းရောင်နဲ့ တကိုယ်လုံး မီးခိုးညိုရောင်ပုံစံ မရှိတော့ဘဲ ပိုပြီးသိသာ ကွဲပြားတဲ့ ဝါညံ့ညံ့အဖြူရောင်မှာ အမဲရောင်ထိုးကာ ပြောင်းလဲထင်ရှား ပေါ်လွင်နေပါတယ်။ ဒီပြောင်းလဲမှုက ( #ပြန်ဆုတ်မျိုးဗီဇ ) တစ်ခုကြောင့် ဖြစ်ပေါ်လာတာ ဖြစ်ပါတယ်။ မိဘနှစ်ကောင်စလုံးမှာ ဒီမျိုးရိုးဗီဇပါနေရင် သားပေါက်မှာ ပြန်လည် ပေါ်လာနိုင်ပါတယ်။

✅သမိုင်းကြောင်းအကျဉ်းအရ ၁၈၂၃ လောက်က ဥရောပမှတ်တမ်းတွေမှာ ပထမဆုံး ပေါ်ပေါက်လာခဲ့ပါတယ်။ ဒါကြောင့် Indian Blue Peafowl ပြီးရင် အစောဆုံး မျိုးရိုးဗီဇပြောင်းလဲမှု တစ်ခု ဖြစ်ပါတယ်။ အစက ဒီဒေါင်းကို သီးသန့် မျိုးစိတ်တစ်ခု ( )လို့ ထင်ခဲ့ကြပါတယ်။ ဒါပေမယ့် Charles Darwin က ဒါဟာ မွေးမြူမှုအောက်မှာ ဖြစ်ပေါ်လာတဲ့ ပုံစံပြောင်းလဲမှု ( )တစ်ခုပဲလို့ သက်သေပြခဲ့ပါတယ်။ အခုတော့ လူတိုင်း လက်ခံထားပါပြီ။ အမေရိကမှာတော့ ၁၈၃၀လောက်က စတင်တွေ့ရှိခဲ့ပါတယ်။ အခုဆိုရင် အဖြစ်များဆုံး မျိုးရိုးဗီဇပြောင်းလဲမှု ( mutation )တွေထဲမှာ ပါဝင်နေပါပြီ။

✅အကျဉ်းချုပ်ရရင် Black shoulder / Black wings ဒေါင်းပြာဟာ သဘာဝ Indian Blue ဒေါင်းပြာရဲ့ မျိုးဗီဇပုံစံပြောင်းလဲမှု ( )တစ်ခုပဲဖြစ်ပြီး ၁၉ရာစု အစောပိုင်းမှာ ဥရောပ မွေးမြူရေး လုပ်ငန်းတွေထဲမှာ ပထမဆုံး ပေါ်ပေါက်လာခဲ့တာ ဖြစ်ပါတယ်။ အခုဆိုရင် ကမ္ဘာတဝှမ်း အဖြစ်များတဲ့ အရောင်ပြောင်းလဲမှုတစ်မျိုး ဖြစ်နေပါပြီ။

✅ကျွန်တော်တို့ #တူဒေးကြယ်စင်ခြံ မှာလည်း မွေးမြူထားပြီမို့ ဒေါင်းငှက်ချစ်သူ ဝါသနာတူ ညီအစ်ကိုများ လာရောက်ကြည့်ရှု လေ့လာနိုင်ပါကြောင်း အသိပေး ဖိတ်ခေါ်လိုက်ပါတယ်။🙏🦚❤️💙

Kyaw Tint Kyaw Today Star Farm Today Star Farm

23/02/2026

#နွေဦးကာလ_မြူထသောအခါ။🦚❤️🌹🌺

✅တောကြက် တောငုံး တောင်ခါမှအစ ဒေါင်းငှက်အပါအဝင် ရစ်ငှက်အားလုံးဟာ တနှစ်တခါ ဧပြီလ မေလနဲ့ ဇွန်လတွေမှာ သားပေါက်ပြီးရင် ဝါတွင်းကာလ မိုးရာသီမှာ အမွှေးအတောင် အသစ်လဲပြီး မိုးအကုန် ဆောင်းအကူး သီတင်းကျွတ်ကာလမှာ ငှက်ပျိုငှက်ပေါက်တကောင်အလား တွန်သံကျူးရင့်ကာ လှချင်တိုင်း လှနေသလို ငှက်မများကို မိတ်လိုက်ဖို့ ကချင်တိုင်း အပြိုင်ပိုးပန်း မြှူဆွယ်ကပြရတာ တဆောင်းတွင်းလုံးပါ။ အခုလို ဆောင်းအကုန် နွေအကူး နွေးဦးကာလ အနွေးဓါတ်လေး စရလာပြီဆိုကတည်းက စတင်မိတ်လိုက် ဥအုကြပြီဖြစ်ပါတယ်။ 🌹🌺❤️💙

✅ကမ္ဘာပေါ်မှာ #ဒေါင်းစိမ်း ၊ #ဒေါင်းပြာ နဲ့ #ကွန်ဂိုဒေါင်း ဆိုပြီး ဒေါင်းငှက်(၃)မျိုးရှိပါတယ်။ #ဒေါင်းဖြူ ကတော့ ဒေါင်းပြာမှ မျိုးရိုးထွန်းကာ ပေါ်ပေါက်လာခြင်းဖြစ်ပါတယ်။ ထို့ကြောင့် ဒေါင်းဖြူကို ဒေါင်းပြာနဲ့ ပြန်လည်မျိုးစပ်ကာ သားဖေါက်လျှင် မူလမျိုးရိုးအတိုင်း ဒေါင်းပြာများသာ ပြန်လည်သားပေါက်လာမှာ ဖြစ်ပါတယ်။👍💯🥰😘

✅ဒေါင်းဖြူဟာ ဒေါင်းပြာမှ သဘာဝအတိုင်း မျိုးရိုးထွန်းပေါက်ခြင်းကြောင့် ဖြစ်ပေါ်လာပေမဲ့ အခုလို တိုးတက်လာတဲ့ ခေတ်ကြီးမှာ ခေတ်မီသော မွေးမြူသားဖေါက်ခြင်း နည်းပညာရပ်များဖြင့် ဒေါင်းစိမ်းကိုပင် ဒေါင်းဖြူဖြစ်အောင် ဖန်တီးနိုင်ရုံသာမက အနက်ရောင်၊ အညိုရောင်၊ ငွေမှင်ရောင်၊ ကြေးနီရောင်၊ မဟော်ဂနီရောင်၊ အစက်အပျောက်၊ အစင်းအကျားစသဖြင့် အရောင်အသွေး စုံလင်အောင် မျိုးစပ်ကာ အောင်မြင်စွာ သားဖေါက်မွေးမြူ နိုင်ကြပြီဖြစ်ပါတယ်။👍💪💯😍( #အောက်ကလင့်မှာ_ဝင်ကြည့်ပါ။)

✅ကျွန်တော်တို့ #တူဒေးကြယ်စင် ဒေါင်းငှက်နဲ့ ရစ်ငှက်မျိုးစုံ မွေးမြူသားဖေါက်ရေးခြံမှာ မူလဒေါင်းစိမ်း၊ ဒေါင်းပြာ၊ ဒေါင်းဖြူသာမက အဖြူ အပြာ အစိမ်း သုံးရောင်ပါသော 3 Colours / သုံးရောင်ချယ် စပ်မျိုးဖြစ်သော ဒေါင်းအကျားများကိုပါ မွေးမြူထားပြီမို့ ဒေါင်းငှက်ချစ်သူ ဝါသနာတူများ လာရောက်ကြည့်ရှု လေ့လာရန် ဖိတ်ခေါ်လိုက်ပါတယ်။🙏❤️🦚💙

Kyaw Tint
Today Star Farm

https://m.facebook.com/story.php?story_fbid=544272614474165&id=100066742938873

10/02/2026

#တနေကုန်ထိုင်ပြီး_တစိမ့်စိမ့်ကြည့်။❤️💙

✅ကျွန်တော်ငယ်စဉ်အခါက မန္တလေးတိုင်း စဉ့်ကိုင်မြို့နယ် မွေးရပ်မြေ ရှမ်းကန်ရွာမှာ မူလတန်းအဆင့်အောင်လို့ (၄)မိုင်အကွာမှာရှိတဲ့ ရန်ကုန်-မန္တလေးလမ်းဟောင်းဘေးက ဘယ်လင်းရွာ အလယ်တန်းကျောင်းကို နေ့စဉ်ခြေလျင် (၄)နှစ်တာ ကျောင်းတက်ခဲ့ရပါတယ်။ နောက်တဆင့် အလယ်တန်းအဆင့်အောင်လို့ အထက်တန်းအဆင့်တက်ဖို့ (၃)မိုင်ခန့် ထပ်မံဝေးတဲ့ ကျောက်ဆည်မြို့ အထက(၁)ကျောင်းကို လိုင်းကားနဲ့ ဆက်လက်ချီတက် ကျောင်းတက်ခဲ့ရပါတယ်။ မြို့နဲ့ပတ်ချာလည် မနီးမဝေး ရွာလေးတွေက ကျောင်းသား/သူတွေကတော့ အဖေါ်တွေနဲ့ ပျော်ပျော်ပါးပါး ကျောင်းသွားကျောင်းပြန် စက်ဘီးကိုယ်စီနဲ့ ကျောင်းတက်ကြတာပေါ့။👍✌️💪👌💯

✅1988မတိုင်ခင်အချိန်ခါ ငယ်စဉ်ကာလ အထက်တန်းကျောင်းသားဘဝမှာ အလိုချင်ဆုံးအရာက #ပန်းတွေနဲ့ဝေ လို့ ခေါ်ကြတဲ့ စာတန်းနှင့် ဖီးဆင့်ရစ်ငှက်ပုံတံဆိပ် စက်ဘီးလေးပါ။ စက်ဘီးရဲ့ဘားတန်း/ဘောင်ပေါ်မှာ အမြှီးရှည်ရှည် ရစ်ငှက်ပုံလေးဘေးမှာ ပန်းပွင့်လေးတွေ ပတ်ချာလည် အလှဆင်ထားသော ရှေ့မှာထည့်စရာခြင်းပါတဲ့ စက်ဘီးလေးဟာ ထိုစဉ်အခါက သာမန် HERO နဲ့ REALIGH စက်ဘီးကိုတောင် ဝယ်ဖို့ခက်ခဲတဲ့ တောသူတောင်သားရဲ့ သားသမီးအတွက်ကတော့ ဖီးဆင့်စက်ဘီး ဝယ်နိုင်ရေးဟာ စိတ်ကူးယဉ်သက်သက် အိပ်မက်တခုမျှသာပါ။🥲😥😁

✅ရွှေမန်းသူတွေ ကျုံးမြို့ရိုးကို ပျော်ပျော်ပါးပါး အဖွဲ့လိုက် စက်ဘီးပတ်စီးကြတဲ့ခေတ် အချိန်ခါမှာ လိုချင်ခဲ့ပေမဲ့ မဝယ်နိုင် မစီးနိုင်ဖြစ်ခဲ့ရတဲ့ စက်ဘီးလေးရဲ့တံဆိပ် ဖီးဆင့်ရစ်ငှက်ပုံလေးဟာ နှစ်သက်မြတ်နိုး တန်ဖိုးထားလွန်းလို့ ယနေ့တိုင် ကျွန်တော့်ရင်ထဲ နှလုံးသားထဲမှာ စွဲလန်းကျန်ရစ် ရှိနေဆဲပါ။ ငယ်စဉ်အခါက ဖီးဆင့်ရစ်ငှက်တံဆိပ်ပါ အဲဒီစက်ဘီးလေးကို မပိုင်ဆိုင်ခဲ့ရပေမဲ့ အခုအခါမှာတော့ သက်ရှိရစ်ငှက်လေးတွေကိုတော့ မြတ်မြတ်နိုးနိုး တန်ဖိုးထား ပိုင်ဆိုင်ခွင့်ရခဲ့ပါပြီ။😋😘😊❤️💯💙

✅Lady Amherst’s pheasant လို့ခေါ်တဲ့ လေဒီရစ်ငှက်လေးတွေဟာ အုပ်စုဖွဲ့ပြီး နေတတ်ကြသလို တနှစ်မှာတခါသာ သင်္ကြန်အပြီးလောက်မှာ သားပေါက်ပြီးရင် ရစ်ငှက်အထီး/ရစ်ဖိုများဟာ သစ်ပင်များ ရွက်ဟောင်းကြွေကာ ရွက်သစ်ဝေသကဲ့သို့ နှစ်စဉ် မိုးတွင်းကာလ ဝါတွင်းတတွင်းလုံး အမွှေးအတောင် အသစ်လဲလေ့ရှိပါတယ်။ မိုးအကုန် ဆောင်းအကူး သီတင်းကျွတ်ကာလ ဆောင်းဦးရာသီလောက်မှာ အမွှေးအတောင် အသစ်များ စုံလင်ပြီမို့ ငယ်ရွယ်နုပျိုတဲ့ ရစ်ငှက်ပေါက်အလား တွန်သံကြူးရင့်ကာ မြူးတူးလန်းဆန်း တက်ကြွနေပါတော့တယ်။ လာမဲ့ဆောင်းအကုန် နွေအကူး နွေဦးရာသီမှာ မိတ်လိုက် ဥအု သားပေါက်နိုင်ဖို့ တဆောင်းတွင်းလုံး ရစ်ငှက်မလေးများကို မိမိရဲ့အလှတရားကို လှစ်ဟပြသရင်း မြှူဆွယ်ကပြ အပြိုင်ပိုးပန်းနေကြပုံလေးတွေဟာ သဘာဝတရားကြီးကပေးတဲ့ လက်ဆောင်ပန်းချီကားတချပ်သာ ဖြစ်ပါတော့တယ်။❤️💙🌹🌺

Kyaw Tint
Today Star Farm

26/01/2026

#ရစ်ငှက်တို့ရဲ့သဘာဝ_ချစ်ရည်လူးအက❤️💙
❤️🌹🌺

✅ကျွန်တော်တို့ #တူဒေးကြယ်စင် ရစ်ငှက်မွေးမြူရေးခြံမှ ရစ်ငှက်အုပ်စုဝင်များဟာ တနှစ်မှာတခါ နွေရာသီမှာ မိတ်လိုက် ဥအုပြီး သင်္ကြန်ကာလအပြီးမှာ သားပေါက်လေ့ရှိပါတယ်။ သားပေါက်အပြီး ဝါဆိုခါနီး မိုးဦးကာလမှာ ရစ်ဖို/အထီးများဟာ သစ်ပင်များလို ရွက်ဟောင်းကြွေကာ ရွက်သစ်များဝေသကဲ့သို့ တနှစ်တခါ အမွှေးဟောင်း အတောင်ဟောင်းများချကာ အမွှေးသစ် အတောင်သစ်တို့ဖြင့် တဝါတွင်းလုံး လဲလေ့ရှိပါတယ်။

✅မိုးရာသီအကုန် ဆောင်းရာသီအကူး သီတင်းကျွတ်ကာလ အခါသမယရောက်ရင် အမွှေးသစ် အတောင်သစ်တို့ဖြင့် အရွယ်ရောက်ခါစ ရစ်ပေါက် ဒေါင်းပေါက်လေးများကဲ့သို့ နုပျိုသစ်လွင် လန်းဆန်းတက်ကြွနေပြီး အလှပဆုံးအချိန်ကို တနှစ်တခါ ပြန်လည်ရောက်ရှိ လာတာဖြစ်ပါတယ်။ လာမဲ့ဆောင်းအကုန် နွေအကူး နွေဦးရာသီရောက်ရင် မိတ်လိုက် ဥအု သားပေါက်နိုင်ဖို့ တဆောင်းတွင်းလုံး ရစ်ဖို/ဒေါင်းဖို အထီးများဟာ တွန်သံစုံကြူးရင့်ကာ ရစ်မ/ဒေါင်းမများကို အပြိုင်အဆိုင် ကပြမြှူဆွယ် ပိုးပန်းကြတာမို့ မြိုင်မြိုင်ဆိုင်ဆိုင် အလှချင်းပြိုင်နေကြတာဟာ ရစ်ငှက်ချစ်သူ ဝါသနာတူများအဖို့ အလွန်ကြည်နူး ပီတိဖြစ်စရာ မြင်ကွင်းလေး ဖြစ်ပါတယ်။

✅ရစ်ငှက်ချစ်သူ ဝါသနာတူများအတွက် ကျွန်တော်တို့ခြံကို အလည်မလာရောက်နိုင်သော်လည်း ရစ်ငှက်များရဲ့သဘာဝအလှတရားနှင့် တဆောင်းတွင်းလုံး ရစ်ဖို/ဒေါင်းဖိုများက ရစ်မ/ဒေါင်းမများကို မြှူဆွယ်ကပြ အပြိုင်ပိုးပန်းနေကြပုံလေးများကို ကြည့်ရှူခံစားနိုင်ရန် စုစည်းတင်ပြပေးလိုက်ပါတယ်။ အခွင့်အခါသင့်လို့ လာလည်ချင်တယ်ဆိုရင်လည်း ကျောက်ဆည်တက္ကသိုလ်ဖက်မှာ တည်ရှိပါကြောင်း အသိပေး ဖိတ်ခေါ်လိုက်ပါရစေ။🙏🙏🙏🙏🙏❤️🦚

Kyaw Tint
Today Star Farm

15/01/2026

#သဘာဝရဲ့ရင်သွေးငယ်တွေ။ ❤️🦚💙💯

✅တောကြက် တောငုံး တောင်ခါငှက်မှအစ ဒေါင်းငှက်အပါအဝင် ရစ်ငှက်အားလုံးဟာ တနှစ်မှာတခါ ဆောင်းအကုန် နွေအကူး နွေဦးရာသီရောက်လာပြီဆိုရင် မိတ်လိုက် ဥအုပြီး သားပေါက်လေ့ရှိပါတယ်။ သင်္ကြန်ကာလအလွန် သားပေါက်ပြီးလျှင် ဝါဝင်ခါနီး ဇွန်လ ဇူလိုင်လလောက်မှာ ရစ်ငှက်ဖို/အထီးများဟာ သစ်ပင်များကဲ့သို့ ရွက်ဟောင်းကြွေပြီး ရွက်သစ်လဲကြသလို အမြှီးဆံမှအစ အမွှေးအတောင်ဟောင်းများကျွတ်၍ အမွှေးသစ် အတောင်သစ် အမြှီးသစ်များ နှစ်စဉ်လဲလေ့ရှိကြတာကြောင့် သူတို့အားလုံးကို ရစ်ငှက်အုပ်စုဝင်လို့ သတ်မှတ်ကြပါတယ်။

✅ရစ်ငှက်အုပ်စုဝင်များဟာ ဝါဆိုဦး ဇူလိုင်လလောက်မှာ အမွှေးနု အမွှေးသစ်များ စတင်ထွက်လာလို့ ထိခိုက်နာကျင်မှု မဖြစ်ရအောင် မပျံသန်းတော့ဘဲ တောထဲမှာ အသံမပေး ငြိမ်ငြိမ်လေး နေတတ်ကြလို့ သူတို့ကို လူတွေ မြင်ဖို့ တွေ့ဖို့မဆိုထားနှင့် တွန်သံပင်ကြားရဖို့ ခက်ခဲသည့်ကာလဖြစ်လို့ ကျေးလက်ဒေသနေ ရှေးလူကြီးများက တောကြက် တောင်ခါ ရစ်ငှက်နဲ့ ဒေါင်းငှက်တွေလည်း ဝါဆိုကြတယ်လို့ ပြောစမှတ်ရှိခဲ့ကြပါတယ်။

✅မိုးအကုန် ဆောင်းအကူး သီတင်းကျွတ်ကာလ အခါသမယမှာ အမွှေးအတောင်စုံလို့ အမွှေးသစ်အတောင်သစ်နဲ့ ငှက်ပေါက် ကြက်ပေါက်လေးပမာ နုပျိုလန်းဆန်းပြီး လှချင်တိုင်းလှနေတဲ့ အချိန်ကာလလေး ရောက်ပြီဖြစ်ပါတယ်။ တဆောင်းတွင်းလုံး လှချင်တိုင်းလှပြီး ရစ်ငှက်မလေးတွေနဲ့ လာမဲ့နွေဦးရာသီမှာ မိတ်လိုက်ဖို့ မြှူဆွယ်ကပြ ပိုးပန်းနေကြတာဟာလည်း မရိုးနိုင်တဲ့ ကကွက်ဆန်းလေးတွေမို့ အင်မတန် ကြည်နူးစရာကောင်းလှပါတယ်။❤️🥰 ရစ်ငှက်များဟာ အုပ်စုဖွဲ့ နေထိုင်လေ့ရှိကြပေမဲ့လည်း တခါတရံ အခုလို မိတ်လိုက်ရာသီအချိန်ခါမျိုးမှာ အုပ်စုဝင်အချင်းချင်း ခိုက်ရန်ဒေါသ ဖြစ်တတ်ကြတာလည်း ရှိပါတယ်။

✅ရစ်ငှက်ဖို/အထီးများဟာ မိတ်လိုက်ဖို့ ရစ်ငှက်မများကို အပြိုင်အဆိုင် မြှူဆွယ်ကပြ ပိုးပန်းနေကြပုံ၊ ငှက်ဖိုအချင်းချင်း ငှက်မကို အပြိုင်ပိုးပန်းကြရင်း အကြံတူလို့ရန်သူဖြစ်ကာ ခွပ်ကြရန်ဖြစ်ကြပုံ၊ ရစ်ငှက်လေးတွေရဲ့ သဘာဝအသွေးအရောင်စုံဟာလည်း အလှပဆုံးအချိန် ရောက်ပြီမို့ မြင်တွေ့ရန် ခက်ခဲတဲ့ သဘာဝရဲ့လက်ဆောင် မြင်ကွင်းလေးတွေကို အခုလို ဆောင်းတွင်းကာလမှာသာ မြင်တွေ့နိုင်တာမို့ ကျွန်တော်တို့ #တူဒေးကြယ်စင် ရစ်ငှက်မွေးမြူရေးခြံကို အချိန်မီလာရောက် ကြည့်ရှုနိုင်ဖို့ ရစ်ငှက်ချစ်သူ ဝါသနာတူ ညီအစ်ကိုများကို အလည်လာဖို့ ဖိတ်ခေါ်လိုက်ပါရစေ။🙏🦚❤️😍

Kyaw Tint
Today Star Farm

Today Star Farm

09/01/2026

#အလှမွေးမှာ_ဝါသနာကိုအရင်းခံပါ။🦚❤️💯

✅အလှမွေးငှက်မွေးမြူရေး အောင်မြင်လိုလျှင် မိမိချစ်မြတ်နိုး တန်ဖိုးထားသော ဝါသနာပါရာ သင့်လျော်သည့် အလှမွေးငှက်ကို အရင်ပထမ ဦးစားပေးရွေးချယ်ပါ။ မမွေးမြူခင် သူတို့၏ သဘာဝနှင့် ဓလေ့စရိုက်တို့ကို အရင်လေ့လာပါ။ မိမိနှင့်ဝါသနာတူ အလှမွေးငှက်မွေးမြူရေးသမား စီနီယာနောင်တော်ကြီးများခြံသို့ သွားရောက်လေ့လာကာ မွေးမြူထိန်းသိမ်းခြင်းအနုပညာနှင့် အတွေ့အကြုံ နည်းနာနိဿယများပါ ခံယူသင့်ပါတယ်။ စိတ်၏စေရာ အလှမွေးမှာ မိမိ၏ ဝါသနာ ကို အရင်းခံပြီး တပ်မက်ရူးသွပ်လျှင် ပိုမိုအောင်မြင်နိုင်ပါတယ်။💯👍

✅မိမိမွေးမြူလိုသော အလှမွေးငှက်နှင့် သင့်တော်သော ဧရိယာအကျယ်အဝန်းရှိ အလှမွေးငှက်ခြံကို သဘာဝဆန်ဆန် သစ်ပင်ဝါးပင်လေးများဖြင့် သူတို့ပျော်စံရာ ဂေဟာလေးအဖြစ် ပြုပြင်ဖန်တီး တည်ဆောက်ပေးရပါမယ်။ သူတို့အတွက် လိုအပ်သော သဘာဝအစားအစာနှင့် အားဆေး၊ ကာကွယ်ကုသရန် ဆေးဝါးများကို ကြိုတင်လေ့လာ စီမံထားရပါမယ်။ သူတို့ကို ချစ်လို့မြတ်နိုးလို့ မွေးမြူလျှင် သူတို့ကိုလည်း ထိတ်လန့်ကြောက်ရွံ့မှု မရှိအောင်၊ စိတ်ဖိစီးမှု မဖြစ်အောင်၊ ပျော်ရွှင်ချမ်းမြေ့ စိတ်ချလုံခြုံစွာနေနိုင်အောင် စီမံဆောင်ရွက် ထားပေးနိုင်ရပါမယ်။

✅အလှမွေးငှက်ကို အောင်မြင်စွာ မွေးမြူနိုင်လျှင် သင်၏ အိမ်မွေးငှက်သည် အစားအစာအဟာရ ပြည့်ဝစွာ ဝဝလင်လင် စားသုံးရခြင်း၊ ရာသီဥတုနှင့် သဘာဝဘေးအန္တရာယ်ဒဏ်၊ ငှက်မုဆိုးတို့၏ ဖမ်းဆီးသတ်ဖြတ် မခံရခြင်း၊ ဖျားနာရောဂါဝင်လျှင် လူတို့၏ ကျန်းမာရေးပြုစုစောင့်ရှောက်မှု ခံယူနိုင်ခြင်းတို့ကြောင့် သဘာဝအတိုင်း တောထဲမှာ နေထိုင်ကျက်စား ကြီးပြင်းရသော သဘာဝငှက်များထက် ပိုမိုကျန်းမာစွာဖြင့် အသက်ရှည်ရှည် နေနိုင်ကြောင်း တွေ့ရှိနိုင်ပါတယ်။

✅ကျွန်တော်တို့ #တူဒေးကြယ်စင် ရစ်ငှက်မွေးမြူရေးခြံမှာ မွေးမြူထားသော အလှမွေးရစ်ငှက်၊ ဒေါင်းငှက်လေးများကို လွတ်လွတ်လပ်လပ် သဘာဝဆန်ဆန် ထားပေးကာ သူတို့ကြိုက်နှစ်သက်သော စပါး၊ ပြောင်းဆံ၊ ပြောင်းဖူးစသော အသီးအနှံများနှင့် ကြက်စာတောင့်ကို ဦးစားပေးရွေးချယ်ကာ ရောစပ်ကျွေးမွေးပါတယ်။ အစာခြောက်သာမက အစာစို အစာစိမ်းအဖြစ် ပြောင်းဖူးစေ့နှင့် ကန်စွန်းရွက်များကိုလည်း မကြာမကြာ ကျွေးပေးပါကြောင်း ဝါသနာတူ ညီအစ်ကိုများအတွက် အတွေ့အကြုံလေးကို မျှဝေပေးလိုက်ပါတယ်။🙏❤️💙

Kyaw Tint
Today Star Farm

31/12/2025

#ငွေရစ်။ #ငွေရောင်ရစ်

(L.N rufipes )

Photos # Credit:
Video # တူဒေးကြယ်စင်ခြံ

https://www.facebook.com/share/v/1DBxVasYa3/?

Kyaw Tint
Today Star Farm

22/12/2025

#တောကြက်ဘေးမဲ့လွှတ်ခြင်းအနုပညာ (၄)။

✅ကျွန်တော်တို့ တူဒေးကြယ်စင် ရစ်ငှက်မွေးမြူသားဖေါက်ရေးခြံမှာ ဗန်းမော် ကသာဖက်မှ ဝယ်ယူမွေးမြူထားသော တောကြက် ပင်တိုင်ဖေါက်စုံများဟာ သဘာဝအတိုင်း နှစ်စဉ်ဆောင်းအကုန် နွေဦးရောက်လျှင် မိတ်လိုက် ဥအု သားပေါက်လျက်ရှိပါတယ်။ တောကြက်ဥများကို တောကြက်မများကိုယ်တိုင် မဝပ်စေတော့ဘဲ ကြက်ဥဖေါက်စက်ဖြင့် သားဖေါက်ကာ အရွယ်ရောက်သည်အထိ ကိုယ်တိုင်ကျွေးမွေး ပြုစုစောင့်ရှောက်ပေးလျက်ရှိပါတယ်။

✅ဒီနှစ်နွေရာသီခြံပေါက် ၆လသားအရွယ် တောကြက်သားသမီးများသည် သီတင်းကျွတ်ပြီးကာလ ဆောင်းရာသီရောက်ပြီဆိုလျှင် တွန်ခါနီး မဒန်းယောင် တောကြက်ပေါက်တကောင်လောက် အသက်ဘေးအန္တရာယ်မှ လွတ်မြောက်အောင် ရှင်သန်ရုန်းကန်နိုင်လောက်သည့် ပြေးနိုင်လွှားနိုင် ပျံသန်းနိုင်လောက်သော အရွယ်ရောက်ကြပြီဖြစ်ပါတယ်။ ထို့ကြောင့် သင့်တော်သော တောရဘုန်းတော်ကြီးကျောင်းကို ရွေးချယ်ကာ ဆရာတော်ဘုရားထံ ခွင့်ပန်၍ သူတို့ကျင်လည်ကျက်စားရာ စားကျက်နယ်မြေအဖြစ် ကျောင်းမှန်းကန်မှန်း ပိုင်နက်နယ်မြေမှန်းသိအောင် ချေးကျရာပျော်တတ်သော ဓလေ့ရှိသည့် ဘေးမဲ့လွှတ်မည့် တောကြက်များကို ကျောင်းမှာ တပါတ်ဆယ်ရက်ခန့် ခြံလှောင်ထားကာ ကျွေးမွေးထားပြီးမှ မသိမသာလေး ခြံလှောင်အိမ်ဖွင့်ပေးသောစနစ်ဖြင့် ဘေးမဲ့လွှတ်ပေးလျက်ရှိပါတယ်။

✅တောကြက်မကို ကိုယ်တိုင်ဝပ်စေကာ သားဖေါက်လိုက်လျှင် ကြက်ပေါက်ကလေးများသည် အစာကျွေးဖို့ လူလာလျှင်ပင် ထွက်ပြေးတတ်ကြသလို မိခင်ကြက်မကြီးမှာလည်း တောရိုင်းတိရစ္ဆာန်မို့ အလွန်ထိတ်လန့်တတ်သောကြောင့် ကြက်ပေါက်ကလေးများမှာ အရွယ်မရောက်ခင် အသေအပျောက်များတတ်လို့ ကြက်ဥဖေါက်စက်ကိုသာ အသုံးပြုခြင်းဖြစ်ပါတယ်။

✅တောတောင်တွေပေါ်မှာ တခါတည်း တန်းဖွင့်လွှတ်ပေးလိုက်လျှင် ကြောက်လန့်တကြား ထွက်ပြေးကြသောကြောင့် အုပ်စုကွဲကာ သဘာဝသားရဲတိရစ္ဆာန်များနှင့် ကြက်ငှက်မုဆိုးတို့၏ ဘေးအန္တရာယ်များနှင့် အလွယ်တကူကြုံတွေ့ရနိုင်သဖြင့် အသေအပျောက်များတတ်ပါတယ်။ လူသူမနီးမဝေးမှာရှိတဲ့ တောရဘုန်းကြီးကျောင်းကို ဦးစားပေးရွေးချယ်လွှတ်ပေးရခြင်းမှာ ဘုန်းကြီးကျောင်းကြက်တွေလို့ နယ်သူနယ်သား ကြက်ငှက်မုဆိုးများကို သိရှိစေပြီး ဆရာတော်ဘုရားများ၏ အုပ်ချုပ်မှုနှင့် မေတ္တာရိပ်အောက်မှာ ရှိနေပါသဖြင့် အသက်ဘေးအန္တရာယ်နည်းသလို ရှင်သန်ဖို့အတွက် လုံခြုံမှုလည်း ရှိစေလို့ ဖြစ်ပါတယ်။

✅ဒီနှစ်တော့ ကျောက်ဆည်တက္ကသိုလ်ရဲ့ နောက်ကျောဖက်မှာရှိတဲ့ တောမရွာ တောင်ပေါ်တောရကျောင်းမှာ တောကြက်များကို အောင်မြင်ချောမွေ့စွာ ဘေးမဲ့လွှတ်ပေးနိုင်ခဲ့ပါတယ်။ တောကြက်များ ဘေးမဲ့လွှတ်ရန် မန္တလေးမြို့မှ လိုက်ပါလာသော ကြက်ငှက်ဝါသနာရှင် ဦးနေမျိုး၊ ဆရာဦးဇေမောင်သိန်း၊ ဆရာတော်ဘုရားထံ ခွင့်ပန်ပေးပါသော ရွာခံ ငယ်သူငယ်ချင်း ဦးမြင့်ဟန် (ရွှေလသာ ဘော်ဒါဆောင်)နှင့် နေ့လည်စာနှင့် တည်ခင်းဧည့်ခံ ကျွေးမွေးပါသော ဦးဇော်မိုးထွန်း (ရတနာတော်ဝင် ဘော်ဒါဆောင်၊ လ္ဘက်ရည်ဆိုင်နှင့် ထမင်းဆိုင်) တို့အား အထူးပင် ကျေးဇူးတင်ရှိပါကြောင်း ဤပို့စ်လေးဖြင့် မှတ်တမ်းတင် ဂုဏ်ပြုအပ်ပါတယ်။ 🙏🙏🙏❤️❤️❤️

12/12/2025

ရစ်ရင်မဲ / ခါရစ်

https://www.facebook.com/share/p/1Btt7T1vm2/?mibextid=wwXIfr

ဒေါင်းမင်း / ဒေါင်းကုလား

https://www.facebook.com/share/p/1Hx3Hc9Dn2/?mibextid=wwXIfr

Kyaw Tint
Today Star Farm

Today Star Farm

15/04/2026

24/03/2026

10/03/2026

02/03/2026

23/02/2026

10/02/2026

26/01/2026

15/01/2026

09/01/2026

31/12/2025

22/12/2025

12/12/2025

Address

Telephone

Website

Alerts

Shortcuts

Share

Category