https://www.facebook.com/111240617722106/

Today Star Farm, Mandalay (2026)

22/09/2026

#ကြက်ငှက်ကျောက်ရောဂါ ( )

✅မြန်မာပြည်မှာ နွေ မိုး ဆောင်း ရာသီသုံးမျိုးရှိပါတယ်။ တရာသီနဲ့ တရာသီ ကူးပြောင်းကာလမှာ နေ့နဲ့ည အပူချိန်ရုတ်တရက် ပြောင်းလဲတတ်တာကြောင့် အပူအအေး မမျှမတဖြစ်ကာ ကြက်ငှက်တွေမှာ ဖျားနာပြီး ရောဂါအသီးသီး ဝင်ရောက်လာတတ်ကြပါတယ်။ အဲဒီလို နှစ်စဉ် ဖြစ်လေ့ဖြစ်ထ ရှိတတ်တာကို အထူးသတိထားပြီး ကြိုတင်ကာကွယ်ဆေးများ တိုက်ကျွေးထားသင့်ပါတယ်။ သို့မှသာ ရာသီအလိုက်ဖြစ်တတ်သော ရောဂါများရဲ့ဒဏ်ကို ခံနိုင်ရည်ရှိမှာ ဖြစ်ပါတယ်။

✅တချို့ရောဂါတွေဟာ ကာကွယ်ဆေးသာရှိပြီး ကုသလို့ ပျောက်ကင်းနိုင်သော ဆေးဝါးမရှိသလို ကာကွယ်ရန်၊ ကုသရန် ဆေးသိပေမဲ့ ၄င်းဆေးကို ဝယ်ယူမရတာလည်း ဖြစ်တတ်တာမို့ . ဆိုတဲ့ #ကြိုတင်ကာကွယ်ခြင်းက_ကုသခြင်းထက်_ပိုမိုကောင်းမွန်ပါတယ်။လို့ ဆိုရိုးစကား ရှိထားတာ ဖြစ်ပါတယ်။ မိုးရာသီမှာ ခြံသန့်ရှင်းမှု အားနည်းလျှင် မိုးရေကြောင့် အနံ့အသက်ဆိုးများထွက်ကာ -coli #အီးကိုလိုင် ဘတ်တီးရီယားပိုးကြောင့် အအေးမိနှာစေးပြီး မျက်နှာများ ယောင်ယမ်းလာသော အသက်ရှုလမ်းကြောင်းဆိုင်ရာ ( ကော်ရိုက်ဇာရောဂါ )၊ အစာအိမ်နဲ့အူလမ်းကြောင်းဆိုင်ရာ ဝမ်းပျက်ဝမ်းလျှောရောဂါ၊ ရာသီအကူးအပြောင်းမှာ အပူအအေး ရုတ်တရက်ပြောင်းလဲလို့ မမျှမတဖြစ်တဲ့အခါ #ဖျားနာရောဂါ နှင့် ( ကြက်လည်လိမ်ရောဂါ )စသော ရောဂါများကို ကြိုတင်ကာကွယ် စီမံဆောင်ရွက်ထားရပါမယ်။ နှစ်စဉ် ၂ကြိမ်လောက်စီ သံချဆေးနဲ့ လည်လိမ်ကာကွယ်ဆေးကို တိုက်ကျွေးပေးသင့်ပါတယ်။

✅ထိုရောဂါများထဲမှ ( ကြက်ငှက်ကျောက်ရောဂါ )သည်လည်း ကူးစက်မြန်သော ရောဂါဆိုး တခုဖြစ်ပါတယ်။ ကျောက်ရောဂါ အဖြစ်များသော ခိုငှက်များကို ကိုက်ခဲ့သော ခြင်မှတဆင့် မိမိတို့၏ ကြက်ငှက်လေးများကို အကိုက်ခံရလျှင် ကူးစက်လာသလို အဆင့်ဆင့် ထပ်မံအကိုက်ခံရခြင်း၊ ကျောက်ရောဂါရှိသော ကြက်ငှက်များအချင်းချင်း ထိတွေ့ရလျှင်လည်း တဆင့်တဆင့် ထပ်မံကူးစက်တတ်ပြန်ပါတယ်။ ထိုရောဂါဟာ ကြက်ငှက်များထက် ကြက်ဆင်များမှာ ပိုမိုအဖြစ်များတာ တွေ့ပါတယ်။ ကျောက်ရောဂါမှာ အနာဖေးပုံစံ ( ကျောက်အခြောက် )နှင့် အချွဲအမြှေးစိုပုံစံ ( ကျောက်အစို )ဟု နှစ်မျိုးတွေ့ရပါတယ်။

✅ကျွန်တော့ခြံမှာ မွေးမြူထားသော ဒေါင်းငှက်လေးတွေမှာ #ကြက်ငှက်ကျောက်ရောဂါ စတင်ဖြစ်လာလို့ ဆေးကုသဖို့ မေးမြန်းစုံစမ်းရာ တချို့က ထိုင်းမှလာသော တိုက်ကြက်အနာဖေးလိမ်းဆေး လမ်းပေးရန်၊ #ကော်မျက်စဉ်း လိမ်းပေးရန် #ဆရာခိုအနာလိမ်းဆေး လိမ်းပေးရန်၊ အနာဖေးများကို #သံပုရာရည် ပွတ်လိမ်းပေးရန်၊ #ပင်နယ်ဆလင်ဆေးပြား ကို ၄စိတ်တစိတ် စိတ်၍ နေ့ည ၅ရက်ခန့်တိုက်ရန် ဆေးနည်းအသီးသီး ညွှန်ပြကြပါတယ်။

✅ညွှန်ပြလာသော ဆေးနည်းအမျိုးမျိုးဖြင့် ကုသရာ ပျောက်သည့်အကောင် ပျောက်သကဲ့သို့ မပျောက်သည့်အကောင်တွေလည်း မပျောက်တာ တွေ့ရလို့ ထိရောက်မှု မရှိတာကို တွေ့ခဲ့ရပါတယ်။ ကုသရင်းကုသရင်းနဲ့ #လိုလျှင်ကြံဆ_နည်းလမ်းရ ဆိုသည့်စကားအတိုင်း အနာဖေးများကိုဖဲ့ကာ သန့်ရှင်းရေး လုပ်ပေးပြီး ပါဝင်သော အနာလိမ်းဆေးကို နေ့ညလိမ်းပေးလိုက်သောအခါ မျက်နှာမှာဖြစ်တတ်သော ကျောက်ရောဂါအပြင် ကြက်ငှက်ခြေထောက်တွေမှာလည်း ဖြစ်တတ်သော #ကြွက်နို့ များကိုလည်း ကုတ်ဖဲ့ဆေးကြော လိမ်းပေးလိုက်လျှင် လက်တွေ့ပျောက်ကင်းပါကြောင်း အလှငှက်မွေးမြူရေး ဝါသနာတူ ညီအစ်ကိုများကို ဝမ်းသာအားရ အတွေ့အကြုံလေးကို မျှဝေပေးလိုက်ပါတယ်။

Kyaw Tint
Today Star Farm

27/07/2026

#ဒေါင်းငှက်မွေးမြူခြင်းအနုပညာ။ ❤️🦚💙💯

✅တောကြက် တောငုံး တောင်ခါမှအစ ဒေါင်းငှက်အပါအဝင် ရစ်ငှက်အားလုံးဟာ ဆောင်းအကုန် နွေအကူး နွေဦးရာသီရောက်ရင် မိတ်လိုက် ဥအု သားပေါက်ပြီး မိုးရာသီမှာ အမွှေးသစ် အမြှီးဆံသစ် တနှစ်တခါ လဲလေ့ရှိတာကြောင့် ရစ်ငှက်အုပ်စုဝင်လို့ သတ်မှတ်ကြပါတယ်။ ဒေါင်းငှက် ရစ်ငှက် တောကြက်တွေဟာ #ဧပြီလ မှ #မေလ၊ #ဇွန်လ အထိ နွေရာသီမှာ ဥအုသားပေါက်လေ့ရှိပါတယ်။ တချို့သော ဒေါင်းငှက် ရစ်ငှက်တွေဟာ #မတ်လ မှာ စောစောအုတတ်ကြသလို တချို့ကတော့ #ဇူလိုင်လ မှာ နောက်ကျဥအုတာလည်း တွေ့ရပါတယ်။ တနိုင်တပိုင် မွေးမြူရေးခြံတွေမှာ တနှစ်ပတ်လုံး ကျွေးသားမွေးသားကောင်းလျှင် မတ်လမှာ စောစောအုကြသော ဒေါင်းမများက ဒုတိယအကြိမ် ဇူလိုင်လမှာ ထပ်မံဥအုပြီး တနှစ်အတွင်းနှစ်ကြိမ် သားပေါက်တာလည်း တွေ့လာရပါတယ်။

✅ဒေါင်းမ ရစ်မများ ဥကြ ဝပ်ကြ သားပေါက်ကြပြီဆိုရင် ဒေါင်းဖို ရစ်ဖိုများကလည်း မိတ်လိုက်ရာသီ ကုန်ဆုံးပြီလည်းဖြစ်တာမို့ မိုးတွင်းကာလ အခါသမယမှာ မိုးရေစိုသော အမွှေးအတောင် အမြှီးဆံများကြောင့် လေးလံကာ ပျံသန်းရတာ အန္တရာယ်များလို့ သဘာဝက အမြှီးဆံဟောင်းများ အမွှေးကြမ်းများချကာ အမွှေးသစ် အတောင်သစ်များ လဲလေ့ရှိပါတယ်။ တမိုးတွင်းလုံး အမွှေးနုလေးများ ထွက်လာချိန်မို့ လူမသိသူမသိ တွန်သံမပေး ငြိမ်ငြိမ်လေး နေတတ်ကြတာကို ရှေးလူကြီးတွေက ဒေါင်းငှက်၊ ရစ်ငှက်နဲ့ တောကြက်တွေဟာလည်း ဝါတွင်းကာလ အခါသမယမှာ ဥပုသ်စောင့်ကြတယ်လို့ ပြောဆိုစမှတ်ပြုကြပါတယ်။

✅မိုးရာသီကုန်လို့ ဝါလကင်းလွတ် သီတင်းကျွတ်ကာ ဆောင်းရာသီ ရောက်ပြီဆိုရင် တောကြက် တောငုံး တောင်ခါမှအစ ဒေါင်းငှက်အပါအဝင် ရစ်ငှက်အားလုံးဟာ အရွယ်ရောက်ခါစ ငှက်ပေါက်တကောင်အလား တွန်ကြူးသံပေးရင်း ကခုန်မြူးတူးကာ တောက်တောက်ပပ အမွှေးသစ် အတောင်သစ်တို့ဖြင့် လှချင်တိုင်းလှနေတဲ့ အချိန်အခါသို့ တဖန်ပြန်လည်ရောက်ရှိလာတာဖြစ်ပါတယ်။ လာမဲ့နွေရာသီမှာ မိတ်လိုက် ဥအု သားပေါက်နိုင်ဖို့ တဆောင်းတွင်းလုံး ဒေါင်းမ ရစ်မလေးတွေကို မြှူဆွယ်ကပြကြပါတယ်။

✅ဆောင်းအကုန် နွေအကူး နွေဦးရာသီရောက်လာပြန်ပြီဆိုတော့ တနှစ်တခါ မိတ်လိုက် ဥအု သားပေါက်ကြပြန်ပါတယ်။ နွေရာသီမှာ မိတ်လိုက် ဥအုကြပြီး နွေအကုန် မိုးအကူးမှာ သားပေါက်ကြတာကြောင့် မိုးရာသီအရောက် သဘာဝတောထဲမှာ ဒေါင်းပေါက် ငှက်ပေါက်လေးများအတွက် မိုးထဲ ရေထဲမှာ အသက်ရှင် အဖတ်တင်ဖို့ဆိုတာ အလွန်ခဲယဉ်းသလို သစ်တောပြုန်းတီးမှု၊ ငှက်မုဆိုးတို့ရဲ့ ဥပဒေမဲ့ ဖမ်းဆီးသတ်ဖြတ် စားသောက်မှု၊ သားရဲတိရစ္ဆာန်နှင့် သဘာဝဘေးအန္တရာယ်မျိုးစုံတို့ကြောင့် ရှားပါးငှက်မျိုးစိတ်ဝင်တွေ ဖြစ်လာပါတယ်။

✅ကမ္ဘာပေါ်မှာ အလှမွေးငှက်ဓလေ့ ပေါ်ပေါက်လာတော့ ကျေးငှက်တိရစ္ဆာန်လေးတွေအပေါ်မှာ ချစ်ခင်ကြင်နာ မြတ်နိုးတတ်လာတာကြောင့် သူတို့လေးတွေကို အကာအကွယ်ပေးမယ် ကောင်းကောင်းမွန်မွန် ကျွေးမွေးပြုစု စောင့်ရှောက်ချင်တဲ့ သနားကြင်နာတဲ့စိတ်တွေကြောင့် သဘာဝဘေးမဲ့တောအပါအဝင် တနိုင်တပိုင် မွေးမြူလာကြတာကြောင့် သူတို့ဘဝလေးတွေရဲ့ဘဝဟာ လုံခြုံလာသလို ဆေးဝါးကုသမှုတွေပါရလို့ အသက်ရှည်ရှည် အေးအေးချမ်းချမ်း နေနိုင်လာကြပါတယ်။ တိုးတက်သော မွေးမြူရေးနည်းပညာရပ်များကြောင့် အစာအဟာရပြည့်စုံကာ တနှစ်ကိုတခါမက မိတ်လိုက် ဥအုနိုင်ကြသလို မိခင်ဒေါင်းမ ရစ်မများကလည်း အပင်ပန်းခံ ဝပ်စရာမလိုတော့ဘဲ ဥဖေါက်စက်ဖြင့် သားဖေါက်မွေးမြူကြပြီဖြစ်လို့ ဒေါင်းငှက်တွေဟာ မျိုးတုန်းပျောက်ကွယ်ခြင်း အန္တရာယ်မှ တဖြည်းဖြည်းခြင်း ကင်းဝေးလာနေပြီ ဖြစ်ပါတယ်။💯❤️🦚💙

Kyaw Tint
Today Star Farm

16/07/2026

#ကျန်းမာဝဖြိုးအလှတိုးစေဖို့။🙏❤️🦚💙🌹🌺

✅အလှမွေးဒေါင်းငှက်၊ ရစ်ငှက်များကို ချစ်ခင်မြတ်နိုး တန်ဖိုးထားလို့ မွေးမြူချင်တယ်ဆိုရင် အစပထမ မမွေးမြူခင်ကတည်းက သူတို့ရဲ့သဘာဝ၊ အစားအစာနှင့် သူတို့တတွေမှာ ဖြစ်တတ်သော ရောဂါဘယအကြောင်း ကောင်းကောင်းသိဖို့ ကြိုတင်လေ့လာ ထားရပါမယ်။ မိမိထက် မွေးသက်ရင့်သော စီနီယာမွေးမြူရေးသမား ကြီးများထံမှ မွေးမြူရေးနည်းနာ နိဿရများကို ခံယူလေ့လာရင်း အကြံဥာဏ်များ ရယူရပါမယ်။ ဝါသနာတူ အလှမွေးခြံကို အရင်သွားရောက် လေ့လာသင့်ပါတယ်။

✅မိမိနှစ်သက်ရာ အလှမွေးကြက်ငှက်တို့ရဲ့ နေထိုင်ပုံ၊ ထားသိုပုံ၊ သူတို့ရဲ့လှုပ်ရှားသွားလာ စားသောက်ပုံတို့ကို နေ့စဉ်မပျက် ကြည့်ရှုကာ သူတို့ရဲ့ကျန်းမာရေး အခြေအနေကို အထူးဂရုစိုက်ပေးဖို့ လိုပါတယ်။ ဘယ်လ၊ ဘယ်အချိန်၊ ဘယ်ရာသီတွေမှာ ဘာရောဂါဖြစ်တတ်တယ်ဆိုရင် ဘယ်လိုကာကွယ်ဆေး ကြိုတင်တိုက်ကျွေးထားရမယ်၊ ဘယ်အချိန်တွေမှာ သံချပေးသင့်တယ်၊ ခြံကို ဇီဝလုံခြုံမှု ရှိဖို့ နေ့စဉ်သန့်ရှင်းရေး လုပ်ပေးသင့်သလို အစာခွက်နှင့် သောက်ရေခွက်တို့ကို အမြဲသန့်ရှင်းအောင် အထူးဂရုစိုက် လုပ်ဆောင်ပေးရပါမယ်။ ရောဂါဒဏ်ခံနိုင်စေရန် သူတို့လေးတွေရဲ့ ကိုယ်ခံအားကောင်းဖို့ အမြဲကျန်းမာ သန်စွမ်းနေအောင် ကျွေးမွေးပြုစုထားရမှာ ဖြစ်ပါတယ်။

✅ #အနာသိလျှင်_ဆေးရှိတယ်။ ဆိုတဲ့စကားအတိုင်း မိမိရဲ့အလှမွေးကြက်ငှက်တွေမှာ ဘာရောဂါဖြစ်နေတယ်ဆိုတာ သူတို့မှာခံစားနေရတဲ့ ရောဂါရဲ့လက္ခဏာကိုကြည့်ပြီး သိရှိနားလည်ဖို့ အထူးလိုအပ်ပါတယ်။ ရောဂါလက္ခဏာကို မသိလို့ ဘာရောဂါဖြစ်နေတယ်ဆိုတာ မသိရင် #အနာတခြား_ဆေးတခြား ဖြစ်တတ်တာမို့ ဆုံးရှုံးမှု ပိုများနိုင်ပါတယ်။ ရောဂါစတင်ဖြစ်သော ဒေါင်းငှက်၊ ရစ်ငှက်တို့ကို သီးခြားခြံအလွတ်တခုမှာ ခွဲထားပြီး နီးစပ်ရာ စီနီယာမွေးမြူသမားကြီးများထံ အကြံဥာဏ် တောင်းခံသင့်သလို ကြက်ငှက်ဆရာဝန်ထံမှလည်း လိုအပ်သော ဆေးဝါးကုသမှုကို ခံယူစေရမှာ ဖြစ်ပါတယ်။

✅သူတို့လေးတွေကို ချစ်မြတ်နိုးရင် သူတို့ရဲ့သဘာဝ အနေအထိုင် အစားအသောက်နဲ့ လိုက်ဖက်အောင် စီမံဆောင်ရွက်ပေးရမှာ ဖြစ်ပါတယ်။ မိမိအတတ်နိုင်ဆုံး ခြံကို မြင့်မြင့်နဲ့ ကျယ်ကျယ်လေး တည်ဆောက်ပေးပြီး သစ်ပင် ဝါးပင်လေးများဖြင့် သဘာဝဆန်ဆန် စိုက်ထားပေးလျှင် သဘာဝတောလေးထဲမှာနေရသလို စိတ်ခံစားထင်မှတ်မှားလို့ သူတို့လေးတွေ အထူးပျော်ရွှင် နှစ်ခြိုက်မှာဖြစ်ပါတယ်။ သို့မှသာ စိတ်ဖိစီးမှုတွေ လျော့ကျပြီး သာယာပျော်ရွှင်ကာ လှလှပပ အရောင်အသွေး တောက်တောက်ပပနဲ့ ကျန်းမာဝဖြိုး အလှတိုးကာ သက်တမ်းရှည်ရှည် နေနိုင်မှာ ဖြစ်ပါတယ်။

✅ကြက်စာတောင့်ကို အခြေခံပြီး သူတို့နှစ်သက်ရာ စပါး၊ ပြောင်းဆံ၊ ပဲတီစိမ်းစတဲ့ ကောက်ပဲသီးနှံတို့ကို မျှမျှတတ ထည့်သွင်းရောစပ်ပြီး အစာအဟာရပြည့်စုံအောင် ကျွေးမွေးပြုစုသင့်ပါတယ်။ အစာအဟာရပြည့်စုံလို့ ဝဝဖြိုးဖြိုးဖြစ်ဖို့ လိုအပ်သလို ရောဂါဒဏ်ခံနိုင်ဖို့အတွက် အစာစိမ်းဖြစ်သော ပြောင်းဖူးအစိုကို အစေ့ချွေပြီး ကျွေးသင့်သလို ကန်စွန်းရွက်ကိုလည်း နုပ်နုပ်ပါအောင် စဉ်းပြီး အနည်းဆုံး တပါတ်ကို တကြိမ်နှစ်ကြိမ်ခန့် ကျွေးမွေးသင့်ပါကြောင်း အကြံပြုလိုက်ပါတယ်။🙏❤️🦚💙💯

Kyaw Tint
Today Star Farm
Today Star Farm

07/07/2026

#တခေါက်တခါ_အရောက်လာပါ။🙏❤️🦚💙

✅ကျွန်တော်တို့ #တူဒေးကြယ်စင် ရစ်ငှက်နှင့်ဒေါင်းငှက် မွေးမြူသားဖေါက်ရေးခြံဟာ မန္တလေးမြို့တောင်ဖက် ၃၅မိုင်ခန့်အကွာ ရန်ကုန်-မန္တလေး ကားလမ်းမဟောင်းပေါ်က #ကျောက်ဆည်တက္ကသိုလ် ဖက်မှာ တည်ရှိပါတယ်။ ကျောင်းပိတ်ရက် ရုံးပိတ်ရက်တွေမှာ မိသားစုနဲ့ #ကျောက်ဆည်မြို့ #မဟာရွှေသိမ်တော်ဘုရား သို့ ဘုရားဖူးလာတဲ့အခါ ၊ #စွန်ရဲကြာပန်းအင်း သို့ အလည်လာရောက် အပန်းဖြေတဲ့အခါတွေမှာ ကျွန်တော်တို့ ခြံလေးကိုလည်း လမ်းကြုံလေး ခရီးတထောက် ဝင်ရောက်အနားယူ အပမ်းဖြေနိုင်ပါတယ်။

✅ကျွန်တော်တို့ #တူဒေးကြယ်စင် ရစ်ငှက် ဒေါင်းငှက်မွေးမြူသားဖေါက်ရေးခြံဟာ ရန်ကုန်-မန္တလေးကားလမ်းမဟောင်းပေါ်က ကျောက်ဆည်တက္ကသိုလ်နဲ့ မဟာရွှေသိမ်တော်ဘုရားကြားမှာရှိတဲ့ #ဘယ်လင်းတိုးဂိတ် မှ ကျောက်ဆည်-ရဲရွာ EPCကွန်ကရစ်လမ်းမကြီးအတိုင်း ဝင်လာလျှင် (၃)မိုင်ခန့်အကွာ ကျွန်တော်ရဲ့ ဇာတိချက်ကြွေ မွေးရပ်ဖြစ်တဲ့ #စဉ့်ကိုင်မြို့နယ် #ရှမ်းကန်စံပြကျေးရွာ မှာ တည်ရှိပါတယ်။

✅ကျွန်တော်တို့ရွာမှ ဆက်လက်၍ ၄င်း EPCလမ်းမကြီးအတိုင်း (၃)မိုင်ခန့် ဆက်မောင်းလျှင် မှိုင်းညို့ညို့ ရှမ်းရိုးမတောင်ခြေမှာရှိတဲ့ #စွန်ရဲအင်း ( #ကြာပန်းအင်း )သို့ ရောက်ရှိမှာ ဖြစ်ပါတယ်။ အင်းရေပြင်ကိုဖြတ် စက်လှေစီးကာ ကြာပန်းတောကိုသွားတဲ့အခါ လွမ်းမောဖွယ်ရာ ရှမ်းရိုးမတောင်တန်းကြီးကို ကြည့်ရှုခံစားရင်း ရှေးဟောင်းသမိုင်းဝင် #ဓါတ်တော်တောင်လှိုင်ဂူဘုရား ကို လှမ်းဖူးမျှော်ရင်း အင်းကိုဖြတ်သန်းတိုက်ခတ်လာတဲ့ ကြာပန်းရနံ့ သင်းသင်းနဲ့ လေနုအေးလေးကို တဝကြီး ရှူရှိုက်ခံစားရမှာ ဖြစ်ပါတယ်။ ကြာပန်းတောကိုရောက်တော့ ကြာပန်းတွေ တပွေ့တပိုက်နဲ့ ဓါတ်ပုံတွေရိုက်ကြသလို အင်းထဲမှာ ပျော်စံကြတဲ့ မယ်ညို၊ ဒိန်ညင်းငှက်၊ ရေကြက်၊ ရေဘဲ၊ ဟင်္သာငှက်တို့ရဲ့ သဘာဝနဲ့ ရေလုပ်သား တံငါသည်တို့ရဲ့ ငါးဖမ်းနေကြပုံကိုလည်း မြင်တွေ့ လေ့လာနိုင်ပါတယ်။

✅စွန်ရဲအင်းရေကို အင်းရဲ့ရေထွက်တံခါးအဝမှာရှိတဲ့ #စွန်ရဲရွာ မှ #ရွှေတံငါမြောင်း အတိုင်း #ရွာသစ်ရွာ၊ #ရှမ်းကန်ရွာ၊ #နဘဲပင်ရွာ၊ #တောင်ရင်းရွာ နှင့် #ဘယ်လင်းရွာ တို့မှ တောင်သူလယ်ယာများသို့ စိုက်ပျိုးရေကို ဖြန့်ဖြူးပေးဝေလျက်ရှိပါတယ်။ အင်းနှုတ်ခမ်းမှာရှိတဲ့ #အင်းကုန်းကျေးရွာ မှ ကျေးလက်တံငါသည်တို့ရဲ့ဘဝနှင့် #ကြာချည်ရက်လုပ်ငန်း တို့ကိုလည်း လေ့လာနိုင်ပါတယ်။ ဒီအရပ်ဒေသ အင်းရေပြင်ကထွက်တဲ့ ကြာရွက်အညွန့်လေးများ ရေပေါ်သို့ ပေါ်မလာခင် ခူး၍ သုတ်စားရသော နူးညံ့လှသည့် #ကြာဖက်လိပ်သုတ် ၊ ရေမရောတဲ့ နွားနို့စစ်စစ် ၊ ပူပူနွေးနွေး လတ်လတ်ဆပ်ဆပ် ငါးကြော်၊ ပုဇွန်ကြော် စတဲ့ဒေသထွက် အစားအစာများကိုလည်း အရသာရှိရှိ စားသုံးကြည့်နိုင်ပါတယ်။

✅စွန်ရဲအင်းမှ ဆက်လက်၍ ၄င်းEPCကွန်ကရစ် လမ်းမကြီးအတိုင်းဆက်သွားလျှင် ကြာတွေပွင့်တဲ့ #ရွှေလှံဗိုလ်ကန် ၊ ဒုဌဝတီမြစ်ကမ်းနံဘေးက အပမ်းဖြေစခန်းတွေနဲ့ #ရွှေစာရံဘုရား ကိုလည်း ဝင်ရောက်ဖူးမျှော်ရင်း မန္တလေး-ပြင်ဦးလွင် လမ်းမပေါ်မှ အုန်းချောမှတဆင့် #မန္တလေးမြို့ ၊ #ပြင်ဦးလွင်မြို့သို့ လိုရာခရီးဆက်နိုင်ပါကြောင်း တရက်တာ အပန်းဖြေခရီးလေးကို ညွှန်ပြပေးလိုက်ပါတယ်။

Kyaw Tint
Today Star Farm

https://m.facebook.com/story.php?story_fbid=224170999762400&id=100066742938873

24/06/2026

#ရွှေချိုးကူသံ_သာလေပြီ(၂)။

✅လွန်ခဲ့တဲ့(၄)နှစ်က ဒေါင်းငှက် ရစ်ငှက် ချိုးငှက်ဝါသနာရှင် တမြို့တည်းသား ပေးလိုက်တဲ့ ချိုးငှက်လေးတွေက ထပ်မံပေါက်ဖွါးလာပြီး တကူကူးကူလို့ တွန်ကြူးသံလေးတွေဟာ သရက်ခြံထဲမှာ ဆောက်လုပ်တည်ထောင်ထားတဲ့ ကျွန်တော်ရဲ့ #တူဒေးကြယ်စင် ဒေါင်းငှက် ရစ်ငှက် မွေးမြူသားဖေါက်ရေးခြံကို စုံတောမြိုင် ဂနိုင်အလား ထင်မှတ်မှားရလောက်အောင် #နေဝင်စ_ချိုးမရယ်ကူ ဆိုသလို တေးသံသာ တွန်သံလေးတွေနဲ့ မနက် နေ့ ညနေမှာ သာယာနာပျော်ဖွယ် ရှိလိုက်တာဗျာ။😁😍🌹🌺

✅သူတို့လေးတွေလည်း ဒီခြံထဲ ရောက်လာကြတာဟာ (၄)နှစ်ကြာပြီဆိုတော့ အိမ်လို ခြံလို ဌာနေလိုလေး ဖြစ်နေကြပြီလေ။ အစာရေစာ ဆိုတာကလည်း ဒေါင်းငှက်တွေနဲ့ အတူတူ စားသောက်ရတာဆိုတော့ အဟာရလည်းရှိ ကျန်းမာရေးအတွက် ပြုစုစောင့်ရှောက်မှုနဲ့ ဆေးဝါးတွေကလည်း အပြည့်အစုံဆိုတော့ ကျန်းမာဝဖြိုး အလှတွေ တိုးရုံတင်မက သက်တမ်းပါ ပိုရှည်လာကြပါတယ်။🌹🌺💯

✅ဒေါင်းခြံကို ဟင်းဂလိုင်းတချောင်းစာ ၁၉ပေအမြင့် စိုက်ထောင်ထားပေးပြီး ခြံအတွင်းမှာ ဝါးပင် သရက်ပင် သစ်ပင်တွေလည်း စိုက်ပျိုးပေးထားပြီး သဘာဝသစ်တောလေး တခုလို ဖန်တီးပေးထားတော့ ထိုက်သင့်အားလျော်စွာ လွတ်လွတ်လပ်လပ် ပျံသန်းနိုင်တာပေါ့။ #တရွာတည်းနေ_တရေတည်းသောက် ဆိုသလို တခြံတည်းနေလာရတာ ကြာပြီဆိုတော့လည်း ဒေါင်းငှက်နဲ့ ချိုးငှက်တွေဟာ ဆွေမျိုးရင်းချာ ညီအစ်ကိုပမာ ချစ်ချစ်ခင်ခင် ကြင်ကြင်နာနာ အတူယှဉ်တွဲ နေထိုင်ကြတာလေးတွေ မြင်ရပြန်တော့လည်း ပီတိလေးတွေ ဖြစ်ရပြန်ပါတယ်။❤️🦚💙🌈

✅ကျွန်တော်ရဲ့ခြံကို ဒေါင်းငှက်ချစ်သူ ဝါသနာတူတွေ တခါတခေါက် အလည်လာရောက်ဖြစ်ခဲ့လျှင် သူငယ်ချင်းရဲ့ဝါသနာအတိုင်း ဗမာချိုးငှက်နဲ့ နိုင်ငံခြားချိုးငှက်တွေကို မျိုးစပ်သားဖေါက်ထားတာကြောင့် ကျွန်တော်ရဲ့ ဒေါင်းခြံထဲမှာ #ဗိုလ်ကပြားချိုးငှက် လေးတွေကို ထူးထူးခြားခြား တွေ့မြင်ခံစားရမှာ ဖြစ်တာမို့ အားလပ်ရက်တွေမှာ လာရောက်လေ့လာ
အပမ်းဖြေကြပါလို့ ဖိတ်ခေါ်လိုက်ပါရစေလားခင်ဗျာ။🙏🦚❤️💯💙

Kyaw Tint
Today Star Farm

https://m.facebook.com/story.php?story_fbid=433624572150374&id=100066742938873

20/06/2026

#မိုးရာသီနှင့်ကြက်ငှက်ရောဂါ

✅မိုးရာသီဟာ စိုထိုင်းဆများပြီး အပူအအေး မျှတမှုမရှိတာကြောင့် ကျွန်တော်တို့မွေးမြူသော အလှမွေး ဒေါင်းငှက် ရစ်ငှက်တွေနဲ့ ကြက်ပေါက်ငှက်ပေါက် သားပေါက်လေးတွေဟာ စတင်ကြီးထွားချိန်မှာ အအေးမိပြီး ရောဂါဖြစ်ပွါးရန် ရာခိုင်နှုန်းအလွန်များလို့ မွေးမြူရေးသမား တွေအတွက် စိန်ခေါ်မှုအမြင့်ဆုံးအချိန် ဖြစ်ပါတယ်။ ကြက် ငှက်တွေကို အကောင်ရေ ပြွတ်သိပ်ပြီး များများမွေးမြူထားတဲ့အခါ လေဝင်လေထွက် မကောင်းရင်ဖြစ်ဖြစ်၊ မိုးရေစိုစွတ်မှုကြောင့် စိုထိုင်းဆ အရမ်းများရင်ဖြစ်ဖြစ် ရောဂါကူးစက်မှု ပိုမိုမြန်ဆန်တတ်ပါတယ်။

✅(၁)။ မိုးရာသီတွင် အဖြစ်အများဆုံး အသက်ရှူလမ်းကြောင်းဆိုင်ရာ ရောဂါများ ( ) ( )

မိုးရွာပြီးနောက် လေထုထဲတွင် စိုထိုင်းဆ ( ) မြင့်တက်လာခြင်းနှင့် ကြက်ခြံအတွင်း အမိုးနီယားဓာတ်ငွေ့ ( ) များပြားလာခြင်းကြောင့် ကြက်ငှက်များ အသက်ရှူကြပ်ခြင်း၊ နှာချေခြင်း၊ မျက်စိရောင်ခြင်းနှင့် အသက်ရှူလျှင် အသံမြည်ခြင်း ( ) များ ဖြစ်ပွားတတ်ပါတယ်။ ကြက်ငှက်ကူးစက်တတ်သော နှာစေးရောဂါ ( ) မျက်နှာနှင့် အောက်မေးအိုးများ ရောင်ရမ်းလာပြီး နှာခေါင်းမှ အနံ့ဆိုးသော အချွဲများထွက်လာခြင်း လက္ခဏာများ တွေ့ရတတ်ပါတယ်။

✅(၂)။ အစာအိမ်နှင့် အူလမ်းကြောင်းဆိုင်ရာ ရောဂါများ( )

(က) #သွေးဝမ်းကျရောဂါ ( ) မိုးရာသီတွင် အဖြစ်အများဆုံး ရောဂါ ဖြစ်ပါတယ်။ လေထုစိုထိုင်းဆကြောင့် ကြက်ချေးများ သားပေါက်ခန်း သို့မဟုတ် စင်ပေါ်တွင် စိုစွတ်နေပါက #သွေးဝမ်းပိုး ( ) များ အလွယ်တကူ ပွားများပြီး ကြက်ငှက်များ သွေးဝမ်းသွားခြင်း၊ အမွေးပွပြီး ကုတ်ချိချိဖြစ်နေခြင်း လက္ခဏာများ တွေ့ရတတ်ပြီး သေဆုံးခြင်းများ ဖြစ်ပေါ်စေပါတယ်။
(ခ) #အူရောင်ငန်းဖျားရောဂါ ( / ) မသန့်ရှင်းသော သောက်ရေနှင့် အစားအစာများမှတစ်ဆင့် ကူးစက်တတ်ပြီး ကြက်များ ဝမ်းစိမ်း သို့မဟုတ် ဝမ်းဝါများသွားကာ အစာမစား အားအင်များပြတ်တောက်ပြီး အစုလိုက်အပြုံလိုက် သေဆုံးနိုင်ပါတယ်။

✅(၃)။ #ကြက်လည်လိမ်ရောဂါ ( / ND )နဲ့ #ကြက်ကုလားနာ ( / IBD ) ဖြစ်ရခြင်းမှာ ဗိုင်းရပ်စ်ပိုးများကြောင့်ဖြစ်ပြီး မိုးရာသီအကူးအပြောင်းကာလမှာ ကြက်ငှက်တို့ရဲ့ ကိုယ်ခံအားကျချိန်တွင် အလွယ်တကူ ကူးစက်တတ်ပြီး လည်ပင်းလိမ်သွားခြင်း၊ စိမ်းဝါဝါဝမ်းများသွားခြင်း ( )၊ စအိုနှုတ်ခမ်းများ နီရောင်ပြီး ကိုယ်လုံးတုန်နေသော ( ) လက္ခဏာများတွေ့ရပြီး အစုလိုက် အပြုံလိုက် သေဆုံးစေနိုင်ပါတယ်။

✅(၄)။ #ကြက်ငှက်ကျောက်ရောဂါ ( )
ဗိုင်းရပ်စ်ကြောင့် ကြက်ငှက်ကျောက်ရောဂါ အဖြစ်များသော ခိုငှက်ကို ကိုက်ခဲ့သော ခြင်မှတဆင့် အခြားကြက်ငှက်များကို ထပ်မံအကိုက်ခံရလျှင်၄င်း၊ ခြံအတွင်းရှိ ရောဂါခံစားနေရသော ကြက်ငှက်တို့၏ မျက်နှာမှ ကျောက်ရောဂါ အဖုအပိန့် အနာများကို အခြားကြက်ငှက်တို့မှ တို့ဆိတ် စားမိခြင်းကြောင့်၄င်း အလွယ်တကူ ကူးစက်ခံရနိုင်ပါတယ်။
အနာဖတ် အဖုအပိန့်ပုံစံ ( #ကျောက်အခြောက် ) နှင့် အချွဲမြှေးစိုပုံစံ ( #ကျောက်အစို ) ဆိုပြီး နှစ်မျိုးတွေ့နိုင်ပါတယ်။ကျောက်ရောဂါဟာ သေဆုံးမှုနည်းပေမဲ့ ကြီးထွားနှုန်း လျော့ကျသွားစေပါတယ်။

✅ရောဂါများ မဖြစ်ပွားအောင် ကြိုတင်၍

(က)။ ဇီဝလုံခြုံမှု ( ) ရှိစေရန် ခြံအတွင်း အပြင်ကို အမြဲသန့်ရှင်းစေပြီး ဗိုင်းရပ်စ်နှင့် ဗက်တီးရီးယားသတ် ပိုးသတ်ဆေး ( ) ပုံမှန်ပက်ဖျန်းပေးခြင်းဖြင့် အထူးဂရုစိုက်ရန် လိုအပ်ပါတယ်။

(ခ)။ အစာနှင့်ရေ သန့်ရှင်းမှု ( ) ရှိစေရန် အစာခွက်နှင့် ရေခွက်များကို ချိတ်ဆွဲတိုက်ကျွေးရပါမယ်။

(ဂ)။ လေဝင်လေထွက်ကောင်းအောင် စီမံပေးပြီး အကောင်ရေကို မျှတစွာ ထားပေးခြင်းနှင့် ခြံအတွင်း မိုးရေမဝင်အောင် စီမံပေးပြီး စိုထိုင်းဆ ထိန်းညှိခြင်း( ) လုပ်ဆောင်ပေးရပါမယ်။

✅ရာသီဥတုအပြောင်းအလဲကြောင့် ကြက်များ စိတ်ဖိစီးမှု ( ) မဖြစ်စေရန် ရေထဲတွင် နှင့် (ဓာတ်ဆား)များ ထည့်တိုက်ပေးခြင်းဖြင့် ကိုယ်ခံအားကို မြှင့်တင်ပေးရပါမယ်။ ကာကွယ်ဆေး( ) ကြိုတင်တိုက်ကျွေးပေးရပါမယ်။
. ဆိုသည့်အတိုင်း " #ကြိုတင်ကာကွယ်ခြင်းက_ကုသခြင်းထက်_ပိုမိုထိရောက်ပြီး_ကုန်ကျစရိတ်သက်သာစေပါတယ်" ဆိုတာကို သတိပြုပြီး အခုလို မိုးရာသီမှာ ခြံတွင်းခြံပြင် သန့်ရှင်းရေးကို အထူးဂရုစိုက် လုပ်ပေးပြီး ကြက်ပေါက် ငှက်ပေါက်လေးများကိုလည်း နွေးနွေးထွေးထွေးထားရန် အထူးလိုအပ်ပါကြောင်း အကြံပြုလိုက်ပါတယ်။🙏❤️💙💯

Kyaw Tint
Today Star Farm

10/06/2026

#တောရိုင်းပန်းလေး_တော်ဝင်ပြီ။❤️🦚💙

✅ ရစ်ငှက်အုပ်စုဝင်ဖြစ်တဲ့ ဒေါင်းငှက်တွေဟာ တနှစ်မှာတခါသာ နွေရာသီမှာ သားပေါက်ကြပေမဲ့ အခုလို မိုးလေးတဖွဲဖွဲနဲ့ ခဏခဏရွာလို့ မိတ်လိုက် ဥအု ဝပ်ကြရတာ မိုးထဲလေထဲဆိုတော့ သားပေါက်အကောင်ရေ နည်းသလို သားပေါက်ပြန်တော့လည်း ရာသီဥတုက မိုးတရွှဲရွှဲနဲ့မို့ ကလေးတွေ အအေးမိပြန်တော့ သားပေါက်လေးတွေ အဖတ်တင် အသက်ရှင်ဖို့ဆိုတာ အလွန်ခဲယဉ်းလှပါတယ်။ သဘာဝဘေးဒဏ်အပြင် လူတို့၏ ဘေးအန္တရာယ်မျိုးစုံတို့ကြောင့်လည်း ရစ်ငှက်များကဲ့သို့ တနေ့တခြား အကောင်ရေနည်းပါးလာပြီး ရှားပါးငှက်မျိုးစိတ်ဝင်တွေ ဖြစ်လာကြပါတယ်။

✅ဒေါင်းငှက်တွေဟာ တောထဲမှာ သဘာဝအတိုင်း နေထိုင်ရသောကြောင့် သားရဲတိရစ္ဆာန်တို့၏ ဘေးဒဏ်အန္တရာယ်၊ ရာသီဥတုဘေးဒဏ်၊ ရောဂါဘယဘေးဒဏ်၊ နေထိုင်ကျက်စားရာ သစ်တောပြုန်းတီးမှုတို့နှင့်အတူ နိုင်ငံတော်မှ ဒေါင်းငှက်များကို ဖမ်းဆီးသတ်ဖြတ်ခြင်းမှ ဥပဒေဖြင့် ကာကွယ်တားဆီးပေးထားသော်လည်း ဒေသခံ ငှက်မုဆိုးတို့၏ ဥပဒေမဲ့ ဖမ်းဆီးသတ်ဖြတ် ရောင်းချစားသောက်ခြင်းတို့ကြောင့် အသက်ရှင်ရပ်တည်ဖို့ အကူညီမဲ့ အန္တရာယ်မျိုးစုံနဲ့ ကြုံတွေ့ခံစားရသဖြင့် မျိုးတုန်းမှုအန္တရာယ်နှင့် ရင်ဆိုင်နေရပါတယ်။

✅အိန္ဒိယမျိုးရင်းဖြစ်တဲ့ ဒေါင်းပြာဟာ ဒေါင်းငှက်တွေထဲမှာ ပထမဆုံး တောရိုင်းတိရစ္ဆာန် ဘဝမှ အိမ်မွေးတိရစ္ဆာန် အဖြစ်သို့ ပထမဆုံး ပြောင်းလဲမွေးမြူခြင်းခံရသောကြောင့် ဒေါင်းငှက်ချစ်သူတို့၏ မွေးမြူပြုစု ကာကွယ်ထိန်းသိမ်း စောင့်ရှောက်မှုတို့ကြောင့် ရောဂါဘယကင်းကင်းနဲ့ သက်တမ်းရှည်ရှည် ပျော်ပျော်ရွှင်ရွှင်နေရသဖြင့် အလှမွေးကြက်ငှက်များလို ပေါများလာပြီး မျိုးတုန်းပျောက်ကွယ်ခြင်းအန္တရာယ်မှ ပထမဆုံးလွတ်မြောက်လာသော အလှမွေးငှက်စာရင်းဝင် ဒေါင်းငှက်တမျိုး ဖြစ်လာပါတယ်။💯🌹🌺

✅ဒေါင်းငှက်တွေဟာ နှစ်စဉ် သားပေါက်ပြီး တဝါတွင်းလုံး အမွှေးအတောင်အမြှီးအသစ်လဲကာ ဝါကျွတ်လျှင် အမွှေးအတောင်သစ် အမြှီးသစ်တို့ဖြင့် နုပျိုသစ်လွင်သော အလှဆုံးအချိန်သို့ ပြန်လည်ရောက်ရှိပြီ ဖြစ်ပါတယ်။ ဒေါင်းအမများကို နွေရာသီရောက်လျှင် မိတ်လိုက်နိုင်ရန် အမြှီးအတောင်များဖြန့်ကားကာ တဆောင်းတွင်းလုံး မိတ်လိုက်အက ကပြ မြှူဆွယ်လေ့ရှိကြပါတယ်။ မိတ်လိုက်ရာသီ နွေအခါရောက်လျှင် အရိုင်းစိတ်ရှိသောဒေါင်းဖိုတွေဟာ မ,စိတ်မွှန်ကာ ရန်လိုတတ်သလို ယဉ်ပါးသော ဒေါင်းဖိုတွေကတော့ တိချစ်သူတွေဟာ သူတို့ကို စေတနာ မေတ္တာအရင်းခံနဲ့ ချစ်တယ်ဆိုတာသိလို့ ဒေါင်းအမများသာမက လူတွေကိုပါ ကပြနေတာဟာ သူတို့ရဲ့ အပျော်ရွှင်ဆုံးအချိန် ဖြစ်တယ်ဆိုတာ ပြသနေတာပါ။💯❤️💙

✅ဒေါင်းငှက်တွေဟာ သားပေါက်ကြပြီဆိုရင် ဒေါင်းဖို (အထီး)များရဲ့ ဒေါင်းမြှီးကွက် အမြှီးဆံအရှည်ကြီးတွေဟာ တချောင်းချင်း တချောင်းချင်း ကျွတ်ကျလာတာဟာ ဒေါင်းဖိုတွေမှာ မိတ်လိုက်လိုစိတ် ကုန်ဆုံးပြီဖြစ်လို့ ဥအုဖို့ နောက်ကျနေတဲ့အမတွေ ဥအုကြလျှင်၊ ဥအုနေတဲ့အမတွေ လက်ကျန်ဥတွေ ဆက်အုလျှင် ၄င်းဥတွေဟာ သားမအောင်နိုင်တော့ပါဘူး။ ထို့ကြောင့် ဒေါင်းငှက်သားဖေါက်ခြံမှာ ဒေါင်းဖိုအနည်းဆုံး အရွယ်တူ ညီအစ်ကိုနှစ်ကောင် အတူထားသင့်ပါကြောင်း အကြံပြုပါရစေ။✌️🙏❤️🦚💙

Kyaw Tint
Today Star Farm

26/05/2026

✅ကြက်ငှက်တိရစ္ဆာန်တွေကို အသားစားရန် အဓိကရည်ရွယ်၍ မွေးမြူထားသော မွေးမြူမွေးကြက်ငှက်တိရစ္ဆာန်များကို ( )၊ သဘာဝတောရိုင်းတိရစ္ဆာန်များကို ( )၊ မိမိနိုင်ငံမှ တခြားနိုင်ငံသို့ Export ရောင်းချတင်ပို့သော အလှမွေး ကြက်ငှက်တိရစ္ဆာန်များကို ( )၊ နိုင်ငံရပ်ခြားမှ Import ဝယ်ယူတင်သွင်းလာသော အလှမွေးကြက်ငှက်တိရစ္ဆာန်များကို ( )လို့ ခွဲခြားသိထားသင့်ပါတယ်။

✅Livestock ကတော့ရှင်းပါတယ်။လူသားတို့ အသက်ရှင်ရပ်တည်ရေးအတွက် အသားစားရန် အဓိကရည်ရွယ်၍ မွေးမြူရေးနည်းပညာနှင့်ပေါင်းစပ်ကာ အထူးစီမံမွေးမြူ ဖန်တီးထုတ်လုပ်ထားခြင်းဖြစ်ပါတယ်။ ၄င်းတို့ကို မည်မျှပင် သတ်ဖြတ်စားသောက်ကြစေကာမူ တိုးတက်သောမွေးမြူရေးနည်းပညာများဖြင့် စဉ်ဆက်မပြတ် ဆက်လက် ဖန်တီးမွေးမြူ ထုတ်လုပ်နိုင်လို့ Livestockတွေက မျိုးတုန်းပျောက်ကွယ်သွားဖွယ်ရာ လုံးဝမရှိနိုင်ပါဘူး။

✅Wildlifeကိုတော့ Livestock တွေလို စည်းမဲ့ကမ်းမဲ့ အလွန်အကျွံ ဖမ်းဆီးသတ်ဖြတ် စားသောက်ကြရင်တော့ အနှေးနဲ့အမြန် မျိုးတုန်းပျောက်ကွယ်သွားနိုင်သလို သဘာဝဘက်မျှမှုကြီး ပျောက်ကွယ်ကာ ဂေဟစနစ်ကြီးတခုလုံးလည်း ပြိုလဲသွားနိုင်ပါတယ်။ တောရိုင်းတိရစ္ဆာန်တွေကို ဖမ်းဆီးသတ်ဖြတ် စားသောက်ခြင်းမပြုဘဲ သဘာဝအတိုင်းထားရှိကာ ခရီးသွားလုပ်ငန်းများ ဖေါ်ဆောင်ပေးပြီး သဘာဝအလှကိုပြစားနိုင်လျှင် နိုင်ငံ့ဝင်ငွေရရှိနိုင်သလို ဒေသခံတို့၏ ဘဝကိုလည်း မြှင့်တင်ပေးရာရောက်ပါတယ်။

✅ထို့ကြောင့် နိုင်ငံတိုင်းနိုင်ငံတိုင်းမှာ နိုင်ငံတော်အစိုးရမှ ဦးဆောင်ကာ (သဘာဝဘေးမဲ့တော)တွေ ဖန်းတီးတည်ထောင်ပေးပြီး သဘာဝတောရိုင်းတိရစ္ဆာန်တွေကို အလွယ်တကူ စည်းမဲ့ကမ်းမဲ့ ဖမ်းဆီးသတ်ဖြတ်စားသောက်ခြင်းမှ ကာကွယ်နိုင်ရန် ဥပဒေဖြင့် စောင့်ရှောက်ပေးလျက်ရှိကြပါတယ်။ ကျောင်းပိတ်ရက် ရုံးပိတ်ရက်တွေမှာ အနားယူ အပမ်းဖြေနိုင်ရန်အတွက် နိုင်ငံတော်အသိအမှတ်ပြု (တိရစ္ဆာန်ရုံ)၊ (ဆာဖါရီဥယျာဉ်)၊ (အမျိုးသားဥယျာဉ်)တို့ကို တည်ထောင်ကာ ရှားပါးတိရစ္ဆာန်များ၊ ထိန်းသိမ်းစောင့်ရှောက်ရန်နှင့် မျိုးပွါးရန်လိုအပ်သော တောရိုင်းတိရစ္ဆာန်တို့ကို စနစ်တကျထိန်းသိမ်း ပြုစုစောင့်ရှောက် ပြသထားလျက်ရှိကြပါတယ်။

✅ခေတ်မီဖွံ့ဖြိုး တိုးတက်တဲ့နိုင်ငံတွေမှာဆိုရင် (သဘာဝတိရစ္ဆာန်ဘေးမဲ့တော)များနှင့် (သဘာဝဘေးမဲ့တောနက်ကြီး)တွေထဲမှာ သဘာဝတောရိုင်းတိရစ္ဆာန်တို့ကို လုံခြုံရေးကင်မရာများတပ်ဆင်ပြီး အကောင်အရေအတွက် ခန့်မှန်းတွက်ချက်ကာ လိုအပ်လျှင် လိုအပ်သလို အထီးအမ မျှတအောင်အထိ ဖန်းတီးရှာကြံ လုပ်ဆောင်ပေးလေ့ရှိကြပါတယ်။ ကျန်းမာရေးစောင့်ရှောက်မှုပါ ပေးကြသောကြောင့် သဘာဝထက် ပိုမိုအသက်ရှည်ရှည် နေနိုင်လာကြတာဖြစ်ပါတယ်။

✅အလှမွေးနှင့် ရှားပါးတိရစ္ဆာန်များကိုလည်း စနစ်တကျ မှတ်ပုံတင်စေပြီး သတ်မှတ်ထားသော စည်းကမ်းချက်များနှင့်အညီ တနိုင်တပိုင် ပုဂ္ဂလိကကိုယ်ပိုင် မွေးမြူရေးခြံ ( )များကို မွေးမြူခွင့်လိုင်စင်များချပေးကာ မွေးမြူခွင့်ပြုကြပါတယ်။ နှစ်စဉ်သားပေါက် အကောင်အရေအတွက်ကို စာရင်းကောက်ယူပြီး နိုင်ငံတော်ကို ရာခိုင်နှုန်းတခုဖြင့် ပြန်လှူစေကာ မိခင်တောထဲသို့ ဘေးမဲ့ပြန်လွှတ်ပေးခြင်းဖြင့်လည်း မျိုးမတုန်းအောင် တဖက်တလမ်းမှ စနစ်တကျ စီမံဆောင်ရွက် ပေးလျက်ရှိကြသောကြောင့် အလှမွေးကြက်ငှက်တိရစ္ဆာန် မွေးမြူရေးလုပ်ငန်းများလည်း ဖွံ့ဖြိုးတိုးတက် အောင်မြင်ဖြစ်ထွန်းလာပါတယ်။ အလှမွေးကြက်ငှက် တိရစ္ဆာန်မွေးမြူရေးခြံများသို့ နီးစပ်ရာဒေသခံတို့ အပမ်းဖြေကြည့်ရှုလေ့လာနိုင်သလို နိုင်ငံတကာ အလှမွေးစျေးကွက်သို့ တင်ပို့ရောင်းချစေခြင်းဖြင့် နိုင်ငံခြားဝင်ငွေကိုလည်း တဖက်တလမ်းမှ ရှာကြံပေးနေသဖြင့် အလွန်အင်မတန် အားကျအတုယူဖွယ်ကောင်းလှပါတယ်။❤️💙🦚💯

Kyaw Tint
Today Star Farm

15/04/2026

#ရောင်နီတွေသန်းလို့လာနေပါပြီ။🌈🦚❤️

✅တောကြက် တောငုံး တောင်ခါမှအစ ဒေါင်းငှက်အပါအဝင် ရစ်ငှက်အားလုံးဟာ ဆောင်းအကုန် နွေအကူး နွေဦးရာသီမှာ မိတ်လိုက်ကြပြီး အခုလို နွေရာသီ သင်္ကြန်ကာလ အခါသမယဆိုရင် တနှစ်မှာတခါသာ ဥအု သားပေါက်ကြပါတယ်။ သဘာဝအတိုင်း တောထဲမှာ သားပေါက်ရင် သဘာဝသားရဲအန္တရာယ်၊ ရာသီဥတုဘေး၊ ရောဂါဘယဘေးဒဏ်တွေကြောင့် သားပေါက်လေးတွေ အောင်အောင်မြင်မြင် အသက်ရှင် အဖတ်တင်ဖို့ဆိုတာ အင်မတန် ခက်ခဲလွန်းလို့ ရှားပါးငှက်မျိုးစာရင်းဝင် ဖြစ်နေကြတာပါ။

✅သဘာဝနဲ့ ရာသီဥတုတွေကပဲ ပြောင်းလဲလာလို့လား။ လူတွေရဲ့ဆန်းသစ်တီထွင်လိုတဲ့ စမ်းသပ်မှုတွေကြောင့်လား။ သဘာဝမှာ ပုံမှန်စားသောက်နေထိုင်ရပေမဲ့ လူတို့ရဲ့ကျွေးမွေးပြုစုမှုကြောင့် ပုံမှန်ထက်ပိုသော အစားအသောက်နှင့် ခေတ်မီသော အားဆေးများကြောင့်လားမသိနိုင်ပါ။ တနှစ်မှာတခါသာ ပုံမှန်မိတ်လိုက် ဥအု သားပေါက်လေ့ရှိကြတဲ့ ရစ်ငှက်အုပ်စုဝင် ဒေါင်းငှက်များပင်လျှင် တနှစ်လျှင်နှစ်သား ဆက်တိုက်သော်၄င်း၊ အချိန်အခါမဟုတ် ရာသီထက်စော၍ပင် မိတ်လိုက် ဥအု သားပေါက်ကြတာမျိုးလည်း ကိုယ်တွေ့ မြင်လာရပါတယ်။✌️❤️💙

✅ကျွန်တော်တို့ #တူဒေးကြယ်စင် ရစ်ငှက် ဒေါင်းငှက်များ မွေးမြူသားဖေါက်ရေးခြံမှာလည်း သစ်ပင်ဝါးပင်လေးများစိုက်ပေးကာ သဘာဝဆန်ဆန် တတ်နိုင်သမျှ ခြံကျယ်ကျယ် မြင့်မြင့်လေးဖြင့် လေဝင်လေထွက်ကောင်းအောင် ဆောက်လုပ်ပေးထားပါတယ်။ နေရောင်ခြည်ကိုလည်း ကောင်းမွန်စွာ ရရှိရန် စီစဉ်ဖန်တီး လုပ်ဆောင်ပေးထားသဖြင့် သူတို့နေထိုင်ရာ ခြံလေးမှာ မိခင်ဌာနေ တောလေးကဲ့သို့ပင် ထင်မှတ်နေပြီး စိတ်ဖိစီးမှု များ မရှိတော့ဘဲ လူလာလျှင် အစာလိုက်တောင်းကာ ရင်းနှီးကျွမ်းဝင် ချစ်ခင်လျက်ရှိကြပါတယ်။ 🦚❤️💯

✅ကျန်းမာရေးအတွက် မိသားစုသဖွယ် ကာကွယ်ကုသ ပြုစုစောက်ရှောက်ပေးထားသလို အဟာရပြည့်စုံသော စပါး ပြောင်းဆံ ကြက်စာတောင့်များနှင့် ကန်စွန်းရွက် ပြောင်ဖူးစေ့ကဲ့သို့သော အစာစိမ်းများကိုလည်း တနှစ်ပတ်လုံး ကျွေးမွေးပြုစု စောင့်ရှောက်ပေးထားပါတယ်။ အခုလို သားပေါက်ရာသီရောက်လာလျှင် မိခင်ဒေါင်းမ ရစ်မများကို အပင်ပန်းခံ မဝပ်ခိုင်းတော့ဘဲ ခေတ်မီသားဖေါက်နည်းပညာသုံး ဥဖေါက်စက်ဖြင့် သားဖေါက်ကာ သူ့မိခင်ကဲ့သို့ ကိုယ်တိုင်ကျွေးမွေးပြုစု စောင့်ရှောက်ပေးမှုကြောင့် နှစ်စဉ်အောင်မြင်မှု ရောင်နီတွေသန်းလို့ လာနေပြီဖြစ်ပါတယ်။🌹🌺❤️

Kyaw Tint
Today Star Farm

Today Star Farm

22/09/2026

27/07/2026

16/07/2026

07/07/2026

24/06/2026

20/06/2026

10/06/2026

26/05/2026

15/04/2026

Address

Telephone

Website

Alerts

Shortcuts

Share

Category

Listing takedown request

Saved & Alerts

Saved businesses

Following

New for you

Saved to Saved & Alerts.

Enable notifications