What are the opening hours?

Monday 09:00 - 20:00 Tuesday 09:00 - 20:00 Wednesday 09:00 - 20:00 Thursday 09:00 - 20:00 Friday 09:00 - 20:00 Saturday 09:00 - 20:00

https://www.facebook.com/105923449245689/

Yoo Yoo -ဒေသကြက်ဥ, Northern Shan, Lashio (2025)

24/08/2025

တိုင်းရင်းကြက်မွေးမြူရေးမိတ်ဆက်
---------------------------------------
ကျေးလက်ဒေသမွေးမြူရေးတွင် “ဝက်” ကို စုဗူး သဘောမျိုး ရည်မှန်းမွေးကြ သော်လည်း ကြက်မွေးမြူရေးကိုမူ ဟင်းစားသဘောလောက်သာ မွေးမြူကြသည်။ အိမ်သို့ ဧည့်သည်လာပါက အလွယ်တကူရနိုင်သော ဟင်းလျာအဖြစ်သာ အသုံးတော်ခံလေ့ရှိ သည်။

မွေးမြူသည့် စနစ်မှာလည်း လွယ်ကူ ရှင်းလင်းလှပါသည်။ ကြက်အိပ်တန်းများမှာ သစ်ပင်များဖြစ်ပါသည်။ ဝပ်ကြက်မကိုသာ တဲပေါ် (သို့မဟုတ်) စပါးကျီ၊ အမိုးအောက် တန်း နေရာတို့တွင် ရရာပစ္စည်းများနှင့် ဝပ်ကျင်းပြုလုပ်ပေးလေ့ ရှိပါသည်။

ဤတွင် မေးစရာမေးခွန်းတစ်ခုမှာ တိုင်းရင်းကြက်မွေးမြူရေးကို ဝက်မွေးမြူရေး ကဲ့သို့ စုဗူးသဘောမျိုး အဘယ်ကြောင့် မွေးမြူခြင်း မပြုကြပါသနည်း ဆိုသည်ပင် ဖြစ် သည်။ ဤအဖြေမှာ ရှင်းပါသည်။

ရာသီအပြောင်းအလဲများတွင် ဖြစ်ပွားတတ်သော ကြက်နာရောဂါကြောင့် ရွာလုံးကျွတ်နီးပါး ကြက်များ သေဆုံးကုန်တတ်ခြင်းကြောင့် ဖြစ်ပါသည်။ ကိုယ်ခံအား ကောင်းသော မသေ၍ ကျန်သည့်ကြက်မှာ နောက်ရာသီအစတွင် စာရင်းဖွင့် ကောင်ရေ အဖြစ် အစပျိုးပြန်ပါသည်။

ရာသီအဆုံးတွင် ကြက်နာကြောင့် သေဆုံးကုန်ပြန်သဖြင့် စာရင်းပိတ်ကောင်ရေ သည် မသေ၍ ကျန်ရစ်သောကောင်ရေ ဖြစ်လာပြန်သည်။ ဤသို့အားဖြင့် ကျေးလက် ကြက်မွေးမြူရေးသည် တိုးပွားမှု ဆတိုးတက်မလာဘဲ ဒုံရင်းသဘောမျှသာ သံသရာလည် နေသဖြင့် ဝက်မွေးမြူရေးကဲ့သို့ စုဗူးပုံစံမျိုး သဘောထား၍ မမွေးမြူကြခြင်းဖြစ်ပါသည်။

ဤအခြေခံသဘောတရားများကို ပြောင်းပြန် လှန်ပစ်နိုင်ပါက ကျေးလက်ကြက် မွေးမြူရေးကို စုဗူးစနစ်မွေးမြူရေး၊ တစ်နိုင်တစ်ပိုင် မွေးမြူရေး (Small holding) အဆင့်မှ အသေးစားမွေးမြူရေး (Small Scale) အထိ တက်လှမ်းနိုင်အောင် စီမံဆောင်ရွက် ပေးခြင်း ဖြင့် ကျေးလက်နေပြည်သူများ၏ စားနပ်ရိက္ခာနှင့် လူမှုစီးပွားဖွံ့ဖြိုးတိုးတက်ရေးကို အထောက်အကူပြုနိုင်မည် ဖြစ်ပါသည်။

သို့ဖြစ်ရာ လက်ရှိ မွေးမြူနေသော လွှတ်ကျောင်း စနစ်ကိုပင်အခြေခံ၍ ကျွေးမွေး ထိန်းသိမ်း စောင့်ရှောက်ခြင်းနှင့် ရောဂါကာကွယ်ခြင်း လုပ်ငန်းများကို ပိုမိုစနစ်တကျ ဖြစ်အောင် ဖြည့်ဆည်းဆောင်ရွက်ပေးရန် လိုအပ်လာပါသည်။

တိုင်းရင်းကြက်မွေးမြူရေးတွင် အထိအနာဆုံးနှင့် ခြံလုံးကျွတ်သေဆုံးနိုင်သော ရောဂါမှာ ဒေသအခေါ် အိပ်တန်းကျနာ (သို့မဟုတ်) “ကြက်နာ” သို့မဟုတ် သိပ္ပံအခေါ် “ကြက်လည်လိမ်ရောဂါ” ပင် ဖြစ်ပါသည်။ ဗိုင်းရပ်စ် ရောဂါပိုးဖြစ်သဖြင့် ကုသဆေး လုံးဝ မရှိပါ။ ကာကွယ်ဆေး (Vaccine) ကိုသာ အသုံးပြုရပါသည်။

ကူးစက်ရောဂါများမှာ အထူးသဖြင့် “ကြက်ကိုယ်ခံအား” စနစ် ကျဆင်းနေသည့် အချိန်တွင် အများဆုံး ကူးစက်ပြန့်ပွားလာခြင်း ဖြစ်သည်။ ကာကွယ်ဆေးထိုးနှံပေးခြင်းမှာ သက်ဆိုင်ရာ ရောဂါဖြစ်စေသည့် ရောဂါပိုးအမျိုးအစားကို အသုံးပြု၍ ဓာတ်ခွဲခန်းတွင် ဖော်စပ် အသုံးပြုခြင်း ဖြစ်ပါသည်။

ကာကွယ်ဆေးသည် ပဋိလှုံ့ပစ္စည်း အဖြစ် ကြက်ခန္ဓာ ကိုယ်သို့ ဝင်ရောက်ပြီး ရောဂါဒဏ်ခံနိုင်သော၊ ရောဂါပိုးကို ပြန်လည်တိုက်ခိုက်နိုင်သော ပဋိပစ္စည်း (Antibody) များ ထွက်ပေါ်လာစေရန် လှုံ့ဆော်ပေးခြင်းဖြင့် သတ်မှတ်သော “ကာကွယ်ဆေး သက်တမ်း” အတွင်းတွင် ကြက်များ ရောဂါမကျရောက်စေရန် ပြုလုပ်ပေးခြင်း ဖြစ်ပေ သည်။ အထူးသဖြင့် ကြက်များ၏ ကိုယ်ခံအားစနစ် အမြဲတမ်း ကောင်းနေလျှင် ကူးစက် ရောဂါဒဏ်ကို ခံနိုင်ရည်ရှိသည်။

ဗိုင်းရပ်စ်ရောဂါကဲ့သို့ ကုသဆေး မရှိသော ရောဂါအမျိုးအစားအတွက် ကိုယ်ခံအား စနစ်သည် အလွန်အရေးကြီးပါသည်။ ကိုယ်ခံအား စနစ် ကောင်းနေလျှင် မွေးမြူထားသော ကြက်အုပ်များအတွင်း ရောဂါအလွယ်တကူ မဝင်ရောက်နိုင်ပါ။

ကိုယ်ခံအားစနစ် ကောင်းရန်အတွက် ကြက်၏ကျန်းမာရေးသည် အဓိကကျပါ သည်။ မွေးမြူထားသော ကြက်အုပ်အတွက် အစာကောင်း၊ ရေကောင်း၊ ပတ်ဝန်းကျင် ကောင်း၊ ရာသီဥတုကောင်းများ ရှိရပါမည်။

ဖိစီးမှု့ဒဏ် (Stress) ကင်းစင်ဖို့လည်း လိုပါသည်။ ဥစားကြက်/ အသားစားကြက် များ အားလုံးအတွက် ဖိစီးမှုဖြစ်စေသည့် နှုတ်သီးဖြတ်ခြင်း၊ ကာကွယ်ဆေးထိုးခြင်း/ တိုက် ကျွေးခြင်း၊ ရွှေ့ပြောင်းသယ်ဆောင်ခြင်း၊ (ခရီးရှည် မောင်းနှင်ခြင်း) ရေပြတ်ခြင်း၊ အာဟာရ ပြည့်စုံစွာမစားရခြင်း၊ အစာသန့်ရှင်း လတ်ဆတ်မှုမရှိခြင်း၊ အထိတ်တလန့်ဖြစ်ခြင်း၊ စသည့်အချက်များကို အထူးဂရုပြုရန်လိုပါသည်။ ဤသို့ဒဏ်သင့်မှုဖြစ်လျှင် ကြက်များ သည် အစာစားနှုန်း လျော့နည်းလာခြင်း၊ သေနှုန်း တက်လာခြင်းများ ဖြစ်တတ်ပါသည်။

တိုင်းရင်းကြက်များကို စနစ်တကျ ဂရုတစိုက် ကျွေးမွေးထိန်းသိမ်းစောင့်ရှောက်မှု့ အားနည်းခြင်းသည် တိုင်းရင်းကြက်မွေးမြူရေးစနစ်၏ အားနည်းချက်တစ်ရပ်ပင် ဖြစ်ပြီး ၎င်းတို့ကို လေ့လာသုံးသပ်ကြည့်လျှင် -

ကြက်ခြံ/ကြက်တဲ ဆောက်လုပ်ပေးလေ့ မရှိသဖြင့်၊ ခွေး၊ ကြောင်၊ ငှက် စသည့် တိရစ္ဆာန်များ၏ ရန်ပြုမှုကို ခံရခြင်း၊ ခိုးယူခံရခြင်း၊ ရာသီဥတုဒဏ် ခံရခြင်းတို့ကို ဖြစ်စေ သည်။

ဥကျင်း(တင်း)များ စနစ်တကျမထားသဖြင့် ဥများ ဆုံးရှုံးရခြင်း၊ ကျန်းမာရေး အခြေအနေကို စစ်ဆေးရန် ခက်ခဲခြင်း၊ ကာကွယ်ကုသဆေးထိုးရန် ဖမ်းဆီး ထိန်းသိမ်းရ ခက်ခဲခြင်းတို့ကိုလည်း ကြုံတွေ့ရသည်။

သန့်ရှင်းသော ရေ၊ အစာ အာဟာရ လုံလောက်စွာ မရသဖြင့် ကြီးထွားနှုန်း မကောင်းခြင်း၊ ဥနှုန်းနည်းပြီး၊ သားပေါက်နှုန်း အကြိမ်နည်းခြင်း၊ ရောဂါဖြစ်ရန် အခွင့် အလမ်း များခြင်းတို့ကို တွေ့ရသည်။

ထို့ပြင် ကျန်းမာရေးစောင့်ရှောက်မှု အားနည်းသဖြင့် ကူးစက်ရောဂါဖြစ်လျှင် တစ်ခြံလုံးကုန်တတ်ခြင်း၊ ရောဂါကူးစက်ပြန့်နှံ့မှုကို ထိန်းချုပ်ရန် ခက်ခဲခြင်း၊ ချေးဖြူကပ် ရောဂါ၊ သွေးဝမ်းရောဂါ၊ သန်ရောဂါ အဖြစ်များသည်။

မျိုးကောင်း မျိုးသန့်ရွေးချယ်၍ စနစ်တကျ သားစပ်ခြင်း မရှိသဖြင့် ကြီးထွားနှုန်း ကောင်း၊ ဥနှုန်းကောင်းသော မျိုးများစွာကို မထိန်းသိမ်း ထားနိုင်ခြင်း၊ စသည်တို့ကြောင့် တိုင်းရင်းကြက်မျိုးကောင်းများ ဖြစ်ထွန်းမလာနိုင်ခြင်း ဖြစ်သည်။

သို့ဖြစ်ရာ တိုင်းရင်းကြက်မွေးမြူရေးကို “စနစ်တကျ တိုင်းရင်းကြက်မွေးမြူရေး” သို့ ပြောင်းလဲ လုပ်ဆောင်ကြရန် လိုအပ်ပြီး၊ အောက်ပါအတိုင်း ပြုပြင် ဆောင်ရွက်သင့် ကြောင်း အကြံပြုပါသည်။ ၎င်းတို့မှာ….

(၁) မွေးမြူသည့် စနစ်ကိုပြုပြင်ခြင်း၊
(၂) ကျွေးမွေးသည့် စနစ်ကို ပြုပြင်ခြင်း၊
(၃) ထိန်းသိမ်းစောင့်ရှောက်သည့် စနစ်ကို ပြုပြင်ခြင်း၊
(၄) မျိုးမြှင့်တင်သည့် လုပ်ငန်းကို ဆောင်ရွက်ခြင်း၊
(၅) ကာကွယ်ကုသမှုလုပ်ငန်းကို စနစ်တကျ ဆောင်ရွက်ခြင်းတို့ ဖြစ်ပါသည်။

မြန်မာနိုင်ငံတွင် လက်ရှိ မွေးမြူနေကြသော တိုင်းရင်းကြက်မျိုးများမှာ - အင်ပင်ဝ ကြက်၊ စစ်တကောင်းကြက်၊ လည်ပြောင်ကြက်၊ တိုက်ကြက်၊ ကြက်တိန်ညင်၊ ညောင်ကန် ကြက်၊ ရွှေတဆုပ်ကြက် နှင့် လုံးတီးကြက်တို့ဖြစ်ကြသည်။

ယင်းတိုင်းရင်းကြက်များသည် စီးပွားဖြစ် မွေးမြူသော အများအခေါ် ဘိလပ်ကြက်/ မွေးမြူရေးကြက်များနှင့်စာလျှင် ဥနှင့် အသားထုတ်လုပ်မှု နည်းသော်လည်း အောက်ပါ စရိုက် လက္ခဏာကောင်းများ ရှိနေကြောင်း တွေ့ရပါသည်။

(၁) ကုန်ကျစရိတ်သက်သာစွာဖြင့် မွေးမြူနိုင်ခြင်း၊ (အဆောက်အဦ၊ ဆေး၊ အစာ၊ ခြံသုံးပစ္စည်း၊ လုပ်အားခ)

(၂) ဒေသရာသီဥတု၊ ပတ်ဝန်းကျင် အခြေအနေနှင့် အသားကျပြီးဖြစ်ခြင်း၊ အကြမ်း ခံနိုင်ခြင်း၊

(၃) ရှုပ်ထွေးသော နည်းပညာမလိုပဲ အလွယ် တကူမွေးနိုင်ခြင်း၊

(၄) မိမိဘာသာရှာဖွေစားသောက် ရှင်သန်၊ ရပ်တည်နိုင်ခြင်း၊

(၅) ကြက်ဥများကို မိမိဘာသာဝပ်၍၊ သားဖောက်နိုင်ခြင်း၊

(၆) ကြက်သားပေါက်များကို မိမိဘာသာ ရှာဖွေထိန်းကျောင်း စောင့်ရှောက်နိုင်ခြင်း၊

(၇) အသား၏ အနံ့အရသာနှင့် ဖွဲ့စည်းမှု ကောင်းမွန်ခြင်းတို့ဖြစ်သည်။

တိုင်းရင်းကြက်များကို သေဆုံးမှုအနည်းဆုံးနှင့် နှစ်ပတ်လည်မွေးမြူနိုင်ပါက ကျေးလက်ဒေသနေ ပြည်သူများအတွက် အဓိကကျသော ဝင်ငွေတိုး လုပ်ငန်းတစ်ခု ဖြစ်လာပေမည်။

တိုင်းရင်းကြက်မွေးမြူရေးတွင် လယ်ယာလုပ်ငန်းကဲ့သို့ အရင်းအနှီး စိုက်ထုတ်ရ ခြင်း၊ လုပ်ငန်းခွင်လုပ်အား စိုက်ထုတ်ရခြင်းများ နည်းပါးပြီး၊ အိမ်ရှိမိသားစုများ လူကြီးမှ လူငယ်အထိ အလွယ်တကူဆောင်ရွက်နိုင်ခြင်း၊ အိုးမကွာအိမ်မကွာ ဆောင်ရွက်ရသော လုပ်ငန်းဖြစ်ခြင်း၊ သေပျောက်နှုန်းနည်းပါက ဈေးကွက်တင်ပို့မှု လွယ်ကူခြင်း၊ အိမ်တိုင် ယာရောက် အရောင်းအဝယ်ဖြစ်ခြင်း စသည့် အကျိုးကျေးဇူးများ ရရှိနိုင်ပါသည်။

၂၀ဝ၇ - ၂၀ဝ၈ တိရစ္ဆာန်သန်းခေါင်စာရင်း စစ်တမ်းအရ မြန်မာနိုင်ငံအတွင်းရှိ ကြက် ကောင်ရေ စုစုပေါင်း ၁၀၇ ဒသမ ၁၄ သန်း အနက် ၈၅ ဒသမ ၄၀ ရာခိုင်နှုန်းမှာ တိုင်းရင်းကြက်များဖြစ်ပြီး တစ်နိုင်ငံလုံးအသားထုတ်လုပ်မှု စုစုပေါင်း၏ ၅၀ ဒသမ ၆ ရာခိုင်နှုန်းမှာလည်း တိုင်းရင်းကြက်မှ ရရှိသည်ကို တွေ့ရသည်။

ယေဘုယျအားဖြင့် တိုင်းရင်းကြက်များသည် တစ်နှစ်လျှင် ဥနှုန်း ၄၀ မှ ၆၀ ထိသာ ရှိပြီး သားပေါက်နှုန်း (၃) ကြိမ်သာ ရှိသည်ဟု သိထားကြသည်။

တိုင်းရင်းကြက်မွေးမြူရေးကို စနစ်တကျ အကျိုးရှိစွာ စီမံခန့်ခွဲလုပ်ကိုင်သွားပါက တစ်နှစ်ဥနှုန်း ၁၆၀ နှင့် သားပေါက်နှုန်း (၅) ကြိမ် ရရှိနိုင်ကြောင်း တင်ပြလိုက်ပါသည်။

ဒေါက်တာရဲမြင့် (တိမွေး/ကု)

Credit:
https://www.facebook.com/permalink.php?story_fbid=1441210006081523&id=607375086131690

24/08/2025

24.8.25
ဟိုပန်သို့ အမှာပို့.....အလုံး ၉ဆယ်
အားပေးမှုအတွက်ကျေးဇူးတင်လျက်ပါ ❤

18/08/2025

ဒေသကြက်‌တွေကို သဘာဝနည်းနဲ့ သန်ချမယ်
✨✨✨✨✨✨✨✨✨✨✨✨✨✨
ဒေသကြက်တွေကို မိမိအိမ်မှာ တပိုင်တနိုင် မွေးတာပဲဖြစ်ဖြစ် ခြံလှောင်ပြီး စီးပွားဖြစ်
မွေးတာပဲဖြစ်ဖြစ် အလွယ်တကူရနိုင်တဲ့
တိုင်းရင်းနည်းနဲ့ သံချကြည့်ကြမယ်။

ဒေသကြက်တွေဟာ မြေကြီးကိုယှက်ပြီး
အစာရှာစားလေ့ရှိတာကြောင့် သန်ကို မဖြစ်မနေ ချပေးသင့်ပါတယ်။ သန်တွေရှိနေရင် ကြက်တွေမှာ ဝသင့်သလောက် မဝတာ၊
အသားရောင် ဖြူဖျော့နေတာနဲ့ ခုခံအားနည်းပြီး ရောဂါဝင်လွယ်တာတွေ ဖြစ်နိုင်ပါတယ်။

ဘာနဲ့ သန်ချနိုင်မလဲဆိုတော့ အလွယ်ရနိုင်တဲ့
သင်္ဘောစေ့နဲ့ ချပါမယ်။ သင်္ဘောစေ့မှာ Carpaine ပါဝင်ပြီး သန်နဲ့တုတ်ကောင်တွေကို
ဖယ်ရှားနိုင်ပါတယ်။ နောက်ထပ် သင်္ဘော‌စေ့မှာ Papain အင်ဇိုင်းလဲကြွယ်ဝပြီး Protein ကို ခြေဖျက်နိုင်စွမ်းမြင့်မားတာကြောင့် သန်ကောင်နဲ့ သန်ဥတွေကို အူလမ်းကြောင်းကနေ ကျေပျက်ပြီး ဖယ်ရှားနိုင်ပါတယ်။

ဘယ်လိုကျွေးပြီး သန်ချမလဲ
ကြက်တွေကို အရွယ်ကြည့်ပြီး
တကောင်မှာ သင်္ဘော‌စေ့ ၃စေ့ကနေ ၅စေ့ထိ
ကျိတ်ချေပြီး ကျွေးနိုင်ပါတယ်။
အစာစိမ်းနဲ့အတူ ကျိတ်ချေရောမွှေပြီးလဲ ကျွေးနိုင်ပါတယ်။
တပတ်တိတိ ဆက်တိုက် တရက်ကို
၃စေ့မှ ၅စေကျွေးရပါမယ်။

သတိပြုရန်
ဥနေတဲ့ ဥကြက်မတွေကိုတော့ မကျွေးသင့်ပါ။
ဥကြက်မများကို ကြက်ငယ်သားခွဲပြီးမှ ကျွေးသင့်ပါတယ်။ ကြက်ငယ်များကိုလဲ ၁လခွဲသားအရွယ်မှ စကျွေးပါ။
သင်္ဘောစေ့ကျွေးနေချိန်မှာ ဂျင်းလုံးဝ မကျွေးရပါ။ မွေးမြူထားသော ကြက်တသုတ်လုံးကို ပြိုင်တူကျွေးပါက ပိုထိရောက်ပါတယ်။

သင်္ဘောစေ့ကို အခြောက်ခံထားပြီး ကျိတ်ချေကာ တလကို တခါ၊ တခါမှာ တပတ်တိတိကျွေးပြီး သန်ချနိုင်ပါတယ်။

သင်္ဘောစေ့ကျွေးပြီး တပတ်ပြည့်တဲ့
နောက်ရက်မှာ ကြက်တွေကို ရွှေရနံ့EMနှင့် Amino+အားဆေးတိုက်ကျွေးနိုင်ပါတယ်။

ကဲ ဘေးကင်းပြီး ငွေကုန်သက်သာတဲ့နည်းနဲ့
မိမိအိမ်က ကြက်တွေကို သန်ချကြည့်ကြမယ်👌
Crd #

#ရွှေရနံ့EM
#ဒေသကြက်မွေးမြူရေး
#ကြက်သန်ချဆေးနည်း

09/08/2025

ကြက်ပေါက်စလေးများထိန်းသိမ်းမွေးမြူခြင်း
-----------------------------
ကြက်ဝါသနာရှင်တိုင်း မိမိတ်ို့မွေးဖောက်ထားတယ့်
ကြက်ကလေးတွေ ကျန်းကျန်းမာမာ
သန်သန်စွမ်းစွမ်း ကြီးပြင်းကြတာကို
မြင်ချင်ကြမှာပါ။

ယခု ဒီဆောင်းပါးလေးမှာတော့ကြက်ပေါက်
ကလေးတွေ အသေအပျောက်နည်းအောင်
ဘယ်လိုမွေးရမလဲ ဆိုတာကို ဆောင်ရန်
ရှောင်ရန် လေးတွေနဲ့ ပြောပြပေးသွားပါမယ်။

#ဥဘဝကနေစပြောရမယ်ဆိုရင်...

ရာသီဥတုအရမ်းပူရင် ကြက်ဥလေးတွေကို တစ်ပတ်တစ်ခါလောက် ရေခဏလောက်စိမ်ပေးရပါမယ်
( ဥမကပ်အောင်)။နောက် သားကပ်မယ့် စုံတွဲကို
မကပ်ခင် ကြိုတင်သန်ချပေးပါက ပိုကောင်းတယ်။
လွှတ်ဖောက်ပါကလဲ ကြက်ဖရော ကြက်မပါ
အားရှိအောင်ကျွေးမွေးရပါမယ်။
သို့မှသာပေါက်နှုန်းကောင်းမယ်။
လှောင်ဖောက်မည်ဆိုပါက
ဆောင်ရန် ရှောင်ရန်များကို
နောက်ဆောင်းပါး တစ်ခုမှာ ရေးပေးပါမယ်။

ဥကထွက်ပြီ ပေါက်ပြီဆိုပါရင်
တစ်ချို့ ဝါသနာရှင်များက ကြက်ပေါက်လေးများသန်အောင်ဆိုပြီး
ကြက်ပေါက်လေးတွေစုံအောင်
ပေါက်ပါသော်လည်း တော်တော်နှင့်
ဝပ်တင်းထဲက မချဖြစ်ကြပါ။
ပေါက်တာကြာသော ကြက်ကလေးများ
အစာရေစာ မရသောအခါ
လည်လိမ်ပြီး ချိပါတော့တယ်။
(နူရိုဘီယန် အပြာကဒ် ရေဖျော်တိုက်ပေးပါ
နှစ်နာရီအတွင်း ထပြေးပါတယ်)။

#ဘယ်ချိန်မှာတင်းချသင့်သလဲ?

သဘာဝတရားကြီးက ဆန်းကြယ်ပါတယ်။
ကြက်ကလေးများပေါက်ပေါက်ချင်း ဝလုံးပြီး
ဗိုက်လေးတွေရွှဲနေကြတာ မြင်ဖူးကြမှာပါ
(မမြင်ဖူးက ပေါက်ပြီးခဏကြာကိုင်ကြည့်ပါ)။
ကြက်ကလေးများ ဥကထွက်ပြီး တစ်ရက်နှစ်ရက်
အစာရေစာ မစားရလဲ ဘာမှသိပ်မဖြစ်သော်လည်း
(နှစ်ရက်ထက်ကျော်ပါကသိပ်အဆင်မပြေတတ်ပါ)။
တစ်ရက်နှစ်ရက်ခံနိုင်ခြင်းမှာဥမှစ ပေါက်ထဲက
ပါလာသော ဝမ်းဗ်ိုက်က အဆီပြင်လေးကြောင့်
ဖြစ်ပါတယ်။တစ်ရက်နှစ်ရက်ထိ အစာမစားရသော
ကြက်ကလေးများ ထိုအဆီပြင်ကိုဖြိုခွဲပြီး အာဟာရယူကြတယ်။ အဆီပြင်လေး ကုန်သွားသော်
ကြက်လေးအနည်းငယ်ပိန်ကာ ဗိုက်လေးတွေလဲ
ချပ်သွားကြတယ်။ရပ်တည်မှုလဲ
ပိုကောင်းလာကြပါတယ်။ထိုအချိန် တင်းချမယ်ဆို
ချသင့်သော အချိန်ကောင်းပါ။

#ကြက်လေးတွေတင်အောင်ဘယ်လိုမွေးကြမလဲ။

#လှောင်မွေးပါ ။ လွှတ်မွှေးလို့ရော မရဖူးလား
အမေးရှိသော် ရတေ့ာရပါတယ် ပတ်ဝန်းကျင်
နေရာအရမ်းကောင်းမှပဲအဆင်ပြေပါလိမ့်မယ်။
မဟုတ်ရင်တော့ လွှတ်မွှေးပီး
ဆန်ကွဲပက်ကျွေးရုံလောက်နဲ့တော့ တစ်သုတ်ကို
နှစ်ကောင် သုံးကောင်တင်ပါက ကံကောင်းလို့သာ
မှတ်ရပါလိမ့်မယ်။ နေရာမကောင်းပဲ
ကြက်မွေးဖူးသူများ ဒီအခက်အခဲကို ကြုံဖူးကြမှာပါ။
( ချွင်းချက် မြေဆီမြေနှစ်ကောင်းပြီး စားစရာ
ပိုးကောင်မွှားကောင် များပေါသော မြေရေကောင်း
နေရာမျိုးတွင်သာ လွှတ်မွေး အဆင်ပြေပါလိမ့်မယ်)။
ကြက်ကလေးများ ပေါက်သလောက်လဲ
တင်ချင်တယ် တင်သလောက်လဲ
ထွားချင်ရင်တော့ လှောင်သာမွေးပါ မိတ်ဆွေ။

#ဘယ်လိုလှောင်မွေးကြမလဲ။

စာရေးသူကတော့ ကြက်ကလေးစင်နဲ့မွေးရတာကို အရမ်းသဘောကျပါတယ်။ကြက်ကလေးများ
ပေါက်ပြီး တစ်ရက်ကနေ နှစ်ပတ်အတွင်းကို
အရမ်းဂရုစိုက်ရပါတယ်။ ပေါက်ခါစကနေ
နှစ်ပတ်အတွင်းကို ကြက်ငယ်လေးတွေရဲ့ အပူခ်ျိန် လိုအပ်တာက တော်တော်လေးမြင့်ပါတယ်။
ဒါ့ကြောင့်လဲ အစာစားမယ် ရေသောက်မယ်
ကြက်မကြီးဗိုက်အောက်ထဲ ပြန်ဝင်အိပ်မယ်
( အပူခ်ျိန် လိုအပ်ချက်အရ)။ လှောင်မွေးမယ့်ဆိုပါက လှောင်မယ့်နေရာသည် အရိပ်ကောင်းရမယ်
လေစ်ိမ်းမတိ်ုက်သော နေရာဖြစ်ရပါမယ်။
လေစိမ်းအရမ်းတိုက်ပါက ကြက်ကလေးများ
ကြီးထွားနှုန်းနှေးကာ အတောင်ကျ အအေးပတ်ပြီး
သေကြရမည်သာ။အောက်ခံမြေကြီးကလဲ
နွေးနေရင် ပိုကောင်းပါတယ်။ စာရေးသူကတော့
မြေကြီးပေါ်မွေးရတာ သိပ်မကြိုက်ပါ။
အစာနဲ့ မြေမှုန်တွေနဲ့ ရောသွားတာရယ် ကြက်မကြီး ယက်ရင် ရေခွက်ထဲ မြေမှုန်တွေ ကျရင်
အဆင်မပြေသောကြောင့် သိပ်မကြိုက်ပါ။
အောက်က အခင်းထူထူ တစ်ခုခုခင်းပြီးမှ
တစ်ထပ်ခြင်းဖြစ်ဖြစ် ပတ်ခြင်းဖြစ်ဖြစ်ထဲ
ထည့်မွေးပါတယ်။ အောက်ခံအခင်းကိုလဲ ခဏခဏ သန့်ရှင်းပေးရလွယ်ကူသောကြောင့်
ကြက်ကလေးစင်ကို ပိုသဘောကျပါတယ်။
တစ်ချို့စ်ိမ့်စွဲသော မြေတွေမှာဆို တော်တော်လေး အအေးပိုသောကြောင့် အောက်က အခင်းတစ်ခုခု
မဖြစ်မနေ ခင်းရန် လိုအပ်ပါတယ်။

#ကြက်ခလေးများအာဟာရ

#ရေ
လှောင်မွေးရာတွင် ရေသည် အရေးအကြီးဆုံးပါ။
လုံးဝ ရေပြတ်လို့မရပါ။ ချိတတ်ပါသည်။
ကြက်ကလေးများပါ သောက်နိုင်အောင်
ကြက်ရေခွက်လေး တစ်ခွက်အမြဲ
ထည့်ပေးထားရပါမယ်။ ရေထဲ ဘာထည့်မလဲ။
မထည့်လဲ ဘာမှ မဖြစ်ပါ။ရေသည် သန့်ရှင်းနေရင်
ရပါပြီ။ငွေတတ်နိုင်သောသူများအနေဖြင့် ရေထဲ
တစ်ခုခု ထည့်ချင်ပါတယ်ဆိုရင်တော့ဖြင့်
Burplex ( ဘားပလက်) ဆေးပြားလေးတွေ ကို
ဆေးဆိုင်မှာ မေးဝယ်ပါ။ တစ်လီတာရေသန့်ဗူးထဲ
နှစ်ပြားလောက် ထည့်ဖျော်ပါ။ ဆေးပြားပျော်သွားမှ
ကြက်ရေခွက်ထဲထည့်တိုက်နိုင်သလို BiO B12
ရေဖျော်အားဆေး / Oxyneo(အောက်စီနီယို)
ကြက်နာဝမ်းကျကာကွယ်ရေဖျော်ဆေးတွေကို
၁ပတ်လောက်ထိ အသုံးပြုလို့ရသလို Vitamin C
အမြင့်ဆုံးဖြစ်တဲ့ ဆီးဖြူသီးတွေကိုလဲ
သောက်ရေထဲထည့်ပေးပီး အသုံးပြုနိုင်တယ်။
အဓိကအချက် ရေသန့်ရှင်းရမယ် ။
ပူသောရာသီတွင်နေ့တပိုင်းရေဖလှယ်ပေးပါ။
ကျန်ရာသီဥတုများတွင်
၂၄နာရီခြားတခါရေသန့်လဲပေးပါ။
ရေခွက်ကိုသေချာသန့်ရှင်းအောင်ထားပါ။
ဒီလောက်ဆို ရေအကြောင်း လုံလောက်ပါပီ။
#အစာ
လှောင်မွေးပြီးတော့ ဆန် ဆန်ကွဲကျွေးရင်တော့
မရပါ။မွေးမြူရေးအစာဆိုင်တွေမှာ cp ကြက်စာ
မေးဝယ်ပါ။ စျေးသင့်တယ် သုံးရတာလဲ
ပိုအဆင်ပြေပါတယ်။ အစာကိုတော့ တစ်နေ့သုံးကြိမ် ကျွေးပါ။အစာကျွေးပြီးတိုင်း အစာခွက်တွေ သန့်ရှင်းရေးပြန်လုပ်ပေးပါတယ်။ နှစ်ပတ်သားကျော်သွားပါက နေ့ခင်းနေ့လည် အစာစိမ်းလေး ကျွေးပါ။
ညဘက်တွင် ခြင်လုံအောင် လေစိမ်းမတိုက်အောင်
ခြင်းလေးထဲ သေချာထည့်သိပ်ရပါမယ်။
ကြက်ချေးတွေနဲ့ ညစ်ပတ်ပြီး (ကျောက်ရောဂါ)ဖြစ်
ကျောက်ပေါက်တတ်ပါတယ်။ကြက်မကြီးကိုတော့ အညောင်းပြေ ညနေပိုင်း ခဏတစ်ဖြုတ်လွှတ်ပေးပါ။
ကြက်ငယ်လေးတွေကိုတော့ တစ်လကျော်မှာပဲ
ညနေပိုင်း တစ်နာရီလောက် အပြင်လွှတ်လွှတ်ပေးပါ
နောက်ပိုင်း တဖြည်းဖြည်း အချိန်တိုးပီး
လွှတ်ပေးသွားရပါမယ်။

ကြက်ငယ်လေးများ လှောင်မွေးရင် မလွဲမသေ
ကြုံရတတ်တယ့် ပြသနာ တစ်ခုကတော့
အမွှေးအတောင်တွေ သွေးထွက်အောင် နှုတ်ဆိတ်စားခြင်းပဲ ဖြစ်ပါတယ်။ အမွှေးအတောင်တွေ
ဆိတ်စားတာ အကြောင်းသုံးခုရှိပါတယ်။
#ပထမ ပရိုတင်းဓာတ်
( အသားဓာတ်) ချို့တဲ့လို့ပဲဖြစ်ပါတယ်။
ကြက်ဥနှစ်လုံးလောက် ပြုတ်ပြီး ချေကျွေး
(သို့မဟုတ်) ပုဇွန်ဆိတ်လေးများ
ကျွေးပါက အဆင်ပြေသွားပါလိမ့်မယ်။
#ဒုတိယ stress ( ဖိအား) များလို့
ဖြစ်ပါတယ်။တစ်နေကုန်ခြင်းထဲ နေရတော့
မပျော်ရွှင်ဖြစ်ပြီး ဟိုဆိတ်ဒီဆိတ်ရင်းကနေ
ကောင်းမှန်းသိသွားလို့ ဖြစ်ပါတယ်။
အမွှေးအတောင်ဆိတ်စားတာက တစ်လကျော်မှပဲ
ဖြစ်တာများကြပါတယ်။ ခုလိုမျိုးမပျော်လို့
ဖိအားကြောင့် ဆိတ်စားပါက ခြင်းအသေးထဲကနေ
ခြံကြီးကြီးတစ်ခုခုထဲ (မြေကြီးတွေကို ယက်ပက်ပြီး စားသောက်လို့ရသော ) နေရာဆီ ပြောင်းလဲပီး
လှောင်မွေးပါ။အာရုံအပြောင်းအလဲနဲ့
အမွှေးအတောင် ဆိတ်စားဖို့ကို မေ့သွားလိမ့်မယ်။
( လက်တွေ့စမ်းသပ်ပြီး)။
#တတိယ အကျင့်ပါသွားပြီး အစာလို့
မှတ်သွားလို့ပဲဖြစ်ပါတယ်။ အမွှေးတောင်
ဆိတ်စားခြင်းကို ပိုင်ရှင်က မသိတဲ့အခါ
စားရင်းစားရင်းနဲ့ အကျင့်ပါသွားတာပဲဖြစ်ပါတယ်။
ဖြေရှင်းရခက်ပါတယ်။ တမာရွက်ပြုတ်ရည်နဲ့
ဆင်တုန်းမနွယ်ပြုတ်ရည် လိုမျိုး အရည်ခါးခါးတွေကို သုတ်လိမ်းပေးပါက အဆင်ပြေတာများပါတယ်။

နှစ်လသားရပြီးနောက်ပိုင်းတော့
နေ့တစ်ဝက်လောက်လွှတ်ပေးပါတယ်။
နေရာကောင်းပါက တစ်နေကုန်နီးပါး
လွှတ်ပေးထားနိုင်ပါတယ်။ နှစ်လကျော်ရင်တော့
cp စာကို တဖြည်းဖြည်းဖြတ်ပါတယ်။
သုံးလသားလောက်ထိ ကျွေးလို့ရပါတယ်။
သုံးလပြည့်ရင်တော့ ဖြတ်သင့်ပါတယ်။

တိုက်ကြက်တွေအတွက်ဆို
CP အစာကို၁လခွဲထိသာသုံးသင့်ပါတယ်။
CPအုပ်စုဝင်အစာတွေအများစုက အရိုးပွ
အသားရေပျော့ပျောင်းခြင်းအမောပိုသက်လုံကွဲခြင်းတို့ကိုဖြစ်စေတဲ့အတွက်စပ်စာကျွေးခြင်းက
ပိုမိုကောင်းမွန်ပါတယ်။
ကြက်ခလေးတွေသန်မာတယ်ဆိုနှစ်ပတ်သား
အရွယ်မှာNDIB ကာကွယ်ဆေးမျက်စဉ်း
၁စက်အသုံးပြုနိုင်ပါတယ်။

ဒီလောက်ဆို ကြက်ပေါက်လေးတွေ ပြုစုတာ
တော်တော်လေးစုံလောက်ပြီထင်ပါတယ်။
ဖော်ပြပါပုံစံမျိုးစနစ်တကျမွေးမြူရင်90%
အသေအပျောက်မရှိရှင်သန်ကြသလို ကြီးထွား
ဖွံ့ဖြိုးနှုန်းလဲမြန်တာ မျက်မြင်တွေ့ရပါလိမ့်မယ်။
စာဖတ်ပီးရင်ဝါသနာတူတွေအချင်းချင်းသိရန်
shareပေးကြဖို့မေတ္တာရပ်ခံပါတယ်။
အားလုံးဘဲသာယာသောနေ့များပိုင်ဆိုင်ပီး
အဆင်ပြေပါစေလို့ဆုတောင်းပေးရင်း
နှုတ်ဆက်လိုက်ပါတယ်။

Dr_Roostēr (24 April 2022)
credit

07/08/2025

ဟိုပန်သို့🥚🥚🥚🥚
အိမ်ကြက်ဥ အလုံး ၈ဆယ် ပို့
အားပေးမှုအတွက်ကျေးဇူးတင်လျက်ပါ 😊

03/08/2025

ဒေသကြက် ဆိုသည်မှာ🐓🐓🐓🐓🐓🦃🦃🦃🦤🦤

များသောအားဖြင့်အလေးချိန် ၁ကီလို မှ ၂ကီလို အလေးချိန် ရှိသည်။ အချို့သည် ၂ ကီလို အထက်ဖြစ်သည်။

ကြက်ဖ တကောင် လျင် ကြက်မ ၇ကောင် အချိုး အတိုင်း မွေးမြူ သင့်ပါသည်။

အရွယ်ရောက်ပြီးသော ကြက်မများသည် ၅လမှ ၆လ ကျော် အတွင်း ဥစပြီး ဥသည်။ ကြက်မများသည် တနှစ် ကို ကြက်ဥ အလုံးရေ ၆၀လုံးမှ၁၀၀ လုံးထိ ဥ တက်သည်။ကြက်မများသည် ရာခိုင်နှန်း များသော အားဖြင့် ၆၀လုံးမှ ၇၅လုံး အတွင်း ဥ ဥပါသည်။ ကြက်ဥ ပုံမှန် အရွယ် အစားသည် ၄၀ မှ ၄၅ ဂရမ် အတွင်း ဖြစ်သည်။ ကြက်ဥ ဥချိန်သည် မနက် ၉ နာရီ မှ နေ့လည် ၃ နာရီ အချိန်အတွင်းတွင် များသောအားဖြင့် ဥ ဥသည်။

ကြက်မဒန်း တကောင်အား ၉လုံးမှ ၁၂ လုံး အတွင်း နှင့် ကြက်မကြီး တကောင် အား ၁၅လုံး မှ ၁၈လုံး အတွင်း ကြက်ဥများ အား ထည့်ပေး ပြီး ဝပ်ခိုင်း သင့်ပါသည်။

ကြက်မသည် ဥများကို စဝပ်ပြိး ၂၁ ရက် အတွင်း အကောင် ပေါက်သည်။ကြက် ဥတင်းများ ထဲတွင် ကောက်ရိုး မြတ်ခြောက် များဖြင့် သင့်တော် သလို ခုခံ ပေးရမည်။

ကြက်ဥတင်း၊ ကြက်ဝပ်တင်း ထဲသို့ ကောက်ရိုး မြက်ခြောက် များနှင့် အတူ ကွမ်းစား ဆေးရွက်ကြီး ၏ အရိုး အရွက် အနည်းငယ် ထည့်ပေးခြင်းဖြင့် ကြက်ဥတင်းထဲနှင့် ကြက်မများ ကြက်သန်း ဖြစ်ခြင်း ကို ကာကွယ် ပေးပါသည်။

ကြက်ဥ ဥ နေသော ကြက်မများသည် လည်းကောင်း၊ ကြက်ဥ တင်းတွင် ဝပ်နေသော ကြက်မများသည် လည်းကောင်း၊ ကြက်တင်းထဲ မှ ဆင်းသည်နှင့် ကြက်မကို အစာ ဝဖြိုးအောင် ကျွေးရပါမည်။

ကြက်မများ ကို သားပေါက် ပြီးသည်မှ စ၍ ၁ လခွဲ ပတ်ဝန်းကျင် တွင် သားခွဲ နိုင်သည်။ ကြက်မ သို့မဟုတ် ကြက်ဥဖောက် စက်ဖြင့် ကြက်ဥ များကို သားဖောက် နိုင်ပါသည်။

ကြက်မနှင့် သားဖောက် သည်ဖြစ်စေ။ ကြက်ဥဖောက်စက် ဖြင့် သားဖောက် သည်ဖြစ်စေ ကြက်ဥ များကို ၇ ရက်မှ ၁၀ ရက် အတွင်းတွင် တကြိမ် ၁၄ ရက်မှ ၁၇ ရက် အတွင်းတွင် တကြိမ် ကြက်ဥများ ထဲတွင် ကြက်သားလောင်း လေးများအား စစ်ဆေး ပေး သင့်သည်။

ကြက်ပေါက်ခလေးများ မီးကိုင် ရာတွင် အကျယ်အဝန်း အလျား ၃ ပေ၊ အနံ ၂ပေ အတွင်းတွင် ကြက်ပေါက်ခလေး ၂၀ကောင် မှ ၃၀ ကောင် အထိ ၃ ပတ် မှ ၄ ပတ် အတွင်း ထားနိုင်ပါသည်။

မီးကိုင် ခန်းတွင်း ကြက်ပေါက်ခလေး များအတွက် အခင်းကို စပါးခွံ သိုမဟုတ် လွှစာမှုန့် ခင်းပေးနိုင်ပါသည်။ ကြက်ပေါက်ခလေး ၃ ရက် မှ ၅ရက်သား အတွင်း တွင် စပါးခွံ အပေါ် မှ သတင်းစာ စက္ကူ ခံ ပေးသင့်ပါသည်။

လျပ်စစ် အပူချိန် သည် အနီး စပ်ဆုံး ကြက်ပေါက်ခလေး တကောင် အတွက် 1 watt ဖြစ်ပါတယ် ။ ဥပမာ အားဖြင့် ၄၀ ဝပ် မီးလုံး တလုံး သည် ကြက်ပေါက်ခလေး ၄၀ ကောင်အား မီးကိုင် နိုင်ပါသည်။

ကြက်ငယ်လေးများအား မွေးမြူ ရာတွင် ၂ လခွဲသား တကောင် အတွက် ၁ပေ ပတ်လည် အကျယ်အဝန်း လိုအပ်ပါသည်။ အရွယ်ရောက်ပြီး ကြက်ဖ ကြက်မ များအတွက် ခြံ အကျယ်အဝန်း သည် ၃ပေ သို့မဟုတ် ၁ မီတာ ပတ်လည် အကျယ်အဝန်း လိုအပ်ပါသည်။

၂၈ ရက်မှ ၃၀ ရက်သား ကြက်ပေါက်ခလေး များအား အစာစိမ်း စတင် ကျွေးမွေး နိုင်ပါသည်။

ကြက်အစာ စပ်ရာတွင် ဆန်ကွဲ၊ ပြောင်း ၊ ဖွဲနု ၊ ပွိုင့် ၊ ပဲဖတ်၊ နှမ်းဖတ် ၊ ငါးခြောက်မှုန့် ၊ ပုဇွန်ဖွဲ ၊ ခရုခွံ ၊ ဗီတာမင် ဖြည့်စွတ် စာ များအား သင့်တော် သလို အချိုး ကျ ကျွေးမွေး သင့်ပါသည်။

အစာစိမ်း အတွက် ရေမှော် ၊ ကန်စွန်းရွက် ၊ ဗေဒါ ၊ငှက်ပျောပင်၊ ပင်စိမ်း ၊ ဘောစကိုင်း ရွက် တို့ကိုပါ ကျွေးမွေး သင့်ပါသည်။ ဘောစကိုင်း ရွက်ကို နှစ်လ တကြိမ် ကျွေးသင့်သည်။ ဘောစကိုင်း ရွက်သည် ကြက် သန်ကောင် ရောဂါ အား ကာကွယ် ပေးသည်။

ဒေသကြက် အစာနှုန်း

၁ ရက်-၇ ရက် =၃ဂရမ်
၈ ရက်-၁၄ရက် =၉ဂရမ်
၁၅ရက်-၂၁ရက်=၁၅ဂရမ်
၂၂ရက်-၂၈ရက်=၂၀ဂရမ်
၂၉ရက်-၃၅ရက်=၂၇ဂရမ်
၃၆ရက်-၄၂ရက်=၃၄ဂရမ်
၄၃ရက်-၄၉ရက်=၄၂ဂရမ်
၅၀ရက်-၅၆ရက်=၅၀ဂရမ်
၅၇ရက်-၆၃ရက်=၅၈ဂရမ်
၆၄ရက်-၇၀ရက် =၆၆ဂရမ်
၇၁ရက်/၇၇ရက်=၇၄ဂရမ်

ဒေသကြက် ဆိုသည်မှာ

များသောအားဖြင့်အလေးချိန် ၁ကီလို မှ ၂ကီလို အလေးချိန် ရှိသည်။ အချို့သည် ၂ ကီလို အထက်ဖြစ်သည်။

ကြက်ဖ တကောင် လျင် ကြက်မ ၇ကောင် အချို း အတိုင်း မွေးမြူ သင့်ပါသည်။

အရွယ်ရောက်ပြီးသော ကြက်မများသည် ၅လမှ ၆လ ကျော် အတွင်း ဥစပြီး ဥသည်။ ကြက်မများသည် တနှစ် ကို ကြက်ဥ အလုံးရေ ၆၀လုံးမှ၁၀၀ လုံးထိ ဥ တက်သည်။ကြက်မများသည် ရာခိုင်နှန်း များသော အားဖြင့် ၆၀လုံးမှ ၇၅လုံး အတွင်း ဥ ဥပါသည်။ ကြက်ဥ ပုံမှန် အရွယ် အစားသည် ၄၀ မှ ၄၅ ဂရမ် အတွင်း ဖြစ်သည်။ ကြက်ဥ ဥချိန်သည် မနက် ၉ နာရီ မှ နေ့လည် ၃ နာရီ အချိန်အတွင်းတွင် များသောအားဖြင့် ဥ ဥသည်။

ကြက်မဒန်း တကောင်အား ၉လုံးမှ ၁၂ လုံး အတွင်း နှင့် ကြက်မကြီး တကောင် အား ၁၅လုံး မှ ၁၈လုံး အတွင်း ကြက်ဥများ အား ထည့်ပေး ပြီး ဝပ်ခိုင်း သင့်ပါသည်။

ကြက်မသည် ဥများကို စဝပ်ပြိး ၂၁ ရက် အတွင်း အကောင် ပေါက်သည်။ကြက် ဥတင်းများ ထဲတွင် ကောက်ရိုး မြတ်ခြောက် များဖြင့် သင့်တော် သလို ခုခံ ပေးရမည်။

ကြက်ဥတင်း၊ ကြက်ဝပ်တင်း ထဲသို့ ကောက်ရိုး မြက်ခြောက် များနှင့် အတူ ကွမ်းစား ဆေးရွက်ကြီး ၏ အရိုး အရွက် အနည်းငယ် ထည့်ပေးခြင်းဖြင့် ကြက်ဥတင်းထဲနှင့် ကြက်မများ ကြက်သန်း ဖြစ်ခြင်း ကို ကာကွယ် ပေးပါသည်။

ကြက်ဥ ဥ နေသော ကြက်မများသည် လည်းကောင်း၊ ကြက်ဥ တင်းတွင် ဝပ်နေသော ကြက်မများသည် လည်းကောင်း၊ ကြက်တင်းထဲ မှ ဆင်းသည်နှင့် ကြက်မကို အစာ ဝဖြိုးအောင် ကျွေးရပါမည်။

ကြက်မများ ကို သားပေါက် ပြီးသည်မှ စ၍ ၁ လခွဲ ပတ်ဝန်းကျင် တွင် သားခွဲ နိုင်သည်။ ကြက်မ သို့မဟုတ် ကြက်ဥဖောက် စက်ဖြင့် ကြက်ဥ များကို သားဖောက် နိုင်ပါသည်။

ကြက်မနှင့် သားဖောက် သည်ဖြစ်စေ။ ကြက်ဥဖောက်စက် ဖြင့် သားဖောက် သည်ဖြစ်စေ ကြက်ဥ များကို ၇ ရက်မှ ၁၀ ရက် အတွင်းတွင် တကြိမ် ၁၄ ရက်မှ ၁၇ ရက် အတွင်းတွင် တကြိမ် ကြက်ဥများ ထဲတွင် ကြက်သားလောင်း လေးများအား စစ်ဆေး ပေး သင့်သည်။

ကြက်ပေါက်ခလေးများ မီးကိုင် ရာတွင် အကျယ်အဝန်း အလျား ၃ ပေ၊ အနံ ၂ပေ အတွင်းတွင် ကြက်ပေါက်ခလေး ၂၀ကောင် မှ ၃၀ ကောင် အထိ ၃ ပတ် မှ ၄ ပတ် အတွင်း ထားနိုင်ပါသည်။

မီးကိုင် ခန်းတွင်း ကြက်ပေါက်ခလေး များအတွက် အခင်းကို စပါးခွံ သိုမဟုတ် လွှစာမှုန့် ခင်းပေးနိုင်ပါသည်။ ကြက်ပေါက်ခလေး ၃ ရက် မှ ၅ရက်သား အတွင်း တွင် စပါးခွံ အပေါ် မှ သတင်းစာ စက္ကူ ခံ ပေးသင့်ပါသည်။

လျပ်စစ် အပူချိန် သည် အနီး စပ်ဆုံး ကြက်ပေါက်ခလေး တကောင် အတွက် 1 watt ဖြစ်ပါတယ် ။ ဥပမာ အားဖြင့် ၄၀ ဝပ် မီးလုံး တလုံး သည် ကြက်ပေါက်ခလေး ၄၀ ကောင်အား မီးကိုင် နိုင်ပါသည်။

ကြက်ငယ်လေးများအား မွေးမြူ ရာတွင် ၂ လခွဲသား တကောင် အတွက် ၁ပေ ပတ်လည် အကျယ်အဝန်း လိုအပ်ပါသည်။ အရွယ်ရောက်ပြီး ကြက်ဖ ကြက်မ များအတွက် ခြံ အကျယ်အဝန်း သည် ၃ပေ သို့မဟုတ် ၁ မီတာ ပတ်လည် အကျယ်အဝန်း လိုအပ်ပါသည်။

၂၈ ရက်မှ ၃၀ ရက်သား ကြက်ပေါက်ခလေး များအား အစာစိမ်း စတင် ကျွေးမွေး နိုင်ပါသည်။

ကြက်အစာ စပ်ရာတွင် ဆန်ကွဲ၊ ပြောင်း ၊ ဖွဲနု ၊ ပွိုင့် ၊ ပဲဖတ်၊ နှမ်းဖတ် ၊ ငါးခြောက်မှုန့် ၊ ပုဇွန်ဖွဲ ၊ ခရုခွံ ၊ ဗီတာမင် ဖြည့်စွတ် စာ များအား သင့်တော် သလို အချိုး ကျ ကျွေးမွေး သင့်ပါသည်။

အစာစိမ်း အတွက် ရေမှော် ၊ ကန်စွန်းရွက် ၊ ဗေဒါ ၊ငှက်ပျောပင်၊ ပင်စိမ်း ၊ ဘောစကိုင်း ရွက် တို့ကိုပါ ကျွေးမွေး သင့်ပါသည်။ ဘောစကိုင်း ရွက်ကို နှစ်လ တကြိမ် ကျွေးသင့်သည်။ ဘောစကိုင်း ရွက်သည် ကြက် သန်ကောင် ရောဂါ အား ကာကွယ် ပေးသည်။

ဒေသကြက် အစာနှုန်း

၁ ရက်-၇ ရက် =၃ဂရမ်
၈ ရက်-၁၄ရက် =၉ဂရမ်
၁၅ရက်-၂၁ရက်=၁၅ဂရမ်
၂၂ရက်-၂၈ရက်=၂၀ဂရမ်
၂၉ရက်-၃၅ရက်=၂၇ဂရမ်
၃၆ရက်-၄၂ရက်=၃၄ဂရမ်
၄၃ရက်-၄၉ရက်=၄၂ဂရမ်
၅၀ရက်-၅၆ရက်=၅၀ဂရမ်
၅၇ရက်-၆၃ရက်=၅၈ဂရမ်
၆၄ရက်-၇၀ရက် =၆၆ဂရမ်
၇၁ရက်/၇၇ရက်=၇၄ဂရမ်
၇၈ရက်- ၈၄ရက်=၈၃ဂရမ်
၈၅ရက်-၉၁ရက် =၉၀ ဂရမ်

၁၀၀၀ ဂရမ် = ၁ကီလို
၁ ကီလို= ၆၂ ကျပ်သား

Crd # အေဘယ် ဒေသကြက် မွေးမြူရေး ခြံ

01/08/2025

July လရဲ့ ကြက်ဥ ဥနှုန်းနဲ့ ရောင်းအားက တကယ်ကျေနပ်ရပါသော😊
ဒီလ မှာလည်း ဥနှုန်းတိုးပြီး ရောင်းအားသာစေကွယ်...😇😇😇
Yoo Yoo ဒေသကြက် ဥ
လားရှိုးမြို့
09696447021

27/07/2025

ကြက်မ၏ ဝပ်စိတ်ကို စနစ်တကျဖျောက်ပေးသည့်အခါ တိုင်းရင်းကြက်မတစ်ကောင် တစ်နှစ်လျှင် ကြက်ဥပျှမ်းမျှအလုံး ၂၀၀ ရရှိနိုင်သည်။
🥚🥚🥚🥚🥚🥚🥚🥚🥚🥚🥚🥚🥚🥚🥚

🌿တိုင်းရင်းကြက်မများ ဥပိုဥနိုင်သည့် နည်းလမ်းများ🌿

တိုင်းရင်းကြက်မများ ဥနည်းရသည့် အကြောင်းအရင်းမှာ ဝပ်စိတ်ဖြစ်ပေါ်လာခြင်းနှင့် သားထိန်းချိန် ကာလကြာမြင့်သည့်အတွက်ကြောင့်ဖြစ်သည်။ ကြက်မတစ်ကောင်သည် ၂၁ ရက်ဝပ်ပြီးနောက် ၇၅ ရက်ခန့် သားထိန်းလေ့ရှိသည်။ မွေးမြူသူအနေဖြင့် ကြက်ဥရရှိရန် အဓိကထားလိုပါက ကြက်မ၏ ဝပ်စိတ်ကို စနစ်တကျဖျောက်ပေးသည့်အခါ တိုင်းရင်းကြက်မတစ်ကောင် တစ်နှစ်လျှင် ကြက်ဥပျှမ်းမျှအလုံး ၂၀၀ ရရှိနိုင်သည်။ ကြက်မတစ်ကောင်ဝပ်စိတ်ပေါ်လာစေနိုင်သည့် အကြောင်းအရင်းမှာ အောက်ပါအတိုင်းဖြစ်ပါသည်။

🥚(၁) သွေးထဲရှိ ဟိုမုန်းပြောင်းလဲခြင်း

သွေးထဲ၌ရှိသော အီတတြိုဂျင်နှင့် ပရိုဂျက်ဝတရုံးဟိုမုန်းမြင့်တက်လာချိန်တွင် ဝပ်စိတ်ဖြစ်ပေါ်လာသည်။ ( ဓာတုပိုင်းဆိုင်ရာပြောင်းလဲမှု)

🥚(၂) အလင်းရောင်ရရှိမှုကြောင့် ပြောင်းလဲခြင်း

ဥကြက်မတစ်ကောင်သည် အမှောင်ဓာတ်ပိုရရှိသော ဥတင်းကိုနှစ်သက်သည်။ ယင်းအမှောင် ပတ်ဝန်းကျင်၌ ဥဥသည့်အတွက် တာရှည်လာသည့်အခါ ဝပ်စိတ်ပေါ်လာသည်။

🥚(၃) နွေးဓာတ်ရရှိချိန်နှင့် ပမာဏပြောင်းလဲခြင်း

ကြက်မများ ဥတင်းကို ချောင်ကျပြီး မှောင်သောနေရာ ရွေးချယ်သဖြင့် ၎င်းရွေးချယ်သောနေရာသည် အနွေးဓာတ်ပိုနေသည်။ ၎င်းအနွေးဓာတ်သည် ဝပ်စိတ်ကိုဖြစ်စေသည်။

🥚(၄) ရင်ဘတ်ထိတွေ့မှုကြောင့် ဝပ်စိတ်ဖြစ်ပေါ်လာခြင်း

*စိုက်ပျိုး မွေးမြူရေး၊ ရေလုပ်ငန်းနဲ့ ပတ်သက်တာ အစိမ်းရောင်လမ်းဖုန်းဆော့ဝဲမှာ မေးပါ*

ကြက်မသည် ဥချိန် ၁၅ မိနစ်မှ နာရီဝက်အထိ ကြာမြင့်တက်သည်။ ယင်းသို့ ဥဥရန်အတွက် တင်းထဲ၌ရှိနေစဉ် ယခင်နေ့များ ဥခဲ့သောကြက်ဥများသည် ရင်ဘတ်နှင့် ထိတွေ့နေသဖြင့် ဝပ်စိတ်ကို နှိုးဆွပေးသည်။

အထက်ဖော်ပြပါ အကြောင်းအရာ (၄) ချက်အနက်ဓာတုဆိုင်ရာ ပြောင်းလဲမှု ဖြစ်ပေါ်စေသည့် ဟော်မုန်းဓာတ်ကို ပြုပြင်ရန် မဖြစ်နိုင်သော်လည်း ကျန်ရှိနေသည့် ရုပ်ပိုင်းဆိုင်ရာ အချက် (၃) ချက်ဖြစ်သည့် အနွေးဓာတ်၊ အမှောင်ဓာတ်နှင့် ရင်ဘတ်ထိတွေ့မှုကို ပြုပြင်ပေးပါက ဝပ်စိတ်ပျောက်ပြီး ပြန်လည်၍ ဥဥပေးနိုင်သည်။ ဝပ်စိတ်ကို ဖျောက်ရန်နည်းလမ်းမှာ ကြက်များကို ဥကျင်းထဲမှ ထုတ်ပြီး အလင်းရောင်ကောင်းမွန်သော အေးမြသည့် နေရာထဲတွင် တောင်းထဲ၌အုပ်ထားပြီး အစာနှင့် ရေလုံလောက်စွာထားပေးရမည်။ ဤကဲ့သို့ ထားပါက ၁၄ ရက် ကြာကာလတွင် ဥများပြန်လည်၍ ဥပေးသွားမည်ဖြစ်သည်။😊

တိုင်းရင်းကြက်မများကို သားမဖောက်ဘဲ ဝပ်စိတ်ဖျောက်လျက် ဥကောက်ပါက ပျှမ်းမျှတစ်နှစ်လျှင် ကြက်ဥလုံးရေ ပျှမ်းမျှ ၂၀၀ လုံးရရှိနိုင်ပါသည်။ သဘာဝအတိုင်းလွှတ်ထားလျှင် သားထိန်းကာလကြာပြီး ထုတ်လုပ်မှုကျဆင်းသည်။

FSWG မှထုတ်ဝေသော 'မြန်မာ့တိုင်းရင်းကြက် မွေးမြူနည်းလမ်းညွှန' စာအုပ်တွင်ပါဝင်သော ဆောင်းပါးကောင်းများထဲမှ တစ်ပုဒ်ကို ကောက်နုတ်ဖော်ပြခြင်းဖြစ်ပါသည်။

စာအုပ်ကို ဝယ်ယူလိုပါက အစိမ်းရောင်လမ်းရဲ့ ဈေးတန်းကြီးကဏ္ဍမှာရှိတဲ့ ဗွေဆော်ဦးစာအုပ်ဆိုင်မှာ အော်ဒါတင်နိုင်သလို page chat box မှာအမည်၊ နေရပ်လိပ်စာ၊ ဖုန်းနံပါတ်လေးပေးပြီး လာရောက်ဝယ်ယူနိုင်ပါတယ်ရှင့် 😊

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

#ကြက်ဥ
#တိုင်းရင်းကြက်

#အစိမ်းရောင်လမ်း

23/07/2025

ယနေ့ အိမ်ကြက်ဥ မှာထားတာ အလုံး ၃ဆယ်
ကုန်းညောင် သို့ 🥚🥚🥚🥚🥚🥚🥚
အားပေးမှုအတွက်ကျေးဇူးတင်လျက်ပါ 😊
လားရှိုး မြို့။
09696447021.

18/07/2025

ကြက်မွေးမြူရေးတွင် ဆီး(ဇီး)ဖြူသီးအသုံးဝင်ပုံ
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀

ကြက်မွေးရင် အကြောက်ရဆုံးက ကြက်ခြံထဲကို မြွေဝင်မှာကိုပါ။ ကြက်ကို ဆွဲသွားမှာကြောက်ရသလို လူကိုရန်ပြုမှာလည်း ကြောက်ရပါတယ်။ ဒါကြောင့် ရှေးအဆက်ဆက် ကျင့်သုံးလာတဲ့နည်းအတိုင်း ဇီးဖြူသီးကို ကြက်ခြံပတ်လည်မှာ ကျဲချထားရပါတယ်။ အဲ့သလို ကာကွယ်ထားတဲ့အပြင် ကြက်ခြံအနံ့ကြောင့် မြွေလာမှာစိုးလို့ EM ကိုလည်း ဖျန်းပေးရပါတယ်။

နောက်တစ်ခုက ကြက်ကလေးတွေမှာ ကျောက်ပေါက်တာ၊ နှုတ်သီးတစ်ဝိုက် အနာဖုများထွက်တာတွေအတွက် ဇီးဖြူသီးရွက်ကို ရေနှင့် သုံးခွက်တစ်ခွက်တင်ကျို၍ ရသောအရည်ဖြင့် ဖန်ရည်ဆေးပေးနိုင်သည့်အပြင် အစာအတွင်း ဇီးဖြူသီးကို အစိမ်းထောင်းထည့်ကျွေးပါက ဗီတာမင်-စီဓါတ်ကိုရရှိပြီး အနာအကျက်မြန်စေပါတယ်။ ဇီးဖြူရွက်ကို ကျွမ်းအောင် လှော်၍ အနာပေါ်ကိုလည်း လိမ်းပေးနိုင်ပါတယ်။

ကြက်သွေးဝမ်းရောဂါ၊ အူတွင်း သွေးယိုစိမ့်ခြင်းတို့အတွက် ဇီးဖြူသီးကိုထောင်း၍ သောက်ရေတွင် စိမ်တိုက်ခြင်း (သို့မဟုတ်) ဇီးဖြူသီးကိုပြုတ်၍ အစာနှင့် ရောနယ်ကျွေးခြင်းတို့ကို ပြုလုပ်နိုင်ပါတယ်။

အရေပြားရောဂါများဖြစ်သော ကြက်ပွေး၊ ယားနာများအတွက် ဇီးဖြူသီးခြောက် (သို့) အစိုကိုသွေး၍ သံပုရာသီးအနည်းငယ်ထည့်ပြီး လိမ်းပေးလို့ရပါတယ်။

ဇီးဖြူသီးသည် ကြက်ချွဲထခြင်းကိုလည်း လျှော့ချပေးနိုင်စွမ်း ရှိပါတယ်။

ကြက်မျက်စိတွင် ဖြစ်တတ်သော ရောဂါများအတွက် အစေ့ကို ထုထောင်းချေပြီး ရေနွေးနှင့်ပြုတ်၍ မျက်စိကို ဆေးကြောပေးလို့ရပါတယ်။

လတ်ဆတ်သောဇီးဖြူသီးသည် ကြက်သန်ချဆေးအဖြစ်လည်း အသုံးဝင်ပါသေးတယ်။

အသည်းကျန်းမာရေးကိုကောင်းစေပြီး ကြက်ကိုယ်တွင်းရှိ အဆိပ်အတောက်များကိုပါ ဖယ်ရှားပေးနိုင်စွမ်း ရှိပါတယ်။

ဇီးဖြူသီးကို အစိမ်းထောင်း၊ ပြုတ် စသည်ဖြင့်ပြုလုပ်ပြီး ကြက်စာအတွင်း တစ်ပတ်တစ်ကြိမ် ထည့်ကျွေးပါက အထက်ပါရောဂါများကို သက်သာစေသည့်အပြင် သဘာဝအတိုင်း ဗီတာမင်-စီဓါတ်ကို ရရှိစေပြီး ကြက်များ အလွယ်တကူရောဂါဝင်ရောက်ခြင်းကို ကာကွယ်ပေးနိုင်ပါတယ်။

ရေးသားသူ - #ဦးဇော်(dof)

Ref: ဆရာမ ဂမုန်းဖြူဖြူ ၏ “ ကြက်နှင့် ဆီးဖြူသီး အသုံးဝင်ပုံ” စာစုမှ ကောက်နှုတ်ဖော်ပြပါသည်။

*စိုက်ပျိုးရေး၊ မွေးမြူရေး၊ ရေလုပ်ငန်းနဲ့ ပတ်သက်တာ အစိိမ်းရောင်လမ်းဆော့ဝဲမှာမေးပါ*

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

#ဇီးဖြူသီး
#ဆီးဖြူသီး
#ကြက်
#ကြက်မွေးမြူရေး
#ကြက်သွေးဝမ်းရောဂါ
#ကြက်ပွေး
#ကြက်ချွဲထခြင်း

#အစိမ်းရောင်လမ်း

16/07/2025

#ကြက်ဥသိမ်းဆည်းခြင်း

ကြက်ဥသည် ပုတ်သိုးပျက်ဆီးလွယ်သော ထွက်ကုန်တမျိုးဖြစ်သည့်အတွက် ကြက်ဥ ဥပြီးချိန်မှစပြီး စားသုံးချိန်အတွင်း အထူးဂရုပြုသိမ်းဆည်ရမည်။

ကြက်ဥများကွဲရခြင်းမှ ကာကွယ်ရန် ကြက်ခြံအတွင်းမှ ကြက်ဥများကို မကြာခဏကောက်ယူသိမ်းဆည်းသင့်ပါတယ်။

ဥကြက်မ ၃၀၀-၄၀၀ခန့်ရှိသော ကြက်ခြံတွင် တနေ့လျင် ၃ကြိမ်မှ ၄ကြိမ်အထိ ကြက်ဥများကို ကောက်ယူသင့်ပါတယ်။
ထိုထက်အကောင်ရေများလျင် အကြိမ်ရေကို လိုအပ်သလို တိုးကောက်ပေးရပါမည်။

ကြက်ဥများသိမ်းဆည်းသိုလှောင်ရာအခန်းသည် ၅၀°F အပူချိန် ရှိသင့်ပါတယ်။
စိုထိုင်းဆ( humidity)မှာ ၇၀%ခန့်ရှိသင့်ပါတယ်။ လေကောင်းလေသန့်ရရှိရန်ပြုလုပ်ထားရပါမည်။
အခန်းတွင်းအပူချိန် ၈၅°F ရှိလာသော အခါတွင် ကြက်ဥ အရည်အသွေး လျင်မြန်စွာ ပျက်စီးစေနိုင်ပါသည်။

ကြက်ဥများကို ထားသိုရာတွင် ဥကျယ်ပိုင်း( လေအိတ်ရှိရာအပိုင်း) ကို အပေါ်တွင်ထောင်၍ စီထားရမည်။

ကြက်ဥများကို မလိုအပ်ပဲ မကြာခဏ ကိုင်တွယ်ခြင်း ၊ အပေါ်သို့မြှောက်ခြင်းတို့
မပြုလုပ်သင့်ပါ။

ကြက်မွေးမြူရေးသည် စီးပွားရေးလုပ်ငန်း ဖြစ်သည့်အလျောက် ကြက်ဥဈေးနှုန်း အမြင့်ဆုံးအချိန်တွင် မိမိကြက်ဥများကို ဈေးကွက်သို့ တင်ပို့ရောင်းချနိုင်ရန် လိုအပ်ပါသည်။

#ကြက်ဥသိမ်းနည်း
#

16/07/2025

ဒီလ (July) ရဲ့ ကြက်ဥ ရောင်းအားကတော့ ကောင်းချက် ကြက်မတွေတောင် အလျင်မီ မဥပေးနိုင်ရှာကြတော့ဘူး😔
ကြိုတင် အမှာလေးတွေတန်းစီနေရတယ်
နောက်လ နောက်လတွေမှာလည်း ရောင်းအားတိုးရပါလို၏🙏🙏
Yoo ဒေသကြက် ဥ
လားရှိုး မြို့။
09696447021

Yoo Yoo -ဒေသကြက်ဥ

24/08/2025

24/08/2025

18/08/2025

09/08/2025

07/08/2025

03/08/2025

01/08/2025

27/07/2025

23/07/2025

18/07/2025

16/07/2025

16/07/2025

Address

Opening Hours

Website

Alerts

Shortcuts

Share

Category

Monday	09:00 - 20:00
Tuesday	09:00 - 20:00
Wednesday	09:00 - 20:00
Thursday	09:00 - 20:00
Friday	09:00 - 20:00
Saturday	09:00 - 20:00