27/05/2026
Во Скопје ЗОО деновиве имаме посебно убава и нежна приказна, нашите фламинга внимателно го чуваат првото јајце што го имаме во јатото 🥰
Мајката постојано е околу јајцето, а најубавиот дел е што целата група се однесува заштитнички и будно дежура во нејзина близина. Фламингата се социјални птици кои живеат во колонии, па токму затоа ова однесување е природен и прекрасен пример за нивната поврзаност, грижа и заедништво.
Нашиот стручен тим внимателно ја следи состојбата, без непотребно вознемирување, за да им овозможи мирна и безбедна средина. Ова е важен момент за Скопје ЗОО и со голема радост, но и со трпение, го следиме развојот на оваа приказна.
Природата секогаш најубаво нe потсетува дека љубовта е грижа. 🦩
