Skopje ZOO / Зоолошка градина Скопје

25/04/2025

Утре со почеток од 11:00 Ве очекуваме на едукативно предавање и дружба по повод Интернационалниот ден на фламингото 🦩
Се гледаме пред живеалиштето на фламингата ♥️

25/04/2025

На Светскиот ден на пингвините, во Скопје ЗОО ни пристигна група преслатки пингвинчиња од ОУ „Коле Неделковски" 🥰
Подготвени за едукативниот час, со внимание ги слушаа приказните на Војо, додека во позадина имаа можност да видат како зоонегувателката Маја ги храни пингвините ♥️
За крај, со Detski kulturen centar "Karpos" Детски културен центар „Карпош“-Скопје се забавуваме со песничките од ЗОО Азбука, но и со познатиот танц на пингвините 😁😍
Браво за сите наставнички и дечиња кои беа креативни и ни направија интересно изненадување 🤗

24/04/2025

Утре во 10:00 пред живеалиштето на пингвините заеднички со посетителите ќе го одбележиме нивниот празник. Ве очекуваме на едукација, дружба и запознавање со нашата група пингвини ♥️

23/04/2025

🦎🦎Отворена сезоната во надворешното живеалиште на Кика и Ганчо, а во прилог првата импресија на нашата крокодилка Кристина кога го виде разубавениот зелен рај за кој се погрижи нивниот зоонегувател Сашо ♥️🥰

19/04/2025

❗ЗОО Скопје работи 365 дена во годината, односно секој ден, од 09:00- 19:00 (билетара до 18:00)
На фотографијата, нашата нова празнична радост- бебиња и во фамилијата бодликави прасиња 🥰🥰🥰

17/04/2025

Утрово не дочека нова радост 🥰
Женско бебе кај пони коњите ♥️
Во последните 30 денови, имаме околу 30 нови бебиња во Скопје ЗОО 😍

16/04/2025

Уште еден пар близначиња во екипата од Мадагаскар 🥰 Ова е втор пар близнаци кои ги добивме оваа пролет кај лемурите кои се исклучително загрозен вид, но скопската клима, условите како и грижата од зоонегувателите ни донесоа повеќе бебиња ♥️

15/04/2025

Пред точно една недела беа направени туберкулински тестови на преостанатите пет лами во Зоолошка градина Скопје, на кои сите пет единки се негативни, според резултатите од тестовите кои во петокот ги добивме од АХВ.
Продолжуваме да ја следиме состојбата на овие животни, но најважно е дека кај ниту една од нив не е востановена турбекулоза 🙏

13/04/2025

За жал Инес во длабока старост не ја издржа битката со најлошата болест 😢
Денеска не напушти, борејќи се со метастазиран канцер и тумори на повеќе органи 😔
Изминатиот период заедно со Факултетот за ветеринарна медицина направиме се што може за подобрување на благосостојбата на јагуарката и олеснување на здравствените проблеми преку стручни прегледи, анализи и компјутерска томографија до лекување на оваа страшна болест која одзема милиони жртви годишно, како кај луѓето, така и кај животните.
Јагуарката Инес имаше 22 години, а просечниот животен век на овие величествени мачки во природата е од 12-15 години, додека во зоолошките градини најстарите животни доживуваат до 23 години.
Искрено ќе фалиш на целиот тим на ЗОО Скопје и зоонегувателите кои со години се грижеа за тебе. Беше една од највозрасните жители на зоолошката и чувана со многу љубов 🤍🪽

10/04/2025

🍀Среќни сме што после три години повторно имаме бебе белоглав мршојадец ♥️
Овој вид е трајно заштитен во нашата држава, како еден од најзагрозените, а неговата улога во природата е доста значајна.
Мршојадците се всушност наши еко чувари. Тие се хранат со трупови на мртви животни и со тоа спречуваат ширење на зарази.
Женките птици најчесто се гнездат на ксрпи и несат по едно јајце, чија инкубација трае 48-53 дена 🐣
За продолжување на овој вид, се надеваме дека во скора иднина тоа ќе можеме да го правиме преку реинтродукција односно пуштање на млади единки во природа, со цел да спречиме истребување на белоглавите мрошојади на македонска територија каде што најчесто страдаат од човечки фактор со труење, хранејќи се со затруени животни од човечка рака.
Искрено посакуваме што повеќе бебиња во домот на белоглавите мршојади во Скопје ЗОО 🥰

09/04/2025

🥰🐾

🦁 Едукативно катче во соработка со Скопје ЗОО! 🐒

На 12 и 13 април од 13:00 до 15:00 часот, те очекуваме во East Gate Mall на специјално катче посветено на животните!

Научи интересни факти, забавувај се и откриј го светот на животните заедно со нас и тимот од Скопје ЗОО! 🐾

🎁 Бонус изненадување: Со сметка 1500 денари во детските продавници, добиваш 2 карти гратис за посета на Скопје ЗОО! 🎫 Skopje ZOO / Зоолошка градина Скопје

Не го пропуштај ова едукативно и забавно доживување за целото семејство! 💛

08/04/2025

Соопштение за јавност
Почитувани,
би сакале да Ве информираме дека изминатиот период заедно со Факултетот за ветеринарна медицина лекувавме и терапиравме лама која иако беше направено се од медицински аспект и грижа, за жал угина. Обдукцијата и резултатите (со PCR метода) кај оваа лама покажаа туберкулоза, во процес кој е постар од пет години. За оваа болест кај животните нема лек, ниту пак постои вакцина, а често и со години заболените единки не покажуваат никакви симптоми. Веднаш во соработка и советување со АХВ( Агенција за храна и ветерина), беа направени туберкулински тестови на сите лами и секојдневно ја следиме нивната ситуација и се под медицински надзор. Ламите се домашни животни од фамилијата камили, кои потекнуваат од Јужна Америка.

04/04/2025

Изминатите викенди во едукативниот центар во ЗОО Скопје посетителите имаа можност да погледнат изложба на фотографии од водоземци и влекачи.
На фото изложбата беа презентирани фотографии кои беа дел од конкурсот на Македонско еколошко друштво (МЕД), а посетителите имаа можност да дознаат повеќе за македонските автохтони видови на водоземци и влекачи 🦎🐍🐢

03/04/2025

Принова и кај најбрзите мајмуни на светот кои трчаат и до 55 км на час 🥰
Во фамилијата патаси имаме три нови бебиња 😍
Овој вид на мајмун потекнува од африканскиот континент и живеат во поголеми групи🐒

31/03/2025

Лемурите од Мадагаскар се еден од најзагрозените видови во светот, бидејќи постојано им се уништува единствениот природен дом од каде што потекнуваат😔
Но, во Скопје ЗОО и оваа година имаме убави вести ❤️
Повторно крајот на март ни донесе феномен кој се јавува кај мајките лемурки, добивме пар близначиња 😍
Дополнително уште една лемурка стана мама 💕
Инаку кај овој вид на животни владее матријархат, односно жената е главна, па ништо поразлично не е и во нивното живеалиште во Скопје ЗОО 😁
Зоолошка градина Скопје ќе продолжи да работи на конзервација и покревање на свеста за зачувување на овој вид 🙏

29/03/2025

Грижата за животните секогаш треба да е на прво место 🙏
Заедно со Факултетот за ветеринарна медицина правиме се што може за подобрување на благосостојбата на животните, особено со акцент на повозрасните. Факултетот поседува најсовремена апаратура, како и вработени врвни доктори и професори по ветеринарна медицина со кои заедно вршиме лекување, испитувања и прегледи на животните.
Јагуарката Инес има 22 години, а просечниот животен век на овие величествени мачки во природата е од 12-15 години, додека во зоолошките градини најстарите животни доживуваат до 23 години.
Кај Инес преку сите испитувања и компјутерска томографија за жал беа откриени метастазирани тумори, а ние правиме се за да ги и олесниме овие здравствени проблеми 🙏❤️

28/03/2025

Првите пролетни денови ни донесоа нова радост во Скопје ЗОО ❤️
Фамилијата гибони стана побогата за уште еден член, а Софи и Делфина добија братче или сестричка😍
Нашето ново бебе гибонче е постојано во прегратките на мајката, а фотографијата е направена оддалеку за да не ги ставаме во стресна состојба 🙏
Напредокот на гибончето е под постојан надзор од зоонегувателите 🥰

Белоракиот гибон е екстремно загрозен вид со потекло од Индонезија, а бременоста кај овој вид примати трае 6 месеци и се раѓа по едно мало. Гибончето останува врзано со мајката најмалку две години, а зрелост достигнува на 8 години.
Во светот се помалку се раѓаат единки од овој вид, а во Скопје ЗОО ова е трето бебе во последните 6 години 😇

27/03/2025

Студентите и професорите од Тракискиот универзитет од Стара Загора одржаа едукативно предавање во ЗОО Скопје, погледнавме филм за работата и посветеноста кон животните на Спасувачкиот центар Зелени Балкани, а на крајот младите идни ветеринари низ пракса имаа можност да се запознаат со работните задачи на нашите зоонегуватели, како и со цела нега и услови кои се потребни за шимпанзата и слонот.
Ни беше чест што ваква група на млади ентузијасти, заедно со докторите по ветеринарна медицина беа наши гости и имавме заедничка можност да размениме искуства, но во иднина и да ја зголемиме нашата соработка и заеднички активности