21/10/2023
https://www.facebook.com/100064495970809/posts/704546155038577/?mibextid=lOuIew
Со голема радост го објавуваме почетокот на нашата кампања за стерилизација и кастрација на домашните кучиња коишто имаат сопственици. Нашата цел е да го намалиме бројот на бездомните кучиња во нашата земја.
Секојдневно се соочуваме со нови млади кучиња на улица, најчесто исфрлени без своите мајки, во пластични ќеси или картонски кутии. Оваа ситуација е екстремно тешка да се реши, како од емоционална така и од финансиска страна. Нашите шелтри се преполни, а активистите коишто сето тоа го работат доброволно, едноставно не можат да ги соберат и спасат сите кучиња.
Ситуацијата е веќе многу сериозна, и непотребните кучиња на улица е нешто што сакаме да го избегнеме и намалиме.
Затоа ни е потребна вашата помош. Само со заедничка работа можеме да го намалиме бројот на бездомни кучиња. Вашиот придонес може да направи голема разлика. Да помогнеме на нашите кучиња, нашата околина и да се заштитиме од непотребни страдања.
Ве молиме споделувајте го овој пост за да можеме што побрзо да ја започнеме нашата кампања.
Моментално се реализира кампањата кај одредени ветеринари со коишто ние соработуваме и имаат ординации во градовите Скопје, Куманово, Гевгелија и Битола. Доколку не живеете во некој од горе наведените градови, вашиот миленик можете да го пријавите за кастрација/стерилизација во оној град којшто е најблиску до вас од погоре наведените градови.
За пријавување и дополнителни информации ве замолуваме да не контактирате исклучиво преку нашата е-мајл адреса: [email protected]
Ви благодариме на вашата поддршка и соработка.
