Бездомни животни без граници - Strays without borders

07/07/2025

Помогнете 🙏

03/07/2025

ФЕЛИКС БИЛ ЅВЕРСКИ УБИЕН ЗАШТО МАВТАЛ СО ОПАШКАТА

Убијците на Феликс денес во судница се осмелија да го наречат неговото радосно мавтање со опашката – НАПАД!
Снимка на која куче радосно им приоѓа ја користат како алиби за злосторството и доказ дека било агресивно. Крвникот Љубе Крстевски се појавува на само едно од шесте презентирани видеа и Феликс не се ни доближува до него!

Тврдат дека љубопитност и приврзаност се причина за ѕверска ликвидација! Каква болна логика! Ако едно животно секојдневно ти приоѓа со доверба, тоа значи дека заслужува да биде убиено?!

Толку се бедни, што ова „доказно видео“ не им го доставиле на обвинителството и на адвокатката. Но не зашто е доказ за „агресијата“ на Феликс, напротив, зашто е неосновано и зашто сакаат да го манипулираат процесот зад затворени врати!

Убивањето на невино животно што им верува на луѓето е злосторство што не може да се сокрие зад евтини извитоперени конструкции!

Ја повикуваме судијката Лидија Петровска да изрече МАКСИМАЛНА затворска казна за убиецот Љубе Крстевски и неговиот соучесник Бранко Билбиловски!
Тие не само што не се каат, туку тврдат дека Феликс „сам си го барал“ да го убијат!

ФЕЛИКС БИЛ ЅВЕРСКИ УБИЕН ЗАШТО МАВТАЛ СО ОПАШКАТА

Убијците на Феликс денес во судница се осмелија да го наречат неговото радосно мавтање со опашката – НАПАД!
Снимка на која куче радосно им приоѓа ја користат како алиби за злосторството и доказ дека било агресивно. Крвникот Љубе Крстевски се појавува на само едно од шесте презентирани видеа и Феликс не се ни доближува до него❗️

Тврдат дека љубопитност и приврзаност се причина за ѕверска ликвидација! Каква болна логика! Ако едно животно секојдневно ти приоѓа со доверба, тоа значи дека заслужува да биде убиено⁉️

Толку се бедни, што ова „доказно видео“ не им го доставиле на обвинителството и на адвокатката. Но не зашто е доказ за „агресијата“ на Феликс, напротив, зашто е неосновано и зашто сакаат да го манипулираат процесот зад затворени врати❗️

Убивањето на невино животно што им верува на луѓето е злосторство што не може да се сокрие зад евтини извитоперени конструкции❗️

Ја повикуваме судијката Лидија Петровска да изрече МАКСИМАЛНА затворска казна за убиецот Љубе Крстевски и неговиот соучесник Бранко Билбиловски!
Тие не само што не се каат, туку тврдат дека Феликс „сам си го барал“ да го убијат❗️

17/06/2025

АЈША СЕ УШТЕ НЕ Е НАЈДЕНА 💔😞

2 ИПОЛ МЕСЕЦИ ЈА БАРАМЕ 💔💔💔

СПОДЕЛЕТЕ 💔

17/06/2025

АПЕЛ ДО ЈАВНОСТА: ЛИСИЦИТЕ СЕ ДЕЛ ОД ПРИРОДАТА – НЕ ДОЗВОЛУВАЈТЕ НЕЗНАЕЊЕТО ДА БИДЕ ХРАНА ЗА ИРАЦИОНАЛЕН СТРАВ❗️
Во последните неколку дена се појавија видеа за присуство на лисици во подножјето на Водно, во населбата Козле (мајка со малечки), како и на други места низ Скопје. Апелираме до граѓаните да не креваат паника – овие животни не се опасни и не напаѓаат луѓе.

Лисиците, како и многу други диви животни, сè почесто се приближуваат до урбаните средини поради загуба на природните живеалишта, уништување на шумите, градежна експанзија и недостиг на храна. Ова не е закана, туку јасен сигнал дека и тие бараат начин да опстанат.

Лисиците се плашливи, интелигентни и претежно ноќни животни кои се плашат од луѓето и избегнуваат контакт. Присуството на лисици во урбана средина не значи дека се болни или агресивни. Напротив, во многу големи градови како Лондон, Берлин, Торонто, па и Љубљана, лисиците веќе се дел од урбаната дива фауна и живеат паралелно со луѓето без никакви инциденти.

✳️Што треба да направите ако видите лисица?
• Не обидувајте се да ја бркате, фаќате или храните.
• Не оставајте остатоци од храна или отворени канти за ѓубре, затоа што тоа ги привлекува.
• Ако сте со домашно милениче – држете го на поводник и останете смирени, лисицата ќе избега.
• Пријавете ако видите повредена или залутана лисица.

Лисиците се дел од природата на нашата земја. Нека незнаењето не биде храна за ирационален страв и отпор. Наместо тоа, потребна ни е свесност, почит и разбирање кон овие животни кои се обидуваат да опстанат. Ве повикуваме да бидеме град кој живее во хармонија со природата.

Активисти на
Анима Мунди

👉Воедно, побаравме мислење од Македонското Еколошко Друштво (МЕД), а дел од нивниот коментар го споделуваме во продолжение:

Лисиците се редовни жители на Водно и често се забележуваат и во градските населби како Жданец, Водно, Козле и Нерези. Забележувањето на мајка со млади е јасен показател дека се работи за здрави единки.

Лисиците, како и другите животни кои се опортунисти во исхраната, лесно може да бидат привлечени во градските и селските средини од органски отпад кој не се селектира и не се собира редовно.

15/06/2025

04/06/2025

НЕКАЗНИВОСТА НА УБИСТВОТО Е ЗАКАНА ЗА ПРАВДАТА И ОПШТЕСТВОТО
ФЕЛИКС НЕ БЕШЕ САМО КУЧЕ. БЕШЕ ЖИВОТ!

Драги сограѓани, љубители на животните, хумани луѓе,

Обвинителството заврши со излагање на доказите во случајот на Феликс. И покрај обемните непобитни докази, вклучително и видеа на кои се гледа свирепото убиство на едно невино суштество — се гледа како убијците го влечкаат врзан со жица за да му го фрлат искршеното тело деформирано од крвничко тепање во контејнер! — на нивните лица во судницата ниту еднаш не се виде грам каење!

Напротив, тие не само што инсистираа дека не се виновни, туку од досега чуеното од одбраната — ќе тврдат дека Феликс „сам си го барал да го убијат“ зашто им извршил нужда пред оградата!!! Овој стравичен настан не е изолиран! Тој е само уште едно во низата сведоштва за системскиот неуспех во заштитата на животните, за индолентноста на институциите и за отсуството на казни за насилство врз послабите.

Феликс, за жал, не е прв случај на грозоморно убиство. Ги паметиме Идриз, Рекс, Белка, Томи, Мила и илјадници други знајни и незнајни жртви на човековата девијантност и пакост. За ниту една од овие жртви не беше изречена затворска казна! Доста е! Време е македонските институции да излезат од вртлогот на беззаконието и да покажат дека се кадарни да ни обезбедат правда и заштита. На насилни убијци местото не им е на слобода! Тие се закана по безбедноста на секој од нас!

📢 Затоа, на 15 јуни (недела) ве повикуваме на мирен, но гласен и масовен протест! Кога едно убиство — најтежок облик на кривично дело — останува неказнето, тоа е тешка повреда на правниот и на моралниот поредок во целото општество. Кога убиец останува на слобода се губи доверба во институциите (полиција, обвинителство, судство), се праќа порака дека животот нема вредност, се поттикнува култура на страв и молчење, наместо правда и одговорност, а насилството се нормализира! Кога нема казна, има повторување!

❗ Правдата не е избор, туку обврска на секое демократско и хумано општество!

Феликс — симбол на добрината, верноста и кроткоста — беше брутално убиен. Феликс не беше само уште едно бездомно куче, не беше само уште една несреќна жртва! Неговото убиство не смее да помине неказнето! Правдата не дискриминира по вид, тежина, крзно или опашка. Живот е живот! Судот мора да изрече затворска казна ако сакаме и најмал зрак на надеж дека слични дела нема да се повторуваат во иднина!

Излези. За Феликс! За правда! ✊

*Детали за точното време на протестот и маршрутата наскоро!

Протестот го организира граѓанската иницијатива ЗЕЛЕН ХУМАН ГРАД заедно со активистички здруженија и групи за заштита на животните од цела Македонија:

Здружение за заштита на животните Anima Mundi - здружение за заштита на животни, Скопје
Здружение за заштита на животните и животната средина EDEN Animals, Скопје
Граѓанско движење „НАЦИОНАЛЕН ДЕН НА ПРАВАТА НА ЖИВОТНИТЕ“, Скопје
Kumanovo Animal Save
Animal Lovers - Strumica
Animal Voice, Битола
Здружение за заштита на животните „АРК АНИМАЛИС“, Битола
Здружение за заштита на животни и животна средина Шепасти Ентузијасти - Pawsome Enthusiasts, Скопје
PRO ANIMA - Здружение за заштита на животните Берово
Здружение за заштита на животните „СРЦЕ ЗА ЖИВОТНИТЕ ТИКВЕШ“, Кавадарци
Мали Херои - Здружение за заштита на животни, Битола
Спаси Живот Штип - Здружение за заштита на животни
Граѓанска асоцијација за унапредување на инклузивноста во градот и градските простори Cities for Humanity - Хумани градови, Скопје