Бездомни животни без граници - Strays without borders

19/02/2026

✅ Исполнето уште едно ветување!

📢 Објавен е ЈАВЕН ПОВИК за субвенционирање на граѓаните за стерилизација на домашни миленици во 2026 година.

💰 Се надоместуваат 100% од трошоците, но најмногу до 6.000 денари по миленик (куче или маче).

👤 Право на учество имаат жители на Општина Гази Баба кои ќе достават комплетна документација.

📌 Услови:
✔️ Миленикот да е регистриран и чипиран (со валиден пасош);
✔️ Стерилизацијата да е извршена во регистрирана ветеринарна установа на територија на општината;
✔️ Да има доказ за извршена уплата.

📂 Потребни документи:
📝 Барање (од архива или од веб-страницата gazibaba.gov.mk);
🪪 Копија од лична карта;
🏦 Копија од трансакциска сметка;
🧾 Фискална сметка/фактура со доказ за уплата;
📘 Копија од пасош на миленикот;
📄 Потврди од ветеринарна установа;
📸 Фотографија од миленикот.

📬 Барањата се поднесуваат во затворен плик во архивата на Општината (ул. „Архимедова“ бр.2), секој работен ден од 07:30 до 16:30 часот.

🐾Грижете се одговорно за вашите миленици – искористете ја можноста!

Линк до јавниот повик: https://gazibaba.gov.mk/javen-povik-za-subvencioniranje-na-graganite-na-podrachjeto-na-opstina-gazi-baba-za-nadomestuvanje-na-del-od-trosocite-napraveni-pri-sterilizacija-na-domasni-milenici-vo-2026-godina/

13/01/2026

🚨 ЈАВЕН ПОВИК ДО ГРАЃАНИТЕ
Во среда, 14.01, во 11:00 часот, во Кривичниот суд, е закажано ново рочиште за закланите коњи во ЗОО Скопје.
Судењето е отворено за јавност.

Ги повикуваме сите граѓани, активисти, медиуми и организации кои се во можност да бидат присутни.

📍 Кривичен суд - Скопје 🕚 11:00 часот 🏛 Судница бр. 12

Следењето на овој случај од страна на јавноста е клучно по важност. Само ако сме активни и будни ќе спречиме прикривање, амнестија и ќе се избориме за правда.

Молкот секогаш ги штити злосторствата. Твоето присуство значи отпор. БИДИ ТИ ГЛАСОТ НА ЖИВОТНИТЕ.

(ПРЕПОРАКА: да се дојде десетина минути порано, поради процедурите за влез во судница)

22/12/2025

Ве каниме на една кул, предновогодишна Шепаста дружба со многу љубов, хуманост и добра енергија 💛

📍 Локација: ulica22caffee, Скопје

👉 Што ве очекува?
• 🎁 Предновогодишен базар
• 🚀 Launch на нашиот нов web shop
• 👕 Кул мерч дизајни за љубителите на животинчиња
• ☕ Дружба, муабет и празнична атмосфера
• 🐶 Поддршка за бездомните кучиња

Сите средства од настанот ќе бидат искористени за грижа на 30+ бездомни кучиња во The Barking Lot Shelter – за нивна нега, храна, суплементи, ветеринарни прегледи, ампули и сè што им е потребно за достоинствен живот.

💬 Покани пријатели и сподели го настанот.
💡 Во сивото Скопје, модерно е да си хуман.

🐾 Со љубов,
Шепасти Ентузијасти

13/11/2025

⚠️ВОЗНЕМИРУВАЧКА СОДРЖИНА⚠️

Според повеќегодишни извештаи и сведоштва од лица кои редовно го посетувале прифатилиштето управувано од Л.С. (19), кучињата биле оставани без храна со денови, а кога конечно ќе добиеле нешто - тоа бил само леб.

Водата ретко им се носела, дури и во летните горештини.
Многу животни биле болни, со видливи рани и инфекции кои никогаш не биле третирани. Немало ветеринарна нега, ниту превенција. Нестерилизирани и оставени да се размножуваат меѓусебно, женките раѓале младенчиња кои во најголем дел умирале за неколку дена - од глад, зарази или студ. Телата на мртвите кучиња често останувале таму, меѓу живите, распаѓајќи се или станувајќи храна на оние што сè уште се обидуваат да преживеат.

Видеа и фотографии, собрани од 2022 година па наваму, ја потврдуваат истата состојба - состојба на постојано страдање, запоставеност и нечовечко постапување. И покрај донациите што редовно му се упатувале, ништо суштински не се сменило. Кучињата не добиле подобри услови, а нивната болка само се продлабочила.

Ова не е изолиран случај, туку длабок показател за тоа колку лесно добрината може да биде злоупотребена.

Довербата на граѓаните, на здруженијата, па дури и на странските спонзори, била насочена кон надеж - а претворена во средство за страдање.

29/10/2025

❗️❗️❗️ИНИЦИЈАТИВА ЗА УКИНУВАЊЕ НА НЕЕТИЧКАТА, НЕЕФИКАСНА И ЗЛОУПОТРЕБЛИВА МЕРКА ЗА ЕУТАНАЗИЈА НА КУЧИЊА СО ЛАЈШМАНИОЗА

🔹️Ние, здруженија за заштита на животните од целата држава, заедно ја поднесовме оваа иницијатива пред повеќе од еден месец, со јасно барање – итно укинување на мерката за задолжително тестирање и автоматска еутаназија на бездомни кучиња со лајшманиоза, пропишана во точката 6.2 од Годишната наредба за здравствена заштита на животните.

❌️Оваа мерка е морален, научен и институционален пораз. Таа дозволува убивање на здрави животни под изговор на „заштита“, без никакво јавно-здравствено оправдување. Наместо превенција и контрола на векторите – единствениот вистински начин за справување со болеста – државата со години го избира најлесниот и најсуров пат: уништување на живот.

❌️Од нејзиното воведување, мерката по инерција се повторува секоја година, без никакви резултати, легитимира убивање, служи како параван за трошење јавни средства и претставува смртна пресуда за илјадници здрави, мирни бездомни животни.

❗️Ниту една земја од ЕУ не спроведува ваква пракса, ни оние со висока ендемичност како Грција, Италија или Шпанија. Светската здравствена организација, ECDC и CDC јасно укажуваат дека лајшманиозата не се пренесува од куче на човек, туку преку песочни мушички.
Значи, не убивањето, туку превенцијата е одговорот.

❌️Покрај тоа, мерката е длабоко неправедна и дискриминаторска – се применува исклучиво врз бездомни животни, додека сопственичките остануваат надвор од системот. Тоа е двоен стандард, медицински апсурд и цивилизациски срам.

❗️БАРАМЕ надлежните институции итно да ја укинат оваа мерка и да воведат современ, хуман и европски модел за справување со лајшманиозата – преку превенција, лекување, згрижување и вдомување, а не ликвидација.

Ова прашање одамна го надминува полето на ветеринарната политика.
Ова е прашање на вредности, морал и наука — затоа што мерка што медицински и научно е нелогична не може да биде оправдана ниту законски, ниту човечки.

👉Дали сакаме држава што убива, или држава што штити❓️
👉Македонија може подобро – а животните заслужуваат правда❗️

Со почит,
Здружение за заштита на животните „Анима Мунди“,
во соработка со:
Paws–2021 / Шепи–2021,
Срце за животните Тиквеш,
Шепаски ентузијасти – Скопје,
Бездомни животни без граници – Скопје,
Про Анима – Берово,
Анимал Лаверс – Струмица,
Спаси живот – Штип,
Е.Д.Е.Н. – здружение за заштита на животни и животна средина,
Лина - спаси живот, Кавадарци;
НАРД, Куманово,
МАЛИ ХЕРОИ, Битола.
👉ЦЕЛАТА ИНИЦИЈАТИВА: https://share.google/yIFGXg6kC83HMg0b1

13/10/2025

ЈАВНО ОБРАЌАЊЕ по повод започнувањето на судскиот процес за масакрот во скопската Зоолошка градина

Утре започнува судскиот процес за масакрирањето на коњи и една мазга во скопската Зоолошка градина – еден од најмонструозните и најсрамните настани во поновата историја на односот кон животните во нашата земја. Овој чин претставува невидена суровост, злоупотреба на службена положба и кршење на сите морални и законски норми.
Бараме најстрога судска осуда, затворски казни и целосна кривична одговорност за сите инволвирани – директните извршители, соучесниците и поранешниот директор Кристијан Стаменов, кој ја претвори институцијата што треба да штити животни во кланица под отворено небо.
Станува збор за убиство и мачење животни без проценка, без дозвола и без етички основ, сторено пред очи на јавноста. Уште поскандалозно е што лицето под истрага за ова дело денес сè уште е вработено во ЗОО Скопје, и тоа со овластувања за контрола и надзор на квалитет – што е целосно неприфатливо и опасно.
Бараме итно разрешување на сите вклучени, транспарентна постапка отворена за јавноста, и највисоки затворски казни според законот за мачење и убиство на животни.
Животните се живи суштества со права, а не отпад. Зоолошката градина мора да биде место на грижа и хуманост, не на насилство и злоупотреба.
Ги повикуваме институциите да постапат со максимална сериозност во овој случај. Мачењето и убивањето на животни не смее и нема да помине без последици. Јавноста е тука и будно го следи секој чекор до конечниот исход.
Ние нема да отстапиме, нема да замолчиме и нема да простиме додека правдата не биде исполнета.
АНИМА МУНДИ

03/09/2025

ВАЖНО!!!

ИЗВЕСТУВАЊЕ!!!

Агенцијата за храна и ветеринарство постапуваше по поднесена пријава од граѓанин а во врска со објава на социјални мрежи за 24/7 – 365 дена АЛО ВЕТЕРИНАР под профил TOTAL Express.
На профилот е наведено дека се работи за
ТОТАЛ ЕКСПРЕС ВЕТ СКОПЈЕ, Итна Ветеринарна Помош со Приватна Ветеринарна Клиника со телефонски број 078 901 439

За прв пат во Македонија Ви ја претставуваме Платформата АЛО ВЕТЕРИНАР односно 24 часовна Ветеринарна ИТНА ПОМОШ која има за цел да оствари поддршка, лекување и хируршки интервенции при животозагрозувачки ситуации кај Вашето милениче.

При извршената контрола од страна на Агенцијата констатирано е дека ваков тип на услуга, ветеринарно друштво ниту ветеринарна итна помош не е ОДОБРЕНА од страна на Агенцијата за храна и ветеринарство како надлежна институција за регистрација и одобрување на ветеринарна дејност.
Согласно Закон за ветеринарно здравство ќе се преземат понатамошни дејства! .

30/07/2025

Пензионер од Штип доби кривична пријава откако во село во близина на градот, во два наврата фрлил отров и убил две кучиња во сопственост на жител на селото. Трујачот...

18/07/2025

Некомпетентноста на АХВ како институција самообјаснета.

15/07/2025

ЈА ДОБИВМЕ ПРВАТА ЗАТВОРСКА КАЗНА
ЗА УБИСТВО НА КУЧЕ ВО ИСТОРИЈАТА НА МАКЕДОНИЈА!

Денес е голем ден! Денес монструозниот убиец Љубе Крстевски доби првостепена пресуда со ефективна затворска казна од 3 месеци за грозоморното убиство на Феликс! Ефективна затворска казна е изречена првпат во историјата на Македонија!

Активистите за заштита на животни повторно испишаа историја! Пресудата е жив доказ дека да се биде активен граѓанин се исплати, промените се случуваат! Кога се бориме против неправда тоа има ефект!

Судијката Лидија Петровска при изрекувањето на пресудата рече: „Изрекувањето на ефективна казна затвор има значење за заштита на јавниот интерес и ќе превенира слични постапки во иднина. Се работи за дело што предизвика висока јавна чувствителност и морална загриженост особено во контекст на зголемениот број на случаи на суровост кон животните. Со изрекувањето затворска казна се испраќа порака дека ваквите постапки нема да се толерираат и дека секој граѓанин има обврска за хуман однос кон животните“.

Адвокатот на убијците, Горан Колев кој не ни знаел дека постои Законот за заштита и благосостојба на животните, во својот завршен збор изјави „Сепак не е човек, сепак е куче“. Горан, од убиство на куче до убиство на човек има само еден чекор! Тоа е непобитен факт!

Ќе се жалат, ама ќе се жалиме и ние! Но денес ќе славиме и ќе се сеќаваме на милиот Феликс! Ќе се сеќаваме на секое друго животно што настрадало од човечка рака! Ниедно не е заборавено! Нема да се откажеме и ќе се бориме до крај! Додека и последното живо суштество не го добие правото што му припаѓа по раѓање – да живее живот во слобода! ✊

15/07/2025

Дали може некој да помогне со транспорт на кученцево од Битола до Скопје?

🔴ИТНО Е 🔴