Sanae Cats ٢

03/06/2026

قط للتبني هاد القطيط صيفطناه للطبيب مسكين عنقو كامل مسلوخ راه بدا دابا حصص ليزر على عنقو غدا خاس يخرج من الطبيب حيث حصص ليزر غي 3 ايام دابا بغينا شي حد يتبناه ولا غي شي حد يشدو مؤقتا حتى يبرالو عنقو غدا مسكين غيحطوه فالزنقة ويلا تحط فالزنقة مكاينش اللي يتبعلو الدواء كنتمنى شي حد يدير هاد الخير مدينة فاس

02/06/2026

حالة مستعجلة هاد القطيطة لقاها واحد السيد مسكينة عندها خلل فالتوازن يلا بغا شي حد يتكلف ليها بالعلاج نقول للسيد يوصلها دابا للطبيب خاس تعتق فاقرب وقت مدينة فاس

30/05/2026

هاد القطيط بغاتو واحد السيدة فرنسا يلا بغا شي حد يتكلف ليه بالتلقيح وتحليلة الدم التعقيم أنا تكلفت بيه السيدة يلاه دارت لجوج قطوط التحاليل والتعقيم تبناتهم من عندي غادي تديهم فآخر هاد الشهر داكشي لاش متقدرش تكلف حتى لهادا قاتلي أنا نديه لفرنسا ولكن شوفي اللي يتكلف بالتحالي والتلقيح كنتمنى شي حد يعاونو باش نصيفطوه لفرنسا راه يلا ممشاش غيكون مصيرو الزنقة حيث حتى حد مبغا يتبناه يلا بغا شي حد يعاون بشي حاجة يرسل مباشرة عند البيطري يلا بدينا فهاد الشهر التلقيح الشهر جاي التحاليل من بعد 3 اشهر هي غتجي موراه السيدة اللي غتبناه Steph Ani Maux مدينة فاس

29/05/2026

هاد القطيط مسكين عنقو بحال مدبوح صوراتو واحد السيدة ولكن متقدرش توصلو للطبيب قاتلي هي تكلف ليه بالعلاج دابا خاسنا شي حد يوصلو للطبيب يلا بغا شي حد غدا الصباح يوصلو خاس نعتقوه فاقرب وقت فاس بنسودة

17/05/2026

شكون يتبنى هاد القطيطة مشلولة ولا غي شي حد يشدها لينا مؤقتا حتى تبرا راه مدة طويلة وهي فالطبيب مكانش تحسن ودابا الطبيب راه دارلها سيمانة د ليزر على الله تولي تمشى دابا خاسنا غي شي حد اللي يبقا يقابلها ويديرها الترويض حيث الطبيب قالنا راه كاين أمل تولي تمشى وراني حطيت الفاتورة ديالها دليزر يلا بغا شي حد يخلصهالها يرسل مباشرة عند البيطري .بالنسبة وليداتها كلشي مات من غير وحدة اللي بقات غي هي عنقها مسكينة عوج وحتى هي دارلها الطبيب ليزر والحمد الله عنقها تعاوط ولكن الام ديالها نافراها مكترضعهاش حيث مفيهاش الحليب كنتمنى تبناوها حيث راه غيرجعوها العروبية فين كانت وتما مسكينة مكاينش اللي يقابلها غيرميوها تما ويخليوها مدينة فاس

16/05/2026

قط للتبني عمرة شهرين هاد القطيط كان لقاه واحد السيد فالزنقة كان مريض بزاف وضعيف منين لقاه كانت عندو تقريبا شهر كان مسكين عاد كيرضع المهم السيد داه للطبيب مدة شهر وهو يتعالج حيث كان ضعيف بزاف ومكانش كياكل الحمد الله دابا برا ولا ماشاءالله كيحمق يلا بغا شي حد يتبناه راه مقدروش يرجعوه للزنقة هادي شهر وهما يخلصو فالطبيب غي باش ميحطوهش فالزنقة كنتمنى شي حد يتبناه حيث راه بزاف عليه مدة طويلة وهو محبوس مسكين كيبغي غي يلعب والبلاصة صغيرة مدينة الدار البيضاء وحتى يلا بغاه شي حد يتبناه فاس ولا مدينة اخرى قاتلي السيدة توصلو حتى لعندهم كنتمنى تبناوه

15/05/2026

عاجل 🚨🚨 واش مبغا حتى حد يتبنى هاد القط العمى السيدة اللي شاداه غادي ترجعو فين كان عييت نطلب الناس حتى حد مبغاه الله يجازيكم بالخير شكون يتبناه يعتقو راه غيموت يلا رجع للزنقة مدينة فاس حتى اللي بغاه خارج فاس نصيفطولو

13/05/2026

13/05/2026

هاد القطيط كان لقاه واحد السيد فالزنقة كان مريض بزاف وضعيف منين لقاه كانت عندو تقريبا شهر كان مسكين عاد كيرضع المهم السيد داه للطبيب مدة شهر وهو يتعالج حيث كان ضعيف بزاف ومكانش كياكل الحمد الله دابا برا ولا ماشاءالله كيحمق يلا بغا شي حد يتبناه راه مقدروش يرجعوه للزنقة هادي شهر وهما يخلصو فالطبيب غي باش ميحطوهش فالزنقة كنتمنى شي حد يتبناه حيث راه بزاف عليه مدة طويلة وهو محبوس مسكين كيبغي غي يلعب والبلاصة صغيرة مدينة الدار البيضاء وحتى يلا بغاه شي حد يتبناه فاس ولا مدينة اخرى قاتلي السيدة توصلو حتى لعندهم كنتمنى تبناوه

10/05/2026

هاد جوج قطيطات للتبني كان خداهم من عندي شي واحد بجوج ودابا قالي حطيهم للتبني حيث غيسافر المهم يلا بغاهم شي حد بجوج راه مولفين بعضياتهم القط الابيض ذكر عندو 8 اشهر والقطة الرمادية انثى عندها 5 اشهر كتمنى شي حد ياخدهم بجوج ولا يلا كان ميمكنش ماشي مشكل كل واحد يبنى واحد مبغيتش يكون مصيرهم الزنقة راهم مساكن حنان بزاف ميستاهلوش يتكرفصو عاود فالزنقة القط الابيض راه كان مشلول والحمد الله مور العملية ولا لباس القطيطة الرمادية حتى هي مسكينة عنات فالزنقة كان يلاه عندها شهر منين عتقتها الحمد الله حتى هي برات ولات لباس بغيت شي حد اللي ياخدهم هاد المرة ميتخلاش عليهم مدينة فاس