Wie sind die Öffnungszeiten?

Montag 13:00 - 16:30 Dienstag 13:00 - 16:30 Mittwoch 13:00 - 16:30 Donnerstag 13:00 - 16:30 Freitag 13:00 - 16:30 Samstag 13:00 - 16:30

Déierenasyl Gaasperech

Startseite
Luxembourg
Gasperich
Déierenasyl Gaasperech

Déierenasyl vu Gaasperech
Zanter 1964
Vermëttlung, Fonddéieren, Noutfäll

La « Lëtzebuerger Déiereschutzliga A.s.b.l. » est reconnue établissement d’utilité publique par arrêté grand-ducal du 29 septembre 2012. Les dons sont déductibles du revenu imposable dans les limites fixées à l’article 109, alinéa 1 n°3, de la loi concernant l’impôt sur le revenu. Le présent document peut vous servir de justificatif vis-à-vis de l’Administration des Contributions.

31/10/2025

Déif an den däischtersten Ecke vum Déierenasyl, do wou kee sech hintraut, do wunnt eng grujheleg Gestalt, déi engem mat hierem Ubléck d'Bludd an den Odere gefréiere léisst: de Spannemupp.

Happy Halloween an e schéine Feierdag Iech all. 🎃
Mir sinn de Weekend iwwer zou, mee ab de Méinde rëm fir Iech do.

30/10/2025

EN GENTLEMAN

Mir léieren all Joer honnerte vun neie Muppe kennen. Där Grousser, där Klenger, brong, schwaarz a wäiss an heiansdo och e Getëppelten. Trotz all deenen Ënnerscheeder hu se dach bal alleguer eppes gemeinsam: soubal si sech hallefweegs Wuel am Déierenasyl fillen, verléiere se hier gudd Manéieren. Et gëtt un der Léngt gerappt, gehurelt an aner Muppen ugemault an d'Fleeger ginn zur Begréissung mat knaschtege Patten ugesprongen, dass se hannerzeg widdert d'Mauere fléien. Anscheinend vermëttele mir hinnen den Androck, dass dat hei e rechtsfräie Raum ass.

Den DUPLO ass awer iirgendwéi komplett aanescht. Hien huet den absolute Géigendeel vum gängege Wee ageschloen. Den Ufank mat him war liicht duerchwuess. Sou immens huet hien den Déierenasyl an den éischten Deeg nämlech net fonnt. Fir seng Fleeger hat den Duplo wéineg Sympathie, a wann een him ze no komm ass, dann huet hien och alt mol an d'Fangere geschnaapt. Hie wollt weder ugepak ginn, nach wollt hien allgemeng eppes vun dem Ganzen hei wëssen. Mir hunn eis op alle Fall drop agestalt, dass dat mat him nach zimmlech ustrengend kéint ginn.

A wéi aus dem Näischt eraus, huet den Duplo no zimmlech genau zwou Wochen entscheed, dass et elo géif duergoe mam Gegranz an huet sech iwwer Nuecht ëm 180 Grad gedréint. Mir hunn net schlecht gestaunt, wéi hien enges Moies gudd gelaunt a mat engem Laachen am Gesiicht säi Fleeger begréisst a mat senger naasser Nues d'Hänn ugestupst huet, fir gekrault ze ginn. Säit dësem Dag ass den Duplo en absolute Musterschüler.

Hie rappt net un der Léngt, hie mault keng aner Muppen un, a seng Begréissunge hannerloosse keng Kraatzspuren oder blo Plazen. Beim Botzen dackelt hie senge Fleeger hannendrun, ouni an de Féiss ze stoen, a beim Fiddere waard hie souguer, bis d'Hand aus der Schossel ass, ier en ufänkt ze frupsen. Dat kléngt elo vläicht banal, mee wéi gesot, mir erliewen oft genug de genaue Géigendeel.

Aacht Joer al ass den Duplo elo. Iwwer seng Vergaangenheet wësse mir leider net immens vill, ausser dass hien eng länger Zäitchen am Gaart geliewt huet. Hien ass bei eis awer propper a mécht näischt futti, sou dass hie wuel frou wier, fir rem dierfen innerhalb vu 4 Maueren ze wunnen.

Mat frieme Leit ass den Duplo ufanks liicht mësstrauesch, mee dat leet sech normalerweis bannent enger halwer Stënnche Spadséiergang. Amfong ass hien immens frou mat Mënschen. Ob sech den Duplo elo iwwer kleng Kanner freeë géif, woë mir ze bezweifelen, mee eeler Kanner dierften awer kee Problem duerstellen. Iwwer d'Gesellschaft vun engem feine Mupp wier den Duplo bestëmmt frou. Wat hie vu Kazen hält, wësse mir leider net.

Den Duplo ass op alle Fall e Mupp, dee keng grouss Uspréch stellt. Hie wëll mat dobäi sinn, Zäit mat senge Mënsche verbréngen, heiansdo mol raus un d'frësch Loft an zweemol den Dag eppes ze frupsen. Am Géigenzuch bidd den Duplo dat absolut zockerséisst Laache, wat eng Muppeschnuff sou opleeë kann.

Wann Dir dem Duplo seng gudd Manéiere wëllt bestaunen, da rufft eis un um ☎ 48 13 13 1 oder kommt eis op Gaasperech besichen.

21/10/2025

Happy Birthday JAX 🥳

Zum Gléck bas de schlussendlech awer nach an deng Oueren eragewuess 🙃
Mir wëssen zwar, dass du dir éischter en Eemer voll Lyoner fir de Gebuertsdag wënschs, mee mir wënschen dir, dass du endlech e gudd Doheem fënns mat enger Famill, déi sech gudd ëm dech këmmert. 🤞

09/10/2025

NEIT LIEWE, NEIE GLANZ

Wéi sou munch anere Mupp an de leschte Joere fänkt dem HOLLY seng Geschicht iirgendwou an der Ukraine an engem Shelter un. Wéi hatt do geland ass a wat hatt alles materliewt huet, wësse mir leider net. Ma wéi d'Holly bei eis ukomm ass, war hatt an engem zimmlech schlechten Zoustand. Ënnererniert a mat wéie Schanken huet hatt sech bis a seng Box geschleeft. Seng Mammatumoren ware just d'Kiischt um Kuch.

D'Holly ass en zimmlech klengen a rengen däitsche Schäferhond. Mir wësse net genau, wéi al hatt ass, mee wäit fort vu sengen 10 Joer wäert et secher net sinn. An och wa sech dat alles bis heihinn zimmlech traureg liest, geet et ab elo nëmme nach biergop, an dat rasant.

Ee Bobo nom aneren hu mir attackéiert. Seng stomp Zänn si gebotzt ginn, hatt kritt speziellt Fudder fir seng Pankreatitis an hatt huet allgemeng gudd zougeholl. Hatt héiert net méi vill, mee dofir gesäit et alt schlecht. D'Holly ass numol en ale Mupp. Dem Holly säi Wuelbefannen léisst dovunn awer net vill duerchblécken. Säit hatt säin Triichter ausgedoe krut, erliewt hatt säin zweet Fréijoer.

Äerdeg a voller Freed watschelt d'Holly am Nomëtteg eraus op säi Spadséiergang. Mir wollten dësen amfong op eng hallew Stënnche limitéieren, fir hatt net zevill ze belaaschten, mee d'Madamm huet dann einfach nach keng Loscht fir rëm zeréck ze kommen. Wéi e jonken Hond spréngt a spillt hatt op an of. Deslescht huet et seng Spadséiergänger souguer dozou animéiert, mat him e Stéckchen ze lafen. Eis Fleeger gi charmant um Bond vum Pullover ugehal, fir him nach eng Kéier de Ball ze rullen oder d'Oueren ze kraulen.

Natierlech ass d'Holly Owes no där ganzer Action zimmlech midd. Trotz aller Liewensfreet ass et wichteg, opzepasse fir et net ze iwwerdreiwen. D'Holly ass trotz allem en ale Mupp. A fir vu sengem Liewensowend maximal profitéieren ze kënnen, ass d'Holly elo op der Sich no engem neien Doheem. Iwwer d'Gesellschaft vun engem feine Mupp géif hatt sech bestëmmt freeën. Ob d'Holly sech mat Kaze versteet, wësse mir net, leider schwätzt kee vun eis Ukrainesch...

Well d'Holly immens fein mat Mënschen ass, dierft et och kee Problem mat (eelere) Kanner ginn, soulaang déi dem Holly seng Rouphase respektéieren. Eng kleng Naup huet d'Holly awer, och wann dat fir e Schäferhond elo keng grouss Iwwerraschung duerstellt. Dem Holly säi Fudder ass him helleg a bei senger Schossel huet keen eppes verluer. Riskéiert hei einfach net, déi ganz Roserei vun enger aler Damm ze spieren ze kréien.

Wann Dir d'Holly op senger leschter grousser Aventure begleede wëllt, da rufft eis un um ☎ 48 13 13 1 oder kommt eis op Gaasperech besichen.

21/08/2025

Déi véier Déierenasyler am Land zu Schëffleng, Esch, Diddeleng a Gaasperech stousse reegelméisseg mat hire Kapazitéiten un hir Grenzen.

20/08/2025

Wéinst Bauaarbechten op eisem Terrain gëtt et aktuell a bis op weideres e wéineg knapp mat de Parkplazen. Mir bieden ëm Äre Versteesdemech. 👷
---
En raison de travaux sur notre site, les places de parking sont actuellement et jusqu’à nouvel ordre limitées. Nous vous remercions de votre compréhension.
---
Due to construction work on our premises, parking spaces are currently and until further notice limited. Thank you for your understanding.

11/08/2025

Wéinst de gemellten Temperature fir déi nächst Deeg, wäerte mir den Dënsten, Mëttwoch an Donneschde (12.8 - 14.8.) keng Spadséiergäng ubidden. Fir Adoptiounen vu Mupp a Kaz si mir natierlech awer fir Iech do.
---
En raison des températures annoncées pour les prochains jours, nous ne proposerons pas de promenades mardi, mercredi et jeudi (12/08 - 14/08). Pour les adoptions de chiens et de chats, nous restons bien entendu à votre disposition.
---
Due to the forecast temperatures for the coming days, we will not be offering walks on Tuesday, Wednesday, and Thursday (12/08 – 14/08). Of course, we are still available for dog and cat adoptions.

06/08/2025

DE NÄCHSTE SCHRËTT

Mir drécke jo amfong net gäer op d'Tréinendrüs a Matleedsvermëttlunge sinn och absolut net eise Stil. Beim TONY musse mir allerdéngs wierklech soe, wéi et ass. Hien ass en aarmt Schwäin a säi bisheregt Liewe war (op gudd lëtzebuergesch) richteg beschass. Den Tony ass aus enger Saisie eraus bei eis am Déierenasyl geland. Säi Liewen huet hie bis zu dësem Punkt gréisstendeels mat Antidepressiva vollgepompelt an enger klenger Cage agespaart verbruecht.

Dem Tony seng éischt Wochen am Déierenasyl hu mir op Video fesgehalen, déi kënnt Dir Iech natierlech gäer (nach eng Kéier) ukucken. Op alle Fall huet hie mëttlerweil rieseg Fortschrëtter gemaach an elo ass hien och souwäit, fir kënnen an en neit Doheem ze plënneren.

Seng Haut, déi am Ufank an engem katastrophalen Zoustand war a gefillt bei bloussem Upaken opgebascht ass, ass vill besser ginn. Seng oppe Plaze sinn zougaangen, de Pelz wiisst soulues no, wat bleiwt sinn e puer Narben als Erënnerung u méi schlecht Zäiten. Mam richtege Fudder (op dat weiderhinn immens opgepasst muss ginn), vill Léift an e wéineg Kortison huet den Tony vill Liewensqualitéit zeréckgewonnen.

Dem Tony seng Schei vis-à-vis vu frieme Mënschen huet en ofgeluecht. Mëttlerweil freet hie sech souguer fir nei Leit kennen ze léieren, bei senge Begréissunge spréngt hien op an of, ier en sech brav dohi sëtzt an op säi Kichelche waard. Mënschenerzéihung beherrscht de Kolleg op alle Fall och. Säin onwahrscheinlech treien Dackelbléck huet him do sécher an d'Kaarte gespillt.

Den eenzege Problem, mat dem den Tony nach ëmmer net ofgeschloss huet, ass d'Undoe vun Halsbänner a Broschtgeschierer, virun allem wann dës mussen iwwer de Kapp gezu ginn. Glécklecherweis hu mir awer de passenden Ekippement, deen ee vun ënnen uleeë kann, soudass een den Tony domat net zevill nerve muss.

Alles an allem huet sech den Tony super entwéckelt. Hien ass e lëschtege Kärel, voller Liewensfreed, deen elo alles nohëllt, wat e sou laang verpasst huet. Mat Charme, Humor an engem klenge Bëssen Drama wéckelt hie jiddereen ëm de Fanger, deen hie kenne léiert. A propos Fanger: oppasse beim Kichelche ginn, den Honger ass meeschtens méi grouss wéi seng Contenance.

Zwar ass den Tony immens ëmgänglech ginn, ma trotzdem gesi mir hien net als Ufängerhond. Hie brauch en Doheem mat Mënschen, déi sech bewosst sinn, dass aus senger Vergaangenheet eraus awer ëmmer mol rëm kéinte problematsch Verhalensweisen optauchen; Mënsche mat vill Gedold a Versteesdemech, an iirgendwéi och e puer Su an der Täsch, well dem Tony seng Gesondheet aktuell nach fragil ass an och hei eventuell spéiderhinn Problemer opgrond vu laanger Vernoléissegung entstoë kéinten.

Den Tony huet elo 4 Joer, hien ass en Dackel-Malinois-Mix (jo tatsächlech) an elo säit 7 Méint bei eis am Déierenasyl. Hien ass immens frou mat Mënschen, woubäi mir en net onbedéngt bei Kanner gesinn. Mat Muppe gëtt den Tony eenz, och wann en net wierklech vill mat hinnen ufänke kann, Kaze gehéiere senger Meenung no gejoot. Souwuel seng Fleeger, wéi och eise Veterinär wäerte sech natierlech Zäit huele, fir Iech alles nach méi genau am Detail ze erklären.

Wann Dir engem Mupp eng wuelverdéngten zweet Chance wëllt ginn, da rufft eis un um ☎ 48 13 13 1 oder kommt eis op Gaasperech besichen.

09/07/2025

D'Ekipp vum Déierenasyl mécht en Ausflug. Dofir si mir de Samsden, 12. Juli jüst vun 13:00 - 15:00 op fir Spadséiergänger an Adoptiounen.
Mir soe merci fir Äre Versteesdemech. 🐶🐱
---
En raison d'une sortie d'entreprise, le refuge n'est ouvert aux promeneurs et aux adoptions que de 13h00 à 15h00 le samedi 12 juillet.
Merci de votre compréhension. 🐶🐱

Adresse

6, Boulevard De Kockelscheuer
Gasperich
1821

Öffnungszeiten

Montag	13:00 - 16:30
Dienstag	13:00 - 16:30
Mittwoch	13:00 - 16:30
Donnerstag	13:00 - 16:30
Freitag	13:00 - 16:30
Samstag	13:00 - 16:30

Telefon

+3524813131

Webseite

http://www.deierenasyl.lu/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Déierenasyl Gaasperech erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.