31/03/2025
💉🐶සුරතල් සතුන්ට උපත් පාලන එන්නත් ලබා දීම.🐶💉
💊ඔබත් ඔබගේ සුරතල් බලු පැටවාට හෝ පූස් පැටවාට " පැටවුන් හම්බවෙන එක නවත්වන්න injection" දෙනවාද?
💊එහෙම නම් මේ ගැනත් පොඩ්ඩක් දැනුවත් වෙන්න...
🐕Depo- provera නැත්නම් පැටවුන් හම්බවෙන එක නවතින්න දෙන injection එක ඇත්තටම මිනිසුන් සදහා නිපදවපු Medroxy progesterone acetate කියන හෝර්මෝනයයි.
🐕වර්තමානයේ මේ එන්නත ගැහැණු බලු පැටවුන්ට වගේම පූස් පැටවුන්ට කෙටි කාලීන උපත් පාලනයට යොදා ගන්නා වියදම් අඩු, පහසුවෙන් භාවිතා කළ හැකි ක්‍රමයක් විදියට බහුලව භාවිතා කරනවා.
🐕මේ එන්නත, නිසි විෂය දැනුම්කින් තොරව නොසැලකිලිමත් විදිහට ලබා දීමෙන් ඉතා හානි දායක ප්‍රතිඵල ඇති වෙනවා.
🐕ඔබගේ සුරතලාට මෙම එන්නත ලබා දෙන මෙන් පශු වෛද්‍යවරයෙකුට ඔබ ඉල්ලීමක් කළහොත් එම පශු වෛද්‍යවරයා විසින් මෙම එන්නත ලබා දීමට පෙර ඔබගේ සුරතලා ප්‍රජනන චක්‍රයේ පසු කරන අවධිය, සුරතලාගෙ දේහ බර, මෙයට පෙර උපත් පාලන එන්නත් ලබා දී තිබේද, එසේ නම් ඒ කොපමණ කාලයකට පෙර ද, නුදුරු දිනකදී පිරිමි සතෙකු සමග සංසර්ගයේ යෙදුණේ ද, ගර්භනී තත්වයේ පසු වේද ආදී තොරතුරු බොහෝමයක් සලකා බලා එන්නත් දීම හෝ නොදීම තීරණය කරනවා.
🐕නමුත් මේ පිළිබඳ හරි හැටි නොදන්නා ඇතැමුන් අධික මාත්‍රාවකින් නුසුදුසු කාල පරිච්ඡේදවලදී මෙම එන්නත් දීම නිසා හෝ නිතර නිතර (වසරකට කිහිප වතාවක්) භාවිතා කිරීමට සිදුවන නිසා මෙයින් Pyometra තත්ත්වය ඇති වෙනවා.
🐕මේ හෝර්මෝන නිසා ගර්භාෂයේ ග්‍රන්ථිවල ශ්‍රාව නිපදවීම වැඩි වෙනවා.
🐕බාහිරයෙන් ගර්භාෂයට හෝ යෝනි මාර්ගයට ඇතුළු වෙන බැක්ටීරියා මේ ශ්‍රාව මත වඩා ක්‍රියාකාරී වීමෙන් ගර්භාෂයේ සැරව පිරීමේ (Pyometra) තත්ත්වයක් ඇති වෙන්න තියෙන හැකියාව ඉතාම ඉහළයි.
🐕සමහර ගැහැණු සතුන්ගේ ගැබ්ගෙල විවෘතව පවතින විට pyometra අවස්ථාවක් ඇති වුවොත් ගර්භාෂයේ වූ සැරව යෝනි විවරය හරහා පිළී ගදක් සහිත ශ්‍රාවයක් විදියට පිටවෙනවා දැක ගන්න පුළුවන්.
🐕ඒත් ගැබ්ගෙල වැසී පවතින අවස්ථාවකදී pyometra තත්ත්වය ඇතිවුවහොත් ගර්භාෂයේ සැරව පිරී පැවතුනත් පිටතට එන්නේ නැති නිසා තත්ත්වය තවත් බරපතල වෙනවා.
🐕ගර්භාෂය ඇතුළත සැරව එකතු වීම හේතුවෙන් උදර ප්‍රදේශය ඉතා විශාලව හා ඝනව පැවතීම, හුස්ම ගැනීමේ අපහසුව, කෑම අරුචිය, උදාසීන බව, අප්‍රාණික වීම, විජලනය, රුධිර සංසරණයට ගර්භාෂයේ නිපදවූ විෂ ද්‍රව්‍ය එකතු වීම සහ වකුගඩු අක්‍රමිකතා ඇති වෙන්න පුළුවන්.
🐕සුරතල් ගැහැණු සතෙකුට Depo provera දුන් පසුව මෙවැනි රෝග ලක්ෂණ එකක් හෝ කිහිපයක් තිබෙනවා නම් හැකි ඉක්මනින් ඔබගේ පශුවෛද්‍යවරයා හමුවට සුරතලාව රැගෙන යන්න.
🐕රෝග ලක්ෂණ නොසලකා හැරීමෙන් ඔබගේ සුරතලා මරණයට පත් වීමට බොහෝ ඉඩකව තිබෙනවා.
🐕පශුවෛද්‍යවරයා විසින් බොහෝ විට සැරව පිරුණු ගර්භාෂය ඉවත් කිරීමේ ශල්‍යකර්මය සිදුකර ප්‍රතිජීවක ඖෂධ, වේදනා නාශක ආදියද ලබා දෙනවා.
🐕මෙවන් අන්තරාදායක තත්ත්වයන් මග හරවා ගැනීමට නම් ඉතා සුදුසුම උපත් පාලන ක්‍රමය වන්නේ ගැහැණු සතුන් වන්ද්‍යාකරණය (වද සැත්කම්) කිරීමයි.
🐕මෙහිදී සම්පූර්ණ ස්ත්‍රී ප්‍රජනක පද්ධතිය හෝ ඉන් කොටසක් සැත්කම් මගින් ඉවත් කරන නිසා මෙය ස්ථිර උපත් පාලන ක්‍රමයක් ලෙස සලකන්න පුළුවන්.
🐕Depo provera එන්නත විදීම නිසා pyometra තත්ත්වය ඇති වීම හේතුවෙන් ගැහැණු සතුන් දෙදෙනෙකුගේ සැරව පිරුණු ගර්භාෂ අප විසින් ඉවත් කරන ලද අවස්ථාවලදී ගන්නා ලද චායාරූප පහත දැක්වෙනවා.
🐕ඉවත් කරන ලද ගර්භාෂ පිළිවෙලින් 2.6kg සහ 1.7kg පමණ වුණා.
👨🏽⚕️ඔබට දැනගැනීමට තවත් කරුණු ඇත්නම් දුරකතන මාර්ගයෙන්ද, comment හෝ whatsapp මගින් ද එසේ නොමැතිනම් අප ආයතනයට පැමිණීම මගින්ද විමසන්න.
👨🏽⚕️Best V Care - Animal Hospital, Wariyapola
👨🏽⚕️Contact No. & Whatsapp - 077 327 0677
037 227 0677
