30/12/2023
අපේ ස්නුෆී
මතක් වෙද්දී රිදෙන කඳුළක්
තාම හිත යට තියේ සිරවී
දුව දුවා දඟ කරපු හුරතල්
නෙතින් ඈතට ගියා සැඟවී
සතුට වාගෙම දුක අහන්නත්
ළඟින් හිටි සෙවනැල්ල සමවී
ඔයා නැතුවම ගොඩාක් පාළුයි
ගිහින් ලස්සන දවස් බොඳවී
පුංචි පැටියා කාලේ ඇවිදින්
කරපු දඟකම් තියා මතකෙට
තරහා ගස්සන දේත් කෙරුවා
ඒත් මං ආදරෙයි හරියට
හිටි ගමන් නොකියාම දාලා
ගියත් නිතරම එද්දී හීනෙට
දරාගන්නට කොහොමවත් බෑ
දැනෙන දුක හරි බරයි පපුවට
- මාලිකා මිස්කින් -
මා කවි අරණ
