23/10/2024
🐾 වීදි සතුන් සඳහා උපකාර කරන ඔබට..
🌟 ඔබේ කාරුණික හදවත සහ සතුන් වෙනුවෙන් කරන කැපවීම අති විශේෂයි. නමුත් මෙම කරුණු එක්කර ගැනීම ඔබේ උපකාර වලින් ඔබට සතුටක් ගෙනදෙයි. සමාජයට යහපතක්ද ගෙන දෙයි.
📋 වීදි සතෙකුට උදව් කිරීමට පෙර සැලකිය යුතු කරුණු
1. මූලික සූදානම:
හදිසි අවස්ථා සඳහා සූදානම් වන්න:
කිහිප දෙනෙකුගේ දුරකථන අංක ලබා ගන්න (පශු වෛද්යවරුන් , සත්ව සංවිධාන)
හදිසි ප්රථමාධාර කට්ටලයක් සකසා ගන්න
ප්රවාහන පහසුකම් සූදානම් කර ගන්න
මූල්යමය සූදානම:
හදිසි වියදම් සඳහා මුදල් වෙන් කර තබා ගන්න
වියදම් බෙදා ගැනීමට මිතුරන් සොයාගන්න. (ඉතාම විනිවිද භාවයෙන් මෙය සිදු කළ යුතු වේ.)
2. සත්ව සංවිධාන සමඟ සබඳතා ගොඩනගා ගැනීම
විශ්වසනීය සංවිධාන හඳුනා ගන්න
ඔවුන්ගේ සේවා සීමාවන් දැන ගන්න: (භාර ගත හැකි සතුන් සංඛ්යාව, ලබා දෙන සේවා වර්ග,
ප්රදේශය)
සන්නිවේදන මාර්ග ස්ථාපිත කර ගන්න
මතක තබාගන්න, මෙම සත්ව සංවිධාන, පුද්ගලයින් ඔබ වෙනුවෙන් මෙම අසරණ ජීවිතය වෙනුවෙන් ඉදිරිපත් වන බව තරයේ මතක තබාගන්න. ඔවුන්ට ගෞරව කරන්න.
🏥 වෛද්ය ප්රතිකාර අවශ්ය විට
කිහිප දෙනෙක් එක්ව ප්රතිකාර කරන්නෙ නම්, රෝහල සමඟ කටයුතු කිරීමට නියෝජිතයෙක් සිටීම අත්යවශ්යයි. එවැන්නෙක් පත්කරගැනීම මුලින්ම කල යුතු වේ. එම පුද්ගලයා නිසි පරිදි එම කටයුතු කරන බවට නිරන්තරයෙන් රෝහල සමඟ සන්නිවේදය කරන්න.
එමෙන්ම, එම රෝගියාගේ සෞඛ්ය , වෛද්ය වාර්ඨ්හා ආදිය සැපයීම අනිවාර්ය වේ. එමෙන්ම මූලික ගැටළුව නිසි පරිදි වෛද්යවරයාට පැවසීමද ඉතාම වැදගත්.
1. පශු වෛද්ය සේවා තෝරා ගැනීම
සලකා බැලිය යුතු කරුණු:
වෛද්යවරයාගේ අත්දැකීම්
රෝහලේ පහසුකම්
පිහිටීම සහ වැඩ කරන වේලාවන්
ගාස්තු
වෛද්යවරයා සමඟ සාකච්ඡා කළ යුතු කරුණු:
ප්රතිකාර සැලැස්ම
ඇස්තමේන්තුගත වියදම
පසු ප්රතිකාර අවශ්යතා
** මේ ගැන ඔබ මනා අවබෝධයෙන් සිටිය යුතු වේ. නැතිනම්, මෙම කටයුතු කරන අතරතුර ඔබට වෛද්යවරුන් සමඟ ගැටළු ඇතිවිය හැක. වෛද්යවරුන්ටද නිසි ලෙස ප්රතිකාර කිරීමට බාධා ඇති කරයි. එමෙන්ම, ඔබගේ නියෝජිතයා පිළිබඳ පූර්ණ විශ්වාසයෙන් කටයුතු කළ යුතු වේ. මන්ද, ඔබගේ නියෝජිතයා ඔබව නියෝජනය කළ යුතු බැවිනි.
2. ප්රතිකාර අතරතුර
නිසි ලේඛන පවත්වා ගන්න:
රෝග විනිශ්චය
දෙන ලද බෙහෙත්
පරීක්ෂණ වාර්තා
සතාගේ තත්වය නිරීක්ෂණය කරන්න:
ආහාර ගැනීම
චලන රටාව
හැසිරීම් වෙනස්කම්
වෛද්යවරයා සමඟ නිරන්තර සන්නිවේදනය පවත්වන්න
*ඔබට වෛද්යවරයා ගැන සෑහීමකට පත්විය නොහැකි නම් වඩා හොඳ වෛද්යවරයෙකු වෙත යන්න. (හොඳ වෛද්යවරුන්, වෛද්ය ආචාර ධර්ම රකිමින් අනෙක් වෛද්යවරුන් විවේචනය නොකරමින් නව ප්රතිකාර සිදුකරයි.)
3. දීර්ඝකාලීන සැලසුම
ප්රතිකාර පිරිවැය ගණනය කිරීම
පසු සත්කාර සැලසුම් කිරීම
නැවත පරීක්ෂා කිරීමේ කාලසටහන
🤝 සත්ව සංවිධාන සමඟ වැඩ කිරීම
1. සතෙකු භාර දීමේදී
සම්පූර්ණ තොරතුරු සැපයීම:
හමුවූ ස්ථානය සහ දිනය
දැනට දී ඇති ප්රතිකාර
හැසිරීම් රටාව
ආහාර පුරුදු
මූල්ය සහය:
මාසික/වාර්ෂික දායකත්වයක් ලබා දීම
විශේෂ වියදම් සඳහා උදව් කිරීම
2. පසු විපරම්
නිරන්තර යාවත්කාලීන තොරතුරු ලබා ගැනීම
අවශ්ය විට අමතර සහය ලබා දීම
සංවිධානයේ වැඩසටහන්වලට සහභාගී වීම
🚫 වැළකිය යුතු දේ
1. විවේචන
වෛද්යවරුන් විවේචනය කිරීම
සත්ව සංවිධාන විවේචනය කිරීම
ස්වේච්ඡා සේවකයින් විවේචනය කිරීම
2. අයථා බලපෑම්
අනවශ්ය පීඩනය යෙදීම
අසාධාරණ ඉල්ලීම් කිරීම
සමාජ මාධ්ය හරහා අපකීර්තියට පත් කිරීම
** මෙවැනි අවස්ථා වලදී, එම ආයතන වලට ලැබෙන ආධාර ආදිය නොලැබීම වැනි කරුණු මත, මෙවැනි ආයතන වැසී යාමට පවා හැක. ඒසේ වුවහොත් රටට විශාල සේවයක් අහිමි වී යාමකි. එබැවින්, සියලුම දෙනා ඉතාම අවබෝධයෙන් මෙම ආයතන රැකගත යුතුය.
💡 වැදගත් මතක තබා ගත යුතු කරුණු:
1. සෑම සතෙකුම බේරා ගත නොහැකි බව පිළිගැනීම
සියලු උත්සාහයන් අසාර්ථක විය හැක
සමහර තත්ව වෛද්ය විද්යාවට ඔබ්බෙන් යයි
මරණය ස්වභාවික ක්රියාවලියකි
2. සීමිත සම්පත් යථාර්ථය
සෑම සංවිධානයකටම සීමාවන් ඇත
සෑම වෛද්යවරයෙකුටම සීමාවන් ඇත
මූල්ය සම්පත් සීමිතය
🌱 ඔබේ සේවය දිගටම පවත්වාගෙන යාම:
1. තමන්ගේ රැකවරණය.
මානසික සෞඛ්යය ගැන සැලකිලිමත් වන්න
විවේකය ලබා ගන්න
ඔබේ සීමාවන් හඳුනා ගන්න
2. දැනුම වැඩි දියුණු කර ගැනීම.
පශු සෞඛ්ය පිළිබඳ මූලික දැනුම ලබා ගන්න
ප්රථමාධාර පුහුණුව ලබා ගන්න
අත්දැකීම් හුවමාරු කර ගන්න
3. සහයෝගීතා ජාලය ශක්තිමත් කර ගැනීම.
සමාන අරමුණු ඇති අය සමඟ සම්බන්ධ වන්න
සම්පත් හුවමාරු කර ගන්න
එකිනෙකා දිරිමත් කරන්න
📢 අවසාන පණිවිඩය
ඔබේ කැපවීම අගය කරමු. එය යෝධ බලයකි. නමුත් එය ප්රයෝජනවත් ලෙස යොදා ගැනීමට නම් නිසි මග පෙන්වීම අවශ්යය. සාමූහිකව කටයුතු කිරීමෙන් අපට වඩා හොඳ ප්රතිඵල ලබා ගත හැකිය.
ප.ලි.
මෙම ලිපිය ලිවීමට හේතු වූයේ :
පසුගිය දිනක, අප වෙත රැගෙන එන ලද සතෙකු සම්බන්ධව සිදුවීමකි.
1. එය සත්ව සංවිධානයක් හරහා සිදුවිය.
2. ඔවුන් අප වෙත දන්වන ලද්දේ, "මාගේ බිරිඳ රෝහල්ගත වී ඇති බැවින්, සතෙක් එනවා, එයාව භාරගන්න" යනුවෙනි.
3. අප එසේ කළ අතර, එම සතා අසාධ්ය තත්වයේ පැවතියේය. එමෙන්ම වෙනත් වෛද්යවරයෙක්ගෙන් ලබාගත් බෙහෙත් සමඟම අප විසින් එම අසරණ සතාව භාර ගන්නා ලදි.
4. අපට එම සතාගේ පවතින රෝගය ගැන වත්, අතීත ප්රතිකාර විස්තර වත් නිවැරදි තොරතුරු කිසිම කෙනෙක් සතුව නොතිබුණි. එබැවින් හොඳම විසඳුම වූ , පෙර වෛද්යවරයා විසින් ලබා දුන් බෙහෙත් සියල්ලම ඒ අයුරින්ම ලබා දුන්නෙමු.
5. එම සතාගේ පවතින ගැටළුව (Complain) පවා අප වෙත නිවැරදිව ඉදිරිපත් වූයේ නැත. මූලික පරීක්ෂණ වලින් පසුව, එම සතාට අවශ්ය කරන අනෙකුත් පරීක්ෂණ සිදු කිරීමට අවශ්ය බව අප විසින් සුපුරුදු පරිදි Whatsapp හරහා දන්වන ලදි. නමුත් පසු දින පුරාවටම එයට ප්රතිචාර නොමැති වූ අතර, අප ඉතාමත් අපහසුතාවයට පත් වූයේ, එම අමතර පරීක්ෂණ භාහිර Lab හරහා සිදුකළ යුතු වූ බැවිනි. ඔවුන්ට එම ගෙවීම් සිදු කළ යුතුව ඇත.
6. ඉන් පසුව, පසු දිනය පුරාවට, එම සත්ව සංවිධානය අපට සම්බන්ධ කරගැනීමට අපට නොහැකි විය. එබැවින්, මීට සම්බන්ධ වෙනත් පාර්ශවයක් සම්බන්ධ කරගැනීමට අප විසින් උත්සහ කළෙමු.
7. ඉන් පසුව මෙම සතා එවනු ලැබූ කෙනෙකු සම්බන්ධ කර ගැනීමට අපට හැකි විය.
8. එවිට අප වෙත දැනගැනීමට හැකි වූයේ, මාසයක සිට මෙම සතා අසනීපයෙන් සිටි බවත්, දින කීපයක සිට කෙට්ටු වී ඇවිදීමට අපහසුවෙන් සිටි බවයි. එමෙන්ම මෙම සතා ඉතාම අසාද්යව සිටි බවත්, ප්රවාහනය කරන අතරතුර පවා මිය යා හැකි සම්භාවිතාවක් පැවති බැවින් රියදුරාද වගකීම භාර නොගත් බවයි. (අප හට මෙම සතා භාරදෙන අවස්ථාවේ මෙම තොරතුරු කිසිම කෙනෙක් සැපයූයේ නැත.). මෙහිදීද අපට පෙර ප්රතිකාර විස්තර කිසිවක් නොලැබුණී.
9. ඇය විසින්ද පරීක්ෂණ (FBC/Liver Profile/Creatinine/Amylase/Lipase/T4/Sugar/Blood Culture) සඳහා ආසන්න වශයෙන් රු.15000 ක මුදල් ගෙවීම ප්රතික්ෂේප කරන ලදි. නමුත් දැඩි ඉල්ලීම මත ඇය විසින් FBC/ALT/AST/Creatinine යන මූලික පරීක්ෂණ සඳහා පමණක් මුදල් ගෙවන ලදි. එය රු.3500/- කට ආසන්න මුදලකි.(මෙම මුදල් සියල්ලම රසායනාගාරය වෙත යැවිය යුතු මුදල් වේ).
10. මේ වනතුරු අපගේ රෝහල්ගතකිරීම්, වෛද්ය ගාස්තු හෝ වෙන කිසිම ගෙවීමක් අප වෙත සිදුකර නොමැත. ඒ කෙසේ වෙතත් අප පෙර පරිදිම ප්රතිකාර කරගෙන ගියෙමු.
11. නමුත් එම රුධිර වාර්තා අනුව, අක්මාව සහ වකුගඩු හොඳ තත්වයේ පවතින බවත්, ඇඟේ විශබීජ ක්රියාකාරීත්වයක් පෙන්නුම් කරන බවත් නිර්ණය විය.
12. නමුත් මේ වනවිට Augmentin යන ඖෂධය ලබා දෙමින් පැවති අතර, අපට ප්රතිකාර වෙනස් කිරීමට අතීත ප්රතිකාර වාර්තා සැපයීමට මේ සඳහා දායක වෙන කිසිම පාර්ශවයකට හැකියාව නොලැබිණි. අතීත රුධිර වාර්තාවක් පවා ඔවුන් සතුව නොතිබුණි. කළ යුතු හොඳම විසඳුම මෙම ප්රතිකායම ඉදිරියට කරගෙන යාමයි.
13. එබැවින්, මේ දක්වා දින 2ක් යන විටත්, අප හට ප්රතිකාර වෙනස් කිරීමට අවශ්ය මූලික තොරතුරු හෝ අනෙකුත් රුධිර වාර්තා ලැබී නොමැත. 3 වන දින අප සේලයින් ප්රතිකාර පටන් ගත්තෙමු.
14. මේ දක්වාම දිනපතා නිරන්තයෙන් Whatsapp මඟින් සියලුම තොරතුරු එම සත්ව සංවිධානය වෙත දැනුවත් කරන ලදි.
15. පසුදින උදෑසන වන විට මෙම අසරණ සතා මෙලොව හැර ගියේය.
16. අවසානයේ අපට දැනගත් හැකි වූයේ එම සත්ව සවිධානය පවත්වාගෙන යන මහත්මිය තමන්ගේ දරුවා ලැබීමට රෝහල්ගත වී ඇති බැවින්, අසාධ්යව රෝහලේ සිටින විට දුරකතනය භාවිතා කිරීමට නොහැකි වූ බවයි.
17. ඇයගේ සැමියාද අධික කාර්ය බහුල වූයෙන් මේ සඳහා යොමු විය නොහැකි වූ බවයි.
18. එමෙන්ම, අප මේ සම්බන්ධව දැනගත්තේ, එම සත්ව සංවිධානය වෙත මෙම සතා භාර දී ඇත්තේ, ප්රතිකාර කළ සියලුම වෛද්යවරුන් බේරීමට නොහැකි බව පැවසූ නිසා, ඉතිරි ජීවිත කාලය සුවසේ ගත කිරීමට එම සත්ව සංවිධානයට යොමු කළ බවයි. එම කාලය අතරතුර, තම බිරිඳ රෝහල්ගත කළ නිසා, අප වෙත යොමු කළ බවයි.
19. එමෙන්ම මේ සිද්ධිය සම්බන්ධව සත්ව සංවිධානයට සම්බන්ධ නොවන නමුත් මේ සත්ත්වයා සම්බන්ධව කටයුතු කළ සියලු දෙනාට WhatsApp group එකක් හරහා අවශ්ය සියලු තොරතුරු සහ ඔවුන්ට මේ සිද්ධිය සම්බන්ධව ඇති ගැටලු සඳහා විවෘතව අප විසින් සියලු කරුණු ඉදිරිපත් කළ ඇති අතර ඔවුන්ට ගැටළු සහගත කරුණුද අප වෙත ඉදිරිපත් කර ඒ සඳහාද පිළිතුරු ලබා දී ඇත.
20. මින් පසුව සමාජ මාධ්ය හරහා තමන්ගේ ඇරියස් කවර් කරගැනීමට, සත්ව සවිධානයට, අප රෝහලට පහර දීමට මෙය යොදාගන්නා ලදි.
මේ සියල්ලම සළකා බැලීමේදී සැළකිය යුතු වැදගත් කරුණක් නම්,
සියළු දෙනාම එකතු වී කාගේ හෝ කරපිටට වගකීම පවරා නිදහස් වීමට උත්සහ කරන බවයි. සත්ව සංවිධානයට සතා බාරදී ඒ වෙනුවෙන් කළ යුතු දේවල් සිදු නොකොට අත පිසදාගත් බවයි.
වැදගත් :
කණගාටුවෙන් නමුත්, මින් පසුව වීදි සුරතෙලුන්ට නේවාසිකව ප්රතිකාර කිරීම අප විසින් නතර කරන ලදි.
