Mindaharaa

28/09/2024

දිවුලපිටිය, හොරගස්මුල් 5 පාරට මිටර් 100 ක දුරින් පිහිට ආරක්ෂිත නිවසක උඩු මහලේ කාමර කුලියට දිමට ඇත. තනි කාමාර හා ද්විත්ව කාමර. ගුරු/රොහල්/බැකු/රජයේ සේවක වැනි රැකියාවන්හි නියැලෙන අය සදහා පමණයි. 0714100524 අමතන්න

22/01/2024

25/09/2020

ලගදිම අලුත්

17/07/2020

මස්‍ය ටැංකි සදහා concrete ලැලි බලාෙපාෙරාත්තු වන්න

09/02/2017

26/01/2017

Boesemani Rainbow fish
තරමක් දුර්ලභ, වටිනාකමක් සහිත මත්ස්ය වර්ගයක් ලෙස සැලකිය හැකි Boesemani Rainbow fish, ආධුනිකයෙකුට වුවද ඇති කිරීමට පහසු, ඒ වගේම සුවිශේෂී අලංකාරවත් බවක් සහිත මත්ස්ය වර්ගයක්. ශරීරයේ ඉදිරිපස එක් පැහැයක් සහ පසුපස තවත් පැහැයක් වන පරිදි පිහිටන නිසා මොවුන්ට Bicolor rainbow fish යන නම ද ඇතැමුන් භාවිතා කරනවා. මෑත කාලයේ අපේ රට තුලත් මොවුන් ට ඉල්ලුමක් ඇති වුණු බව දැනගන්නට ලැබෙනවා. මේ ලිපිය කියවා අවසන් වන විට ඔබට මොවුන් පිලිබඳ හොඳ අවබෝධයක් ලබාගත හැකි වනු ඇත.
හැඳින්වීම:
Melanotaenia boesemani යන විද්යාත්මක නමින් හැඳින්වෙන මෙම මසුන් බටහිර New Guinea ආශ්රිත ප්රදේශය නිජබිම කරගනී. ස්වභාවික පරිසරයෙන් අධික ලෙස අල්ලා අපනයනය කිරීම හේතුවෙන් අද වන විට වඳවී යාමේ තර්ජනයට ලක්ව සිටින මත්ස්ය වර්ගයක් ලෙස 'රතු දත්ත පොත' වාර්තා කරයි. මේ හේතුව නිසා මොවුන්ගේ නිජබිම් වලින් මොවුන් අපනයනය සඳහා එම රට වලින් යම් යම් තහංචි පනවා ඇති බව වාර්තා වෙන අතර, අපට මිලදීගැනීමට ලැබෙන්නේ බොහෝ වීට විසිතුරු මත්ස්ය කර්මාන්තයේ යෙදෙන්නන් විසින් පසු කාලීනව ටැංකි තුල අභිජනනය කර බිහි කරගත් මසුන් බවයි සැලකෙන්නේ.
වර්ණ හා දේහ ලක්ෂණ:
පිහියක හැඩය ගත් සිරුරක් සහිත මෙම මසුන් ගේ පිට මත වරල් දෙකක් පිහිටයි. (මෙහි ඇති ඡායාරූප තුලින් මෙය හොඳින් වටහාගන්න පුළුවන්). මොවුන්ගේ වර්ණ පිහිටීම බොහොම සුවිශේෂී වන අතර ශරීරයේ පසුපස භාගය කහ හෝ තැඹිලි පැහැයට හුරු වර්ණයකිනුත්, ඉදිරිපස භාගය දීප්තිමත් නිල් පැහැය හෝ දම් පැහැයට හුරු වර්ණයකිනුත් දැකගත හැකියි. මේ වර්ණ දෙක වෙන් වෙන ශරීරයේ මැද කොටසේ ලා කළු, කොළ පැහැති රේඛා කීපයක් දැකගත හැකියි. මොවුන්ගේ ගැහැණු සතුන් ගේ වර්ණ පිහිටීම ද මේ ආකාරයේම වන නමුත් තරමක් දීප්තියෙන් අඩු වර්ණයක් පෙන්නුම් කරන අතර තරමක් දුරට අළු (රිදී) පැහැයට හුරු බවක් පෙන්නුම් කෙරේ.
විශේෂයෙන් මෙම මසුන් ටැංකියකට දැමූ අලුත සහ වතුරේ පිරිසිදු බව අඩු අවස්ථා වල වර්ණයන් තරමක් අවපැහැ ස්වභාවයක් පෙන්නුම් කල හැකිය. නියම වර්ණයන් දැකගැනීමට නම් මත්ස්යයා සම්පූර්ණයෙන් පරිණත වයසට පැමිණීම සහ නිසි පෝෂණය සේම, පිරිසිදු ජලය ද වැදගත් ය. මෙම මසුන් උපරිම වශයෙන් අඟල් 4.5 පමණ දිගින් වර්ධනය වන අතර, ශරීර දිග අඟල් 2.5 පමණ වන විට වර්ණ රටාවන් දීප්තිමත් වීමට පටන්ගන්නා බව වාර්තා වේ. එසේම වසර 5-8 අතර ආයු කාලයක් මොවුන්ට හිමි වේ.
ගති ලක්ෂණ:
සාමකාමී මත්ස්ය වර්ගයක් වන මොවුන් සාමාන්යයෙන් ජෝඩු 2ක් හෝ ඊට වැඩි කණ්ඩායමක් වශයෙන් ජීවත් වීමට වැඩි කැමැත්තක් දක්වනවා. වෙනත් සාමකාමී හා කඩිසර, එසේම සමාන ශරීර ප්රමාණයේ මත්ස්ය වර්ග සමඟ තැබීම වඩාත් සුදුසුය. තම කණ්ඩායමේ සාමාජිකයන්ව පන්නාගෙන යාම වැනි හැසිරීම් මොවුන් තුලින් දර්ශනය විය හැකි නමුත් බොහෝ විට එය කලහකාරී හැසිරීමක් නොව, සෙල්ලක්කාර හැසිරීමක් බව වටහාගත යුතුය. මසුන් අතර සමගිය පවත්වාගැනීම සඳහා මොවුන් කණ්ඩායමක් ඇතිකිරීමේ දී සෑම විටම පිරිමි මසුන් සංඛ්යාවට වඩා ගැහැණු සංඛ්යාව වැඩියෙන් යෙදීම සුදුසු බව සැලකේ. හොඳින් ටැංකිය පුරා පිහිනමින් ක්රියාශීලී ව ජීවත් වීමට කැමති මත්ස්ය වර්ගයකි. නමුත් ටැංකියේ හොඳින් ජලජ ශාක යොදා ආරක්ෂිත හැඟීමක් දැනෙන පරිදි ටැංකිය සකසා තැබීම වැදගත්ය. නැතහොත් මොවුන්ගේ වර්ණ අවපැහැ ස්වභාවයක් ගැනීමට ඉඩ ඇත.
අභිජනනය:
මෙම මසුන් අභිජනනය ස්වභාවිකව සිදු වුනේ ජලාශ වල අධික වර්ෂාපතනය සමඟ ජල මට්ටම ඉහල යන හා ගංවතුර තත්ත්ව ඇති වන කාල වලදී බවයි වාර්තා වෙන්නේ. එබැවින් ටැංකි තුලද ඊට සමාන පරිසර තත්වයක් ඇති කිරීමට හොඳින් ජලය ගලා යන ස්වභාවයක් ඇති වන පරිදි filter එකක් යෙදීම වැදගත් ය. (ජලයේ පිරිසිදු බව පවත්වාගැනීම සඳහා ද මෙය වැදගත් වනු ඇත.) එසේම මේ කාලයේ දී වැඩි වශයෙන් සජීවී ආහාර සහ ශාකමය ආහාර සමබර ව ලබා දීම වැදගත් ය. අභිජනනය සඳහා යොදාගන්නා මත්ස්ය යුවල මේ අන්දමින් සැකසූ විශේෂ ටැංකියකට දැමීමෙන් පසුව ටැංකියට හැකි තාක් හොඳින් ජලය ශාක යෙදිය යුතුය. ගැහැණු සතා ආකර්ෂණය කරගැනීම සඳහා පිරිමි මත්ස්යයාගේ වර්ණය වඩාත් දීප්තිමත් වීම වැනි ලක්ෂණ මෙම කාලයේ දී දැකගත හැක. මෙහිදී ගැහැණු සතා විසින් දමන බිත්තර ජලජ ශාක වල ඇලීම සිදු වන අතර දින කීපයක් ම මෙස නොකඩවා බ්ත්තර දමන බව වාර්තා වේ. නමුත් සෑම දිනකම බිත්තර දමා අවසානයේ එම බිත්තර සමඟ ජලජ පැලෑටි සියල්ල ඉවතට ගෙන වෙනත් පිරිසිදු ටැංකියකට දැමිය යුතු බව සඳහන් වේ. එසේ නොකළහොත් මව් පිය යුවල විසින්ම බිත්තර කාදැමීම සිදු විය හැක. දින කීපයකින් පසුව දිනකට දමන බිත්තර සංඛ්යාව ක්රමානුකූල ව අඩු වන විට මසුන් යුවල අභිජනන ටැංකියෙන් ඉවත් කල හැකිය.
වෙන් කරගත් බිත්තර සහිත පැලෑටි ඇතුලත් ටැංකිය පිරිසිදුව නඩත්තු කරගෙන ගිය විට සතියකින් පමණ පැටවුන් බිහි වන අතර එවිට infusoria වැනි ක්ෂුද්ර ආහාර ලබා දෙමින් පෝෂණය කල යුතුය. පැටවුන් මුල් මාස 2-3 දක්වා වර්ධනය කරවාගැනීම තරමක අභියෝගයක් බව වාර්තා වෙන අතර ඒ සඳහා ජලයේ පිරිසිදු බව නිසි ලෙස පවත්වාගෙන යාම අනිවාර්ය සාධකයක් ලෙස සඳහන් වේ.
ආහාර:
සර්වභක්ෂක මත්ස්ය වර්ගයක් වන Boesemani Rainbow මසුන් ස්වභාවික පරිසරයේ ජීවත් වීමේ දී මිරිදිය කූනිස්සන් වැනි කුඩා සතුන්, පනුවන්, ආදිය සේ ම, කුඩා ජලජ ශාක කොටස් ආදිය ආහාරයට ගනිමින් ජීවත් වේ. නමුත් ටැංකි තුල ජීවත් වීමේ දී ඕනෑම සැකසූ මත්ස්ය ආහාර වර්ගයක් ගැනීමට පුරුදු වන බැවින් ඇතිකිරීම පහසුය. නමුත් මොවුන්ගේ හොඳ නිරෝගී බවක් හා නිසි වර්ණ තීව්රතාවක් පවත්වාගැනීම සඳහා නිරතුරුව tubifex, blood worms වැනි freeze dried පනුවන් වර්ග සහ freeze dry ක්රමයට සැකසූ brine shrimp ආදියත් ලබා දීම සුදුසුය.
ටැංකි සැකසීම:
ටැංකියේ පිරිසිදු ජලය පවතින තාක් මොවුන් ඇති කිරීම එතරම් අපහසු නොවේ. ඒ සඳහා හොඳ මාදිලියක filter එකක් භාවිතා කිරීම බෙහෙවින් වැදගත් ය. මොවුන් ටැංකිය පුරා කඩිසර ව පිහිනීමට කැමැත්ත දක්වන මත්ස්ය වර්ගයක් බැවින් අවම වශයෙන් අඩි 2.5 - 3 පමණ දිග ටැංකියක් මොවුන්ට ලබා දිය හැකි නම් වඩාත් සුදුසු ය. ටැංකියේ ප්රමාණවත් තරම් ජලජ ශාක සහ ලී කොට ආදිය යොදා ස්වභාවික පරිසරයක් සැකසීම තුලින් මොවුන් බොහොම සතුටින් ජීවත් වනු දැකගත හැකිය. මෙම මසුන් ටැංකි වලින් ඉවතට පැනීමට ඉඩ ඇති බැවින් ටැංකියේ ඉහලින් ආවරණය කර තැබීම වැදගත් ය. සතියකට වරක් පමණ ටැංකියේ ජලයෙන් 25%ක් පමණ ඉවත් කර අලුත් ජලය පිරවිය හැකි නම් සුදුසු ය.
ඉතින් යාලුවනේ, මේ ලිපියෙන් Boesemani Rainbow Fish ගැන සියලුම විස්තර අංගසම්පූර්ණ ව ඔබට දැනගන්න ලැබෙන්නට ඇති

23/01/2017

කාලෙකින් ලිපියක් ලියන්න බැරි වුණා. කාර්යය බහුල වුණත්, මේ ගැන දැනුවත් කරන්න අවශ්‍යම නිසා නොලියා ඉන්න බැරි වුණා.
ඕගොල්ලො දැකල ඇති දැන් අසාමාන්‍ය පාට වලින් මත්ස්‍ය වර්ග වෙළඳපොළට ඇවිත් තියෙනවා. ඒ වගේම මත්ස්‍යයින්ගෙ ඇඟෙ එක එක දේවල් ලියල, එහෙමත් නැත්නම් එක එක symbols වගේ දෙවල් ඇඳල, ඇත්තටම කොහොමද මේ වගේ පාට මෙයාලට? මුලින්ම බලමු මොන වගේ විශේෂද මේ වගේ අමුතු පාට මාළු කියලා...
Blood Parrot cichlid මේ වන විට ලංකාව තුළ මේ ආකාරයෙන් අසාමාන්‍ය වර්ණවලින් බහුලවම හමුවන විශේෂය වේ. වර්ණ ගැන්වීමෙන් පසුව වෙනත් වෙනත් නම් වලින් මොවුන් හඳුන්වයි.
White Skirt Tetra නමුත් මෙයාගෙ පාටත් එකක් නමත් වෙනස් වෙලා strawberry tetra නමින් වෙළඳපොළට එන්නෙ.
මුල් කාලයේ මෙලෙස වර්ණගැන්වීමට ලක්වූයේ Glass fish නම් මත්ස්‍යයා පමණකි. නමුත් අද වන විට Oscar, White Mollies වැනි තව මත්ස්‍ය විශේෂ මේ ක්‍රම මගින් වර්ණ ගන්වා වෙළඳපොළ වෙත පැමිණේ.
ඇත්තෙන්ම මෙය සත්ත්ව හිංසාවක්. ඉතා වර්ණවත් අයුරින් ඔබ දැක ඇති මේ මත්ස්‍යයින් සැබෑවටම කෘතිමව වර්ණ ගැන්වූ මත්ස්‍යයින්. එලෙස වර්ණ ගැන්වීම සඳහා මත්ස්‍ය නිෂ්පාදකයින් ක්‍රම ගණනාවක් භාවිතා කරනවා. එක් ක්‍රමයක් වන්නේ, ආහාර මගින් විවිධ කෘතිම වර්ණක (Colour Feed) ලබා දීමයි. නමුත් මේ ක්‍රමය මගින් ලබා දෙන වර්ණක දිගු කාලයක් මත්ස්‍යයාගේ ශරීරය තුළ රඳා පවතින්නේ නැහැ. නමුත් මතක තබා ගත යුතු කරුණක් සඳහන් කරමි. ස්වභාවික carotenoids වැනි වර්ණක ආහාර මගින් ලබා දීමෙන් මසුන්ගේ ශරීරයේ ඇතිවන ස්වභාවික වර්ණත් මෙම ක්‍රම මගින් ඇතිවන වර්ණත් අතර විශාල වෙනස්කම් ඇත.
බොහෝ මත්ස්‍යයින් වර්ණ ගැන්වීම සඳහා භාවිතා කරන තවත් ක්‍රමයක් තමයි සියුම් එන්නත් කටු මගින් කෘතිම වර්ණක මත්ස්‍යයාගේ ශරීරයට එන්නත් කිරීම (Dye Injection). ඇත්තෙන්ම මෙය ඉතාම අමානුෂික ඉතා වේදනාකාරී ක්‍රියාවක්. ඉතා අලංකාර ලෙස වර්ණ ගන්වා ඇක්වේරියම් ආයතන වෙත එන මෙම මසුන් මෙම අමානුෂික ක්‍රියාවලියට භාජනය වූ මසුන් බව ඔවුන් මිල දී ගන්නා ඔබ නොදැන සිටියා විය හැකිය. මෙම කෘතිම වර්ණක එන්නත් කළ පසු බොහෝ මසුන් දුර්වලව මිය යන අතර මිය නොයා ඉතිරිවන මසුන්ට රෝගවලට ප්‍රතිශක්තිය අඩු දුර්වල මසුන් බවට පත්වේ.
තවත් එක් ක්‍රමයක් තමයි සම මගින් උරා ගැනීම පිණිස (Dipping) මසුන් කෘතිම වර්ණක අඩංගු ජලයේ ගිල්වීම. වැනි අමනුෂික ක්‍රම බාවිතා කරයි. එවැනි මසුන් අපි මිලදි ගැනි් මෙන් වලකි් සිටිමු.

17/01/2017

FlowerHorn Cichlid (ෆ්ලවර් හෝන් සික්ලිඩ්)
දුටු පමණින් කැපීපෙනෙන පෙනුමක් සහිත, ඒ වගේම බලු පැටියෙකු මෙන් අයිතිකරු සමඟ හීලෑ වෙන මේ අපූරු මසුන් වර්ගය නිවෙස් වල ඇති කිරීම බෙහෙවින් සුභදායක බවටද බොහෝ රට වල විශ්වාසයක් පවතිනවා. වැඩි විස්තර මේ ලිපියෙන් ඔයාලට දැනගන්න පුළුවන්.
FlowerHorn Red
හැඳින්වීම:
FlowerHorn යනු ස්වභාවික පරිසරයේ දකින්න ලැබෙන මත්ස්‍ය වර්ගයක් නොවේ. විවිධ සික්ලිඩ් මසුන් වර්ග කීපයක් දෙමුහුම් කිරීම මගින් මෙම අපූරු මත්ස්‍ය වර්ගය පළමු වරට නිර්මාණය කෙරුණේ 1993-1994 කාලයේදී මැලේසියානු ජාතික මසුන් ඇතිකරන්නන් විසින් බවයි වාර්තා වෙන්නේ. (මොවුන් නිර්මාණය සඳහා Red Devil Cichlid, Trimac Cichlid සහ Blood Parrot Cichlid යන වර්ග යොදාගෙන ඇති බවද කරුණු විමසීමේදී අපිට සොයාගත හැකි වුණා). මෙම මසුන් ඇතිකිරීම නිවසට ඉතාම සුබදායක බව තායිවාන ජාතිකයන් ඇතුළු බොහොමයක් රටවල විශ්වාසයක් පවතිනවා. මේ නිසා මොවුන් වැඩි මිලගණන් වලට අලෙවි වෙනවා.
වර්ණ හා දේහ ලක්ෂණ:
මොවුන්ගේ වඩාත්ම කැපීපෙනෙන දේහ ලක්ෂණය වන්නේ ඉදිරියට නෙරා එන ප්‍රමාණයෙන් විශාල හිසයි. රූපය දුටු පමණින් ඔබට මෙය හොඳින් පෙනෙන්නට ඇති. (මේ ආකාරයට ඉදිරියට නෙරා ආ හිසක් Red Devil මසුන් තුලද දකින්න පුළුවන්. මොවුන්ට එම ලක්ෂණය ඔවුන්ගෙන් උරුම වන්නට ඇතැයි සැලකෙනවා. නමුත් FlowerHorn මසුන් තුල ඔවුන්ට වඩා කැපී පෙනෙන ලෙස වඩාත් විශාල හිසක් පිහිටනවා). කුඩා වයසේදී තරමක් කුඩා වන මෙම හිස කොටස වයසින් වැඩීමත් සමඟ වඩාත් විශාලව වර්ධනය වෙනවා. සාමාන්‍යයෙන් ඉතාම කුඩා පැටවුන්ගේ හිසේ විශාලත්වයක් දකින්න ලැබෙන්නේ නැහැ.
මොවුන්ගේ වර්ණයන් ගැන කතා කිරීමේදී කිව යුතු වඩාත් වැදගත්ම කරුණ වන්නේ මෙම මසුන් කුඩා කාලයේ සිට පරිණත වියට පත් වන තෙක් මොවුන්ගේ ශරීර වර්ණය වෙනස් වීම් වලට භාජනය වන බවයි. මේ නිසා ඔබ මොවුන්ගේ කුඩා පැටවෙකු මිලදීගන්නේ නම් පැටවාගේ දැන් පවතින වර්ණයම වර්ධනය වූ පසුවත් පවතිනු ඇතැයි බලාපොරොත්තු නොවිය යුතුයි. සාමාන්‍යයෙන් මොවුන්ගේ වඩාත්ම දීප්තිමත් වර්ණ රටා දැකිය හැකි වන්නේ පරිණත වූ පසුවයි.
ෆ්ලවර්හෝන් සික්ලිඩ් මසුන්ගේ වර්ණය අනුව විවිධ වර්ග කිහිපයක් දැකගන්න ලැබෙනවා. මේ වර්ග අනුවද මොවුන්ගේ මිල ගණන් වෙනස් වන බව දැකගන්න පුළුවන්. Zhen Zhu, Golden Monkey, Kamfa, King Kamfa, Louhan සහ Goldenbase Faders යන ප්‍රධාන වර්ග කිහිපයට අමතරව තවත් වර්ග රැසක් ද දකින්න ලැබෙනවා.
ෆ්ලවර්හෝන් මසුන්ගේ ගැහැණු පිරිමි වෙන්කර හඳුනාගැනීම එතරම් අපහසු නැති නමුත් කුඩා වයසේදී නම් මෙය තරමක් අපහසුයි. මොවුන් හොඳින් වර්ධනය වූ විට ගැහැණු සතුන්ට වඩා පිරිමි සතුන් ශරීර ප්‍රමාණයෙන් විශාල වෙනවා. පිරිමි සතුන්ගේ හිස වඩාත් විශාල වන අතර ගැහැණු සතුන්ගේ හිස තරමක් විශාල වීමට හෝ යන්තමින් වත් ඉදිරියට නෙරා ඒමක් නොතිබීමට වුවද ඉඩ තිබෙනවා. (නමුත් සමහර වර්ග වලදී ගැහැණු පිරිමි දෙපාර්ශවයේම හිස විශාල ලෙස වර්ධනය වීමට පුළුවන්). එසේම කුඩා පැටවුන් සැලකූ විටද වර්ධනයත් සමඟ ඉක්මනින් හිස විශාල වීමට පටන්ගන්නේ පිරිමි සතුන්ගේ බවයි වාර්තා වන්නේ.
හොඳින් වැඩුණු පසු මෙම මසුන් උපරිම වශයෙන් අඟල් 12-16 පමණ දිගින් වර්ධනය වන බව සඳහන් වෙනවා. එසේම හොඳින් රැකබලාගතහොත් වසර 8-12 පමණ ආයුකාලයක් මොවුන්ට හිමි වන බවද වාර්තා වෙනවා.
FlowerHorn Green
ගතිලක්ෂණ:
ඉතාම සුවිශේෂී ගතිලක්ෂණ සහිත මෙම මසුන් අයිතිකරු සමඟ හොඳින් හීලෑ වන බවක් දැකගන්න ලැබෙනවා. බුද්ධිමත් මත්ස්‍ය වර්ගයක් ලෙස මොවුන් හඳුන්වන්න පුළුවන්. කාලයක් යනවිට අයිතිකරු හොඳින් හඳුනාගැනීමට හා අයිතිකරු දුටු විට ප්‍රීතිය පෙන්වීමට ද මොවුන් බොහෝ විට කටයුතු කරනවා. එසේම අයිතිකරුට අතින් අල්ලා සුරතල් කිරීමට වුවද මොවුන් ඉඩ දෙනවා. (නමුත් මෙසේ හීලෑ කිරීම ඉවසීමෙන් කල යුතුයි. අලුතෙන් මිලදීගත් සැනින් ටැංකියට අත දමා සුරතල් කිරීමට උත්සහ කලොත් මොවුන් කලබල වී බිය වීමට හෝ සපාකෑමට පෙළඹෙනවා. මේ නිසා හීලෑ කිරීම සෙමින් දින කිහිපයක් ගත කර සිදු කල හැකිනම් වඩාත් සුදුසුයි).
මොවුන්ගේ සමීප ඥාතීන් වන Red Devil Cichlid මසුන්ට ගතිලක්ෂණ අතින් බොහෝදුරට සමාන වන මොවුන් සාමාන්‍යයෙන් තරමක් දරුණු මත්ස්‍ය වර්ගයක් ලෙස හඳුන්වන්න පුළුවන්. වෙනත් මසුන්ට පහරදීමට හා කුඩා මසුන් ගිලදැමීමට මොවුන් දෙවරක් නොසිතන බව දැකගන්න ලැබෙනවා. එසේම වෙනත් සටන්කාමී සික්ලිඩ් වර්ග වන Oscar, Red Devil, වැනි මසුන් සමඟ නිතර සටනට පෙළඹෙන අවස්ථාද බහුලව දකින්න ලැබෙනවා. මේ නිසා බොහෝ දෙනා මොවුන්ව ඇති කරන්නේ තනිතනිවයි. (කෙසේ නමුත් වෙනත් විශාල එහෙත් සාමකාමී මත්ස්‍ය වර්ග සමඟ හොඳින් ඉඩකඩ ඇති ටැංකි වල නම් මොවුන් සමගියෙන් සිටින බව දැකගන්න ලැබෙනවා. නමුත් නිතරම කල්පනාකාරී වීම වැදගත්).
මොවුන් අභිජනනය බෙහෙවින් පහසු බව සඳහන් වෙනවා. (නමුත් කලාතුරකින් මොවුන්ගේ පිරිමි සතුන් මඳසරු වීමේ සම්භාවිතාවක් ද තිබෙන බව වාර්තා වෙනවා). සාමාන්‍යයෙන් වෙනත් සික්ලිඩ් වර්ග මෙන්ම මොවුන්ද යුවලක් වෙන් වීමෙන් පසු ටැංකිය පතුලේ ඇති පැතලි ගලක් මත හෝ වෙනත් පැතලි මතුපිටක ගැහැණු මත්ස්‍යයා විසින් බිත්තර දමනු ලබනවා. ඉන්පසුව ගැහැණු සතා බිත්තර ආසන්නයටම වී ඒවා ආරක්ෂා කරන අතර පිරිමි සතා විසින් ටැංකිය පුරාම පිහිනමින් අවට පරිසරය මුර කිරීමේ රාජකාරිය ඉටු කරනවා. දින 3-4කින් පමණ බිත්තර වලින් පැටවුන් බිහි වන අතර ඉන් පසුව පැටවුන් බලාගැනීමද දෙමාපිය යුවල විසින්ම සිදු කරනවා.
(කෙසේ නමුත් මොවුන්ගේ ගැහැණු සතුන් ඉතාම පහසුවෙන් කලබල වීමට හෝ බිය වීමට ඉඩ ඇති අතර එවිට බිත්තර හෝ පැටවුන් ගිල දැමීමට පෙළඹෙනවා. මේ නිසා ඉතාම සන්සුන් පරිසරයක් නොවුණහොත් අභිජනනය අසාර්ථක වීමේ ඉඩකඩ වැඩි බවයි වාර්තා වෙන්නේ).
**************
FlowerHorn මත්ස්‍යයෙක් තම අයිතිකරු සමඟ හුරතල් වෙමින් සෙල්ලම් කරන අයුරු දැක්වෙන තත්පර 45 ක ඉතාම කෙටි Video දර්ශනයක් පහත දැක්වෙනවා:

ආහාර:
සාමාන්‍යයෙන් ඕනෑම මත්ස්‍ය ආහාරයක් ගැනීමට කැමැත්ත දක්වන මොවුන් නඩත්තුව බෙහෙවින් පහසුයි. සික්ලිඩ් මසුන් සඳහාම සැකසුණු විශේෂ මත්ස්‍ය ආහාර වර්ග ද වෙළඳපොලෙන් මිලදීගෙන මොවුන්ට ලබා දෙන්න පුළුවන්. මීට අමතරව මාංශ ආහාර බෙහෙවින් ප්‍රිය කරන මොවුන් සාමාන්‍යයෙන් වෙළඳපොලේ ඇති BloodWorms වැනි පණුවන් යොදාගෙන සැකසූ ආහාර ද, කුඩා කැබලි ලෙස කපාගත් මාළු ද ආහාරයට ගැනීම ප්‍රිය කරනවා. (නමුත් මොවුන්ට මස් කැබලි ලබා දීම නම් එතරම් සුදුසු නොවන බවයි වාර්තා වන්නේ). මීට අමතරව ටැංකි තුල ජීවත් වන විට සමහර ජලජ ශාක ද මොවුන් ආහාරයට ගැනීමට කැමැත්ත දක්වන බවක් දැකගන්න ලැබෙනවා.
මොවුන්ට පමණට වඩා ආහාර ලබා දීම එතරම් සුදුසු නොවන අතර එමගින් ආයුෂ කෙටි විය හැකි බව විද්වතුන් පවසනවා.
ටැංකි සැකසීම:
FlowerHorn මසුන් තරමක් විශාල සික්ලිඩ් වර්ගයක් බැවින් සම්පූර්ණයෙන් වැඩුණු එක් මත්ස්‍යයෙක් සඳහා අවම වශයෙන් අඩි 4 දිග, අඩි 1.5 පළල හා අඩි 1.5 උස ටැංකියක් ලබා දීම සුදුසුයි. (නමුත් අඟල් 4-5 ප්‍රමාණයේ පැටවුන්ට නම් අඩි 3 දිග ටැංකියක් ප්‍රමාණවත්).
මොවුන් සමඟ වෙනත් මසුන් ඇතිකිරීමට බලාපොරොත්තු වන්නේ නම් අනිවාර්යයෙන්ම මීට වඩා විශාල ටැංකියක් භාවිතා කිරීමයි වඩාත්ම සුදුසු. නැතහොත් මොවුන් ටැංකියේ ඉඩකඩ අයිති කරගැනීම සඳහා වෙනත් මසුන්ට පහරදීමට පෙළඹෙනවා.
සාමාන්‍යයෙන් ඕනෑම පරිසරයක අපහසුවෙන් තොරව ජීවත් විය හැකි මෙම මසුන් අපිරිසිදු ජලයට වුවද ඔරොත්තු දෙන බවයි වාර්තා වෙන්නේ. නමුත් අපිරිසිදු ජලය තුල මොවුන්ගේ වර්ණ අඩු වීමට සහ කල් ගත වීමේදී ලෙඩරෝග ඇතිවීමට ඉඩ ඇති බැවින් හොඳින් Filter යෙදූ ටැංකියක් භාවිතා කිරීම වඩාත් සුදුසු බවයි.
මොවුන් ටැංකිය පතුලේ ඇති බොරළු හැරීමට හා පැලෑටි උගුල්ලා දැමීමට කැමැත්ත දක්වනවා. මේ නිසා මොවුන් ඇතිකරන ටැංකි තුල ජලජ ශාක සිටුවීම සාමාන්‍යයෙන් සිදු කරන්නේ නැහැ. නමුත් අවශ්‍යම නම් විශාල ඝනකම පත්‍ර සහිත ජලජ පැලෑටි යෙදීම සුදුසුයි. විශාල ලී කොට හා ගල් යොදා ටැංකිය අලංකාර කර ස්වභාවික පරිසරයක් සැකසීම මොවුන්ට වඩාත්ම උචිත බව කියන්න පුළුවන්.
ලිපිය Petslanka.com ඇසුරෙන්

16/01/2017

විසිතුරු මත්ස්‍ය ක්ෂේත්‍රයට සම්බන්ධ පුංචි ව්‍යාපාරයක් පටන් ගන්න කැමති ද?
අද මම කතාකරන්න හදන්නෙ ගොඩක් දෙනෙකුට වැදගත් කියල විශ්වාස කරන මාතෘකාවක් ගැන...
විසිතුරු මත්ස්‍ය ක්ෂේත්‍ර යට සම්බන්ධ ස්වයං රැකියාවක් කරන්න කැමැත්තක් දක්වන කවුරු හරි ඉන්නවා නම් ඒ අයටත් මේක වැදගත් වෙයි. අපි ටිකක් හොයල බලමු විසිතුරු මත්ස්‍ය ක්ෂේත්‍රයට සම්බන්ධව පවතින රැකියා අවස්ථා ගැන...
හුඟ දෙනෙක් නොදන්නවා වුණාට විසිතුරු මත්ස්‍ය කර්මාන්තය කියන්නේ ඉතාමත්ම ලාභදායී කර්මාන්තයක්. නමුත් මේ කර්මාන්තයේ යෙදිල ඉන්න බොහොමයක් දෙනෙක් මෙය ලාභදායී කර්මාන්තයක් ලෙස හඳුන්වල දෙන්නෙ නම් නෑ. ඒකට හේතුව නම් හරියටම කියන්න දන්නෙ නෑ. කොහොම වුණත් අපි මේ ගැන හොයල බලමු...
ව්‍යාපාරයක් ලෙස කළ හැකි මේ ක්ෂේත්‍රය තුළ පවතින විවිධ රැකියා අවස්ථා
අපි මේ කොටස් එකින් එක ගෙන විමසා බලමු
ඇක්වේරියම් ආයතනයක් ලෙස පවත්වා ගෙන යාම
මත්ස්‍ය පැටවුන් (මඩ පොකුණු සඳහා) අභිජනනය
මසුන් සඳහා සිමෙන්ති හා වීදුරු ටැංකි නිෂ්පාදනය
දේශීය වෙළඳ පොළට මසුන් නිෂ්පාදනය
මත්ස්‍ය ආහාර නිෂ්පාදනය
අපනයනය සඳහා මසුන් නිෂ්පාදනය
විසිතුරු ජලජ ශාක නිෂ්පාදනය
මෙම ක්ෂේත්‍රයට සම්බන්ධ වී ඇති බොහොමයක් පිරිස් මේ කොටසට අයත් ය. මෙහි දී සිදු වන්නේ තමන් විසින් අභිජනනය කර, සුදුසු අවස්ථාව දක්වා වර්ධනය කළ මසුන් හෝ වෙනත් නිෂ්පාදකයෙක් අභිජනනය කර සුදුසු තත්ත්වය දක්වා වර්ධනය කළ මසුන් ප්‍රදර්ශන ටැංකි තුළ තබා පාරිභෝගිකයන් වෙත තොග සහ සිල්ලරට විකිණීම යි. මෙය ස්වයං රැකියාවක් ලෙස ආරම්භ කළ හැකිය. මසුන් පිළිබඳ එතරම් දැනීමක් නැති අයෙකුට වුවත් මේ සඳහා සම්බන්ධ විය හැකිය.
මත්ස්‍ය පැටවුන් (මඩ පොකුණු සඳහා) අභිජනනය
මේ සඳහා හොඳ දැනීමක් අත්‍යාවශය වේ. මසුන් විශේෂ හඳුනා ගැනීම, මත්ස්‍ය විශේෂ අභිජනනය, මත්ස්‍ය ලෙඩ රෝග, මත්ස්‍ය පැටවුන්ට වර්ධනය කිරීම, ඉක්මණින් වර්ධනය කිරීම සඳහා දිය යුතු ආහාර, ආදී සියළු තොරතුරු පිළිබඳ මනා වැටහීමක් ලබා තිබිය යුතු ය.
ඉදිරියේ දී ඉතිරි කොටස් පිළිබඳ ඔබව දැනුවත් කරන්න බලාපොරොත්තු වෙනවා...
නැවත හමුවෙමු ජයවේවා...!
කියවන ඔයාලගෙ අදහස් ඉතාම වැදගත්. එම නිසා කමෙන්ට් එකක් වශයෙන් ඔයාලගෙ අදහස් දක්වන්න. ඒක බ්ලොග් එකේ සාර්ථකත්වයට ගොඩක් වැදගත් වේවි...

09/01/2017

ලිපි අංක 02
ඔස්කා මසුන් නිවරදිව අභිජනනය කරමු..
ප්‍රථමයෙන්ම සදහන් කරන්නට අවශ්‍ය වැදගත්ම කාරනාවක් නමි අන් සමහරක් සුරතල් මත්ස්‍ය වර්ග වල ගැහැණු පිරිමි මත්ස්‍යයන් ශරීර ලක්ෂණ දිහා බලා වෙන් වෙන් වශයෙන් තෝරාගැනීමට හැකි වුනත් ඔස්කා මසුන් අභිජනන ක්‍රියාවලිය ආරම්භ වෙනතෙක්ම එසේ තොරා ගැනීම කල නොහැකි බවයි.. එවැනි මත්ස්‍ය වර්ග "මොනොමොපික්" (Monomonphic) එනමි ශරීර ලක්ෂණ වෙනස් නොවන මත්ස්‍ය වර්ග ලෙස හදුන්වයි..
ඔස්කා මසුන් අභිජනනය ක්‍රියාවලිය මට හැකි අයුරින් කෙටියෙන් එය මෙසේ විස්තර කරන්නම්,
ඔස්කා මසුන්ට වයස මාස 10 පසු කරපසු සාමාන්‍යයෙන් අගල් පහ පසු වු පසු ඔස්කා ගැහැණු මසුන් තම ජීවින සහකරු තෝරාගැනීමට ආරම්භ කරයි.. මෙහිදි ගැහැණු ඔස්කා මත්ස්‍යයෙක් විසින් තම සහකරවා තෝරාගැනීමට මුල් පිරීම විශේෂයි. මෙහිදි ගැහැණු මසුන් පිරිමි සත්වයෙක් තෝරාගැනීමට ප්‍රධාන වශයෙන් හේතුපාදක වන්නේ ඔස්කා මසුන්ගේ පැවතගෙන එන ජානමය ක්‍රියාවලියක් නිසා වෙි. එනමි ඔස්කා මසුන් ජිවත් වන ඇමසන් ගංගාවෙි ඔවුන් සමග පිරානා මසුන්, ඇරපයිමා මසුන් සහ තවත් විශාල මාංශභාශික මසුන් ප්‍රමාණයක් ජිවත් වේ. එබැවින් ඔස්කා ගැහැණු සතා සහ බිත්තර පරිස්සමි කිරීමෙ වගකීම පිරිමි සතාට පැවරෙන බැවින් ඔස්කා ගැහැණු සතා තම පිරිමි සහයකයා ශක්තිවන්ත සත්වයෙක් මුලු ජීවිත කාලයටම තෝරාගනී.. එම තොරාගැනිම මුලික වශයෙන් කටට කට තබා තල්ලු කරගන්නා ආකරයට සිදු වෙි.. එමෙන්ම ඔබ ඔස්කා මසුන් අභිජනනයට පෙර මසුන් යුගල් වෙන්වි (Pair outing) තොරාගැනීමට පෙර අනිවාර්යයෙන්ම එම ගැහැණු ඔස්කා මසුන් සහ පිරිමි ඔස්කා මසුන් එකම දෙමාපියන්ගේ නොවිය යුතුය.. එසේ සදහන් කරන්නේ කුමන හෝ ආකාරයෙන් එකම දෙමාපියන් දෙදෙනෙකුගේ මසුන් යුගල් වෙන්වී අභිජනනය සිදුවුවහොත් එමගින් එන ඔස්කා පැටවුන් බහුතරයක් අංගවිකල හෝ ඇල්බිනෝ කුලකයට අයත් වුවහොත් ඔවුන්ගේ සාමාන්‍ය සුදු ඇගේ කලුපාටට පැල්ලම් පිහිටිමයි.. ඊට අමතරව එම කුඩා මසුන්ගේ වර්ධනය අනෙත් ඔස්කා මසුන්ට වඩා අඩුය.. තවද නියමිත ආකාරය අගල් හතරකට වඩා වර්ධනය වු ඔස්කා මසුන්ට ඇති තත්ත්ව පොයින්ට් 14/14 සම්පුර්ණ නොවීමයි..
හරි ආකාරයෙන් යුගල් වෙන්වු බහුතරයක් ඔස්කා මසුන් වර්ෂයේ වර්ෂාපතනය ඇති කාල වලට අනිත් කාල වලට වඩා අභිජනනය ඉතා සාර්ථකව සිදු කරයි.. එම අභිජනනය ක්‍රියාවලිය ආරම්භ කරන මසුන් රළු පුෂ්ටයකට බිත්තර දැමීම ආරම්භ කරයි, එහෙදි ගැහැණු ඔස්කා මත්ස්‍යා ඩිමිබ පුෂ්ටයකට හලද්දි පිරිමි ඔස්කා මත්ස්‍යා ශුක්‍රාණු එම ඩිමිබ මත හලයි. එම ක්‍රියාවලිය පැය දෙකකින් පමණ අවසන් වෙි. එම බිත්තර ක්‍රම දෙකකට අභිජනනය කල හැක. එනමි මවි සතුන්ටම අභිජනනය ක්‍රියාවලිය සිදු කිරීමට දිමත් නැතහොත් එම බිත්තර දැමු පුෂ්ටය වෙනත් බාහිර ටැංකිය දමා අභිජනනය කල හැක. එම බිත්තර දැමු දිනේ සිට තුන්වන දිනේ සිට බිත්තර සරුවී දින පහ ගත වෙද්දි සමිපුර්ණයෙන්ම බිත්තර පුපුරා පැටවු පිහිනීමට ආරම්භ කරයි.. මෙහිදී ව්‍යාපාරයක් වශයෙන් කරන කෙනෙක්ට දෙවනියට සදහන් කල ආකාරය ලාභදායී වෙි..
ඊට පසු, වෙනම අභිජනනය කල මත්ස්‍ය පැටවුන් දින පහ( පැටවුන් සමිපුර්ණයෙන්ම පීනනන්ට පටන්ගත්) පසු කර පසු ආහාර දීම ආරම්භ කලයුතු වෙි.. ඊට අවශ්‍ය මුලික ආහාරය ආර්ටිමියා (Artemia, Brine shrimp) නමින් හදුන්වයි.. ඉදිරි ලිපියකින් ඔස්කා මසුන් බිහිවු දා සිට මියයන දින දක්වාම දිය යුතු විවිධ වර්ගයේ ආහාර සමිබන්ද ලිපියකින් ඔබ හමුවන්නට බලාපොරොත්තු වෙමි..
මෙහි සදහන් කරුණු පිලිබඳව හෝ වෙනත් ඔබ හට ගැටලු ඇත්නමි අප ආයතනය අමතන්න.. ස්තුතියි.

19/12/2016

අපි හැමෝම කැමැතියි ලස්සන මාළු ගොඩාක් ඉන්න මාළු ටැංකියක් ගෙදර තියා ගන්න. බුබුළුදාන නිල්පාට වතුර පිරුණු ටැංකියක පාට පාට මාළු එහෙ මෙහෙ පිනනවා මොණතරම් වේලාවක් බලාගෙන හිටියත් හපා වෙන්නෑ. ඒ වගේම සුන්දර මාළු ටැංකියක් දිහාවේ බලිගෙන විවේකීව සිටීම බොහෝ බෝ නොවන රොග වලට සුවය ගෙන දෙන ස්වභාවික සත්කාර විදියක් ලෙස වෛද්‍යවරුන් පවා නිර්දේශ කරනවා. මාළු ටැංකියක් හදා ගන්නා ඒක නිවැරදිව නඩත්තු කරන්න පියවරින් පියවර අපි ඉගෙනගන්න ඕන. නැත්නම් අසරණ මාළු ටික ටික දවසකින් මිය යනවා වගේම ටැංකිය නඩත්තු කිරීමත් එපා වෙනවා. මේ ගැන නිරන්තරයෙන්ම කතා කරමු. දැනුවත් වෙමමු. සුන්දර මස්‍ය ලොකයේ විසිතුරු අත්විදින්න මේ පේජ් එකට ලයික් එකක් දාන්න.