Dýralæknastofa Reykjavíkur

01/04/2026

Opnunartímar yfir páska 🐣
Munum að halda bestu vinum okkar frá páska súkkulaðinu 🍫
Alltaf er hægt að ná í dýralækni á neyðarspítalanum Animalíu í síma 555-0112 🩺

13/03/2026

Hótel-hósti hjá hundum.

Hótel-hósti er smitandi barka-og berkjubólga (öndunarfærissýking) hjá hundum. Sjúkdómurinn smitast á milli hunda og oft sjáum við þetta eftir að hundar hafa verið á hótelum, hundasýningum eða öðrum svæðum þar sem hundar koma saman.

Hver eru einkenni hótelhósta:
• Mikill og harður hósti, eins og eitthvað sé fast í hálsinum á hundinum.
• Hósta upp slími og/eða kyngja eftir hósta
• Nefrennsli, hnerri og útferð frá augum.

Er hótel-hósti hættulegur?
Yfirleitt er hótel-hósti ekki lífshættulegur, þó hann geti verið hvimleiður. Sjúkdómurinn getur þróast í að verða alvarlegur og í versta tilfelli valdið lungnabólgu. Áhættusjúklingar eru:
• Hvolpar
• Eldri hundar
• Veikir eða mjög stressaðir hundar.
• Flatnefja hundar
• Hundar sem búa við mikinn sígarettu/vape reyk.
Einkenni sem benda til þess að sjúkdómurinn sé orðinn alvarlegri:
• Lystarleysi
• Þreyta
• Öndunarerfiðleikar

Hvernig smitast hótel-hósti?
Hótel-hósti er loftborinn og mjög smitandi. Hann getur smitast með:
• Matar-/vatnsskálum og leikföngum
• Lélegri loftræstingu
• Kulda
Tími frá smiti og þar til einkenni myndast: 2-14 dagar.

Meðhöndlun hótel-hósta.
• Flestir hunda þurfa enga meðhöndlun og ná sér innan þriggja vikna. Til að hjálpa við bata:
• Gott er að hafa góða loftræstingu.
• Nota beisli í stað hálsólar þegar farið er út.
• Einangra hundinn frá öðrum hundum.

Er hægt að bólusetja við hótel-hósta.
Já! Bólusetning ver ekki alltaf gegn hótel-hósta en gerir smit ólíklegri og einkenni ættu að vera mildari en hjá óbólusettum hundum.

Við bjóðum nú upp á bólusetningu við hótel-hósta og mælum með því fyrir hunda sem eru á leið á hótel eða á hundasýningar.

11/02/2026

Hér má sjá eyrnamaur sem fannst í eyra á kisu þegar hún kom í árlega heilsufarsskoðun 🐈
Eyrnamaur er sníkjudýr sem finnst hjá bæði hundum og köttum á Íslandi. 🐛
Helstu einkenni eyrnamaurs er kláði og erting í eyrum og aukin framleiðsla á eyrnamerg.

22/12/2025

🎄Opnunartímar yfir hátíðarnar🎄
Í neyðartilfellum utan opnunartíma er hægt að hafa samband við Neyðarspítala Animalíu í síma 555-0112.

28/10/2025

🎇Undirbúningur fyrir áramótin🎇
Nú fer að styttast í áramótin og því er gott að byrja að undirbúa hundana okkar!🐶🎧
Til þess að reyna að hljóðvenja þá, er hægt að spila flugeldahljóð heima, byrja lágt og fara hækkandi þegar hundurinn bregst ekki við – Mjög gott er að nota nammi og hrós til að tengja hljóðið við eitthvað jákvætt.  🔉🔊
Þeir sem hafa áður fengið róandi lyf fyrir áramótin eða telja dýrið sitt þurfa róandi lyf er mikilvægt að þeir hafi komið í skoðun á árinu og því gott að fara að huga að því. 🎆
Athugið við gefum ekki róandi lyf fyrir fyrstu áramótin hjá dýrum. 🐶
Oft er hægt að byrja á því að prufa stuðningsaðferðir svo sem: Adaptil (róandi feromónar), Happy Hoodie (hjálpar að draga úr kvíða), Thunder Shirt (hjálpar að draga úr kvíða), Calmex (töflur sem hjálpa við streituvaldandi aðstæður) og Calm fóður (hjálpar að viðhalda tifinningalegu jafnvægi).🧘‍♀️ Mælt er með að byrja á þessu 2-4 vikum fyrir streituvaldandi atburðin.

28/10/2025

Lokum fyrr í dag vegna veðurs❄️

17/10/2025

Lokað verður hjá okkur á morgun, laugardaginn 18/10 vegna dýralæknaþings.

08/08/2025

Í dag er alþjóðlegi kisudagurinn. Við á Dýralæknastofu Reykjavíkur elskum ketti; stóra sem smáa, unga sem aldna og alla þar á milli. Við leggjum okkur fram við að gera heimsóknina eins góða og hægt er og leggjum áherslu á að vera “cat friendly”. Í tilefni dagsins viljum við sýna ykkur kisur starfsmanna stofunnar og okkur þætti gaman að sjá mynd af ykkar kisu/kisum í athugasemdum.

Við viljum líka óska ykkur öllum gleðilegra hinsegin daga! 🌈🏳️‍🌈

14/07/2025

🦷 Þyrnir kom til okkar í dag, þar sem hann hafði brotið ofan af einum jaxli. Við skoðun og myndatöku kom í ljós að brotið náði ekki inn í rót, svo hægt var að loka brotinu með einfaldri fyllingu. Þegar tennur brotna getur verið um einfalt brot að ræða, eins og hjá Þyrni eða brot inn í rótargöng en þá þarf að rótarfylla eða fjarlægja tönnina. Hjá okkur á Dýralæknastofu Reykjavíkur gerum við hvoru tveggja 🦷

03/07/2025

Lokað verður hjá okkur á laugardögum fram yfir Verslunarmannahelgi.

Ef um neyðartilfelli er að ræða, hafið samband við neyðarspítalann Animalía sem er opinn allan sólarhringinn.

17/04/2025