06/02/2023
Kennel-hósti hjá hundum 🐶
Kæru eigendur,
Kennel-hósti er að ganga milli hunda þessa dagana. Ef hundurinn þinn er með hósta, vinsamlegast haltu honum heima og ekki hitta aðra hunda. Ef hundurinn þinn hefur verið í návígi við annan hund sem hóstar, endilega haltu honum heima þar til annaðhvort einkenni koma í ljós eða öruggt er að hann hafi ekki smitast.🤧
Flestir hundar verða ekki mikið lasnir, en geta þó fengið háan hita og verið ólíkir sér í einn eða tvo daga.🤒Hóstinn er yfirleitt þurr og hljómar oft eins og hundurinn sé að kafna eða með eitthvað fast í hálsinum. Hóstinn getur versnað í nokkra daga og fer síðan dvínandi næstu 3 vikurnar.
Ef hundurinn hefur verið í reglulegu eftirliti og hlustað á hjarta og lungu nýlega, þarf ekki að koma með hundinn til dýralæknis nema ef um langvarandi hita sé að ræða og hundurinn hefur ekki borðað í nokkra daga.👩🏼⚕️
Mikilvægt er að hundurinn fái vökva og gott að gefa Doggyrade eða oralade (svipar til Gatorade) ef þeir vilja ekki borða. Eins og þegar við mannfólkið fáum flensu, er mikilvægt að fara ekki mikið út í kuldann og taka því rólega. 😴
Biðlum til fólks að passa sóttvarnir og vera ekki að hitta aðra hunda ef þinn hundur er með hósta.😷
Ef eigendur hafa miklar áhyggjur af hundinum, er alltaf hægt að heyra í okkur og fá ráðleggingar í síma 540 9900 ☎️
