DÝR - Dýraþjónusta Reykjavíkur

28/07/2026

Þetta óörmerkta krútt fannst í Fannafold í Grafarvogi. Vinsamlegast hafðu samband með því að senda tölvupóst á [email protected] ef þetta er kanínan þín🐰🤍

10/07/2026

Mjög fróðlegt og flott frá Fuglavernd💚

🐦 Ég fann unga!

Hvað á ég að gera?

Láttu ungann í friði. Foreldrarnir halda sambandi við ungann með hljóðum. Þó svo að þú sjáir ekki foreldrana strax þá eru þeir líklegast í nágrenninu. Mundu að foreldrarnir geta verið í burtu í nokkrar klukkustundir í leit að fæðu.

Ef unginn er greinilega slasaður þá má hafa samband við Dýraþjónustu Reykjavíkur.

Ef unginn er í bráðri hættu og getur ekki fært sig hratt og er t.d. í hættu á að verða fyrir bíl þá máttu færa hann á öruggara svæði í nágrenninu. Mikilvægt er að foreldrarnir geti fylgst með flutningnum og að unginn sé ekki fluttur á óöruggara svæði.

Staðirnir sem við mennirnir veljum eru ekki endilega öruggir og unginn gæti orðið berskjaldaður fyrir köttum eða hundum. Í mörgum tilfellum reynir unginn að komast aftur á upprunalega staðinn.

Hvað á ég ekki að gera?

Ekki taka ungann með heim. Hann á bestu lífsmöguleika með foreldrum sínum, svo lengi sem hann er ekki slasaður.

Ekki færa ungann of langt frá foreldrum sínum því þá getur hann misst samband við þá.

Texti: Hlynur Steinsson
Mynd: Elma Rún

07/07/2026

Hlökkum til að sjá skráða og stillta hunda í Fjölskyldu- og húsdýragarðurinn/Reykjavik Family Park and Zoo á miðvikudaginn🤎 Lukkuhjólið verður í veitingaskálanum við kaffihúsið hjá Bæjarins Beztu❤️

03/07/2026

Vávává! Takk kærlega fyrir komuna🥰 Hlökkum til að hitta enn fleiri hunda næsta miðvikudag og leyfa þeim að snúa lukkuhjólinu🎡❤️

Fjölskyldu- og húsdýragarðurinn/Reykjavik Family Park and Zoo
Dýrahjálp Íslands

Viljum þakka þessum aðilum fyrir að gefa ótrúlega flottar gjafir fyrir lukkuhjólið:
Gæludýr.is/ Petmark
Dýrheimar
Petria
OK gæludýrabúð
Jóserabúðin
Dýralæknastofa Hafnarfjarðar
Dagfinnur Dýralæknir
Dýralæknastofa Kópavogs

03/07/2026

Eigandi fundinn
Þessi dásemd er hjá okkur eftir að hafa fundist á vappinu á Digranesvegi. Ef þú kannast við hann máttu vinsamlegast hringja í 822-7820💚

30/06/2026

Hlökkum til að sjá alla skráða og stillta hunda í taum með eigendum sínum á morgun í Húsdýragarðinum 🦮

Minnum á að ekki er heimilt að fara inn í dýrahúsin með hunda en dýrin í Húsdýragarðinum eru hvort sem er flest úti og því auðvelt að njóta vel🩵💙💚

30/06/2026

Þessar tvær eru hjá okkur í góðu yfirlæti og leita eigenda sinna. Ef þið kannist við þær má hafa samband í síma 822-7820 eða senda tölvupóst á [email protected] 🕊️💚

29/06/2026

Það verður rosalega gaman á miðvikudaginn🩵💚💙

Hundaeigendur hafa undanfarna mánuði getað komið með stillta og skráða hunda sína í heimsókn í Fjölskyldu- og húsdýragarðinn á miðvikudögum, og hefur það almennt gengið vel. Nú hefur verið ákveðið að gefa fleirum tækifæri til að njóta þessara heimsókna með því að bæta við laugardögum í júlí.

🎡 Miðvikudaginn 1. júlí kl. 14–16 verður extra fjör:
Hundar (með aðstoð eigenda) geta snúið Lukkuhjóli Dýraþjónustu Reykjavíkur og reynt að vinna glæsilega vinninga!
🐶 Á staðnum verða einnig:
• Fulltrúar frá Dýrahjálp sem kynna starf sitt
• Starfsfólk Dýraþjónustu Reykjavíkur sem segir frá sinni þjónustu

Hundaeigendur eru þó vinsamlega beðnir að hafa í huga að aðeins er heimilt að koma með hunda sem eru heilsuhraustir, stilltir og skráðir. Það felur í sér að hundar skulu vera bólusettir, ormahreinsaðir og almennt við góða heilsu. Einnig er mikilvægt að hundurinn sé rólegur og sýni góða hegðun – hann má hvorki valda ónæði fyrir dýr garðsins né gesti og þarf að vera í stuttum taum allan tímann. Þess utan þarf hundurinn að vera skráður hjá sveitarfélagi og bera skráningarmerki um hálsinn því til staðfestingar.

Yfir sumartímann eru flest dýr garðsins úti við á opnunartíma. Gestkomandi hundar eru ekki leyfðir inni í útihúsunum og sérstaklega viljum við benda á að refirnir bregðast illa við nærveru hunda. Því er ekki leyfilegt að vera með hunda nálægt þeim. Þá mega þeir ekki vera inni í veitingasölunni.

Það er einlæg von starfsfólks að hundaeigendur kunni að meta þetta framtak og sýni þessum takmörkunum skilning. Markmiðið er fyrst og fremst að tryggja velferð dýranna og að öll geti notið heimsóknarinnar á öruggan og ánægjulegan hátt.

25/06/2026

Þessi krútt eru hjá okkur eftir að hafa fundist við Hvaleyrarvatn og eru öll óörmerkt. Ef þú kannast við þau má endilega senda okkur tölvupóst á [email protected]🐰🩷