Litlu gaukar

04/05/2025

☆☆☆Kominn með heimili☆☆☆
Er með þennan fallega gárastrák til sölu. Hann er handmataður og mjög ljúfur. Kom úr eggi 12.mars og er því tæplega 8 vikna. Hann er tilbúinn að fara að heiman ❤️ Nánari upplýsingar í skilaboðum.

18/03/2025

***Kominn með heimili***
Þessi skemmtilegi strákur er orðinn 8 vikna og tilbúinn að fara að heiman. ❤️ Hann sækir mikið í að vera hjá manni, er forvitinn, leikglaður, óhræddur og ákveðinn 😊 Nánari upplýsingar í skilaboðum.

21/02/2025

***Takk fyrir áhugann, allir fráteknir eins og er ***

3 sætir strákar útataðir í graut en fara bráðum að hætta handmötun ❤️ 1 frátekinn en tveir á lausu 💕

28/12/2024

19/11/2024

🐦Nú treysta smáfuglarnir á dýravini um fóðurgjafir og aðgang að drykkjarvatni til að hafa veturinn af. Mikilvægast er að gefa fuglunum snemma morguns og gott að gefa þeim síðdegis fyrir nóttina. ❄️

➡️Smáfuglar éta ýmislegt sem fellur til á heimilum en einnig fuglafóður sem má nálgast í flestum matvöru- og gæludýraverslunum. Gott er að gefa störum og þröstum fitu með ávöxtum og fræjum, en snjótittlingum og auðnutittlingum fræ. 🪶

➡️ Einnig treystir hrafninn á fóðurgjafir á veturna að mörgu leyti sem og gæsir, svanir og endur sem leita á náðir okkar manna í byggð. 🦆 🦢

🔹Á vef Fuglavernd - BirdLife Iceland má finna góðar upplýsingar um fóðrun fugla fyrir þá sem vilja aðstoða þessa góðu vini í vetur. Einnig er hægt kaupa fóður hjá Fuglavernd. 🐦
https://fuglavernd.is/tegund.../gardfuglar/fodrun-gardfugla/

15/08/2024

Þessi litla ástargauka stelpa sprengir krúttskalann 😍🥰 Var að fá sent þetta sæta myndband af henni Avacado sem er frá Söru og Sesar mínum. Þetta er svo sætt að ég varð að deila, hún hefur það greinilega mjög gott 🥰💞

Check out Rio’s video.

02/08/2024

☆Allir fráteknir eins og er nema gula gárastelpan☆
Fuglar í heimilisleit ♡
Eitt ástargaukapar, tveir ársgamlir gára strákar og þrjár 6 mánaða gára stelpur (1 gul og 2 hvítar).
Nánari upplýsingar í skilaboðum. Ef það fara tveir gárar saman getur fylgt búr með.

15/05/2024

Allir út ataðir í graut 💕 Allir fimm ungarnir frá Bellu og Blæ eru strákar 😯 Stelpurnar hafa alltaf verið í meirihluta svo þetta er mjög óvanalegt 😊

12/05/2024

Mig langar að reyna að finna gott heimili fyrir ástargauka parið sem stendur á höfðinu mínu á myndinni. Það eru þau Júlía og Rómeó. Þau eru sennilega rúmlega 3 ára og eru búin að vera hjá mér síðan í janúar. Júlía er frökk og ákveðin en Rómeó er dálítið feiminn en eltir hana. Ég hef ekki gefið mér mikinn tíma til að vinna með þau en þau hafa sýnt að það er vel hægt að þjálfa þau betur og geta verið skemmtileg gæludýr.
Júlía lítur vel út en Rómeó plokkar sig og það hefur gengið dálítið erfiðlega að fá hann til að hætta því. Oft virðist þetta vera allt í rétta átt en svo hefur hann byrjað aftur. Ég hef ekki getað gefið þeim mikinn frjálsan tíma en þau njóta þess mikið þegar þau fá að vera laus. Ég gæti trúað að það gæti haft góð áhrif á Rómeó að komast á heimili þar sem þau geta fengið daglega að fljúga laus og leika. Þau höfðu eignast unga nokkru sinnum á fyrra heimili og Rómeó var verstur í plokki meðan á varpinu stóð svo það má ekki nota hann meir í varp.

Þeim fylgir ágætis búr en eru ekki alveg gefins. Ég bið áhugasama að kynna sér tegundina vel. Ástargaukar eru mjög skemmtilegir fuglar en meira krefjandi og háværari en gárar. Nánari upplýsingar í skilaboðum.

07/05/2024

Ein mynd af honum Svampi sæta frá því um páskana 🥰
Aníta Viggósdóttir

28/04/2024

Það hafa fengist ódýr net með rennilás í Jysk. Mæli með, þægilegt að geta rennt frá til að opna glugga og gott að geta haft opna glugga án þess að þurfa að hafa áhyggjur ☀️

**ATH uppfærðar upplýsingar tala týndra fugla fór úr 30 stk uppí 103 eftir að hafa fengið upplýsingar frá fuglavini sem tók saman allar auglýsingar um týnda fugla árið 2023**

Þetta er gríðarlegur fjöldi og það er greinilegt að vitundavakningar er þörf!

🌡🦜 Mikilvæg skilaboð nú þegar hlýnar í veðri☀️