Ás, dvalar- og hjúkrunarheimili

30/07/2026

Þó flestir dagar í Bæjarási séu afskaplega notalegir þá eru sumir dagar aðeins betri en venjulega.

Í vikunni kom hann Egill Darri í heimsókn með hunda sem fjölskyldan hans er að passa og það vakti kátínu.🐩

Að auki var ákveðið að fara í svokallað aulabingó sem allir elska.
Svo góður dagur 😍

28/07/2026

Stundum er gott að viðra sig aðeins og það er einmitt það sem Björk, Snorri og Friðberg gerðu á dögunum. Þau eru í dagdvöl í Bæjarási.

Gengið var um Lystigarðinn og dáðst að fallegum gróðrinum. Þar var á víðavangi fótbolti og ákveðið að sparka á milli og hvíla sig svo á þessum fallega bekk sem nýkominn er í garðinn. Starfmaður Bæjaráss tók þessar skemmtilegu myndir.🥰

27/07/2026

Fjölmargir lögðu leið sína á opið hús á afmælisdegi Áss í gær þegar gefinn var kostur á að skoða nýja hjúkrunarheimilið sem er að rísa.

Gestum var boðið upp á kaffi og kleinur og fengu leiðsögn um þetta glæsilega heimili sem stefnan er að opna í febrúar á næsta ári.

24/07/2026

Þegar tími gefst til er notalegt að nostra aðeins við heimilisfólkið.

🥰 Hún Tanja, sem vinnur við umönnun í Bæjarási, ákvað að bjóða heimiliskonunni Nönnu upp á förðun þegar hún átti lausa stund. Nanna var ekki lengi að þiggja slíka dekurstund.😍

22/07/2026

22/07/2026

Björk var sjúkraliði á hjúkrunarheimilinu í Ási og talar oft um hvað það hafi verið og sé gott að vinna þar. Nú kemur hún í Bæjarás í dagdvöl. Hún nýtur þess nú eins og þegar hún var í vinnunni að dekra við heimilisfólkið. Hér er hún að setja rúllur í Rúrí 🥰

21/07/2026

Í lok síðustu viku sást til fyrstu sólarglætunnar í langan tíma og því var fagnað hér í Ási. Við slógum upp pylsupartýi þar sem margir heimilismenn lögðu hönd á plóg við undirbúning og á meðan á veisluhöldum stóð. ☀️

Í eftirrétt var boðið upp á heiðarlega sykurpúða-samloku og kom í ljós að margir voru að smakka þessa klístruðu veislu í fyrsta skipti.

Sumir fóru alla leið í sumargleðinni og hentu í garðútilegu. Dýrmætt og skemmtilegt uppbrot sem veitti þvílíka gleði. 🥰

23/06/2026

Við á Grundarheimilunum eru stolt að segja frá því að við áttum fimm fulltrúa við útskriftina hjá Háskólanum á Akureyri um síðustu helgi.👏👏👏👏👏

Hasthika Lankathilaka starfsmaður á Grund og Maria Florinda Da Silva Abranja starfsmaður á hjúkrunardeildinni í Ási luku grunndiplómu í fagnámi fyrir starfandi sjúkraliða með sérhæfingu í öldrunar- og heimahjúkrun.

Ragnhildur Rún Vilmundardóttir brautskráðist með BS gráðu í iðjuþjálfunarfræðum.

Fanney Björg Karlsdóttir og Guðrún Lilja Jóhannsdóttir brautskráðust með viðbótardiplómu í ráðgjöf í málefnum fólks með heilabilun.

Við óskum þeim hjartanlega til hamingju. 🥰

18/06/2026

Það ríkir alltaf skemmtilegt andrúmsloft þegar heimilisfólk í Ási sækir sumarblóm til að hafa hjá sér. 🌹🌷🌺

Það er úr nægu að velja, litrík og falleg blóm sem gleðja svo sannarlega. Það er svo notalegt að puða aðeins í mold og gefandi að fylgjast með blómunum vaxa og dafna. 🥰

30/04/2026

Forseti Íslands, Halla Tómasdóttir heimsótti Ás í gær ásamt eiginmanni sínum, Birni Skúlasyni. Tilefnið var 80 ára afmæli Hveragerðisbæjar. 🇮🇸

Stjórnarformaður Grundarheimilanna, Gísli Páll Pálsson ásamt forstjóra Karli Óttari Einarssyni, tóku á móti forsetahjónunum og Birna Sif Atladóttir framkvæmdastjóri hjúkrunar í Ási flutti ávarp.

Forsetinn lýsti yfir ánægju með heimsóknina og sagði það bera vott um gott samfélag þar sem hlúð væri að börnum og öldruðum.

Heimilisfólkið var spennt fyrir komu forsetahjónanna sem gáfu sér góðan tíma til að heilsa upp á bæði þá sem búa í Ási og eru í dagdvöl. Að lokum var afmælissöngurinn tekinn fyrir afmælisbörn dagsins.