01/05/2019
Upplýsingar um þáttakendur í Reiðskóla Hestheima 2019
9. júni-14. júni 2019 og 16. júni-21. júni, 23. júni-28. júni
Þessar þrjár namskeiðsvikur, getar hugsanlegar verið í boði en þarf að skoðast eftir hvernig skráning er.
Yfir reiðkennari verður Rósa Birna Þorvaldsdóttir.
Námskeiðsgjald er kr. 65.000 og skal greitt inn á reikning: 0308-26-008008 kt. 0601693739, fyrir 5. júní. Vinsamlegast sendið kvittun fyrir greiðslu á [email protected].
Innifalið í námskeiðsgjaldi er reiðkennsla, gisting og fæði alla námskeiðsdagana; morgunmatur, hádegismatur, síðdegiskaffi, kvöldmatur, kvöldhressing og sundferðir.
Börnin koma í reiðskólann á sunnudagskvöldi milli 19 og 20.30 og eru sótt á föstudegi kl. 14, en þá er foreldrum boðið að þiggja kaffiveitingar. Stúlkur og drengir gista í sitthvorri álmunni, ásamt umsjónaraðilum.
Þau þurfa að hafa með sér; reiðfatnað (eða önnur föt sem þola það að vera á hestbaki), góða skó til að nota á hestbaki, vettlinga, inniskó, góð og hlý útiföt fyrir öll veður, sundföt og
handklæði, lak á dýnu (90x200), sæng/svefnpoka og kodda, aukafatnað, náttföt, tannbursta og annað snyrtidót. Farið er í sund 2x í námskeiðsvikunni. Á fimmtudagskvöldi er kvöldvaka og mega börnin taka með sér gos/nammi/snakk til að eiga á kvöldvökunni. Umsjónarmaður geymir þær veitingar þar til að kvöldvökunni kemur.
Ef barnið hefur ofnæmi eða þarf að taka lyf þarf það að koma fram við skráningu.
Athugið að notkun farsíma verður takmörkuð, en börnin geta fengið að hringja heim milli 20 21 á kvöldin, ef nauðsyn ber til. Ef foreldrar þurfa að ná í börnin sín í síma er hægt að hringja í síma 487-6644. Reiðskólinn tekur ekki ábyrgð á þeim símtækjum sem börnin kunna að hafa með sér.
Bestu kveðjur, hlökkum til að sjá ykkur!
Sigurður Sigurðarson, umsjónarmaður reiðnámskeiða í Hestheimum. S. 898-3038
