Hundaræktarfélag Íslands

09/08/2026

Þá hefst dagur 2 af ágústsýningum félagsins og sólin er mætt ☀️ minnum á að ekki er hægt að leggja fyrir framan kirkjuna í dag!
Einnig viljum við minna fólk á að TAKA UPP eftir hundana sína! Því miður er starfsfólk okkar búið að þurfa að hreinsa upp mikið af skít á og í kringum svæðið eftir gærdaginn og við verðum að taka okkur á saman! Nóg af ruslatunnum á svæðinu! Gerum þetta saman gott fólk 🐶

06/08/2026

Þá er að koma að sýningu! Allar upplýsingar eru komnar á vefinn 🐶
Nokkrir punktar inn í helgina:
🐩Frír aðgangur í boði EUKANUBA (Petmark ehf. Heildverslun)
🌈Þeir sem ætla að tjalda verða að skoða merkingar og teikningar vel (sjá frétt), skipuleggjendur sýningar munu fjarlægja tjöld sem eru stöðum sem má ekki tjalda á!
🐩Tjalda má á föstudaginn (morgun) eftir kl. 15, uppsetning hefst kl. 12
🌈Göngum frá eftir okkur og hendum rusli í tunnur, það er nóg af þeim á svæðinu
🐩Pössum hvar við leggjum, hægt að sjá mynd neðst í fréttinni, bílar verða dregnir í burt og jafnvel sektaðir af lögreglu sem mun koma reglulega á svæðið - Ekki er heimilt að leggja fyrir framan skátaheimilið um helgina oge kki fyrir framan kirkjuna á sunnudag, sjá upplýsingar og myndir í fréttinni
🌈Rósettusalan er á sínum stað, einungis er tekið við kortum þar
🐩Matarvagn, sjoppa og ýmsir sölubásar verða á staðnum báða dagana
🌈Sýningin byrjar kl. 9 báða dagana og úrslit kl 15:30 - sjá dagskrá á vefnum
🐩Tökum með góða skapið sem og kurteisina og njótum helgarinnar saman😊
Við óskum ykkur góðs gengis og hlökkum til samverunnar um helgina!

Nú um helgina, 8.-9. ágúst, verður seinni útisýningar helgi sumarsins haldin á Víðistaðatúni í Hafnarfirði. Skráning á sýningarnar var með besta móti, eða tæplega 950 hundar hvorn dag og rúmlega 30 ungir sýnendur. Dæmt verður í 12 sýningahringjum samtímis og hefjast allir ...

04/08/2026

Jæja, núna er tæp vika í næstu sýningu og um að gera að finna til það sem þarf, pússa skóna, snyrta hundinn og allt það... ✨ Hérna er stuttur gátlisti fyrir þá sem eru að byrja að sýna, tóku sér smá pásu frá sýningarhringnum eða þurfa bara smá upprifjun frá seinustu sýningu:

🐕 Hundinn — langmikilvægasti liðurinn og sá sem má alls ekki verða eftir heima.

🎀 Sýningartaum — svo allt fari nú fram með stæl inni í hringnum.

🔢 Sýningarnúmerið og haldarann — númerið eitt og sér dugar skammt ef það fýkur út í veður og vind.

🦴 Nammi fyrir hundinn — mútur eru fullkomlega leyfilegar á sýningum og virkar undantekningarlaust vel (það má samt bara múta hundinum, ekki dómaranum).

💧 Vatn og vatnsskál — þyrstur hundur er enginn gleðigjafi. Svo er að sjálfsögðu gott að hafa með vatn fyrir sýnandann/eigandann líka.

💩 Kúkapoka — því miður sér hundurinn ekki um þennan þátt sjálfur... enn sem komið er.

🪮 Snyrtidót og bursta — fyrir smá lagfæringu rétt áður en gengið er inn í hringinn.

🧺 Handklæði og teppi fyrir hundinn — ómetanlegt ef ferfætlingurinn verður blautur eða drullugur.

🧥 Klæðið ykkur eftir veðri — munið að á Íslandi getur það þýtt allar fjórar árstíðirnar á einum og sama degi.

☕ Og svo eru það þessir litlu hlutir sem eru kannski ekki nauðsynlegir en skipta suma miklu máli — hitabrúsinn með kaffinu, lukkusokkarnir eða fellistóllinn sem þið takið alltaf með en setjist aldrei sjálf í... Þið vitið alveg hvað ég á við.

📋 Kíkið líka á dagskrána og athugið hvenær ykkar tegund er dæmd, svo enginn missi af sínum tíma í hringnum.

En umfram allt, það sem skiptir mestu máli númer eitt, tvö og þrjú: að hafa gaman! 🎉
Sjáumst hress á Víðistaðatúni um helgina🐾

30/07/2026

Dagskrár ágútssýninganna hafa verið birtar, með fyrirvara um nauðsynlegar breytingar vegna starfsfólks eða villur 😊

Þá nálgast seinni helgi sumarsýninga HRFÍ, en þær fara fram 8.-9. ágúst á Víðistaðatúni í Hafnarfirði. Skráning á sýningarnar var með besta móti, tæplega 950 hundar báða daga og fyrir 30 ungir sýnendur. Dæmt verður í tólf hringjum á báðum sýningum og hefjast dómar a...

28/07/2026

Hjá okkur liggja mikið af óskilamunum!
Hægt er að nálgast þá uppá skrifstofu HRFÍ á opnunartíma.
Ef óskilamunir er ekki sóttir fyrir 14.ágúst verður þeim komið í endurvinnslu.

18/07/2026

🇮🇸 Dagur íslenska fjárhundsins 🇮🇸

Daginn í dag á þjóðarhundur okkar Íslendinga, íslenski fjárhundurinn.
Til hamingju með daginn, Deild íslenska fjárhundsins og allir unnendur þessa magnaða hunds!
„Hann er afkomandi hunda sem bárust til landsins þegar á landnámsöld. Hundurinn varð bændum ómissandi við smölun og yfirsetu og vinnueiginleikar hans hafa aðlagast landslagi, búskaparháttum og harðri lífsbaráttu Íslendinga á liðnum öldum. Íslenski fjárhundurinn er fimur, harðger og þolinn smalahundur sem geltir og er því mjög gagnlegur við rekstur búsmala og til fjárleita. Vakteðli er hundinum eiginlegt og lætur hann vita þegar fólk ber að garði án þess að vera árásargjarn. Íslenski fjárhundurinn er glaður og vingjarnlegur, forvitinn, fjörmikill með ljúfa lund og óragur.“ (ræktunarmarkmið íslenska fjárhundsins, www.dif.is)

Á Facebook síðu Dags íslenska fjárhundsins má finna allar upplýsingar um spennandi dagskrá í tilefni afmælisins 🐾🇮🇸

🇮🇸 Day of the Icelandic Sheepdog 🇮🇸
Today is the day of Iceland's national breed, the Icelandic sheepdog!

Dagur íslenska fjárhundsins verður haldinn hátíðlegur víða á laugardaginn.

17/07/2026

🤯 Sturlaðar staðreyndir um hunda🤯

🐾 Nefið er eins og fingrafar. Engir tveir hundar eru með eins nefmynstur, það er einstakt fyrir hvern og einn.

🐾 Skottið segir meira en þú heldur. Rannsóknir benda til þess að hundar dilli skottinu frekar til hægri þegar þeir sjá eitthvað sem þeir þekkja og líkar við en til vinstri þegar þeir eru óöruggir.

🐾 Þeir svitna í gegnum þófana. Hundar hafa nánast enga svitakirtla á líkamanum. Þeir kæla sig með því að mása og í gegnum loppurnar.

🐾 Þeir stilla sér inn á segulsvið jarðar þegar þeir gera þarfir sínar. 💩 Já, þú last rétt. Rannsókn frá 2013 benti til þess að hundar kjósi helst að snúa í norður-suður þegar þeir setjast niður. Vísindin eru stórfurðuleg.

16/07/2026

Vilt þú vera með sölubás á ágúst sýningum félagsins?

Boðið verður uppá bása á ágúst sýningum félagsins, sem haldnar verða dagana 8.-9. ágúst. Umsóknafrestur er til 19. júlí. Í boði eru þrjár stærðir af básasvæði ásamt litlum kofum (jólahús) til leigu. Umsóknir og verðskrá má finna hér Umsóknum skal skila á hrfi@hrfi....

16/07/2026

Minnum á að skráning í næstu augnskoðun er opin. Hún fer fram dagana 20.-22. ágúst í Hafnarfirði, en augnskoaðað verður á Akureyri 20. ágúst einnig. Skráning í gegnum Hundavef 😊

Opnað hefur verið fyrir skráningu í næstu augnskoðun ársins sem fer fram dagana 20.-22. ágúst á Melabraut 17, 220 Hafnarfirði, og fimmutdaginn 20. ágúst á Akureyri. Jens Kai Knudsen og Susanne Mølgaard Kaarsholm frá Danmörku munu skoða í þessari skoðun. Bókanir í augnskoðun f...

15/07/2026

Á laugardaginn 18. júlí er Dagur íslenska fjárhundsins, þjóðarhunds okkar Íslendinga! 🇮🇸
Á Facebook síðu Dags íslenska fjárhundsins má finna allar upplýsingar um spennandi dagskrá í tilefni dagsins🐾🇮🇸

Laugardaginn 18. júlí n.k. verður Dagur íslenska fjárhundsins haldinn hátíðlegur í ellefta sinn. Eigendur íslenskra fjárhunda munu að venju koma saman í stærri og smærri hópum og njóta dagsins með ferfættum vinum sínum.Sú hefð hefur skapast að Árbæjarsafn veitir völdum ísl...