Skriðufellshestar

12/08/2025

Dásamlegir 7 dagar með frábærum ferðafélögum sem sumir komu langt að. Mest voru 14 á baki þar af 8 fjölskyldumeðlimir og 37 hestar. Takk þið öll sem ferðuðust með eða lögðu til aðstoð. Hestarnir okkar fá þó mesta hrósið enda lögðum við að baki 250 km. Skriðufell - Loðmundarfjörð - Borgarfjörður - Njarðvík - Hérað og heim aftur. Við vorum heppin með veður, bjart og ekki of mikill hiti sem er gott bæði fyrir menn og hesta. Ekkert vesen og tóm hamingja.

09/07/2025

14/08/2024

Árleg hestaferð Skriðufellsfjölskyldunnar endaði í dag. Í ár var ákveðið að ríða þá ferð sem við fórum með ferðamenn fyrir 20 árum. Yfir Hellisheiði, um Vopnafjörð og í Vesturárdal, þaðan upp í Arnarvatn, niður í Vopnafjörð um Hofsárdal og þaðan yfir Smjörvatnsheiði og heim. Ferðin er s*x dagleiðir. Við vorum heppin með veður alla dag, smá þoka á fyrsta degi en það útsýni er okkur aðgengilegt, síðan ákváðum við að bíða af okkur mánudaginn vegna veðurs og hestar og knapar hvíldu sig. Þakkir fá allir sem greiddu götu okkar hvað varðar áningu og náttstaði. Knaparnir voru við gamla settið börn og tengdadætur alls átta knapar. Engin hestaferð gengur smurt án góðs trússara og þar er lukkan með okkur því okkar góði vinur Sveinn Pálsson fylgdi okkur alla daga og græjaði allt sem græja þurfti fyrir okkur knapana, takk takk 🥰. Við erum strax farin að hlakka til næstu ferðar. Sveinn Pálsson Stefanía Malen Stefánsdóttir Ragnar Magnússon

24/12/2023

24/12/2023

Jólakveðja úr hesthúsinu á Skriðufelli. Nokkur trippi og heldri borgarar hafa verið inni í haust og fara mjög vel af stað. Í gær á þorláksmessu voru teknir inn reið- og keppnishestar og eru nú 17 hestar á húsi. Dálítið var framkvæmt í haust, bætt við þremur stórum stíum í hlöðuna, græjuð upphituð reiðtygjageymsla og svæði til að leggja á. Gleðileg jól

07/08/2023

Árleg hestaferð Skriðufellsfjölskyldunnar var farin í síðustu viku. Við riðum yfir í Tungu og út í Húsey vorum 4 daga og fórum að meðaltali rúma 30 km á dag. Knaparnir voru 8 við hjónakornin ásamt börnum og tengdadætrum. Einnig kom Birgitta vinkona okkar með okkur tvo daga og Þórey trússaði þá daga. Hestarnir voru flestir 24 og þar af 17 í okkar eigu allir tamdir á Skriðufelli og 15 fæddir okkur. Við komum alsæl heim eftir flotta daga með góðum reiðleiðum og góðu veðri og frábærum hestum. Strax farin að hlakka til næstu ferðar❤️

14/07/2023

Við fengum nokkrar skemmtilegar myndir hjá Mótamyndum Hafrúnar af Fjórðungsmóti. Glerá frá Skáldalæk undan Þristi frá Feti og Gná frá Bakka fór í kynbótadóm, hún var sýnd af Agnari Þór Magnússyni.

10/07/2023

Komin heim af dásamlegu Fjórðungsmóti reynslunni ríkari og ánægð með hestana okkar. Við stefnum ótrauð áfram í hrossaræktinni og þrjár hryssur fara undir þá bræður Rauðskegg og Kolskegg með þeim fara nýjustu prinsarnir okkar sem eru undan Heiðri frá Eystra-Fróðholti.