05/08/2025
Nám fyrir hundaþjálfara hefst í haust en námið er góður stökkpallur fyrir þá sem vilja vinna með hunda og/eða eigendur. Nú eru tvær námsleiðir í boði:
1. Grunnnám 12 mánuðir þar sem farið er yfir góðan grunn í þjálfun, kenningar skoðaðar og nemendur fá góðan ramma í hendurnar til að hefja sína vinnu við þjálfun. Skilað er verkefnamöppu með skriflegum verkefnum og myndbandbaverkefnum, ásamt stærri lokaverkefnum. Verkegar helgar eru í náminu þar sem allir koma saman að þjálfa.
Aðeins 8 í hóp.
2. Framhaldsnám er 3-6 mánuðir sem er ætlað þeim sem eru með einhverja reynslu í hundaþjálfun eða hafa lokið grunnnáminu. Framhaldsnámið er einungis verklegt og er með því markmiði að skapa skemmtilegar aðstæður til að gefa nemendum færi á að æfa sig með hundum og eigendum, fá uppbyggilega speglun og færi á að styrkja sig enn frekar. Aðeins 6 í hóp.
Ekki er fókusað á einhverja eina þjálfunaraðferð í náminu heldur ýmislegar leiðir skoðaðar, og eru nemendur hvattir til að finna sinn stíl með grunninn með sér og aðstoð kennara til að efla enn fagmennsku sína sem þjálfarar. Hundaþjálfun er eilífðarlærdómur og alltaf hægt að bæta sig á einhvern hátt, hvort sem það er í þjálfun hundanna eða í kennsluháttum til eigenda.
Aðalkennari námsins hefur verið í hundaþjálfun og kennslu til eigenda í 25 ár og er að ljúka meistaraprófi í menntunarfræðum. Að kennsluna koma einnig aðstoðarþjálfarar.
Allar upplýsingar á [email protected]
