Dýralæknasetrið sf.

28/03/2026

AÐSKOTAHLUTIR Í SÁRUM
Stundum finnast ótrúlegustu hlutir í sárum dýra sem sýnir mikilvægu þess að skoða sár vel.

Á dögunum var haltur hestur úti í stóði. Við skoðun á hestinum fannst mikil sýking í fætinum og dró dýralæknir mjólkurtönn (barnatönn) sem var á bóla kafi inni í fætinum. Líkleg skýring er að annað ungt hross hafi bitið hann í afturfótinn og tönninn orðið eftir í fætinum í látunum.

Seinna dæmið er hross sem kom til okkar vegna gamals sárs sem greri illa. Við skoðun kom í ljós smávegis rafmagnsvírbútur (mynd með hvítum hring). Hesturinn var sendur í röntgen myndatöku sem sýndi að vír hafði vafist tvöfaldan hring um legg hestsins og síðan gróið inni í fætinum. Fjarlægja þurfti vírinn úr fætinum með aðgerð.

25/03/2026

Engin viðvera verður á stofunni í Æðarodda á morgun vegna slæmrar veðurspár.

05/03/2026

Kristín Þórhalls dýralæknir verður með minni viðveru næsta hálfan mánuð vegna dýralæknisnámskeiðs og þátttöku á EM.

27/02/2026

Til sauðfjárbænda

Við erum farin að taka við bóluefnapöntunum fyrir vorið. Bólusett er gegn bráðapest, lambablóðsótt og flosnýrnaveiki/garnapest.

Best að heyra í Kristínu Þórhalls dýralækni eða senda okkur skilaboð hér á Facebook síðu Dýralæknasetursins.

Blandað bóluefni frá Keldum:
Eins og áður er ráðlagt að bólusetja gemlinga tvisvar sinnum, svokölluð grunnbólusetning. Ráðlagt að hafa minnst 4 vikur eða fleiri frá fyrri grunnbólusetningu og þar til seinni grunnbólusetning er gerð. Sú seinni má vera gerð stuttu (innan við 2 vikum) fyrir sauðburð því mótefni munu fljótt komast yfir í broddinn.

Tribovax:
Það veitir vörn gegn lambablóðsótt, bráðapest og flosnýrnaveiki/garnapest. Grunnbólusetninguna á að gefa 2x með 4-6 vikna millibili og þannig að síðari bólusetningin sé gefin seinast um 2 vikum fyrir burð.

Lambivac:
Það veitir vörn gegn lambablóðsótt, flosnýrnaveiki/garnapest og stífkrampa (en ekki vörn gegn bráðapest). Grunnbólusetningin með Lambivac fer þannig fram að bólusett er 2x með 6 vikna millibili og seinni bólusetningin 4-6 vikum fyrir burð. Þetta þýðir að fyrri bólusetningin þarf því helst að fara fram í febrúar ef sauðburður er í maí.

Einnig viljum við vekja athygli á rannsókn sem framkvæmd var á Keldum fyrir tveimur árum. Þá var lömbum safnað sem talin voru að hefðu drepist úr slefsýki (E.coli). Lömbin voru krufin á Keldum og greindust mörg hver hins vegar með lambablóðsótt, sem er clostridumsjúkdómur sem upptalin bóluefni eiga að veita vörn gegn.
Það er því umhugsunarvert fyrir bændur þar sem mikil slefsýki er til staðar að bólusetja allar fengnar ær tvisvar sinnum þar sem möguleiki er á að lambablóðsótt sé að valda lambadauða en ekki eingöngu slefsýki (E.coli sýking). Við hvetjum bændur eindregið að senda lömb til krufningar sé mikið um lambadauða. Dýralæknar hafa milligöngu við Keldur það.

Kristín Þórhalls., Kristín Inga og Karvel
dýralæknar

09/12/2025

ATH!!
Í janúar og febrúar verður breytt viðvera á Akranesi.
Kristín Inga verður á stofunni á þriðjudögum og miðvikudögum á meðan Karvel fer í fæðingarorlof.

Við vekjum einnig athygli á að við verðum bara með viðveru þriðjudaginn 30.desember milli jóla og nýárs og hvetjum fólk til að bóka tímanlega til að ná sér í bætiefni og/eða lyf fyrir áramótin.
Dýr sem ekki hafa komið til okkar áður þurfa að bóka í heilsufarsskoðun.

02/12/2025

02/12/2025

Áramótin nálgast

02/12/2025

Áramótin nálgast- vertu tilbúin/n

01/12/2025

Því miður er enginn við hjá okkur í dag vegna veikinda 🤒

21/10/2025

Vildum segja ykkur frá því að við erum með gæludýrafóður frá Royal Canin og Prescription Diet Hill’s og getum pantað inn fóður frá þeim sem gæludýrið þitt er á og átt til.

Einnig erum við með alls konar bætiefni frá Vetplus auk annarra vara eins og góðgerla, sárakrem og vörur sem eru slakandi fyrir stressaða ketti.

Erum við á stofunni núna ☺️

20/10/2025

🐑🐑🐑🐑🐑🐑🐑🐑🐑🐑🐑🐑🐑🐑🐑🐑
Við erum byrjuð að taka við pöntunum/bókunum vegna garnaveikibólusetninga.
Mælum með að sauðfjáreigendur bólusetji ásetningslömb sín eins snemma og kostur er og klári það áður en tilhleypingar hefjast
🐏🐏🐏🐏🐏🐏🐏🐏🐏🐏🐏🐏🐏🐏🐏🐏

15/10/2025

Við vekjum athygli á að viðveran á stofunni verður skert á morgun, fimmtudaginn 16. október.
Karvel verður við til kl 14:00