18/03/2019
പ്രാവുകളിലേ തൂക്കം
ആദ്യമേ പറഞ്ഞോട്ടെ തൂക്കം ഒരു അസുഖം അല്ല. പകരം പ്രാവുകൾക്കു ഉണ്ടാകുന്ന ഏതെങ്കിലും ഒരു അസുഖം മൂലം ഉള്ള അവസ്ഥ ആണ് തൂക്കം. അപ്പോൾ നാം ചെയ്യേണ്ടത് എന്താണ് ? എന്ത് അസുഖം കൊണ്ടാണ് പ്രാവ് തൂങ്ങി നിൽക്കുന്നത് എന്ന് മനസ്സിലാക്കുക എന്നതാണ് ആദ്യപടി.
അതിനായി നമുക്ക് എന്ത് ചെയ്യാം? പൊതുവെ വയറിളക്കം, കഫകെട്ട്, ജലദോഷം , ദഹനക്കേട്, വിര മൂലം ഉള്ള പ്രശ്നങ്ങൾ ബാക്ടീരിയ , വയറസ് തുടങ്ങിയവ മൂലം ഉള്ള തകരാറുകൾ എന്നിവ മൂലം പ്രാവിന് തൂക്കം വരാം. ഇനി ഉള്ളത് ഇതിൽ ഏത് അസുഖം ആണ് എന്ന് പ്രാവിന് ഉള്ളത് എന്ന് എങ്ങനെ മനസ്സിലാക്കാം? വയറിളക്കം വന്ന പ്രാവിന്റെ പിറക് വശം പരിശോധിച്ചാൽ കാഷ്ടം ഈർപ്പതോടെ അവിടെ പറ്റി പറ്റി പിടിച്ചിരിക്കുന്നു കാണാം. പൊതുവെ വിരകൾ, വൃത്തിയില്ലാത്തതും പൂപ്പൽ ബാധിച്ചതുമായ ആഹാരം ശുദ്ദ്ജലത്തിന്റെ അഭാവം എന്നിവ പ്രാവുകളിൽ വയറിളക്കം വരാൻ ഉള്ള സാദ്യതകൾ ആയി കണക്കാക്കുന്നു. വയറിളക്കം വന്ന പ്രാവിന് നോർമെട്രോജൽ അല്ലെങ്കിൽ pet jel എന്നിവ 4 തുള്ളി വീതം 2 നേരം കൊടുക്കുന്നത് ഫലപ്രദം ആണ്. പിന്നെ ഉള്ളത് കഫകെട്ട്, ജലദോഷം ഇവ ഉള്ളവയിൽ ശ്വാസതടസ്സം , വായിൽകൂടി മാത്രം ശ്യാസം എടുക്കുക, ശ്വാസം എടുക്കുമ്പോൾ കുറുകൽ ശബ്ദം, മൂക്കിൽ നിന്ന് വെള്ളം എടുപ്പ് ഇവയിൽ ഏതെങ്കിലും ഒക്കെ കാണപ്പെടും. Doxycycline 100 mg ടാബ് പകുതി വീതം ഒരു നേരം കൊടുക്കുന്നത് ഫലപ്രദം ആണ്.
ദഹനക്കേട് വന്ന പ്രാവിന്റെ അന്നനാളത്തിൽ ആഹാരം ദഹിക്കാതെ ജലാംശം നഷ്ടപ്പെട്ടു കല്ല് പോലെ ഇരിക്കുന്നത് കാണാം. ആപ്പിൾ സ്ലൈഡർ വിനാഗിരി 1 ലിറ്റർ വെള്ളത്തിൽ 4 മില്ലി എന്ന കണക്കിൽ ഒഴിച്ച് ദഹന കേടു ഉള്ള പ്രാവിന് കുടിക്കുവാൻ നൽകിയാൽ ഒരു പരിധിവരെ പ്രശ്നം പരിഹരിക്കാം. വിര ഉള്ള പ്രാവിന്റെ പ്രധാന ലക്ഷണം വിരസത , ആഹാരം എടുക്കുന്നതിൽ കുറവ് , ആരോഗ്യം ക്ഷയിച്ചു വരിക എന്നവ ആണ്.
അൽബോമെർ , ഹൈ ടെക് എന്നിവയിൽ ഏതെങ്കിലും ഉപയോഗിച്ച് 4 മാസത്തിൽ ഒരിക്കൽ എങ്കിലും വിര ഇളക്കുക. വലിയ പ്രാവിന് 4 തുള്ളി എന്നതാണ് കണക്ക് . പ്രാവിന്റെ വലിപ്പചെറുപ്പം അനുസരിച്ച് അളവ് കൂട്ടുകയും കുറക്കുകയും ആകാം. അൽബോമെർ ആണ് നൽകുന്നത് എങ്കിൽ കൂട്ടിൽ ഉള്ള ആഹാരം വെള്ളം എന്നിവ മാറ്റി രാത്രിയിൽ പ്രാവിന് നേരിട്ട് നൽകുന്നതാണ് ഉത്തമം. ബാക്ടീരിയ , വൈറസ് എന്നിവ മൂലം ഉണ്ടാകുന്ന പ്രശ്നങ്ങൾ ഒരു വെറ്റിനറി ഡോക്ടറുടെ സഹായത്താൽ വേണ്ട പരിശോധനകൾ നൽകി ചെയ്യേണ്ടത് ആണ്. അതിനായി വിദഗ്ദ്ധ സഹായം തേടി രോഗാണുവിനെ കണ്ടെത്തി മരുന്ന് നൽകുന്നതാണ് നല്ലത് CO-TRIMAZINE VET ORAL POWER IP എന്നത് പ്രാവിന്റെ ബാക്ടീരിയ മൂലം ഉണ്ടാകുന്ന ആഹാരം എടുപ്പ് കുറഞ്ഞു പ്രാവുകൾ ചത്തുപോകുന്നത് തടയാൻ സഹായിക്കുന്ന ഒരു മരുന്നാണ്. ഇത് 10മില്ലി വെള്ളത്തിൽ 1 നുള്ള് ഇട്ടു 5 മില്ലി ഒരു പ്രാവിന് എന്ന കണക്കിൽ 5 ദിവസം നൽകുന്നത് നല്ലതാണ്.
NP: പ്രാവിന്റെ ആരോഗ്യം, ബ്രീഡ് എന്നിവ കണക്കിൽ എടുത്തുവേണം മരുന്നുകളും അതിന്റെ അളവുകളും തീരുമാനിക്കപ്പെടുന്നത്
മരുന്നുകൾ നിർദ്ദേശിക്കുക. പ്രാവിന് അസുഖം വന്ന് ചികിത്സ നൽകുന്നതിനേക്കാൾ നന്ന് അസുഖം വരാതെ നോക്കുക എന്നതാണ് . ഒപ്പം അസുഖം വന്നാൽ തന്നെ അത് പ്രാവ് അറിയും മുൻപ് ബ്രീഡർ അറിഞ്ഞു വേണ്ട പ്രതിരോധ മാർഗങ്ങൾ
