Animalia Veterinary Clinic

10/04/2026

قطه بعمر ٤ شهور للتبني
لاي استفسار اخر الرجاء التواصل على الرقم ‎054-926-4404

27/03/2026

من اسبوع الكلبة بتعاني من انخفاض شهية للاكل ومن خمول
عمرها ١٠ سنين وما مرقت عملية تعقيم للرحم .
بالفحص الاولتراساوند بين تجمع سوائل كبير بالرحم
وبفحوصات الدم بين التهاب قوي وارتفاع كبير بخلايا الدم البيضاء الي وظيفتها حماية الجسم
وكمان بفحص الدم اتبين انه في تراكمات لمواد ايضية عالية نتيجه للمرض والجفاف الي أثر سلبي على وظيفه الكلى
اعطيناها سوائل على مدار عدة ايام وادوية لحد مقدرنا انوازن الجسم ونحضرة للتخدير والعملية
واليوم عملنا عملية ازالة الرحم المصاب والمتضخم نتيجه تجمع السوائل الاتهابية . والمبايض وقدرنا ننقذ حياتها الحمدالله
كثير مهم ننتبه لموضوع التعقيم بالكلاب والقطط لانها بتأثر على صحتها وكمان بتعرضها سرطانية بعمر كبير بالرحم والصدر
لهيك مفضل العملية تنعمل بعمر صغير وما نستنى لتفاقم الوضع على كبر لانه بضير مخاطرة حتى من التخدير الي بتمرق فيه الكلاب والقطط بعمر كبير

10/01/2026

التراكمات الحجريه البكتيرية (dental tartar ) على اسنان الكلاب والقطط هي خطر كبير على صحه الاسنان والجسم بشكل عام وتسبب لاضعاف الاسنان وسقوطها حتى في الاجيال الصغيرة من الكلاب . كثير مهم نتابع ومن فترة لفترة نعمل تنظيف مخصص الهن 😬😬

23/07/2025

04/07/2025

بين الصورة الاولى والثانية كثير شغل وتعب والحمدالله قدرنا نسيطر عالوضع
هيك بصير بس نخلي الحيوان الاليف يطلع برا البيت . ما منقدر نتوقع المخاطر
خليهن بالبيت افضل الهن ❤️

19/04/2025

ستيلا وصلت عالعياده مع ٣ اسنان مكسرات واحد منهن الناب
احتمال كبير من ضربة سيارة او للاسف ممكن حدا ضربها بعصاه
مع انها جدا لطيفه وما بتأذي
انجبرنا انه نطلع الاسنان المكسورة ونقطب اللثة
وطلعت من العياده مع ادويه بتكمل فيهن لاسبوع لنضمن ما تلتهب اللثه وكمان مسكن اوجاع لتكون مرتاحه❤️❤️

10/04/2025

افضل منتج لازالة رائحه الفم الكريهه للقطط والكلاب الان متوفر لدينا

28/03/2025

بببو جرو كانا كورسو بعمر ٥ اشهر مع مشكله الغدة الدمعية الي طلعت لبرا العين بسبب تمزق الرباط الي مثبتها جوا
الغدة رجعناها بالعملية لمكانها الطبيعي لانه ممنوع استئصالها لتجنب مشكلة العين الجافة
كثير مهم العملية تنعمل بأسرع وقت من بعد ظهورها لنمنع التهاب الغدة وخسارتها وخسارة وظيفتها

06/02/2025

بدناش مشاكل يا اطفال😄

17/07/2024

بالصيف بتكثر هاي المشكله لما الكلاب بتكون بمحلات فيها اعشاب وشوك . بصير انه بتفوت شوكه لخشم الكلب وبتستمر تفوت بسبب شكلها الا بسمحلها بس تفوت اكثر وما تطلع
(שיבולת שועל)
سيمبا للاسف اتعرضلها اليوم وهو يتمشى بجولة الصباح
انجبرنا نعمله טשטוש لحتى يسمحلنا نفوت بناظور ونطلع الشوكه
انتبهو للمحلات الي بيلعبو فيها كلابكم وخاصة بفصل الصيف بعد مالاعشاب بتنشف وبصير الاصابات منها كثير واردة

26/02/2024

وصلت عالعياده بسبوسة صغيره عمرها ٤ اشهر بعد مطلع عراسها توكتوك ( קלנועית ) وللاسف كانت مقصوده الضربه من شباب متهورين شوي
مهم ننتبه ما نترك الابواب او الشبابيك مفتوحه لانه القطط والكلاب عندهن فضول كثير يطلعو ويستكشفو البيئه المحيطه . وهالشي بعرضهن لحوادث واصابات ومرات مهاجمه حيوان ثانيه ....
الحادث سبب كسر بالفك السفلي بالمنتصف وكمان كسر ناب اليميني بالفك العلوي
الحمدالله قدرنا انثبت الاقسام الاثنين من الفك بخيط معدني خصوصي
الحمدالله وضعها كثير منيح