錦田七星崗芳婆婆毛孩之家

錦田七星崗芳婆婆毛孩之家 芳婆婆與毛孩生活30多年，高峰期照顧著近百隻貓狗。儘管場地位置偏遠，自己行動不便，但婆婆仍堅持，希望毛孩有瓦遮頭﹑有餐溫飽。可惜婆婆於2024年初因病去世，義工們按照佢遺願維持場地運作。現時場內仍有近40隻毛孩，各方面消耗極大，需要大家幫助，繼續為毛孩提供溫暖的家﹗

芳婆婆獨自與毛孩們生活30多年，現時每日需要照顧30多隻狗狗及10隻貓貓。芳婆婆除了需照顧牠們的飲食和清潔外，還要每天推着手推車，步行廿多分鐘經過一大段無遮蔭的村路到村口倒垃圾。儘管自己因有腳患而行動不便，但仍每天堅持風雨不改，只為毛孩有好的居住環境。
現時婆婆只靠有心人的捐款及物資給毛孩們勉強生活，自己有時整天只吃一餐飯或一個麵包，一心希望「慳得一蚊得一蚊」以確保每隻毛孩都得到溫飽。可惜始終老人家能力有限，十分需要義工入場協助清潔狗場、執拾雜物或維修，令婆婆的生活有一刻喘息的空間。

如你願意協助芳婆婆改善毛孩生活，或捐助醫療費用，請使用以下連結︰

🟢Payme
https://payme.hsbc/supportdogs
🟢轉數快 FPS
91672577 Kwong K*J
🟢 網上平台信用卡捐款
https://suppaw.com/zh-TW/donation-page/

🔼義工申請表
https://forms.gle/QL3a2swzUVb6KB5P7
🔼助養計畫
https://suppaw.com/pet-sponsor/coffee/
🔼領養計畫
https://suppaw.com/zh-TW/adoptionpost/nana-2/

Flavia Wong大駕光臨七星崗！我地班毛孩+fans一齊為愛動物既Flavia舉辦一個有意義既生日會🥳🎂🐱🐶希望大家支持動物保護工作，Flavia都叫多d黎做義工，唔駛等佢出年生日架😂。有錢出錢，有力出力💪Flavia Wong 黃可...
10/08/2026

Flavia Wong大駕光臨七星崗！我地班毛孩+fans一齊為愛動物既Flavia舉辦一個有意義既生日會🥳🎂🐱🐶

希望大家支持動物保護工作，Flavia都叫多d黎做義工，唔駛等佢出年生日架😂。有錢出錢，有力出力💪

Flavia Wong 黃可盈 👈 Flavia生日快樂！

鳴謝大會攝影師提供靚靚照片😎 Roni Studio｜影像創作｜攝影・影片拍攝・剪輯 Roni Wong

#領養代替購買 #領養不棄養 ❤️

08/08/2026
🌈撑雞婆奔向彩虹橋了， 順便會探下芳婆婆。呢個🐶小朋友唔係浪得虛名，一直以嚟，唔高興就會鬧其他狗狗，脾氣唔好，即使行動不便，姿勢唔舒服，會大叫要人幫手。 我哋一直冇放棄佢，希望佢舒舒服服，有尊嚴過每一天!感謝 @阿棍屋 全力資助芳婆婆留下毛...
07/08/2026

🌈撑雞婆奔向彩虹橋了， 順便會探下芳婆婆。
呢個🐶小朋友唔係浪得虛名，一直以嚟，唔高興就會鬧其他狗狗，脾氣唔好，即使行動不便，姿勢唔舒服，會大叫要人幫手。 我哋一直冇放棄佢，希望佢舒舒服服，有尊嚴過每一天!

感謝 @阿棍屋
全力資助芳婆婆留下毛孩既善終

生命鬥士掁雞婆畢業了，今日下午係場內睡夢中離開🌈 非常安詳🙏 呢排有胃口食野，直到今朝先食少左，好叻👍幾年前經歷過胃反轉大手術，到近期青光眼、骨刺、行動不便等，掁雞婆一路冇放棄，頑強活出每一天💪。不經不覺，昔日屋前的狼狗仔、狼狗妹、肥妹、掁...
22/07/2026

生命鬥士掁雞婆畢業了，今日下午係場內睡夢中離開🌈 非常安詳🙏 呢排有胃口食野，直到今朝先食少左，好叻👍幾年前經歷過胃反轉大手術，到近期青光眼、骨刺、行動不便等，掁雞婆一路冇放棄，頑強活出每一天💪。

不經不覺，昔日屋前的狼狗仔、狼狗妹、肥妹、掁雞安已相繼離大家而去。雖知生老病死是必經過程，但面對空蕩蕩院子仍不勝唏噓😔 生命短暫，活在當下，人狗皆如是🙏。

#永遠懷念你❤️

法律是規範人的行為，教育則是從根本上樹立正確思維，兩者相輔相成。雖然資源不多，做好教育工作一直係我地理念之一，會向參與義工解說我地既救援工作以及毛孩們生老病死歷程。我地深信今日播的一顆好種子，他日必結成豐盛果實。與周末進場的青年義工提到旺旺...
19/07/2026

法律是規範人的行為，教育則是從根本上樹立正確思維，兩者相輔相成。雖然資源不多，做好教育工作一直係我地理念之一，會向參與義工解說我地既救援工作以及毛孩們生老病死歷程。我地深信今日播的一顆好種子，他日必結成豐盛果實。

與周末進場的青年義工提到旺旺慘案，希望大家多關注，思考為何會有這種事發生﹑問題出在哪裡。

那落在好土裡的，就是人聽了道，持守在誠實善良的心裡，並且忍耐著結實。(路加福音8:15)

Credit: 旺旺 Poster by NPV

#撒種的比喻 #旺旺 #好眉好貌都豎起耳仔聽

感謝阿棍屋醫護進場幫毛孩打防疫針🙏
13/07/2026

感謝阿棍屋醫護進場幫毛孩打防疫針🙏

「齊蔭」家族5B貓媽齊蔭係村內流浪貓，本想帶佢去絕育，結果發現又係大肚😮 返到場冇耐今年3月就生左5隻BB了 (白羊座😊)，其中兩隻就係今日主角Ibi 妹及Habi 仔，非常精靈活潑，5兄弟姊妹玩到癲﹗Ibi & Habi 會係6月14日(...
07/06/2026

「齊蔭」家族5B

貓媽齊蔭係村內流浪貓，本想帶佢去絕育，結果發現又係大肚😮 返到場冇耐今年3月就生左5隻BB了 (白羊座😊)，其中兩隻就係今日主角Ibi 妹及Habi 仔，非常精靈活潑，5兄弟姊妹玩到癲﹗

Ibi & Habi 會係6月14日(星期日) 1-6pm 旺角領養日同大家見面❤️﹗當然最重要係搵到「包養」啦🤣

地點: 茲曼尼 GIORMANI(旺角麥花臣旗艦店) - 旺角奶路臣街38號麥花臣匯地下旺角港鐵站E2出口

咁齊蔭媽同另外3隻B係點? 請密切關注我地😎

#領養代替購買 #貓貓 #流浪動物救援

［6月9日更新：已徵到足夠雪櫃了，多謝大家！］徵雙門雪櫃🥵雪櫃突然燒左摩打不能使用，需要徵一個雙門雪櫃夏天雪飲品及🐱🐶食品。現時只能用一個細小容量雪櫃頂住先🙏由於資源有限，希望捐贈者可送到七星崗 (最好星期六或日有人手推入場)。
07/06/2026

［6月9日更新：已徵到足夠雪櫃了，多謝大家！］
徵雙門雪櫃🥵
雪櫃突然燒左摩打不能使用，需要徵一個雙門雪櫃夏天雪飲品及🐱🐶食品。

現時只能用一個細小容量雪櫃頂住先

🙏由於資源有限，希望捐贈者可送到七星崗 (最好星期六或日有人手推入場)。

29/05/2026

📶小魔怪出沒.....

數到有幾多🐱🐱嗎？
🐱BB好快公開領養，比大家睇下可愛活潑既BB先

領養代替購買

11/05/2026

生命中的美好缺憾 --- 再見了，豆豉雞😭

昨天傍晚，豆豉雞因腸部淋巴病變及肺積水，平靜地在醫護及義工手裡奔向彩虹橋，同昔日室友皮皮﹑黃媽等團聚了。

知你好鍾意食野，可惜唔能夠俾你亂食，全場只係你冇得食雞柳及零食成為我地既遺憾，希望你明白係為你好🥹。

豆豉雞天生瘦弱，肺及腸胃差，成日流鼻涕﹑肚屙，連食雞都瀉。婆婆在生時話︰「驚豆豉雞養唔大。」的確幾年前既豆豉雞，唔俾人掂，會彈開。東奔西走帶佢睇醫生﹑尋找食療，好彩得善心人提供溝糧配方，令佢腸胃情況穩定落黎，少左屙，仲開始增磅，而豆豉雞亦慢慢進步，鍾意親人，甚至幫佢沖第1次涼，大家都十分鼓舞﹗如是者幾年過去，無奈歲月催人，最近豆豉雞因病胃口轉差，終於捱不住。

豆豉雞由怕人到親人，係豬欄搖頭擺尾歡迎大家，相信黎過既人都感受到佢期待食物既雀躍。雖然畫面已成絕響，但豆豉雞有段美好歳月，宜家係天家盡情食雞柳了🤤。

***感謝Dr. Samantha 係豆豉雞離世後，本著求真精神，繼續為佢做超聲波檢查，發現腸部淋巴病變，為大家提供醫學分析，解除心中的疑問🫡。

#領養不棄養 #唐狗也是寶

Address

Tsat Sing Kong
Yuen Long

Website

Alerts

Be the first to know and let us send you an email when 錦田七星崗芳婆婆毛孩之家 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category