28/05/2026
我地即將正式由工廈，搬去獨立地舖營運啦！🎉由工廈走到地舖，多謝大家一路陪我地走過 🥹
身邊好多客人同朋友聽到，第一時間就過嚟恭喜我地，話係好好嘅發展。坦白講，開心係有嘅，但今次搬遷對我地黎講，從來唔係咩「升級揀擇」，而係一個迫不得已嘅決定。😣
因為政府近年不斷收緊寵物酒店嘅規定，如果想繼續做一間有牌、合規嘅小動物寄宿酒店，就必須搬離工廈。當初收到消息嗰刻，真係完全晴天霹靂。地舖租金同工廈根本係兩個世界，價錢直接翻倍，對於我地呢間小店，壓力真係大到喘不過氣。
呢大半年搵舖嘅日子，我地無數次心灰過，諗過不如算啦、唔搏喇，甚至諗過直接結業。但每當諗起兔兔嚟到跳兔仔舞、瞓到攤🐷、天天喺度跑圈圈、龍貓仔要求R摸，仲有大家一直以來嘅信任……我地最後都係咬實牙關，同自己講：唔可以就咁放棄！
我地搵舖嘅要求好苛刻，絕對唔肯妥協🙅🏻♀️：
✅空間要夠寶貝放風活動
✅獨立來去水、獨立冷氣系統
✅可以 24 小時自由出入
✳️最重要：完全符合地契商業用途同出牌條件
呢大半年，我地由一竅不通，學到識睇分區大綱圖、睇地契、睇建築圖則。試過無數次興高采烈去睇舖，又無數次因為唔合規、太貴而失望而回。好彩，跌跌碰碰過咗咁多難關，終於搵到一間完全合規、適合兔兔，而我地又勉強負擔到嘅全新地舖🥰
由工廈走到地舖，外人睇係「升級」，但我地自己知，呢一路係用堅持同汗水換返嚟嘅。從來唔係我地想轉環境，只係我地唔想辜負任何一位信任我地嘅你地。🫶🏻
未來我地會喺全新、更舒適、合法合規嘅環境入面，繼續用心照顧每一位寶貝，保持一貫細心同真心❤️
多謝大家呢幾年嘅體諒同鼓勵，你地每一個like、每一個回覆、每一次幫襯，都係我地撐落去嘅最大動力💪 遲啲會陸續更新新舖裝修進度，未來都請繼續多多指教🫡
冇咩事我地返去繼續批灰油油先🤣
#兔兔酒店 #兔兔寄宿 #天竺鼠酒店 #龍貓酒店 #倉鼠酒店 #小動物寄宿 #我地要搬啦
