27/09/2025
「2025施政報告有一項係發牌准許狗狗一齊進入食肆呀！☺️」
「到時要帶狗狗們去晒所有發咗牌照嘅食肆打卡食好嘢！😋」
「喂！你記得到時唔好又你一淡狗狗一淡呀！上次個薯條炸雞就搞出個急性胰臟炎😠」
「知喇！等我都睇定有咩唔可以餵先🧑🏻💻」
。
。
。
朱古力食物🍩🍫
「好似朱古力蛋糕咁，打完卡都係自己食好喇！朱古力可以令狗狗中毒嫁！」
油炸及高脂肪食物🍔🍟🥓
「好似炸雞薯條叉燒咁，容易令狗狗腸胃不適，仲有機會引致胰臟炎嫁！」
洋蔥、大蒜🧅🧄
「洋蔥大蒜都係一啲熱門煮嘢食嘅食材，無論生定熟嘅對狗狗都有毒性，會令佢哋貧血嫁！」
未熟嘅蕃茄及蕃茄醬🍅🥫
「未熟嘅蕃茄對狗狗有毒嫁！蕃茄醬嘅成分有機會含有洋蔥、蒜，潛在中毒風險！」
骨頭🦴
「例如雞翼連骨，尤其煮熟咗嘅骨咬碎後變得尖銳，會令消化道腸胃道受傷，嚴重會死嫁！」
人類食物少不免有唔同嘅調味、配料、加工食品等都可能對狗狗健康造成影響！為咗狗狗們嘅安全同健康腸胃道，最好都係自己帶返平時狗狗食開嘅食物。對大家最重要嘅係大家互相陪伴嘅時刻！
最後關注事項：進入食肆後記得先睇睇狗狗可以到達嘅地方有無任何食物殘留！同埋記得時刻留意有無其他人「誤餵」狗狗食嘢呀！
